တည်မြဲ​နေ​မည့် စွဲမှတ်​ဖွယ်​ရာ​များ

ယေဟောဝါသက်သေ​များသည် မိမိတို့​နိုင်ငံ​အသီးသီး​တွင် နှစ်စဉ်​နှစ်​တိုင်း ခရစ်ယာန်​အစည်းအဝေးများနှင့် စည်းဝေးကြီး​များ​၌ စုဝေး​ကြသည်။ သူတို့​ဤသို့​ပြုခြင်း​မှာ ဝိညာဉ်​ရေးရာ​တည်ဆောက်မှု​ပေး​သော သွန်သင်ချက်​များ​ရရှိရန်​နှင့် ပေါင်းသင်းမှု​ပြု​ရန်ဖြစ်​သည်။ သို့သော် သူတို့​စုဝေးခြင်း​၏​အခြား​အသွင်အပြင်​များ​က​လည်း ဧည့်သည်​များ​အပေါ် တည်မြဲ​နေ​မည့် စွဲမှတ်​ဖွယ်​ရာ​များ​ရှိစေ​နိုင်​သည်။

ဥပမာ၊ ၁၉၉၉၊ ဇူလိုင်​လ​တွင် မိုဇမ်ဘစ်​ရှိ သက်သေခံ​ထောင်ပေါင်း​များစွာ​သည် “ဘုရားသခင့်​ပရောဖက်ပြုချက်​စကားတော်” ခရိုင်​စည်းဝေးကြီး​၌ အကျိုးရှိ​သော​နေ့ရက် သုံးရက်​တိုင်တိုင် စည်းဝေး​ခဲ့​ကြသည်။ တက်ရောက်သူ​အများ​သည် စည်းဝေးကြီး​ကို ပထမ​ဆုံး​အကြိမ် တက်ရောက်ခြင်း​ဖြစ်သည်။ စင်မြင့်​ပေါ်​မှ​ကြား​ခဲ့​ရသည့် စကား​များ​ကြောင့်​သာမက​ဘဲ မိမိတို့​ပတ်လည်​တွင် မြင်တွေ့ခဲ့​ရာ​များ​ကြောင့် စွဲမှတ်​သွားခဲ့​ကြသည်။

မာ​ပူ​တို​အစည်းအဝေး​ခန်းမ​၌ ပြော​ခဲ့​သော​မှတ်ချက်​တစ်ခု​ကား ဤသို့​ဖြစ်သည်– “ကျွန်မ​ဘဝ​တစ်လျှောက်​လုံး​မှာ ဒီလိုမျိုး​နှစ်လိုဖွယ်​ကောင်း​တဲ့​နေရာကို တစ်ခါ​မှ​မမြင်ဖူး​ဘူး! အိမ်သာ​တွေ​မှာ ဆပ်ပြာ​နဲ့​မှန်​တွေ​ရှိပြီး အနံ့​အသက်​တောင်​မရှိဘူး။ ကလေး​တွေ​ရန်ဖြစ်​လို့​ဆူညံ​တာ​တွေ​မရှိဘဲ ပတ်ဝန်းကျင်​ဟာ ငြိမ်သက်​အေးချမ်း​နေတာပဲ။ တွန်း​တာ​တိုက်​တာ​လည်း​မရှိဘူး! အားပေး​တည်ဆောက်​တဲ့ စကား​တွေ​ပြောဆို​နေကြ​တဲ့ ရွှင်လန်း​ဖျတ်လတ်​တဲ့​လူငယ်တွေကို​လည်း တွေ့ ခဲ့​ရတယ်။ နောက်ပြီး​တော့ လူတိုင်း သပ်သပ်ရပ်ရပ်​ဝတ်စား​ထား​တာ​က​လည်း ကျွန်မ​ကို​စွဲမှတ်​သွား​စေ​ခဲ့တယ်။ နောက်​တစ်ခါ​ဆိုရင် ကလေး​တွေ​ကို​ပါ​ခေါ်လာ​ခဲ့မယ်၊ ကျွန်မ​တို့ ဒီ​စည်းဝေးကြီး​ကို​တက်​ရမယ်ဆိုတာ​ကို ကျွန်မ​အမျိုးသား​ပါ​သဘောပေါက်​အောင် ပြောပြ​ရဦးမယ်။”

မှန်ပါသည်၊ ယေဟောဝါသက်သေ​များ​၏ ရိုးသားမှု၊ တည်ကြည်မှု​နှင့် ကာယရေး​သန့်ရှင်းမှု​များ​ကို သတိ​မပြုမိ​ဘဲ​မနေ​ပါ။ သက်သေခံ​များသည် အခြား​သူများ​နှင့် အဘယ်ကြောင့်​ကွာခြား​ရသနည်း။ အကြောင်း​မှာ သမ္မာကျမ်းစာ​မှ သူတို့​သိရှိလာရာ​များ​ကို လက်တွေ့​ကျင့်သုံး​ရန် ကြိုးစား​ကြသော​ကြောင့်​ဖြစ်သည်။ ယခု​နှစ်​အစည်းအဝေးကြီး သို့​မဟုတ် ဒေသခံ​ဘုရားသခင့်​နိုင်ငံတော်​ခန်းမ​ရှိ ပတ်စဉ်​စည်းဝေးများ​တွင် သူတို့နှင့်​အတူ​စုဝေး​၍ အသင်​ကိုယ်တိုင် လေ့လာ​ကြည့်​ပါ​လေ။

[စာမျက်နှာ ၃၂ ပါ ရုပ်ပုံ]

ဇမ်ဘီယာ

[စာမျက်နှာ ၃၂ ပါ ရုပ်ပုံ]

ကင်​ညာ

[စာမျက်နှာ ၃၂ ပါ ရုပ်ပုံ]

မိုဇမ်ဘစ်