ဘုရားသခင့်နိုင်ငံတော်ကောင်းချီးများ သင့်အတွက်ဖြစ်နိုင်
ဘုရားသခင့်နိုင်ငံတော်ကောင်းချီးများ သင့်အတွက်ဖြစ်နိုင်
ခရစ်ယာန်တမန်တော်ပေါလုသည် သူ့ခေတ်မှ အဓိကဘာသာစကားအချို့ကို တတ်ကျွမ်းခဲ့သည်။ သူသည် မျက်မှောက်ခေတ်တက္ကသိုလ်ပညာနှင့် တူညီသောပညာကိုရရှိခဲ့သည်။ ရောမနိုင်ငံသားတစ်ဦး၏ အခွင့်အရေးနှင့် ရပိုင်ခွင့်အားလုံးကို သူခံစားခဲ့ရသည်။ (တမန်တော် ၂၁:၃၇-၄၀; ၂၂:၃၊ ၂၈) ဤအထောက်အထားများက သူ့ကိုချမ်းသာ၍ ထင်ရှားကျော်ကြားစေနိုင်ခဲ့သည်။ သို့တိုင် သူကဤသို့ဆိုခဲ့သည်– “ငါ၏အကျိုးစီးပွားကိုပြုစုသောအရာရှိသမျှတို့ကို ရှုံးစေသောအရာကဲ့သို့ ခရစ်တော်ကြောင့်ငါထင်မှတ်၏။ . . . ထိုသခင်၌တည်ပါမည်အကြောင်း၊ ခပ်သိမ်းသောအရာတို့ကို မစင် [“အမှိုက်သရိုက်၊” ကဘ] ကဲ့သို့ငါထင်မှတ်၏။” (ဖိလိပ္ပိ ၃:၇၊ ၁၁) ပေါလုသည် ထိုသို့အဘယ်ကြောင့်ပြောဆိုခဲ့ရသနည်း။
တာရှုမြို့သားရှောလုဟုအမည်တွင်ခဲ့ပြီး “ထိုဘာသာဝင်သော” သူတို့ကိုနှိပ်စက်ညှဉ်းပန်းသူတစ်ဦးအဖြစ် လူအများသိသူ ပေါလုသည် ရှင်ပြန်ထမြောက်၍ ဘုန်းဝင်စားခဲ့သော ယေရှု၏အမြင်အာရုံ ပေးအပ်ခံရပြီးနောက် ယုံကြည်သူတစ်ဦးဖြစ်လာခဲ့သည်။ (တမန်တော် ၉:၁-၁၉) ဒမာသက်မြို့သို့အသွား လမ်းပေါ်တွင်ဖြစ်ပျက်ခဲ့သော ဤအတွေ့အကြုံက ယေရှုသည် ဘုရားသခင်ကတိထားရာနိုင်ငံတော်၏ အနာဂတ်အုပ်စိုးရှင်၊ ကတိထားရာမေရှိယ၊ သို့မဟုတ် ခရစ်တော်ဖြစ်ကြောင်း ပေါလုကို သံသယမရှိ စိတ်ချစေခဲ့သည်။ အထက်ပါ သူ၏အားမာန်ပါသော ပြောဆိုချက်ကဖော်ပြသကဲ့သို့ ပေါလု၏ဘဝလမ်းစဉ်ကိုလည်း ၎င်းအတွေ့အကြုံက အကြီးအကျယ်ပြောင်းလဲစေခဲ့သည်။ တစ်နည်းအားဖြင့်ဆိုလျှင် ပေါလုသည် စိတ်ရင်းမှန်ပြီး ရိုးသားသောနှလုံးရှိသဖြင့် နောင်တယူခဲ့သည်။—ဂလာတိ ၁:၁၃-၁၆။
သမ္မာကျမ်းစာတွင် “နောင်တရသည်” ဟူသောကြိယာကို “ကြိုသိနှင့်သည်” နှင့်တမန်တော် ၃:၁၉၊ ၂၀; ဗျာဒိတ် ၂:၅) ပေါလု၏အဖြစ်တွင် ဒမာသက်မြို့အသွား လမ်းပေါ်မှ ထိုအရေးပါသောဖြစ်ရပ်ကို စိတ်လှုပ်ရှားဖွယ်ရာ သို့မဟုတ် ဝိညာဉ်ရေးရာအတွေ့အကြုံဟု ခေါ်ဆိုကြရာတစ်ခုအဖြစ်သာ သူသဘောမထားခဲ့ပေ။ ခရစ်တော်ကိုမသိခဲ့သော သူ၏ယခင်ဘဝလမ်းစဉ်သည် အချည်းနှီးဖြစ်သည်ဟု ယခုသူသိမြင်လာခဲ့ခြင်းဖြစ်သည်။ ခရစ်တော်နှင့်ပတ်သက်၍ တတ်သိလာခါစအသိပညာမှ အကျိုးရယူဖို့အတွက် သူ၏ဘဝလမ်းစဉ်ကို ပြုပြင်ပြောင်းလဲရမည်ကိုလည်း သူသိရှိခဲ့သည်။—ရောမ ၂:၄; ဧဖက် ၄:၂၄။
ဆန့်ကျင်သော စာသားအရ “နောက်မှသိသည်” ဟုအဓိပ္ပာယ်ရှိသည့် ဂရိစကားလုံးမှပြန်ဆိုထားသည်။ ထို့ကြောင့် နောင်တရခြင်းတွင် လူတစ်ဦး၏စိတ်၊ သဘောထား၊ သို့မဟုတ် ရည်ရွယ်ချက်ပြောင်းလဲခြင်း၊ ယခင်လမ်းစဉ်ကို မနှစ်မြို့တော့ဘဲ ပစ်ပယ်ခြင်းပါဝင်သည်။ (ကောင်းချီးများရစေသည့်ပြောင်းလဲမှု
ပေါလုသည် ဘုရားသခင်နှင့်ဆိုင်သောအသိပညာကို ယခင်က သူအဖွဲ့ဝင်တစ်ဦးဖြစ်ခဲ့ဖူးသည့် ဖာရိရှဲဂိုဏ်းမှ အများအားဖြင့်ရရှိခဲ့သည်။ သူတို့၏ယုံကြည်ချက်များတွင် လူ့အတွေးအခေါ်ပညာနှင့် ရိုးရာထုံးတမ်း များစွာပါဝင်သည်။ ဘာသာရေးစိတ်စွန်းကွက်မှုများကြောင့် ပေါလု၏ဇွဲနှင့် ကြိုးပမ်းမှုတို့သည် လမ်းလွဲနေခဲ့သည်။ မိမိသည် ဘုရားသခင့်အမှုတော်ထမ်းနေသည်ဟု သူယူမှတ်ခဲ့သော်လည်း အမှန်မှာ ကိုယ်တော်အားတိုက်ခိုက်နေခဲ့သည်။—ဖိလိပ္ပိ ၃:၅၊ ၆။
ခရစ်တော်အကြောင်းနှင့် ဘုရားသခင့်ရည်ရွယ်ချက်၌ ကိုယ်တော်၏အခန်းကဏ္ဍအကြောင်းကို တိကျမှန်ကန်စွာသိရှိလာပြီးနောက် ရွေးချယ်မှုတစ်ခုပြုရမည်ကို ပေါလုသိမြင်ခဲ့သည်– မိမိသည် ဖာရိရှဲတစ်ဦးအဖြစ် ရာထူးနှင့်လေးစားမှုကို ဆက်ခံယူသင့်သလော၊ သို့မဟုတ် မိမိဘဝလမ်းစဉ်ကိုပြောင်းလဲကာ ဘုရားသခင့်မျက်နှာသာရဖို့ လိုအပ်သမျှကို စပြုလုပ်သင့်သလော။ ဝမ်းသာစရာမှာ ပေါလုသည် မှန်ကန်စွာရွေးချယ်ပြုမူခဲ့သည်၊ ထို့ကြောင့် သူကဤသို့ဆိုခဲ့သည်– “ငါသည် ခရစ်တော်၏ဧဝံဂေလိတရားကြောင့်၊ ရှက်ကြောက်ခြင်းမရှိ။ အကြောင်းမူကား၊ ထိုတရားသည် ရှေးဦးစွာ၌ယုဒလူ၊ နောက်၌ ဟေလသလူ၊ ယုံကြည်သမျှသောသူအပေါင်းတို့ကို ကယ်တင်စေသော ဘုရားသခင်၏တန်ခိုးတော်ဖြစ်၏။” (ရောမ ၁:၁၆) ပေါလုသည် ခရစ်တော်နှင့် ဘုရားသခင့်နိုင်ငံတော်သတင်းကောင်းကို စိတ်အားထက်သန်စွာဟောပြောသူတစ်ဦး ဖြစ်လာခဲ့သည်။
နှစ်များစွာလွန်ပြီးနောက် ခရစ်ယာန်ချင်းများအား ပေါလုဤသို့စာရေးခဲ့သည်– “ငါကိုင်မိပြီဟု ကိုယ်ကိုကိုယ်မထင်သော်လည်း၊ ငါပြုသောအမှုတစ်ခုဟူမူကား၊ နောက်ကျသောအရာတို့ကိုမမှတ်ဘဲ၊ ရှေ့၌ရှိသောအရာတို့ကိုလှမ်းကမ်း၍၊ ယေရှုခရစ်အားဖြင့် ဘုရားသခင်သည် အထက်အရပ်မှခေါ်တော်မူခြင်းနှင့်ဆိုင်သောဆုကိုရခြင်းငှာ၊ ပန်းတုံးတိုင်သို့ငါလိုက်ပြေး၏။” (ဖိလိပ္ပိ ၃:၁၃၊ ၁၄) ပေါလုသည် ဘုရားသခင်ထံမှ သူ့ကိုလမ်းလွဲစေခဲ့သည့်အရာကို မဆိုင်းမတွစွန့်ပယ်ခဲ့ပြီး ဘုရားသခင့်ရည်ရွယ်ချက်နှင့်ညီသောပန်းတိုင်များကို နှလုံးအကြွင်းမဲ့လိုက်စားခဲ့သောကြောင့် သတင်းကောင်းမှ အကျိုးကျေးဇူးခံစားခဲ့ရသည်။
သင်ဘာလုပ်မည်နည်း
အသင်သည် ဘုရားသခင့်နိုင်ငံတော်သတင်းကောင်းကို မကြာသေးမီကမှ ကြားဖူးခြင်းဖြစ်ကောင်းဖြစ်မည်။ စုံလင်သောပရဒိသုတွင် ထာဝစဉ်အသက်ရှင်ခြင်းမျှော်လင့်ချက်သည် သင့်အတွက်စွဲမက်စရာဖြစ်သလော။ စွဲမက်စရာဖြစ်သင့်သည်၊ အကြောင်းမှာ ကျွန်ုပ်တို့အားလုံး၌ ငြိမ်သက်၊ လုံခြုံစွာအသက်ရှင်၍ ဘဝကိုမွေ့လျော်လိုသည့် မွေးရာပါဆန္ဒရှိကြသောကြောင့်ဖြစ်သည်။ သမ္မာကျမ်းစာက ဘုရားသခင်သည် ကျွန်ုပ်တို့၏စိတ်နှလုံးတွင် “[အဆုံးမရှိ] ကာလ” ၌စွဲလမ်းစေသည်ဟုဖော်ပြသည်။ (ဒေ. ၃:၁၁) ထို့ကြောင့် ငြိမ်သက်ပျော်ရွှင်စွာ လူတို့ထာဝစဉ်အသက်ရှင်နိုင်သောအချိန်ကို မျှော်လင့်ခြင်းသည် ကျွန်ုပ်တို့အတွက်သဘာဝကျပါသည်။ ယင်းကို ဘုရားသခင့်နိုင်ငံတော်သတင်းကောင်းက ကမ်းလှမ်းနေသည်။
သို့သော် ထိုမျှော်လင့်ချက်ကို တကယ်ဖြစ်လာစေဖို့ သတင်းကောင်းကား အဘယ်အရာဖြစ်ကြောင်း စူးစမ်းရှာဖွေဖို့လိုသည်။ တမန်တော်ပေါလုကဤသို့တိုက်တွန်းခဲ့သည်– “ကောင်းမြတ်သော၊ လက်ခံဖွယ်ဖြစ်သော၊ ဘုရားသခင်၏စုံလင်သောအလိုတော် . . . ဖြစ်ကြောင်း [သင့်ကိုသင်] သက်သေထူ . . . လော့။” (ရောမ ၁၂:၂၊ ကဘ) ထို့ကြောင့် ပေါလုကဲ့သို့ သင်သည် အသိပညာနှင့် သိနားလည်ခြင်းရရှိပြီးနောက် ရွေးချယ်မှုပြုရပေမည်။
တစ်ဖက်တွင်မူ သင့်အနာဂတ်နှင့်ပတ်သက်၍ ယုံကြည်ချက်အချို့ရှိထားနှင့်ပြီးဖြစ်နိုင်သည်။ ရှောလုသည် တမန်တော်ပေါလုဖြစ်မလာမီ ဘုရားသခင့်အလိုတော်ဆိုင်ရာ ကိုယ်ပိုင်ယူဆချက်များရှိထားပြီးဖြစ်ကြောင်း သတိရပါ။ သို့သော် ဘုရားသခင်ထံမှ အံ့ဖွယ်ဖွင့်ပြချက်တစ်ခုကို မျှော်လင့်နေမည့်အစား ကိစ္စရပ်ကို အရှိအတိုင်းကြည့်မြင်ပါ။ သင့်ကိုယ်သင်ဤသို့မေးပါ– ‘လူသားနှင့် မြေကြီးအတွက် ဘုရားသခင့်အလိုတော်မှာ အဘယ်အရာဖြစ်ကြောင်း ကျွန်ုပ်အမှန်သိသလော။ ကျွန်ုပ်၏ခံယူချက်များကို အဘယ်သက်သေအထောက်အထားဖြင့် အခိုင်အလုံတင်ပြနိုင်သနည်း။ ကျွန်ုပ်၏သက်သေအထောက်အထားသည် ဘုရားသခင့်နှုတ်မြွက်စကားတော်၊ သမ္မာကျမ်းစာ၏အလင်း၌ စစ်ဆေးကြည့်ရာတွင် ကြံ့ကြံ့ခံနိုင်သလော။’ သင်၏ဘာသာရေးယုံကြည်ချက်များကို ဤသို့ဆန်းစစ်ကြည့်ခြင်းကြောင့် အရှုံးမရှိပါ။ အမှန်မှာ သမ္မာကျမ်းစာက “ခပ်သိမ်းသောအရာကိုစုံစမ်း၍၊ ကောင်းသောအရာကို အမြဲကိုင်စွဲကြလော့” ဟူ၍ကျွန်ုပ်တို့ကိုတိုက်တွန်းထားသောကြောင့် ထိုသို့ဆန်းစစ်ကြည့်လို၁ သက်သာလောနိတ် ၅:၂၁) အမှန်တွင် ဘုရားသခင့်မျက်နှာသာရခြင်းသည် အဓိကမဟုတ်ပေလော။—ယောဟန် ၁၇:၃; ၁ တိမောသေ ၂:၃၊ ၄။
စိတ်ရှိသင့်သည်။ (ဘာသာရေးခေါင်းဆောင်များက ထာဝရအနာဂတ်ကို ကျွန်ုပ်တို့အားကတိပြုကြပေမည်။ သို့ရာတွင် ထိုကတိသည် သမ္မာကျမ်းစာသွန်သင်ချက်များအပေါ် အခြေမပြုလျှင် ဘုရားသခင့်နိုင်ငံတော်ကောင်းချီးများရရှိဖို့ ကျွန်ုပ်တို့ကိုမထောက်ကူနိုင်ချေ။ ယေရှု၏တောင်ပေါ်တရားတော်၌ ကိုယ်တော်ကဤသို့အခိုင်အမာသတိပေးခဲ့သည်– “သခင်၊ သခင်ဟု ငါ့ကိုလျှောက်သောသူတိုင်း ကောင်းကင်နိုင်ငံတော်သို့ ဝင်ရလိမ့်မည်မဟုတ်။ ကောင်းကင်ဘုံ၌ရှိတော်မူသော ငါ့ခမည်းတော်၏အလိုကိုဆောင်သောသူသာလျှင် ဝင်ရလိမ့်မည်။”—မဿဲ ၇:၂၁။
ဘုရားသခင့်နိုင်ငံတော်ကောင်းချီးများရရှိဖို့ ဆုံးဖြတ်ပေးသောမူကား ခမည်းတော်၏အလိုကိုဆောင်ခြင်းဖြစ်သည်ကို ယေရှုအလေးပေးပြောဆိုခဲ့ကြောင်း သတိပြုပါ။ တစ်နည်းအားဖြင့် ဘုရားဝတ်၌မွေ့လျော်သည့်ပုံပန်းသည် ဘုရားသခင့်နှစ်သက်မှုကို ရချင်မှရပေမည်။ အမှန်မှာ ယေရှုကဤသို့မိန့်ဆိုခဲ့သည်– “ထိုနေ့၌ကား၊ ‘သခင်၊ သခင်၊ အကျွန်ုပ်တို့သည် ကိုယ်တော်အခွင့်နှင့် နတ်ဆိုးတို့ကိုနှင်ထုတ်ပါပြီမဟုတ်လော။ ကိုယ်တော်အခွင့်နှင့် များစွာသောတန်ခိုးတို့ကိုပြပါပြီမဟုတ်လော’ ဟု အများသောသူတို့သည် လျှောက်ကြလိမ့်မည်။ ထိုသို့လျှောက်ကြသောအခါ သင်တို့ကို ငါအလျှင်းမသိ။ အဓမ္မအမှုကိုပြုသောသူတို့၊ ငါ့ထံမှဖယ်ကြဟု ထိုသူတို့အား အတည့်အလင်းငါပြောမည်။” (မဿဲ ၇:၂၂၊ ၂၃) ရှင်းနေသည်မှာ ဘုရားသခင့်နိုင်ငံတော်သတင်းကောင်းကား အမှန်အားဖြင့် အဘယ်အရာဖြစ်သည်ကို အတိအကျနားလည်ကြောင်းသေချာအောင်ပြုကာ ၎င်းနှင့်အညီလုပ်ဆောင်ခြင်းသည် အရေးကြီးကြောင်းဖြစ်သည်။—မဿဲ ၇:၂၄၊ ၂၅။
အကူအညီရနိုင်
ဘုရားသခင့်နိုင်ငံတော်သတင်းကောင်းကို ယေဟောဝါသက်သေများဟောပြောခဲ့သည်မှာ နှစ်ပေါင်း ၁၀၀ ကျော်ခဲ့ပြီ။ ဘုရားသခင့်နိုင်ငံတော်ဟူသည် အဘယ်အရာဖြစ်ကြောင်း၊ ၎င်းက အဘယ်ကောင်းချီးများ ယူဆောင်လာမည်ဖြစ်ကြောင်းနှင့် ၎င်းကောင်းချီးများခံစားရဖို့ အဘယ်အရာပြုလုပ်ရမည်ဖြစ်ကြောင်း တိကျမှန်ကန်သောအသိပညာကိုရရှိရန် သူတို့သည် ကမ္ဘာတစ်ဝန်းရှိလူတို့ကို ပုံနှိပ်စာပေဖြင့်လည်းကောင်း၊ နှုတ်ဖြင့်လည်းကောင်း ကူညီပေးနေကြသည်။
ယေဟောဝါသက်သေများ ဟောပြောနေကြသောသတင်းကို တုံ့ပြန်လက်ခံရန် သင့်အားကျွန်ုပ်တို့တိုက်တွန်းပါသည်။ သတင်းကောင်းကိုလက်ခံ၍ ကျင့်သုံးခြင်းအားဖြင့် အသင်သည် ယခုအချိန်၌သာမက အနာဂတ်တွင်ပါ ဘုရားသခင့်နိုင်ငံတော် မြေတစ်ပြင်လုံးကိုအုပ်ချုပ်သောအခါ ကြီးမြတ်သောကောင်းချီးများကို ခံစားနိုင်သည်။—၁ တိမောသေ ၄:၈။
ဘုရားသခင့်နိုင်ငံတော်ကောင်းချီးများကို ခံစားရလုနီးပြီဖြစ်၍ ယခုပင်လုပ်ဆောင်ပါလေ!
[စာမျက်နှာ ၇ ပါ ရုပ်ပုံ]
ယေဟောဝါသက်သေများသည် ဘုရားသခင့်နိုင်ငံတော်သတင်းကောင်းကို ပုံနှိပ်စာပေဖြင့်လည်းကောင်း၊ နှုတ်ဖြင့်လည်းကောင်း ဟောပြောကြသည်