ရိတ်သိမ်းခြင်းလုပ်ငန်း၌ စွဲစွဲမြဲမြဲချီတက်လော့!
ရိတ်သိမ်းခြင်းလုပ်ငန်း၌ စွဲစွဲမြဲမြဲချီတက်လော့!
“မျက်ရည်ကျလျက် မျိုးစေ့ကြဲသောသူတို့သည် ရွှင်လန်းလျက် စပါးရိတ်ကြလိမ့်မည်။”—ဆာလံ ၁၂၆:၅။
၁။ ယနေ့ “လုပ်ဆောင်သောသူတို့ကို . . . စေလွှတ်တော်မူမည်အကြောင်း” အဘယ်ကြောင့် “စပါးရှင်ကိုဆုတောင်းကြ” ရသနည်း။
ယေရှုခရစ်သည် ဂါလိလဲနယ်တွင် တတိယအကြိမ် ဟောပြောပြီးသည့်နောက် တပည့်တော်များအား ဤသို့မိန့်ဆိုခဲ့သည်– “စပါးရိတ်စရာများစွာရှိ၏။ ရိတ်သောသူတို့သည် နည်းကြ၏။” (မဿဲ ၉:၃၇) ယုဒနယ်တွင်လည်း ထပ်တူအခြေအနေရှိခဲ့သည်။ (လုကာ ၁၀:၂) လွန်ခဲ့သောအနှစ် ၂,၀၀၀ နီးပါးက ထိုသို့ဖြစ်ခဲ့သည်မှန်ရာ မျက်မှောက်ခေတ်အခြေအနေကော မည်သို့နည်း။ လွန်ခဲ့သောလုပ်ငန်းတော်နှစ်အတွင်း ယေဟောဝါသက်သေ ၆,၀၀၀,၀၀၀ ကျော်တို့သည် အများအားဖြင့် “ထိန်းသူမရှိသောသိုးကဲ့သို့ ပင်ပန်း၍အားလျော့လျက်ရှိနေကြ” သော ကမ္ဘာ့လူဦးရေ ၆,၀၀၀,၀၀၀,၀၀၀ အကြား ပုံဆောင်ရိတ်သိမ်းခြင်းလုပ်ငန်း၌ စွဲစွဲမြဲမြဲချီတက်ခဲ့ကြသည်။ ထို့ကြောင့် “လုပ်ဆောင်သောသူတို့ကို စပါးရိတ်စေခြင်းငှာစေလွှတ်တော်မူမည်အကြောင်း စပါးရှင်ကိုဆုတောင်းကြ” ရန် ယေရှု၏တိုက်တွန်းချက်သည် လွန်ခဲ့သောရာစုနှစ်များက လက်ခံနိုင်သကဲ့သို့ ယနေ့လည်း ထပ်တူပင်ဖြစ်သည်။—မဿဲ ၉:၃၆၊ ၃၈၊ သမ္မာ။
၂။ ကျွန်ုပ်တို့သည် အဘယ်အရာကြောင့် လူတို့၏အာရုံစိုက်မှုကိုခံရကြသနည်း။
၂ စပါးရှင်ယေဟောဝါဘုရားသခင်သည် နောက်ထပ်လုပ်သားများ စေလွှတ်ဖို့အသနားခံချက်ကို နားညောင်းခဲ့ပြီ။ ဘုရားသခင်ညွှန်ကြားတော်မူသော ဤရိတ်သိမ်းခြင်းလုပ်ငန်း၌ ပါဝင်ရခြင်းသည် ရွှင်လန်းစရာပင်! တိုင်းနိုင်ငံများနှင့်နှိုင်းယှဉ်ကြည့်သော် ကျွန်ုပ်တို့၏အရေအတွက် နည်းသော်ငြားလည်း ဘုရားသခင့်နိုင်ငံတော်ဟောပြောခြင်းနှင့် တပည့်ဖြစ်စေခြင်းလုပ်ငန်း၌ ဇွဲရှိရှိပါဝင်ခြင်းကြောင့် ကျွန်ုပ်တို့သည် ဤလောက အာရုံစိုက်စရာဖြစ်ကြပြီ။ နိုင်ငံများစွာတွင် သတင်းဖြန့်ချိရေးက ကျွန်ုပ်တို့ကို မကြာခဏဖော်ပြကြသည်။ ရုပ်မြင်သံကြားပြဇာတ်တစ်ခု၌ တံခါးဘဲလ်မြည်သံကို ယေဟောဝါသက်သေများ ရောက်နေသည်ဟူ၍ ကောက်ချက်ချတတ်သည်။
မှန်ပါသည်၊ ပုံဆောင်ရိတ်သိမ်းသူများအဖြစ် ကျွန်ုပ်တို့၏ခရစ်ယာန်လုပ်ငန်းကို ၂၁ ရာစုတွင် လူသိများကြသည်။၃။ (က) ပထမရာစု၌ ဘုရားသခင့်နိုင်ငံတော်ဟောပြောခြင်းလုပ်ငန်းကို အာရုံစိုက်ခဲ့ကြကြောင်း မည်သို့သိရသနည်း။ (ခ) ကျွန်ုပ်တို့၏အမှုဆောင်ခြင်းကို ကောင်းကင်တမန်များထောက်မသည်ဟု အဘယ်ကြောင့်ဆိုနိုင်သနည်း။
၃ ဤလောကသည် ပထမရာစုမှ ဘုရားသခင့်နိုင်ငံတော် ဟောပြောခြင်းလုပ်ဆောင်မှုများကိုလည်း သတိပြုမိခဲ့ပြီး သတင်းကောင်းကြေညာသူများကို နှိပ်စက်ညှဉ်းပန်းခဲ့သည်။ ထို့ကြောင့် တမန်တော်ပေါလုက ဤသို့ရေးသားခဲ့၏– “သတ်ဖို့ရာထားသောသူကဲ့သို့ အခြားသောသူများနောက်၌ တမန်တော်တည်းဟူသော ငါတို့ကို ဘုရားသခင်ထုတ်ပြတော်မူသည်ဟု ငါထင်၏။ အကြောင်းမူကား၊ ငါတို့ [တမန်တော်များ] သည် လော[က]သားများနှင့် ကောင်းကင်တမန်များမျက်မှောက်၌ ပွဲဝင်သောသူဖြစ်ကြ၏။” (၁ ကောရိန္သု ၄:၉) အလားတူ နှိပ်စက်ညှဉ်းပန်းမှုကြား ဘုရားသခင့်နိုင်ငံတော်ကြေညာသူများအဖြစ် ကျွန်ုပ်တို့၏ဇွဲကို ဤလောကအာရုံစိုက်လာပြီး ကောင်းကင်တမန်များအတွက်လည်း အရေးပါပေသည်။ ဗျာဒိတ် ၁၄:၆၊ ၇ ကဤသို့ဆို၏– “မြေကြီးပေါ်မှာနေသောသူတည်းဟူသော အသီးအသီးဘာသာစကားကိုပြောသော လူအမျိုးအနွယ်ခပ်သိမ်းတို့အား ထာဝရဧဝံဂေလိတရားကိုဟောရသော ကောင်းကင်တမန်တစ်ပါး . . . ကောင်းကင်အလယ်၌ပျံဝဲလျက်ရှိသည်ကို ငါ [တမန်တော်ယောဟန်] မြင်၏။” မှန်သည်၊ ကျွန်ုပ်တို့၏အမှုဆောင်ခြင်းဖြစ်သော ရိတ်သိမ်းခြင်းလုပ်ငန်းကို ကောင်းကင်တမန်များ ထောက်မနေသည်တကား!—ဟေဗြဲ ၁:၁၃၊ ၁၄။
‘အမုန်းခံရကြ’
၄၊ ၅။ (က) မိမိ၏တပည့်တော်များကို ယေရှုအဘယ်သို့သတိပေးခဲ့သနည်း။ (ခ) ဘုရားသခင်၏ မျက်မှောက်ခေတ်ကျေးကျွန်များသည် အဘယ်ကြောင့် ‘အမုန်းခံရကြ’ သနည်း။
၄ ယေရှု၏တမန်တော်များ ရိတ်သိမ်းသူများအဖြစ် စေလွှတ်ခံရသောအခါ သူတို့သည် “မြွေကဲ့သို့လိမ္မာလျက်၊ ချိုးငှက်ကဲ့သို့ အဆိပ်ကင်း” ကြဟူသော ကိုယ်တော့်ညွှန်ကြားချက်ကို လိုက်နာခဲ့ကြ၏။ ယေရှုကဤသို့ထပ်ဆင့်ခဲ့သည်– “လူတို့ကိုသတိပြုကြ။ အကြောင်းမူကား၊ သင်တို့ကိုလွှတ်ရုံးသို့ အပ်နှံကြလိမ့်မည်။ တရားဇရပ်တို့၌ ရိုက်ကြလိမ့်မည်။ ထိုသူတို့မှစ၍ တစ်ပါးအမျိုးသားတို့အား သက်သေဖြစ်စေခြင်းငှာ၊ မြို့ဝန်မင်း၊ ရှင်ဘုရင်ထံသို့ ငါ့ကြောင့် သင်တို့ကိုပို့ဆောင်ကြလိမ့်မည်။ . . . လူအပေါင်းတို့သည်လည်း ငါ၏နာမကြောင့် သင်တို့ကိုမုန်းကြလိမ့်မည်။ အကြင်သူသည် အဆုံးတိုင်အောင်တည်ကြည်၏။ ထိုသူသည် ကယ်တင်ခြင်းသို့ရောက်လိမ့်မည်။”—မဿဲ ၁၀:၁၆-၂၂။
၅ “ဤလောကတစ်ခုလုံးသည်” ဘုရားသခင်နှင့် ကိုယ်တော့်လူမျိုးတော်၏ အဓိကရန်သူ၊ စာတန်တည်းဟူသော “ဆိုးညစ်သူ၏တန်ခိုးဩဇာအောက်တွင် ရောက်နေ” သောကြောင့် ယနေ့ကျွန်ုပ်တို့ ‘အမုန်းခံရကြ’ သည်။ (၁ ယောဟန် ၅:၁၉၊ ကဘ) ကျွန်ုပ်တို့၏ရန်သူများသည် ကျွန်ုပ်တို့၏ဝိညာဉ်ရေးကြွယ်ဝမှုကို တွေ့မြင်ကြသော်လည်း ယေဟောဝါကြောင့်ဖြစ်ကြောင်း ငြင်းပယ်ကြ၏။ ရိတ်သိမ်းခြင်းလုပ်ငန်း၌ ကျွန်ုပ်တို့ပျော်ရွှင်စွာပါဝင်နေကြစဉ် ကျွန်ုပ်တို့၏ပြုံးရွှင်သောမျက်နှာများကို ဆန့်ကျင်သူများတွေ့ရကြသည်။ ကျွန်ုပ်တို့၏စည်းလုံးမှုကို သူတို့အံ့အားသင့်ကြ၏! အမှန်တွင် အခြားနိုင်ငံတစ်ခုသို့ သူတို့ရောက်သွားကြသောအခါ ထိုနိုင်ငံရှိ ယေဟောဝါသက်သေများသည် မိမိတို့မွေးရပ်မြေ၌ရှိသူများကဲ့သို့ ထပ်တူလုပ်ငန်းကို လုပ်ဆောင်ကြသည်ကိုတွေ့ရသောအခါ ယင်းကို ဝန်မခံချင်ဘဲ ဝန်ခံလိုက်ကြရပေမည်။ ကျွန်ုပ်တို့၏ကျောထောက်နောက်ခံနှင့် ကျွန်ုပ်တို့စည်းလုံးမှု၏ရင်းမြစ်ဖြစ်သော ယေဟောဝါကို အချိန်တန်လျှင် ကျွန်ုပ်တို့၏ရန်သူများပင် အသိအမှတ်ပြုကြရမည်။—ယေဇကျေလ ၃၈:၁၀-၁၂၊ ၂၃။
၆။ ရိတ်သိမ်းခြင်းလုပ်ငန်း၌ပါဝင်နေကြစဉ် အဘယ်အာမခံချက်ကို ကျွန်ုပ်တို့ရရှိထားသနည်း၊ သို့သော် အဘယ်မေးခွန်း ပေါ်ပေါက်လာသနည်း။
၆ စပါးရှင်သည် “ကောင်းကင်ဘုံ၌လည်းကောင်း၊ မြေကြီးပေါ်၌လည်းကောင်း စီရင်ပိုင်သောအခွင့်တန်ခိုးရှိသမျှတို့ကို” မိမိ၏သားတော် ယေရှုခရစ်အား အပ်နှင်းထားပြီ။ (မဿဲ ၂၈:၁၈) သို့ဖြစ်သောကြောင့် ရိတ်သိမ်းခြင်းလုပ်ငန်းကို ကောင်းကင်တမန်များနှင့် မြေကြီးပေါ်ရှိ ကောင်းကင်အတန်းအစား “သစ္စာနှင့်သတိပညာရှိကျေးကျွန်” မှတစ်ဆင့်ညွှန်ကြားရန် ယေရှုကို ယေဟောဝါအသုံးပြုတော်မူ၏။ (မဿဲ ၂၄:၄၅-၄၇၊ ကဘ; ဗျာဒိတ် ၁၄:၆၊ ၇) သို့သော် ရန်သူတို့၏အတိုက်အခံကို ရင်ဆိုင်ရလျက်နှင့် ရိတ်သိမ်းခြင်း လုပ်ငန်း၌ စွဲစွဲမြဲမြဲချီတက်နေစဉ် ကျွန်ုပ်တို့၏ရွှင်လန်းမှုကို မည်သို့ထိန်းသိမ်းထားနိုင်ကြမည်နည်း။
၇။ ဆန့်ကျင်မှု သို့မဟုတ် နှိပ်စက်ညှဉ်းပန်းမှု ခံရသောအခါ အဘယ်စိတ်သဘောထားမျိုးကို ကြိုးစားထိန်းသိမ်းသင့်သနည်း။
၇ ဆန့်ကျင်မှု သို့မဟုတ် တိုက်ရိုက်နှိပ်စက်ညှဉ်းပန်းခြင်းပင် ကြုံတွေ့ကြရသောအခါ ပေါလုကဲ့သို့သောစိတ်ထားမျိုး ထိန်းသိမ်းနိုင်ဖို့ ဘုရားသခင့်အကူအညီကို ရှာယူကြပါစို့။ သူကဤသို့ရေးသားခဲ့သည်– “ကဲ့ရဲ့ခြင်းကိုခံရသောအခါ မေတ္တာပို့ကြ၏။ ညှဉ်းဆဲနှိပ်စက်ခြင်းကိုခံရသောအခါ သည်းခံကြ၏။ အသရေရှုတ်ချခြင်းကိုခံရသောအခါ တောင်းပန်ကြ၏။” (၁ ကောရိန္သု ၄:၁၂၊ ၁၃) ဤကဲ့သို့စိတ်ထားနှင့်အတူ လိမ္မာပါးနပ်စွာ လူထုရှေ့အမှုဆောင်ခြင်းသည် ကျွန်ုပ်တို့အား ဆန့်ကျင်သူများ၏သဘောထားကို တစ်ခါတစ်ရံပြောင်းလဲစေသည်။
၈။ မဿဲ ၁၀:၂၈ ၌မှတ်တမ်းတင်ထားသော ယေရှု၏စကားများမှ အဘယ်အာမခံချက်ကို သင်ရရှိသနည်း။
၈ အသက်ဘေး ခြိမ်းခြောက်ခံရခြင်းပင်လျှင် ရိတ်သိမ်းသူများအဖြစ် ကျွန်ုပ်တို့၏ဇွဲကို အရှိန်မလျော့စေပါ။ ကျွန်ုပ်တို့သည် ဘုရားသခင့်နိုင်ငံတော်သတင်းကို တတ်နိုင်သ၍ လူသိရှင်ကြား မကြောက်မရွံ့ကြေညာကြသည်။ ယေရှု၏ဤစကားများမှ စိတ်အားတက်ဖွယ်အာမခံချက်ကို ကျွန်ုပ်တို့ရယူကြသည်– “ကိုယ်ခန္ဓာကိုသာသတ်၍ စိတ်ဝိညာဉ်ကိုမသတ်နိုင်သောသူတို့ကို မကြောက်ကြနှင့်။ ကိုယ်ခန္ဓာနှင့်စိတ်ဝိညာဉ်ကို ငရဲ၌ဖျက်ဆီးနိုင်သောသူကို သာ၍ကြောက်ကြလော့။” (မဿဲ ၁၀:၂၈) ကျွန်ုပ်တို့၏ကောင်းကင်ခမည်းတော်သည် အသက်ပေးရှင်ဖြစ်ကြောင်း ကျွန်ုပ်တို့သိကြသည်။ ကိုယ်တော်အား သမာဓိစောင့်သိပြီး ရိတ်သိမ်းခြင်းလုပ်ငန်း၌ တည်ကြည်စွာ စွဲစွဲမြဲမြဲချီတက်သူတို့ကို ကိုယ်တော်ဆုချတော်မူ၏။
အသက်ကယ်ဆယ်ရေးသတင်းတရား
၉။ ယေဇကျေလ၏စကားများကို အချို့မည်သို့တုံ့ပြန်ခဲ့ကြသနည်း၊ ယနေ့လည်း ထပ်တူမည်သို့ဖြစ်ပျက်နေသနည်း။
၉ ပရောဖက်ယေဇကျေလသည် ယေဟောဝါ၏သတင်းတရားကို “ပုန်ကန်တတ်သောအမျိုး” ဖြစ်သည့် ဣသရေလနှင့် ယုဒနိုင်ငံများအား ရဲရဲကြေညာသောအခါ သူပြောဆိုရာကို လူအချို့ကြားနာလိုစိတ်ရှိခဲ့ကြသည်။ (ယေဇကျေလ ၂:၃) ယေဟောဝါကဤသို့ဆို၏– “သင်၏စကားသည် ကောင်းမွန်စွာတီး၍ သာယာသောအသံနှင့်ပြည့်စုံသောသူဆိုသော နှစ်သက်ဖွယ်သောသီချင်းကဲ့သို့ သူတို့၌ဖြစ်၍ သူတို့သည်ကြားရသော်လည်း နားမထောင်တတ်ကြ။” (ယေဇကျေလ ၃၃:၃၂) ယေဇကျေလ၏စကားများကို သူတို့နှစ်သက်ကြသော်လည်း ထိုအတိုင်းမကျင့်ခဲ့ကြချေ။ ယနေ့ကော မည်သို့ဖြစ်ပျက်နေသနည်း။ ကောင်းကင်အတန်းအစားအကြွင်းအကျန်နှင့် သူတို့၏အပေါင်းပါများက ယေဟောဝါ၏သတင်းတရားများကို ရဲရင့်စွာကြေညာသောအခါ ဘုရားသခင့်နိုင်ငံတော်ကောင်းချီးများအကြောင်းကို လူအချို့ကြားလိုကြသော်လည်း သူတို့သည် ကျေးဇူးတင်စွာမတုံ့ပြန်ကြ၊ တပည့်များဖြစ်လာကြပြီး ရိတ်သိမ်းခြင်းလုပ်ငန်း၌ မပါဝင်ကြချေ။
၁၀၊ ၁၁။ နှစ်ဆယ်ရာစု၏ ပထမရာစုဝက်တွင် ကျွန်ုပ်တို့၏အသက်ကယ်ဆယ်ရေးသတင်းကိုကြေညာရန် အဘယ်အရာပြုလုပ်ခဲ့သနည်း၊ အဘယ်ရလဒ်များရသနည်း။
၁၀ အခြားတစ်ဖက်တွင်မူ များစွာသောသူတို့သည် ရိတ်သိမ်း
ခြင်းလုပ်ငန်းကို နှစ်လိုဖွယ်တုံ့ပြန်ခဲ့ကြပြီး ဘုရားသခင့်သတင်းတရားများ ကြေညာခြင်းတွင် ပါဝင်ခဲ့ကြပြီ။ ဥပမာ၊ ၁၉၂၂ မှ ၁၉၂၈ အထိဆက်တိုက်ကျင်းပခဲ့သော ခရစ်ယာန်စည်းဝေးကြီးများအတွင်း စာတန်၏အစီအစဉ်စနစ်ဆိုးအပေါ် တရားစီရင်ချက်သတင်းတရားများကို ပီပီပြင်ပြင်ကြေညာခဲ့သည်။ ထိုအစည်းအဝေးများ၌ တင်ဆက်ခဲ့သော ထုတ်ဖော်ချက်များကို ရေဒီယိုအသံလွှင့်ဌာနများမှ ကြေညာခဲ့ကြသည်။ ထို့နောက် ဘုရားသခင့်လူမျိုးတော်သည် ၎င်းတို့ကို ပုံနှိပ်ပြီး သန်းချီ၍ဝေငှခဲ့ကြသည်။၁၁ ၁၉၃၀ ပြည့်လွန်နှစ်များတွင် ကြော်ငြာချီတက်ပွဲများဟုခေါ်သော သက်သေခံနည်း နောက်တစ်နည်း ပေါ်ထွက်လာခဲ့သည်။ အစပိုင်းတွင် ယေဟောဝါ၏လူမျိုးတော်သည် လူထုဟောပြောချက်များကိုကြေညာသည့် ပိုစတာကတ်ထူများကို ကိုယ်ရှေ့ပိုင်းနှင့် နောက်ပိုင်းတွင်ဆွဲခဲ့ကြသည်။ နောက်ပိုင်းတွင် “ဘာသာတရားသည် ထောင်ချောက်တစ်ခုနှင့် မသမာနည်းဖြင့်စီးပွားရှာမှုတစ်ခုဖြစ်သည်၊” “ဘုရားသခင်နှင့် ခရစ်တော်ဘုရင်ထံ အမှုဆောင်ကြ” စသည့်ဆောင်ပုဒ်များပါသည့် ပိုစတာကတ်ထူများကို သယ်ဆောင်ခဲ့ကြသည်။ လမ်းများပေါ် သူတို့ချီတက်သွားကြသောအခါ ဖြတ်သန်းသွားလာသူများ၏ အာရုံကိုဖမ်းစားခဲ့ကြသည်။ အင်္ဂလန်နိုင်ငံ၊ လန်ဒန်မြို့၏လူရှုပ်သောလမ်းများပေါ်တွင် ၎င်းလုပ်ငန်း၌ မှန်မှန်ပါဝင်ခဲ့သူ ညီအစ်ကိုတစ်ဦးက ဤသို့ကောက်ချက်ချခဲ့သည်– ‘ယင်းက ယေဟောဝါသက်သေများကို လူတို့အာရုံစိုက်စေရန်နှင့် သူတို့ကိုရဲရင့်စေရန် များစွာအကျိုးဆောင်ခဲ့သည်။’
၁၂။ ကျွန်ုပ်တို့၏အမှုဆောင်ခြင်းတွင် ဘုရားသခင့်တရားစီရင်ခြင်းသတင်းများအပြင် အဘယ်အရာကို ကျွန်ုပ်တို့တင်ဆက်ခဲ့ကြပြီနည်း၊ သတင်းကောင်းဟောပြောခြင်းတွင် ယခု မည်သူတို့တစည်းတလုံး ပါဝင်နေကြသနည်း။
၁၂ ဘုရားသခင့်တရားစီရင်ခြင်းသတင်းများကို ကျွန်ုပ်တို့ကြေညာနေကြစဉ် ဘုရားသခင့်နိုင်ငံတော်သတင်း၏ အပြုသဘောပါကဏ္ဍများကိုလည်း ဖော်ပြကြသည်။ ကမ္ဘာ့ဇာတ်ခုံပေါ် ကျွန်ုပ်တို့ရဲရင့်စွာသက်သေခံခြင်းက ထိုက်တန်သူများကို ရှာဖွေတွေ့ရှိစေသည်။ (မဿဲ ၁၀:၁၁) ကောင်းကင်အတန်းအစား၏ နောက်ဆုံးအဖွဲ့ဝင်အများစုသည် ၁၉၂၀ နှင့် ၁၉၃၀ ပြည့်လွန်နှစ်များအတွင်း ရိတ်သိမ်းခြင်းဖိတ်ခေါ်သံကို တုံ့ပြန်ခဲ့ကြသည်။ ထို့နောက် ၁၉၃၅ ခုနှစ်၊ အစည်းအဝေးကြီးတစ်ခုတွင် “အခြားသိုး” တွင်ပါဝင်သူ “လူအုပ်ကြီး” အတွက် ကောင်းချီးကြွယ်ဝမည့်အနာဂတ်ဆိုင်ရာ သတင်းကောင်းကို ကြားခဲ့ကြရသည်။ (ဗျာဒိတ် ၇:၉၊ ကဘ; ယောဟန် ၁၀:၁၆) ဤသူတို့သည် ဘုရားသခင့်တရားစီရင်ခြင်းသတင်းများကို ဂရုပြုခဲ့ကြပြီး အသက်ကယ်ဆယ်ရေးသတင်းကောင်း ဟောပြောခြင်းတွင် ကောင်းကင်အတန်းအစားနှင့် တစည်းတလုံး ပါဝင်ခဲ့ကြသည်။
၁၃၊ ၁၄။ (က) ဆာလံ ၁၂၆:၅၊ ၆ မှအဘယ်နှစ်သိမ့်မှုကို ကျွန်ုပ်တို့ရယူနိုင်သနည်း။ (ခ) ကျွန်ုပ်တို့ဆက်၍မျိုးကြဲပြီး ရေလောင်းနေမည်ဆိုလျှင် အဘယ်သို့ဖြစ်လာမည်နည်း။
၁၃ ဘုရားသခင်၏ရိတ်သိမ်းသူများ အထူးသဖြင့် နှိပ်စက်ညှဉ်းပန်းခံရသူတို့အတွက် ဆာလံ ၁၂၆:၅၊ ၆ ပါ ဤစကားများသည် ကြီးစွာသောနှစ်သိမ့်မှုဖြစ်သည်– “မျက်ရည်ကျလျက် မျိုးစေ့ကြဲသောသူတို့သည် ရွှင်လန်းလျက် စပါးရိတ်ကြလိမ့်မည်။ မျက်ရည်ကျလျက် ကြဲရန်မျိုးစေ့ကိုဆောင်၍ ထွက်သွားသောသူသည် ကောက်လှိုင်းများကိုဆောင်လျက် ရွှင်လန်းသောစိတ်နှင့် အမှန်ပြန်လာလိမ့်မည်။” မျိုးစေ့ကြဲခြင်းနှင့် ရိတ်သိမ်းခြင်းဆိုင်ရာ ဆာလံဆရာ၏စကားများက ရှေးခေတ်ဗာဗုလုန်သုံ့ပန်းဘဝမှ ပြန်လာသည့် အကြွင်းအကျန်အပေါ် ယေဟောဝါ၏စောင့်ရှောက်မှုနှင့် ကောင်းချီးများကို ပုံဖော်ပြသည်။ သူတို့လွတ်မြောက်လာသောအခါ အလွန်ဝမ်းမြောက်ခဲ့ကြသည်၊ သို့သော် အနှစ် ၇၀ ပြည်နှင်ခံရစဉ်အတွင်း ဖုန်းဆိုးတောဖြစ်ခဲ့သည့် လွင်တီးခေါင်မြေ၌ မျိုးစေ့ကြဲနေသောအခါ သူတို့ငိုကြွေးခဲ့ကြပေမည်။ သို့သော် မျိုးစေ့ကြဲခြင်းနှင့် ဆောက်လုပ်ရေးလုပ်ငန်းများကို ဦးစီးဦးဆောင်ပြုလုပ်ခဲ့သူတို့သည် သူတို့၏ကြိုးပမ်းမှုမှ အသီးအပွင့်နှင့် ကျေနပ်မှုများ ခံစားခဲ့ကြရသည်။
၁၄ စမ်းသပ်မှုခံရသောအခါ သို့မဟုတ် ကျွန်ုပ်တို့ဖြစ်စေ၊ ကျွန်ုပ်တို့၏ယုံကြည်သူချင်းများဖြစ်စေ ဖြောင့်မတ်ခြင်းတရားကြောင့် ဆင်းရဲခံရသောအခါ ကျွန်ုပ်တို့မျက်ရည်ကျနိုင်သည်။ (၁ ပေတရု ၃:၁၄) ကျွန်ုပ်တို့၏ရိတ်သိမ်းခြင်းလုပ်ငန်း အစပိုင်း၌ အခက်အခဲရှိပေမည်၊ အကြောင်းမှာ ကျွန်ုပ်တို့အမှုဆောင်ရာ၌ အောင်မြင်မှု ရှိပုံမပေါက်သဖြင့်ဖြစ်သည်။ သို့သော် ဆက်၍မျိုးကြဲပြီး ရေလောင်းနေမည်ဆိုလျှင် အများအားဖြင့် ကျွန်ုပ်တို့မျှော်လင့်ထားသည်ထက်လွန်၍ ဘုရားသခင်ကြီးပွားစေပါလိမ့်မည်။ (၁ ကောရိန္သု ၃:၆) ယင်းကို သမ္မာကျမ်းစာနှင့် ကျမ်းစာစာပေစာတမ်းများ ကျွန်ုပ်တို့ဝေငှခြင်းမှရသည့် အကျိုးရလဒ်များက ကောင်းစွာဖော်ပြ၏။
၁၅။ ရိတ်သိမ်းခြင်းလုပ်ငန်းတွင် ခရစ်ယာန်စာပေစာတမ်းများ အသုံးဝင်ပုံ၏ နမူနာတစ်ခုပေးပါ။
၁၅ ဂျင်မ်အမည်ရှိ အမျိုးသားတစ်ဦး၏နမူနာကို သုံးသပ်ကြည့်ပါ။ သူ့မိခင်သေဆုံးသောအခါ မိခင်၏ပစ္စည်းများတွင် အသက်—ဤတွင်မည်သို့ရောက်ရှိခဲ့သနည်း။ ဆင့်ကဲဖြစ်စဉ်အားဖြင့်လော၊ ဖန်ဆင်းခြင်းအားဖြင့်လော [လိပ်] စာအုပ်ကိုတွေ့ရှိခဲ့သည်။ * ယင်းကို စိတ်ဝင်တစား သူဖတ်ရှုခဲ့၏။ လမ်းပေါ်၌ သူ့အားချဉ်းကပ်ခဲ့သူ သက်သေခံတစ်ဦးနှင့် ဆွေးနွေးရာတွင် ဂျင်မ်သည် သူ့ထံလည်ပတ်ရန် ကမ်းလှမ်းချက်ကို လက်ခံခဲ့ပြီး ၎င်းမှ ကျမ်းစာသင်အံမှုစပြုလုပ်ခဲ့သည်။ ဂျင်မ်သည် ဝိညာဉ်ရေးတွင် အမြန်တိုးတက်ခဲ့ပြီး ယေဟောဝါထံ မိမိကိုယ်ကိုဆက်ကပ်အပ်နှံ၍ နှစ်ခြင်းယူခဲ့သည်။ သူသိရှိလာသောအကြောင်းကို အိမ်သားများအား ပြောပြခဲ့သည်။ ရလဒ်အနေနှင့် သူ့အစ်မနှင့်အစ်ကိုတို့သည် ယေဟောဝါသက်သေများဖြစ်လာကြပြီး နောက်ပိုင်းတွင် ဂျင်မ်သည် လန်ဒန်ဗေသလ၌ အချိန်ပြည့်စေတနာ့ဝန်ထမ်းတစ်ဦးအဖြစ် အမှုထမ်းခွင့်ရရှိခဲ့သည်။
နှိပ်စက်ညှဉ်းပန်းခံရသော်လည်း ရွှင်လန်းကြ
၁၆။ (က) ရိတ်သိမ်းခြင်းလုပ်ငန်း၌ အဘယ်ကြောင့်အောင်မြင်မှုရရှိခဲ့ကြပြီနည်း။ (ခ) သတင်းကောင်း၏အကျိုးသက်ရောက်မှုနှင့်စပ်လျဉ်း၍ ယေရှု မည်သို့သတိပေးသနည်း၊ သို့သော် အဘယ်သဘောထားမျိုးဖြင့် လူတို့ထံ ကျွန်ုပ်တို့ချဉ်းကပ်ကြသနည်း။
၁၆ ရိတ်သိမ်းခြင်းလုပ်ငန်းတွင် အဘယ်ကြောင့်ဤမျှအောင်မြင်ခဲ့ကြရသနည်း။ အကြောင်းမှာ ကောင်းကင်အတန်းအစားခရစ်ယာန်များနှင့် သူတို့၏အပေါင်းပါများက ယေရှု၏ဤဆုံးမစကားကို လိုက်နာခဲ့သောကြောင့်ပင်– “မှောင်မိုက်၌ သင်တို့အားငါပြောသောအရာများကို သင်တို့သည် အလင်း၌ကြားပြောကြလော့။ သင်တို့နားအပါး၌ပြော၍ ကြားရသောအရာများကို အိမ်မိုးပေါ်မှာ ဟစ်ကြော်ကြလော့။” (မဿဲ ၁၀:၂၇) သို့ရာတွင် အခက်အခဲများကို ကျွန်ုပ်တို့မျှော်လင့်နိုင်သည်၊ အကြောင်းမှာ ယေရှုဤသို့သတိပေးခဲ့သောကြောင့်ဖြစ်၏– “ညီအစ်ကိုချင်း တစ်ယောက်ကိုတစ်ယောက် သေစေခြင်းငှာအပ်ကြလိမ့်မည်။ အဘသည်လည်း သားကိုအပ်လိမ့်မည်။ သားသမီးတို့သည်လည်း မိဘကိုရန်ဘက်ပြု၍ သေစေကြလိမ့်မည်။” ယေရှုကဤသို့ဆက်မိန့်ဆိုသည်– “မြေပေါ်သို့ ငြိမ်သက်ခြင်းကိုစေလွှတ်အံ့သောငှာ ငါလာသည်မဟုတ်။ ဓားကိုစေလွှတ်အံ့သောငှာ ငါလာသတည်း။” (မဿဲ ၁၀:၂၁၊ ၃၄) မိသားစုများကို တမင်သက်သက်ကွဲပြားစေဖို့ ယေရှုမရည်ရွယ်ပါ။ သို့ရာတွင် တစ်ခါတစ်ရံ သတင်းကောင်းက ထိုသို့ဖြစ်စေ၏။ ယနေ့ ဘုရားသခင့်ကျေးကျွန်များ၌လည်း ထပ်တူပင်ဖြစ်၏။ မိသားစုများထံ ကျွန်ုပ်တို့လည်ပတ်ကြသောအခါ ကျွန်ုပ်တို့၏ရည်ရွယ်ချက်သည် စိတ်ဝမ်းကွဲစေဖို့မဟုတ်ပါ။ ကျွန်ုပ်တို့၏ဆန္ဒမှာ သတင်းကောင်းကို လူတိုင်းလက်ခံကြဖို့ဖြစ်၏။ ထို့ကြောင့် ကျွန်ုပ်တို့၏သတင်းတရားသည် “ထာဝရအသက်ကိုတလိုတလားရှိသူ” တို့အတွက် ဆွဲဆောင်စရာဖြစ်စေရန် မိသားစုတစ်စုမှ သူအားလုံးထံ ကြင်နာစွာ၊ ထောက်ထားစာနာစွာဖြင့် ချဉ်းကပ်ဖို့ ကြိုးစားကြသည်။—တမန်တော် ၁၃:၄၈၊ ကဘ။
၁၇။ ဘုရားသခင့်ပိုင်သအုပ်စိုးမှုကိုထောက်ခံသူတို့သည် မည်သို့သီးခြားခွဲထုတ်ခံခဲ့ရသနည်း၊ ယင်း၏သာဓကတစ်ခုကား အဘယ်နည်း။
၁၇ ဘုရားသခင့်နိုင်ငံတော်သတင်းသည် ဘုရားသခင့်ပိုင်သအုပ်စိုးမှုကို ထောက်ခံသူတို့အား သီးခြားခွဲထုတ်သည်။ ဥပမာ၊ ဂျာမနီနိုင်ငံတွင် အမျိုးသားဆိုရှယ်လစ်ဝါဒခေတ်က ကျွန်ုပ်တို့၏ဝတ်ပြုသူချင်းများသည် ‘ကဲသာဘုရင်၏ဥစ္စာကို ကဲသာဘုရင်အားဆက်ပေးကြပြီး ဘုရားသခင်၏ဥစ္စာကိုကား ဘုရားသခင်အားဆက်ပေးကြ’ သောကြောင့် ထူးခြားသူများအဖြစ် ထင်ရှားခဲ့ပုံကို သုံးသပ်ကြည့်ပါ။ (လုကာ ၂၀:၂၅) ယေဟောဝါ၏ကျေးကျွန်များသည် ခရစ်ယာန်ဘောင်ချာ့ခ်ျများမှ ဘာသာရေးခေါင်းဆောင်များ၊ အမည်ခံခရစ်ယာန်များနှင့်မတူဘဲ ကျမ်းစာမူများကို မချိုးမဖောက် ခိုင်မြဲစွာရပ်တည်ခဲ့ကြသည်။ (ဟေရှာယ ၂:၄; မဿဲ ၄:၁၀; ယောဟန် ၁၇:၁၆) နာဇီနိုင်ငံနှင့် ဘာသာအသစ်များ ဟူသောစာအုပ်ကိုရေးသားသူ ပါမောက္ခ ခရစ်စတင်း ကင်းက ဤသို့ဖော်ပြခဲ့သည်– “[နာဇီ] အစိုးရသည် သက်သေခံများကိုသာ အနိုင်မယူနိုင်ခဲ့ချေ၊ အကြောင်းမှာ ထောင်ပေါင်းများစွာ အသတ်ခံခဲ့ကြရသော်လည်း သူတို့၏လုပ်ငန်းသည် ဆက်ဆောင်ရွက်လျက်ရှိပြီး ၁၉၄၅ ခုနှစ်၊ မေလတွင် အမျိုးသားဆိုရှယ်လစ်ဝါဒမရှိတော့သော်ငြားလည်း ယေဟောဝါသက်သေများ၏လှုပ်ရှားမှုမှာ တည်မြဲတည်နေခဲ့၏။”
၁၈။ ယေဟောဝါ၏လူမျိုးတော်သည် နှိပ်စက်ညှဉ်းပန်းခံရသည့်ကြားမှ အဘယ်သဘောထားကိုတင်ပြကြသနည်း။
၁၈ နှိပ်စက်ညှဉ်းပန်းခံရသောအခါ ယေဟောဝါ၏လူမျိုးတော် ၂ ကောရိန္သု ၄:၇၊ ကဘ) ကျွန်ုပ်တို့အလယ်ရှိ ကောင်းကင်အတန်းအစား၌ ပါဝင်သူတို့၏ “နာမည်များသည် ကောင်းကင်စာရင်း၌ဝင်” မည်ဟု သူတို့အာမခံချက်ရရှိ၏။ (လုကာ ၁၀:၂၀) သူတို့၏ခံနိုင်ရည်သည် စိတ်ပျက်စရာအကြောင်းနှင့် ကင်းလွတ်စေပြီး မြေကြီးမျှော်လင့်ချက်ရှိသော တည်ကြည်သည့် ရိတ်သိမ်းသူများသည်လည်း အလားတူခံယူချက်တစ်ခုရှိကြသည်။—ရောမ ၅:၄၊ ၅။
တင်ပြခဲ့သော သဘောထားသည် အမှန်ပင်ထူးခြားသည်။ ကျွန်ုပ်တို့၏ယုံကြည်ခြင်းကို လောကအာဏာပိုင်များက စွဲမှတ်မည်ဖြစ်စဉ် ကျွန်ုပ်တို့ဘက်မှ ရန်ငြိုး၊ အာဃာတမရှိခြင်းကို သူတို့အံ့အားသင့်ကြသည်။ ဥပမာ၊ မီးလောင်တိုက်သွင်းခြင်းမှ လွတ်မြောက်လာကြသည့် သက်သေခံများသည် သူတို့၏တွေ့ကြုံမှုများကို ပြန်ပြောင်းကြည့်သောအခါ ရွှင်လန်းမှုနှင့် ရောင့်ရဲမှုတို့ကို မကြာခဏဖော်ပြကြသည်။ ယေဟောဝါသည် သူတို့ကို “သာမန်ထက်ထူးကဲသော တန်ခိုးတော်” ပေးခဲ့ကြောင်း သူတို့သိကြသည်။ (ရိတ်သိမ်းခြင်းလုပ်ငန်း၌ စွဲမြဲပါ
၁၉။ ခရစ်ယာန်အမှုဆောင်ခြင်းတွင် အဘယ်ထိရောက်သောနည်းများကို အသုံးပြုခဲ့ကြပြီနည်း။
၁၉ ပုံဆောင်ရိတ်သိမ်းခြင်းလုပ်ငန်းကို ကျွန်ုပ်တို့အား ယေဟောဝါ မည်မျှကြာရှည် လုပ်ဆောင်ခွင့်ပြုဦးမည်ကို စောင့်ကြည့်ရကြပေမည်။ ဤအတောအတွင်း ရိတ်သိမ်းသူများသည် သူတို့၏လုပ်ငန်းကို သတ်သတ်မှတ်မှတ်နည်းများဖြင့် လုပ်ဆောင်နေကြောင်း ကျွန်ုပ်တို့စိတ်စွဲမှတ်ထားသင့်သည်။ အလားတူ စမ်းသပ်ပြီးသားနည်းများကို စွဲစွဲမြဲမြဲအသုံးပြုလျက် ဟောပြောခြင်းသည် ထိရောက်မှုရှိစေမည်ဟု ကျွန်ုပ်တို့စိတ်ချနိုင်ကြသည်။ ခရစ်ယာန်ချင်းတို့ကို ပေါလုကဤသို့ပြောခဲ့သည်– “ငါကျင့်သည်နည်းတူ . . . ကျင့်ကြမည်အကြောင်း ငါနှိုးဆော်တောင်းပန်ပါ၏။” (၁ ကောရိန္သု ၄:၁၆) မိလက်မြို့ရှိ ဧဖက်အကြီးအကဲများကိုတွေ့ဆုံသောအခါ ပေါလုက မိမိသည် “လူစုဝေးရာ၌လည်းကောင်း၊ တစ်အိမ်မှတစ်အိမ်သွား၍လည်းကောင်း” သူတို့အား သွန်သင်ခြင်းကို မပြုဘဲမနေခဲ့ကြောင်း ပြန်သတိရစေခဲ့သည်။ (တမန်တော် ၂၀:၂၀၊ ၂၁၊ ကဘ) ပေါလု၏အပေါင်းပါ တိမောသေသည် တမန်တော်၏နည်းများကို သင်ယူခဲ့သည်ဖြစ်၍ ၎င်းတို့နှင့် ကောရိန္သုမြို့သားများကို အကျွမ်းဝင်စေနိုင်ခဲ့သည်။ (၁ ကောရိန္သု ၄:၁၇) ဘုရားသခင်သည် ပေါလု၏သွန်သင်နည်းများကို ကောင်းချီးပေးခဲ့သကဲ့သို့ လူသိရှင်ကြား တစ်အိမ်မှတစ်အိမ်သွားရာ၌ဖြစ်စေ၊ ပြန်လည်ပတ်မှုများ၊ အိမ်တွင်းကျမ်းစာသင်အံမှုများ ပြုလုပ်ရာ၌ဖြစ်စေ၊ လူတို့ကိုတွေ့နိုင်သည့် မည်သည့်နေရာတွင်မဆို သတင်းကောင်းဟောပြောရာတွင်ဖြစ်စေ ကျွန်ုပ်တို့၏စွဲမြဲမှုကို ကိုယ်တော်ကောင်းချီးပေးပါလိမ့်မည်။—တမန်တော် ၁၇:၁၇။
၂၀။ သီးနှံလှိုင်လှိုင်ဖြစ်ထွန်းသော ဝိညာဉ်ရေးရိတ်သိမ်းမှုရောက်ရှိပြီဖြစ်ကြောင်း ယေရှုမည်သို့ဖော်ပြခဲ့သနည်း၊ မကြာသေးမီနှစ်များအတွင်း ထိုသို့အမှန်ဖြစ်နေကြောင်း မည်သို့သက်သေထူခဲ့ပြီနည်း။
၂၀ စီ.အီး. ၃၀ ခုနှစ်၌ ရှုခါမြို့အနီးတွင် ရှမာရိအမျိုးသမီးတစ်ဦးအား သက်သေခံပြီးနောက် ဝိညာဉ်ရေးရိတ်သိမ်းခြင်းအကြောင်းကို ယေရှုမိန့်ဆိုခဲ့သည်။ တပည့်တော်များအား ယေရှုကဤသို့ဆိုခဲ့သည်– “စပါးရိတ်ခြင်းအလိုငှာ လယ်ပြင်တို့သည် ယခုဝင်းဝင်းရှိသည်ကို မျှော်၍ကြည့်ကြလော့။ စပါးရိတ်သောသူသည် အခကိုခံရ၍ ထာဝရအသက်ရှင်ခြင်းအလိုငှာ အသီးအနှံကိုစုသိမ်း၏။ သို့ဖြစ်လျှင် ပျိုးကြဲသောသူနှင့် စပါးရိတ်သောသူတို့သည် အတူဝမ်းမြောက်ကြလိမ့်မည်။” (ယောဟန် ၄:၃၄-၃၆) ယေရှုသည် ရှမာရိအမျိုးသမီးနှင့်တွေ့ဆုံခြင်း၏ရလဒ်ကို တွေ့မြင်ခဲ့ပြီးဖြစ်ကောင်းဖြစ်မည်၊ အကြောင်းမှာ ထိုအမျိုးသမီး၏ သက်သေခံချက်ကြောင့် များစွာသောသူတို့သည် ကိုယ်တော်ကို ယုံကြည်ခဲ့ကြသောကြောင့်ဖြစ်၏။ (ယောဟန် ၄:၃၉) မကြာသေးမီနှစ်များတွင် နိုင်ငံအသီးသီးက ယေဟောဝါသက်သေများအပေါ် ပိတ်ပင်တားဆီးမှုများကို ရုပ်သိမ်းခဲ့ကြပြီ၊ သို့မဟုတ် တရားဝင်အသိအမှတ်ပြုခဲ့ကြပြီဖြစ်ရာ ရိတ်သိမ်းခြင်းအတွက် လယ်ကွင်းအသစ်များကို ဖွင့်ပေးလျက်ရှိ၏။ ရလဒ်မှာ ဝိညာဉ်ရေးရိတ်သိမ်းမှု လှိုင်လှိုင်ဖြစ်ထွန်းလျက်ရှိသည်။ အမှန်မှာ ကမ္ဘာတစ်ဝန်း၌ ဝိညာဉ်ရေးရိတ်သိမ်းမှုတွင် ကျွန်ုပ်တို့ရွှင်လန်းစွာ ဆက်ပါဝင်နေကြစဉ် ကြွယ်ဝသောကောင်းချီးများကို ခံစားရလျက်ရှိသည်။
၂၁။ ရွှင်လန်းသောရိတ်သိမ်းသူများအဖြစ် စွဲစွဲမြဲမြဲချီတက်ဖို့အကြောင်း အဘယ်ကြောင့်ရှိသနည်း။
၂၁ စပါးရင့်မှည့်ပြီး ရိတ်သိမ်းဖို့အသင့်ဖြစ်သောအခါ လုပ်သားများသည် အရေးတကြီးလုပ်ဆောင်ကြရပေမည်။ သူတို့ချက်ချင်းလုပ်ဆောင်ရမည်ဖြစ်သည်။ ယနေ့ ကျွန်ုပ်တို့သည် “အမှုကုန်ရသည်ကာလ” ၌အသက်ရှင်နေကြသောကြောင့် အရေးတကြီးသဘောထားဖြင့် လုံ့လဝီရိယစိုက်၍ လုပ်ဆောင်ဖို့လိုသည်။ (ဒံယေလ ၁၂:၄) စမ်းသပ်မှုများကို ကျွန်ုပ်တို့ရင်ဆိုင်နေကြရသည်မှန်သော်လည်း တစ်ခါနှင့်မျှမတူအောင် ယေဟောဝါကိုဝတ်ပြုသူများ၏ သာ၍ကြီးမားသော ရိတ်သိမ်းချိန်ရောက်ရှိနေသည်။ ထို့ကြောင့် ဤနေ့သည် ဝမ်းမြောက်ရွှင်လန်းရသောနေ့ဖြစ်၏။ (ဟေရှာယ ၉:၃) သို့ဖြစ်သောကြောင့် ရွှင်လန်းသောလုပ်သားများအနေနှင့် ရိတ်သိမ်းခြင်းလုပ်ငန်း၌ စွဲစွဲမြဲမြဲချီတက်ကြစို့လေ!
[အောက်ခြေမှတ်ချက်များ]
^ အပိုဒ်၊ 15 ယေဟောဝါသက်သေများထုတ်ဝေ၍ ဝေငှခဲ့ကြသည်။
သင်မည်သို့ဖြေဆိုမည်နည်း
• နောက်ထပ်လုပ်သားများပေးဖို့ အသနားခံချက်ကို စပါးရှင် မည်သို့တုံ့ပြန်ခဲ့သနည်း။
• ကျွန်ုပ်တို့သည် ‘အမုန်းခံရကြ’ သော်လည်း အဘယ်သဘောထားမျိုးကို ထိန်းသိမ်းထားကြသနည်း။
• ကျွန်ုပ်တို့သည် နှိပ်စက်ညှဉ်းပန်းခံရကြလျက်ပင် အဘယ်ကြောင့်ရွှင်လန်းကြသနည်း။
• ရိတ်သိမ်းခြင်းလုပ်ငန်းတွင် အရေးတကြီးသဘောထားဖြင့် အဘယ်ကြောင့်စွဲမြဲသင့်သနည်း။
[လေ့လာရန်မေးခွန်းများ]
[စာမျက်နှာ ၁၆၊ ၁၇ ပါ ရုပ်ပုံ]
ဝိညာဉ်ရေးရာရိတ်သိမ်းခြင်း၌ ပါဝင်သူတို့သည် ကောင်းကင်တမန် ထောက်မမှုကိုရရှိထားကြ
[စာမျက်နှာ ၁၈ ပါ ရုပ်ပုံ]
ကြော်ငြာချီတက်ပွဲများက ဘုရားသခင့်နိုင်ငံတော်သတင်းကို လူအများ၏ အာရုံစိုက်စရာဖြစ်စေခဲ့
[စာမျက်နှာ ၁၈ ပါ ရုပ်ပုံ]
ကျွန်ုပ်တို့စိုက်ပျိုး၍ ရေလောင်းကြသော်လည်း ဘုရားသခင်ကကြီးထွားစေ၏