ဘုရားသခင်ချစ်မြတ်နိုးသူတို့တွင် သင်ပါဝင်သလော
ဘုရားသခင်ချစ်မြတ်နိုးသူတို့တွင် သင်ပါဝင်သလော
“ငါ့ပညတ်တို့ကိုရ၍ စောင့်ရှောက်သောသူသည် ငါ့ကိုချစ်သောသူဖြစ်၏။ ငါ့ကိုချစ်သောသူကို ငါ့ခမည်းတော်သည်ချစ်တော်မူမည်။”—ယောဟန် ၁၄:၂၁။
၁၊ ၂။ (က) ယေဟောဝါသည် လူသားတို့ကို ချစ်တော်မူကြောင်း မည်သို့တင်ပြခဲ့သနည်း။ (ခ) စီ.အီး. ၃၃၊ နိသန်လ ၁၄ ရက်ညတွင် ယေရှုအဘယ်အရာကို အစပြုကျင်းပခဲ့သနည်း။
ယေဟောဝါသည် မိမိဖန်ဆင်းထားသောလူသားများကို ချစ်မြတ်နိုးတော်မူ၏။ အမှန်မှာ ကိုယ်တော်သည် “သားတော်ကိုယုံကြည်သောသူအပေါင်းတို့သည် ပျက်စီးခြင်းသို့မရောက်၊ ထာဝရအသက်ကိုရစေခြင်းငှာ . . . မိမိ၌တစ်ပါးတည်းသောသားတော်ကို စွန့်တော်မူသည်” တိုင် လောကသားတို့ကို ချစ်မြတ်နိုးတော်မူ၏။ (ယောဟန် ၃:၁၆) ခရစ်တော်၏သေခြင်းကို သတိရအောက်မေ့ပွဲကျင်းပရန် အချိန်နီးလာသည်နှင့်အမျှ ယေဟောဝါသည် “ငါတို့ကိုချစ်၍ ငါတို့အပြစ်ဖြေစရာအကြောင်းဖြစ်စေခြင်းငှာ သားတော်ကိုစေလွှတ်တော်မူ” ကြောင်း ခရစ်ယာန်စစ်များ ပို၍ပို၍သတိချပ်အပ်သည်။—၁ ယောဟန် ၄:၁၀။
၂ အီဂျစ်ပြည်မှ ဣသရေလလူမျိုးတို့လွတ်မြောက်လာခြင်းကို အမှတ်ရစေသည့် ပသခါပွဲကိုခံဖို့ ယေရှုနှင့် တမန်တော် ၁၂ ပါးတို့သည် စီ.အီး. ၃၃၊ နိသန်လ ၁၄ ရက်ညတွင် ယေရုရှလင်မြို့ရှိ အထက်ခန်းမတစ်ခု၌ စုဝေးခဲ့ကြသည်။ (မဿဲ ၂၆:၁၇-၂၀) ဤဂျူးပွဲတော်ကိုကျင်းပပြီးနောက် ယေရှုသည် ယုဒရှကာရုတ်ကို ထွက်သွားစေပြီး ခရစ်တော်သေခြင်း၏ ခရစ်ယာန်သတိရအောက်မေ့ပွဲဖြစ်လာမည့် ညစာစားပွဲကို အစပြုကျင်းပခဲ့သည်။ * ကိုယ်တော်၏ကိုယ်ခန္ဓာနှင့် အသွေးတော်ကို ပုံဆောင်သည့် သို့မဟုတ် ကိုယ်စားပြုသည့် တဆေးမဲ့မုန့်နှင့် စပျစ်ရည်ကိုအသုံးပြုလျက် ယေရှုသည် ကျန်တမန်တော် ၁၁ ပါးနှင့်အတူစားသောက်ခဲ့သည်။ ကိုယ်တော်ဆက်လက်လုပ်ဆောင်ပုံကို ခရစ်ဝင်ကျမ်းရေးသူများဖြစ်သော မဿဲ၊ မာကုနှင့် လုကာအပြင် ‘သခင့်ညစာစားပွဲ’ ဟုခေါ်တွင်ခဲ့သူ တမန်တော်ပေါလုတို့က အသေးစိတ်ရေးသားဖော်ပြခဲ့ကြသည်။—၁ ကောရိန္သု ၁၁:၂၀; မဿဲ ၂၆:၂၆-၂၈; မာကု ၁၄:၂၂-၂၅; လုကာ ၂၂:၁၉၊ ၂၀။
၃။ အထက်ခန်းမတွင် တပည့်တော်နောက်တော်လိုက်များနှင့် ယေရှုအတူရှိခဲ့သော နောက်ဆုံးအချိန်နာရီပိုင်းများအကြောင်း တမန်တော်ယောဟန်၏မှတ်တမ်းသည် အခြားမှတ်တမ်းများနှင့် အဘယ်အရေးပါသောနည်းများဖြင့် ကွာခြားသနည်း။
၃ တမန်တော်ယောဟန်သည် မုန့်နှင့် စပျစ်ရည်လက်ဆင့်ကမ်းပေးခြင်းအကြောင်း မဖော်ပြသည်မှာ စိတ်ဝင်စားစရာပင်၊ သူ၏ခရစ်ဝင်ကျမ်းမှတ်တမ်းကို ရေးသားချိန် (စီ.အီး. ၉၈ ခန့်) တွင် ၎င်းလုပ်ထုံးလုပ်နည်းကို ကနဦးခရစ်ယာန်များ ပြုလုပ်နှင့်ပြီးဖြစ်နိုင်သည်။ (၁ ကောရိန္သု ၁၁:၂၃-၂၆) သို့သော် ယောဟန်သာလျှင် ယေရှု၏သေခြင်းအောက်မေ့ရာပွဲကို အစမပြုမီနှင့် ပြုပြီးနောက် ကိုယ်တော်အဘယ်အရာမိန့်ဆို၍ အဘယ်အရာပြုလုပ်ခဲ့ကြောင်း အရေးပါသည့်သတင်းအချက်အလက်များကို မှုတ်သွင်းခံရခြင်းဖြင့် ကျွန်ုပ်တို့အားသိစေခဲ့သည်။ အဆိုပါစိတ်လှုပ်ရှားဖွယ် ခရေစေ့တွင်းကျဖော်ပြချက်များကို ယောဟန်ခရစ်ဝင်ကျမ်း၏ အခန်းကြီးငါးခုတွင် ဖတ်ရှုရသည်။ ၎င်းတို့က ဘုရားသခင်ချစ်မြတ်နိုးသော လူစားမျိုးကို အထင်အရှားဖော်ပြသည်။ ယောဟန်အခန်းကြီး ၁၃ မှ ၁၇ ကိုဆန်းစစ်ကြည့်ကြစို့။
စံထားအပ်သော ယေရှု၏မေတ္တာတော်မှ သင်ယူလော့
၄။ (က) အောက်မေ့ရာပွဲကို ယေရှုအစပြုသောအခါ တပည့်တော်နောက်တော်လိုက်များနှင့်ကိုယ်တော်တွေ့ဆုံခြင်း၏ အဓိကအချက်ကို ယောဟန်မည်သို့အလေးပေးဖော်ပြခဲ့သနည်း။ (ခ) အဘယ်အရေးပါသောအကြောင်းရင်းတစ်ခုကြောင့် ယေရှုကိုယေဟောဝါချစ်မြတ်နိုးရသနည်း။
၄ မိမိ၏နောက်လိုက်များကို ယေရှုမိန့်ဆိုခဲ့သော နှုတ်ဆက်စကားများပါသည့် ၎င်းအခန်းကြီးများတစ်လျှောက် အဓိကအချက်မှာ မေတ္တာဖြစ်သည်။ အမှန်မှာ “မေတ္တာ” ဟူသော စကားလုံးပုံစံအမျိုးမျိုးကို ၃၁ ကြိမ်တွေ့ရှိရသည်။ ခမည်းတော်ယေဟောဝါနှင့် မိမိ၏တပည့်တော်နောက်တော်လိုက်များကို ယေရှုအလွန်ချစ်ကြောင်း ဤအခန်းကြီးများတွင် အထင်ရှားဆုံးပေါ်လွင်သည်။ ယေရှု၏သက်တော်စဉ်ဆိုင်ယောဟန် ၁၄:၃၁) မိမိကို ယေဟောဝါချစ်မြတ်နိုးကြောင်းနှင့် အဘယ်ကြောင့်ချစ်ရကြောင်းကိုလည်း ယေရှုဖော်ပြခဲ့သည်။ ကိုယ်တော်ဤသို့ဆိုခဲ့၏– “ခမည်းတော်သည် ငါ့ကိုချစ်တော်မူသကဲ့သို့ ငါသည်သင်တို့ကိုချစ်၏။ ငါ၏ချစ်ခြင်းမေတ္တာ၌တည်နေကြလော့။ ငါသည် ငါ့ခမည်းတော်၏မေတ္တာ၌တည်နေသကဲ့သို့၊ သင်တို့သည် ငါ့ပညတ်တို့ကိုစောင့်ရှောက်လျှင်၊ ငါ့မေတ္တာ၌တည်နေကြလိမ့်မည်။” (ယောဟန် ၁၅:၉၊ ၁၀) မှန်ပါ၏၊ ယေဟောဝါသည် သားတော်၏အကြွင်းမဲ့နာခံမှုကြောင့် ကိုယ်တော်ကိုချစ်မြတ်နိုးတော်မူ၏။ ယေရှုခရစ်၏နောက်လိုက်အားလုံးအတွက် ကောင်းသောသင်ခန်းစာတစ်ရပ်ပင်!
ရာ ခရစ်ဝင်ကျမ်းမှတ်တမ်းအားလုံးတွင် ယေဟောဝါကို ကိုယ်တော်ချစ်မြတ်နိုးကြောင်း သိနိုင်ပါသည်၊ သို့သော် “ငါသည် ခမည်းတော်ကိုချစ်သည်” ဟု ယေရှုအတိအလင်းဖော်ပြကြောင်း ယောဟန်တစ်ဦးတည်းသာလျှင် မှတ်တမ်းတင်သည်။ (၅။ ယေရှုသည် တပည့်တော်နောက်တော်လိုက်များကိုချစ်ကြောင်း မည်သို့တင်ပြခဲ့သနည်း။
၅ တပည့်နောက်လိုက်များကို ယေရှုအလွန်ချစ်ကြောင်း တမန်တော်များနှင့် ယေရှုနောက်ဆုံးအကြိမ် တွေ့ဆုံခဲ့ခြင်းအကြောင်း ယောဟန်၏မှတ်တမ်းအစ၌ ပေါ်လွင်သည်။ ယောဟန်ဤသို့ပြန်ပြောပြခဲ့သည်– “ပသခါပွဲမခံမီ၌ ယေရှုသည် ဤလောကမှခမည်းတော်ထံသို့ ပြောင်းရသောအချိန်ရောက်သည်ကို သိတော်မူသည်ဖြစ်၍၊ ဤလောက၌ရှိသောမိမိလူတို့ကို ချစ်တော်မူသောကြောင့် အဆုံးတိုင်အောင်ချစ်တော်မူ၏။” (ယောဟန် ၁၃:၁) သတိရအောက်မေ့ဖွယ် ထိုညနေခင်းတွင် ကိုယ်တော်သည် မေတ္တာရှိစွာ သူတစ်ပါးအစေခံခြင်းကို မမေ့နိုင်ဖွယ်သင်ခန်းစာတစ်ခုဖြင့် ဖော်ပြခဲ့သည်။ ကိုယ်တော်သည် သူတို့၏ခြေကိုဆေးပေးခဲ့သည်။ ၎င်းသည် ယေရှုနှင့် ညီအစ်ကိုချင်းတို့အား သူတို့ယောက်တိုင်း တလိုတလားပြုလုပ်သင့်သောအရာဖြစ်သော်လည်း သူတို့ခေါင်းရှောင်ခဲ့ကြသည်။ ဤနိမ့်ကျသောအလုပ်ကို ယေရှုလုပ်ဆောင်ပြီးနောက် တပည့်တော်နောက်တော်လိုက်များအား ဤသို့မိန့်ဆိုခဲ့သည်– “ငါသည် သခင်ဖြစ်လျက်၊ အရှင်ဘုရားလည်းဖြစ်လျက်နှင့် သင်တို့၏ခြေကိုဆေးလျှင် သင်တို့သည် အချင်းချင်းတို့၏ခြေကို ဆေးရကြမည်။ ငါသည်သင်တို့၌ပြုသကဲ့သို့ သင်တို့သည်ပြုစေခြင်းငှာ ပုံသက်သေကိုပြခဲ့ပြီ။” (ယောဟန် ၁၃:၁၄၊ ၁၅) ခရစ်ယာန်စစ်များသည် မိမိတို့ညီအစ်ကိုများ၏အစေကိုခံဖို့ တလိုတလားရှိရုံမက ပျော်ရွှင်သင့်သည်။—မဿဲ ၂၀:၂၆၊ ၂၇၊ ကဘ၊ အောက်ခြေမှတ်ချက်; ယောဟန် ၁၃:၁၇။
ပညတ်အသစ်ကိုလိုက်လျှောက်လော့
၆၊ ၇။ (က) အောက်မေ့ရာပွဲစတင်ကျင်းပခြင်းနှင့်ပတ်သက်၍ အဘယ်အရေးပါသည့် အသေးစိတ်အချက်အလက်ကို ယောဟန်ဖော်ပြသနည်း။ (ခ) ယေရှုသည် တပည့်တော်နောက်တော်လိုက်များအား အဘယ်ပညတ်သစ်ကို ပေးခဲ့သနည်း၊ ထိုတွင် အဘယ်အရာက အသစ်ဖြစ်သနည်း။
၆ နိသန်လ ၁၄ ရက်ညက အထက်ခန်းမ၌ အဖြစ်အပျက်ကို ယောဟန်၏မှတ်တမ်းတစ်ခုတည်းကသာ ယုဒရှကာရုတ်ထွက်ခွာသွားကြောင်း အတိအကျဖော်ပြသည်။ (ယောဟန် ၁၃:၂၁-၃၀) ခရစ်ဝင်ကျမ်းမှတ်တမ်းများ ကိုက်မကိုက် ညှိကြည့်သည့်အခါ အဆိုပါ မတည်ကြည်သူ ထွက်သွားပြီးနောက်မှသာ ယေရှုသည် မိမိ၏သေခြင်းအောက်မေ့ရာပွဲကို စတင်ကျင်းပကြောင်း သိရှိရသည်။ ထို့နောက် တည်ကြည်သောတမန်တော်များနှင့် မခွဲခွာမီ အမှာစကားများကို အကျယ်တဝင့်ပြောဆိုခဲ့သည်။ အောက်မေ့ရာပွဲတက်ရောက်ဖို့ ပြင်ဆင်နေကြစဉ် ကျွန်ုပ်တို့သည် အထူးသဖြင့် ဘုရားသခင်ချစ်မြတ်နိုးသူများတွင် တစ်ဦးပါဝင်လိုသောကြောင့် ထိုအချိန်အခါ၌ ယေရှုမိန့်ဆိုခဲ့ရာကို အထူးစိတ်ဝင်စားသင့်သည်။
၇ မိမိ၏သေခြင်းအောက်မေ့ရာပွဲကို စတင်ကျင်းပပြီးနောက် တပည့်တော်နောက်တော်လိုက်များအား ယေရှုဦးဆုံးပေးခဲ့သော သွန်သင်ချက်သည် အသစ်ဖြစ်၏။ ကိုယ်တော်ဤသို့ကြေညာခဲ့သည်– “သင်တို့သည် အချင်းချင်းတစ်ယောက်ကိုတစ်ယောက်ချစ်ကြလော့။ ငါသည် သင်တို့ကိုချစ်သည်နည်းတူ အချင်းချင်းချစ်ကြလော့ဟု ပညတ်သစ်ကိုငါပေး၏။ သင်တို့သည်အချင်းချင်းချစ်ကြလျှင်၊ လူအပေါင်းတို့သည် ထိုမေတ္တာကိုထောက်၍ သင်တို့သည် ငါ၏တပည့်ဖြစ်သည်ကို သိရကြလိမ့်မည်။” (ယောဟန် ၁၃:၃၄၊ ၃၅) ဤပညတ်တွင် အဘယ်အရာက အသစ်ဖြစ်သနည်း။ ထိုညနေနှောင်းပိုင်းတွင် ယေရှုသည် ဤသို့ဆိုလျက် ကိစ္စရပ်ကိုရှင်းလင်းခဲ့သည်– “ငါ့ပညတ်ဟူမူကား ငါသည်သင်တို့ကိုချစ်သည့်နည်းတူ သင်တို့သည်အချင်းချင်းချစ်ကြလော့။ ကိုယ်အဆွေတို့အဖို့အလိုငှာ ကိုယ်အသက်ကိုစွန့်ခြင်းမေတ္တာထက် သာ၍မြတ်သောမေတ္တာသည် အဘယ်သူ၌မျှမရှိ။” (ယောဟန် ၁၅:၁၂၊ ၁၃) မောရှေပညတ်က “ကိုယ်နှင့်စပ်ဆိုင်သူကို ကိုယ်နှင့်အမျှချစ်” ရန် ဣသရေလလူတို့ကိုပညတ်ထားသည်။ (ဝတ်ပြုရာ ၁၉:၁၈) ယေရှု၏ပညတ်မှာမူ ထို့ထက်တာသွားသည်။ ခရစ်ယာန်များသည် မိမိတို့ကိုခရစ်တော်ချစ်သကဲ့သို့ အချင်းချင်းချစ်ရကြမည်ဖြစ်သည်၊ ညီအစ်ကိုများအတွက် အသက်စွန့်ဖို့တလိုတလားရှိကြရမည်။
၈။ (က) ကိုယ်ကျိုးစွန့်မေတ္တာတွင် အဘယ်အရာပါဝင်သနည်း။ (ခ) ယေဟောဝါသက်သေများသည် ကိုယ်ကျိုးစွန့်မေတ္တာကို ယနေ့ မည်သို့တင်ပြကြသနည်း။
၂ ကောရိန္သု ၁၂:၁၅; ဖိလိပ္ပိ ၂:၁၇) ကမ္ဘာတစ်ဝန်းတွင် ယေဟောဝါသက်သေများသည် မိမိတို့ညီအစ်ကိုများနှင့် အိမ်နီးချင်းများကိုကူညီပေးခြင်း၊ လူသားချင်းတို့အား ကျမ်းစာအမှန်တရားဝေမျှပေးရန် ကိုယ်ကျိုးစွန့် အသုံးတော်ခံကြခြင်းအတွက် လူသိများကြသည်။ *—ဂလာတိ ၆:၁၀။
၈ သတိရအောက်မေ့ပွဲအချိန်အခါသည် စစ်မှန်သောခရစ်ယာန်ဘာသာ၏ ထင်ရှားသောအမှတ်အသားဖြစ်သည့် ခရစ်တော်ကဲ့သို့မေတ္တာ ကျွန်ုပ်တို့၌အမှန်ရှိမရှိသိရန် မိမိတို့ကိုယ်ကိုစစ်ဆေးသင့်သောအချိန်ဖြစ်သည်။ ထိုသို့သောကိုယ်ကျိုးစွန့်မေတ္တာသည် မိမိညီအစ်ကိုများကို အပ်နှံမည့်အစား မိမိအသက်စွန့်ခြင်းကို ဆိုလိုနိုင်ပြီး တစ်ခါတစ်ရံ ထိုသို့ဖြစ်ခဲ့သည်။ သို့သော် အများအားဖြင့် ကျွန်ုပ်တို့၏ညီအစ်ကိုများနှင့် အခြားသူတို့ကို အကူအညီပေး၍ သူတစ်ပါးအကျိုးဆောင်ရန် တလိုတလားကိုယ်ကျိုးစွန့်ခြင်းပါဝင်သည်။ ဤကိစ္စတွင် တမန်တော်ပေါလုသည် စံနမူနာကောင်းဖြစ်သည်။ (တန်ဖိုးထားရမည့်ဆက်ဆံရေးများ
၉။ ဘုရားသခင်၊ ကိုယ်တော်၏သားတော်နှင့် ကျွန်ုပ်တို့ အဖိုးတန်ဆက်ဆံရေးရှိခြင်းကို ဆက်၍ထိန်းသိမ်းရန် အဘယ်အရာကို ပျော်ရွှင်စွာလုပ်ဆောင်လိုကြသနည်း။
၉ ယေဟောဝါနှင့် ကိုယ်တော့်သားတော် ခရစ်တော်ယေရှုတို့၏ ချစ်မြတ်နိုးမှုခံရခြင်းထက် သာ၍အဖိုးထိုက်သောအရာမရှိနိုင်ပါ။ သို့ရာတွင် ဤမေတ္တာတော်ကိုခံစားရဖို့ ကျွန်ုပ်တို့ပြုလုပ်ရမည့်အရာတစ်ခုရှိသည်။ တပည့်တော်နောက်တော်လိုက်များနှင့်အတူရှိသော နောက်ဆုံးညတွင် ယေရှုဤသို့မိန့်ဆိုခဲ့သည်– “ငါ့ပညတ်တို့ကိုရ၍ စောင့်ရှောက်သောသူသည် ငါ့ကိုချစ်သောသူဖြစ်၏။ ငါ့ကိုချစ်သောသူကို ငါ့ခမည်းတော်သည်ချစ်တော်မူမည်။ ငါသည်လည်းထိုသူကိုချစ်၍ သူ့အားကိုယ်တိုင်ထင်ရှားမည်။” (ယောဟန် ၁၄:၂၁) ဘုရားသခင်နှင့် ကိုယ်တော်၏သားတော်တို့နှင့် ဆက်ဆံရေးကောင်းရှိခြင်းကို ကျွန်ုပ်တို့တန်ဖိုးထားကြသောကြောင့် သူတို့၏ပညတ်ချက်များကို ကျွန်ုပ်တို့ပျော်ရွှင်စွာနာခံကြသည်။ ၎င်းတွင် ကိုယ်ကျိုးစွန့်မေတ္တာတင်ပြရန် ပညတ်အသစ်နှင့် သတင်းကောင်းလက်ခံသူတို့ကို “တပည့်ဖြစ်စေ” ရန်ကြိုးပမ်းလျက် “လူအပေါင်းတို့အားဟောပြော . . . သက်သေခံကြလော့” ဟူသော ခရစ်တော်ရှင်ပြန်ထမြောက်ပြီးနောက်ပေးခဲ့သည့် အမိန့်တော်လည်းပါဝင်သည်။—တမန်တော် ၁၀:၄၂; မဿဲ ၂၈:၁၉၊ ၂၀။
၁၀။ ဝိညာဉ်တော်ဖွားများနှင့် “အခြားသိုး” အတွက် အဘယ်တန်ဖိုးရှိဆက်ဆံရေးများရှိသနည်း။
၁၀ ထိုညနှောင်းပိုင်းတွင် တည်ကြည်သောတမန်တော်ယုဒ (သဒ္ဒဲ) ၏မေးခွန်းကို ယေရှုဤသို့ဖြေကြားခဲ့သည်– “ငါ့ကိုချစ်သောသူသည် ငါ့စကားကိုနားထောင်လိမ့်မည်။ ငါ့ခမည်းတော်သည် ထိုသူကိုချစ်တော်မူသည်။ ငါတို့သည်လည်း သူ့ဆီသို့ကြွ၍နေရာချမည်။” (ယောဟန် ၁၄:၂၂၊ ၂၃) ခရစ်တော်နှင့်အတူ ကောင်းကင်တွင်အုပ်ချုပ်ဖို့ ခေါ်ဖိတ်ခံရသော ဝိညာဉ်တော်ဖွားခရစ်ယာန်များသည် မြေကြီးပေါ်ရှိစဉ်၌ပင် ယေဟောဝါ၊ ကိုယ်တော့်သားတော်နှင့် အထူးရင်းနှီးသောဆက်ဆံရေးရှိကြသည်။ (ယောဟန် ၁၅:၁၅; ၁၆:၂၇; ၁၇:၂၂; ဟေဗြဲ ၃:၁; ၁ ယောဟန် ၃:၂၊ ၂၄) သို့သော် သူတို့၏အပေါင်းပါဖြစ်သော မြေကြီးပေါ်ထာဝစဉ်အသက်ရှင်ဖို့မျှော်လင့်ကြသည့် “အခြားသိုး” တို့သည်လည်း နာခံမှုရှိကြောင်းတင်ပြကြမည်ဆိုလျှင် သူတို့၏ “သိုးထိန်းတစ်ပါးတည်း” ဖြစ်သော ယေရှုခရစ်၊ သူတို့၏ဘုရားသခင် ယေဟောဝါနှင့် အဖိုးထိုက်သောဆက်ဆံရေးရှိကြသည်။—ယောဟန် ၁၀:၁၆; ဆာလံ ၁၅:၁-၅; ၂၅:၁၄။
“သင်တို့သည်လော[က]နှင့်မဆက်ဆံ”
၁၁။ ယေရှုသည် မိမိ၏တပည့်တော်နောက်တော်လိုက်များအား အဘယ်လေးနက်သောသတိပေးချက်ကို ပေးခဲ့သနည်း။
၁၁ ယေရှုမသေဆုံးမီ တည်ကြည်သောတမန်တော်များနှင့် နောက်ဆုံးအကြိမ်တွေ့ဆုံချိန်၌ ကိုယ်တော်သည် ဤသို့အလေးအယောဟန် ၁၅:၁၈-၂၀။
နက်သတိပေးခဲ့သည်– ဘုရားသခင့်ချစ်မြတ်နိုးမှုခံစားရသူတစ်ဦးသည် လောက၏မုန်းတီးခြင်းကိုခံရလိမ့်မည်။ ကိုယ်တော်ဤသို့အတိအလင်းဆို၏– “လောကသားတို့သည် သင်တို့ကိုမုန်းလျှင်၊ သင်တို့ကိုမမုန်းမီ ငါ့ကိုမုန်းကြသည်ကို သိမှတ်ကြလော့။ သင်တို့သည် လော[က]နှင့်ဆက်ဆံလျှင်၊ လော[က]သားတို့သည် မိမိတို့နှင့်ဆက်ဆံသောသင်တို့ကို ချစ်ကြလိမ့်မည်။ သင်တို့သည်လော[က]နှင့်မဆက်ဆံ၊ လော[က]ထဲက ငါရွေးကောက်သောသူဖြစ်သောကြောင့်၊ လော[က]သားတို့သည် သင်တို့ကိုမုန်းကြ၏။ ကျွန်သည် မိမိသခင်ထက်သာ၍ကြီးမြတ်သည်မဟုတ်ဟု ငါပြောခဲ့ပြီးသောစကားကို အောက်မေ့ကြလော့။ သူတို့သည် ငါ့ကိုညှဉ်းဆဲလျှင် သင်တို့ကိုညှဉ်းဆဲကြလိမ့်မည်။ ငါ့စကားကိုနားထောင်လျှင် သင်တို့၏စကားကို နားထောင်ကြလိမ့်မည်။”—၁၂။ (က) လောက၏မုန်းတီးမှုကိုခံရမည်ဟု တပည့်တော်နောက်တော်လိုက်များကို ယေရှုအဘယ်ကြောင့်သတိပေးခဲ့သနည်း။ (ခ) အောက်မေ့ရာပွဲချဉ်းကပ်လာသည်နှင့်အမျှ ကျွန်ုပ်တို့အားလုံး အဘယ်အရာကို သုံးသပ်သင့်သနည်း။
၁၂ ဤတမန်တော် ၁၁ ပါးနှင့် သူတို့နောက်မှ ယုံကြည်လာသူ ခရစ်ယာန်စစ်များသည် လောက၏မုန်းတီးမှုခံရသောကြောင့် စိတ်ဓာတ်ကျ၍ အရှုံးမပေးကြဖို့ ထိုသို့ယေရှုသတိပေးခဲ့သည်။ ကိုယ်တော်ဤသို့ထပ်ဆင့်မိန့်ဆိုခဲ့သည်– “သင်တို့သည်စိတ်မပျက် [“ထိမိ၍မလဲ၊” ကဘ] စေခြင်းငှာ ဤစကားကိုငါဟောပြော၏။ လော[က]သားတို့သည် သင်တို့ကို တရားဇရပ်မှနှင်ထုတ်လိမ့်မည်။ သင်တို့ကိုသတ်သောသူမည်သည်ကား ဘုရား[သခင်]ဝတ်ကိုငါပြုပြီဟု မိမိထင်မှတ်သောအချိန်ကာလရောက်လိမ့်မည်။ ခမည်းတော်ကိုမသိ၊ ငါ့ကိုလည်းမသိသောကြောင့် ထိုသို့ပြုကြလိမ့်မည်။” (ယောဟန် ၁၆:၁-၃) ဤတွင် ‘ထိမိ၍လဲ’ ဟုဘာသာပြန်ဆိုထားသော ကြိယာသဏ္ဌာန်သည် “ယုံကြည်စိတ်ချ၍ နာခံသင့်သူကို လူတစ်ဦး မယုံသင်္ကာဖြစ်လာပြီး စွန့်ခွာသွားခြင်း; သွေဖည်သွားခြင်း” ဟုအဓိပ္ပာယ်ရှိကြောင်း ကျမ်းစာအဘိဓာန်တစ်စောင်က ရှင်းပြသည်။ အောက်မေ့ရာပွဲကျင်းပချိန်နီးကပ်လာသည်နှင့်အမျှ အတိတ်နှင့်မျက်မှောက်ခေတ် တည်ကြည်သူများ၏ ဘဝလမ်းစဉ်ကို ပြန်လည်ဆင်ခြင်သုံးသပ်ကာ စမ်းသပ်မှုအောက် သူတို့၏တည်ကြည်မြဲမြံမှု စံနမူနာကို အားလုံးအတုယူသင့်သည်။ ဆန့်ကျင်မှု သို့မဟုတ် နှိပ်စက်ညှဉ်းပန်းမှုက သင့်အား ယေဟောဝါနှင့်ယေရှုကိုမစွန့်စေဘဲ သူတို့ကို ယုံကြည်စိတ်ချ၍ နာခံရန်သန္နိဋ္ဌာန်ချထားပါ။
၁၃။ ခမည်းတော်ထံယေရှုဆုတောင်းရာ၌ မိမိ၏နောက်လိုက်များအတွက် အဘယ်အရာတောင်းဆိုခဲ့သနည်း။
၁၃ ယေရုရှလင်မြို့ရှိအထက်ခန်းမမှ မထွက်ခွာမီ နိဂုံးချုပ်ဆုတောင်းရာ၌ ခမည်းတော်ကို ယေရှုဤသို့ဆိုခဲ့သည်– “ကိုယ်တော်၏နှုတ်[မြွက်]တရားကို ဤသူတို့အားအကျွန်ုပ်ပေးပါပြီ။ အကျွန်ုပ်သည် ဤလောကနှင့်မဆက်ဆံသကဲ့သို့ ဤသူတို့သည် မဆက်ဆံသောကြောင့်၊ လော[က]သားတို့သည် ဤသူတို့ကိုမုန်းကြပါ၏။ ဤသူတို့ကို ဤလောကမှနုတ်ယူတော်မူမည်အကြောင်း အကျွန်ုပ်တောင်းသည်မဟုတ်ပါ။ မကောင်းသောအမှုအရာနှင့် ကင်းလွတ်စေခြင်းငှာ စောင့်မတော်မူမည်အကြောင်းကိုသာ တောင်းပါ၏။ အကျွန်ုပ်သည် ဤလောကနှင့်မဆက်ဆံသကဲ့သို့ ဤသူတို့သည်မဆက်ဆံကြပါ။” (ယောဟန် ၁၇:၁၄-၁၆) ယေဟောဝါသည် မိမိချစ်မြတ်နိုးသူများ လောကမှသီးခြားနေကြစဉ် သူတို့ကိုခွန်အားပေးရန် စောင့်ကြပ်တော်မူလိမ့်မည်ဟု ကျွန်ုပ်တို့စိတ်ချနိုင်ကြပါသည်။—ဟေရှာယ ၄၀:၂၉-၃၁။
ခမည်းတော်နှင့် သားတော်၏မေတ္တာ၌ တည်နေကြလော့
၁၄၊ ၁၅။ (က) ယေရှုသည် မိမိကိုယ်ကို အဘယ်အရာနှင့်ခိုင်းနှိုင်းခဲ့သနည်း၊ အဘယ် ‘အမျိုးဖျင်းသောစပျစ်ပင်’ နှင့်မတူသနည်း။ (ခ) “မှန်သောစပျစ်နွယ်ပင်” ၏ “အခက်များ” ကားမည်သူတို့နည်း။
၁၄ နိသန်လ ၁၄ ရက်ညတွင် မိမိ၏တည်ကြည်သောတပည့်တော်နောက်တော်လိုက်များနှင့် ရင်းရင်းနှီးနှီးစကားပြောဆိုကြစဉ် ယေရှုသည် ‘အမျိုးဖျင်းသောစပျစ်ပင်’ ဖြစ်သည့် မတည်ကြည်သောဣသရေလလူတို့နှင့်ဆန့်ကျင်လျက် မိမိကိုယ်ကို “မှန်သောစပျစ်နွယ်ပင်” အဖြစ်ခိုင်းနှိုင်းပြခဲ့သည်။ ကိုယ်တော်က “ငါသည် မှန်သောစပျစ်နွယ်ပင်ဖြစ်၏။ ငါ့ခမည်းတော်သည်လည်း ဥယျာဉ်စောင့်ဖြစ်တော်မူ၏” ဟုဆိုသည်။ (ယောဟန် ၁၅:၁) လွန်ခဲ့သည့်ရာစုနှစ်ပေါင်းများစွာက ပရောဖက်ယေရမိသည် သွေဖည်သွားသော မိမိ၏လူမျိုးတော်အား ယေဟောဝါမိန့်ဆိုသည့် ဤစကားကိုမှတ်တမ်းတင်ခဲ့သည်– “စပျစ်နွယ်ပင်အမျိုးစစ်ဖြစ်သောသင့်ကို ငါစိုက်ပျိုးသော်လည်း သင်သည်ငါ့ရှေ့မှာ အဘယ်မျှလောက်ဖောက်ပြန်၍ အမျိုးမစစ်သောစပျစ်နွယ်ပင်ဖြစ်ပါသည်တကား။” (ယေရမိ ၂:၂၁) ပရောဖက်ဟောရှေလည်း ဤသို့ရေးသားခဲ့သည်– “ဣသရေလသည် [“အမျိုးဖျင်း၊” ကဘ] သော စပျစ်နွယ်ပင်ဖြစ်၏။ ကိုယ်အလိုအလျောက် သီးတတ်၏။ . . . သူတို့၌ စိတ်နှစ်ခွရှိ၏။”—ဟောရှေ ၁၀:၁၊ ၂။
၁၅ ဣသရေလလူမျိုးသည် စစ်မှန်သောဝတ်ပြုရေးအသီးကို သီးပွင့်မည့်အစား အယူဖောက်ပြန်၍ ကိုယ်အလိုအလျောက်အသီးသီးခဲ့သည်။ တည်ကြည်သောတပည့်တော်နောက်တော်လိုက်များနှင့် နောက်ဆုံးတွေ့ဆုံချိန်မတိုင်မီ သုံးရက်တွင် ယေရှုသည် အရေခြုံဘာသာရေးခေါင်းဆောင်များကို ဤသို့ပြောခဲ့သည်– “ငါဆိုသည်ကား ဘုရားသခင်၏နိုင်ငံတော်ကို သင်တို့မှနုတ်၍ နိုင်ငံတော်၏အသီးကိုသီးအံ့သော လူမျိုးအားပေးရလတ္တံ့။” (မဿဲ ၂၁:၄၃) ထိုလူမျိုးအသစ်ကား ဝိညာဉ်တော်ဖွားခရစ်ယာန် ၁၄၄,၀၀၀ ဖြင့်ဖွဲ့စည်းထားပြီး “မှန်သောစပျစ်နွယ်ပင်” ခရစ်တော်ယေရှု၏ “အခက်များ” နှင့်ခိုင်းနှိုင်းခံရသော “ဘုရားသခင်၏ဣသရေလအမျိုး” ဖြစ်သည်။—ဂလာတိ ၆:၁၆; ယောဟန် ၁၅:၅; ဗျာဒိတ် ၁၄:၁၊ ၃။
၁၆။ ယေရှုသည် တည်ကြည်သော တမန်တော် ၁၁ ပါးကို အဘယ်အရာပြုရန် တိုက်တွန်းခဲ့သနည်း၊ ဤဆုံးခန်းချိန်၌ တည်ကြည်သောအကြွင်းအကျန်နှင့်ပတ်သက်၍ မည်သို့ဆိုနိုင်သနည်း။
၁၆ ထိုအထက်ခန်းမတွင် မိမိနှင့်အတူရှိသော တမန်တော် ၁၁ ပါးကို ယေရှုဤသို့မိန့်ဆိုခဲ့သည်– “ငါ၌အသီးမသီးသောအခက်ရှိသမျှတို့ကို ခုတ်ပစ်တော်မူ၏။ အသီးသီးသောအခက်ရှိသမျှတို့ကို သာ၍သီးစေခြင်းငှာ သုတ်သင်ရှင်းလင်းတော်မူ၏။ ငါ၌တည်နေကြလော့။ ငါသည်လည်းသင်တို့၌တည်နေမည်။ စပျစ်ခက်သည် အပင်၌မတည်လျှင် ကိုယ်အလိုအလျောက်အသီးမသီးနိုင်သကဲ့သို့ သင်တို့သည် ငါ၌မတည်လျှင် အသီးမသီးနိုင်ကြ။” (ယောဟန် ၁၅:၂၊ ၄) တည်ကြည်သောဝိညာဉ်တော်ဖွား အကြွင်းအကျန်ခရစ်ယာန်များသည် သူတို့၏ဦးခေါင်းယေရှုခရစ်၌ ဆက်တည်နေကြောင်း ယေဟောဝါ၏မျက်မှောက်ခေတ် လူမျိုးတော်သမိုင်းကတင်ပြပါသည်။ (ဧဖက် ၅:၂၃) သန့်စင်၍ အခက်အလက်ချိုင်ပေးခြင်းကို သူတို့လက်ခံခဲ့ကြသည်။ (မာလခိ ၃:၂၊ ၃) ၁၉၁၉ မှစ၍ သူတို့သည် ဘုရားသခင့်နိုင်ငံတော်အသီးဖြစ်သော ဦးဆုံးအနေနှင့် အခြားဝိညာဉ်တော်ဖွားခရစ်ယာန်များ၊ ထို့နောက် ၁၉၃၅ မှစ၍ အရေအတွက် အစဉ်တစိုက်တိုးပွားလျက်နေသော သူတို့၏အပေါင်းပါ “လူအုပ်ကြီး” ကိုလှိုင်လှိုင်သီးပွင့်စေခဲ့ပြီ။—ဗျာဒိတ် ၇:၉; ဟေရှာယ ၆၀:၄၊ ၈-၁၁။
၁၇၊ ၁၈။ (က) ဝိညာဉ်တော်ဖွားများနှင့် အခြားသိုးများကို ယေဟောဝါ၏မေတ္တာတော်၌တည်နေကြဖို့ ယေရှု၏အဘယ်စကားများက ထောက်ကူပေးသနည်း။ (ခ) အောက်မေ့ရာပွဲကိုတက်ရောက်ခြင်းက ကျွန်ုပ်တို့ကို မည်သို့အားဖြည့်ပေးမည်နည်း။
၁၇ ယေရှုထပ်ဆင့်မိန့်ဆိုခဲ့သော ဤစကားများသည် ဝိညာဉ်တော်ဖွားခရစ်ယာန်များအပြင် သူတို့၏အပေါင်းပါအားလုံးနှင့်သက်ဆိုင်သည်– “သင်တို့သည် များစွာသောအသီးကိုသီးသောအားဖြင့်၊ ငါ့ခမည်းတော်သည် ဘုန်းထင်ရှားတော်မူ၍၊ သင်တို့သည်လည်း ငါ၏တပည့်မှန်ကြလိမ့်မည်။ ခမည်းတော်သည် ငါ့ကိုချစ်တော်မူသကဲ့သို့ ငါသည်သင်တို့ကိုချစ်၏။ ငါ၏ချစ်ခြင်းမေတ္တာ၌တည်နေကြလော့။ ငါသည် ငါ့ခမည်းတော်၏ပညတ်တို့ကိုစောင့်ရှောက်၍ ခမည်းတော်၏မေတ္တာ၌တည်နေသကဲ့သို့၊ သင်တို့သည် ငါ့ပညတ်တို့ကိုစောင့်ရှောက်လျှင် ငါ့မေတ္တာ၌တည်နေကြလိမ့်မည်။”—ယောဟန် ၁၅:၈-၁၀။
၁၈ ကျွန်ုပ်တို့အားလုံး ဘုရားသခင့်မေတ္တာတော်၌တည်နေလိုကြပြီး ယင်းက ကျွန်ုပ်တို့ကို တည်ကြည်သောခရစ်ယာန်များဖြစ်စေသည်။ “[ဘုရားသခင့်] နိုင်ငံတော်နှင့်ယှဉ်သောဧဝံဂေလိတရား” ဟောပြောရန် အခွင့်အရေးရသမျှကို ကျွန်ုပ်တို့ယူခြင်းဖြင့် ယင်းသို့ပြုကြသည်။ (မဿဲ ၂၄:၁၄) ကျွန်ုပ်တို့၏အသက်တာတွင် ‘ဝိညာဉ်တော်နှင့်ဆိုင်သောအသီးများ’ ကိုလည်း အတတ်နိုင်ဆုံးတင်ပြကြသည်။ (ဂလာတိ ၅:၂၂၊ ၂၃) ထိုသို့ပြုလုပ်ရန် ကျွန်ုပ်တို့၏စိတ်ပိုင်းဖြတ်ချက်ကို ခရစ်တော်၏သေခြင်းအောက်မေ့ရာပွဲကိုတက်ခြင်းက အားဖြည့်ပေးပါလိမ့်မည်၊ အကြောင်းမူကား မိမိတို့အပေါ် ဘုရားသခင်နှင့်ခရစ်တော်၏ ကြီးမားသောမေတ္တာတော်ကို ကျွန်ုပ်တို့အား ပြန်သတိရစေပါလိမ့်မည်။—၂ ကောရိန္သု ၅:၁၄၊ ၁၅။
၁၉။ နောက်ဆောင်းပါးတွင် အဘယ်ထပ်ဆင့်အကူအညီအကြောင်း ဆွေးနွေးမည်နည်း။
၁၉ ခမည်းတော်သည် မိမိ၏တည်ကြည်သောနောက်လိုက်များထံ ‘အကူအညီပေးမည့် သန့်ရှင်းသောဝိညာဉ်တော်’ ကိုစေလွှတ်မည်ဟု အောက်မေ့ရာပွဲကို အစပြုကျင်းပပြီးနောက် ယေရှုကတိပြုခဲ့သည်။ (ယောဟန် ၁၄:၂၆၊ ကဘ) ဤဝိညာဉ်တော်က ဝိညာဉ်တော်ဖွားနှင့် အခြားသိုးများကို ယေဟောဝါ၏မေတ္တာတော်၌တည်နေစေဖို့ မည်သို့ထောက်ကူပေးမည်ကို နောက်ဆောင်းပါး၌ သုံးသပ်ပါမည်။
[အောက်ခြေမှတ်ချက်များ]
^ အပိုဒ်၊ 2 ကျမ်းစာဖြင့်တွက်ချက်ကြည့်လျှင် ၂၀၀၂ ခုနှစ်အတွက် နိသန်လ ၁၄ ရက်သည် မတ်လ ၂၈၊ ကြာသပတေးနေ့ နေဝင်ချိန်၌စတင်သည်။ ထိုညနေပိုင်းတွင် ကမ္ဘာတစ်ဝန်းရှိ ယေဟောဝါသက်သေများသည် သခင်ယေရှုခရစ်၏သေခြင်းကို သတိရအောက်မေ့ပွဲကျင်းပရန် စုရုံးကြပါလိမ့်မည်။
^ အပိုဒ်၊ 8 ယေဟောဝါသက်သေများထုတ်ဝေသော ယေဟောဝါသက်သေများ—ဘုရားသခင့်နိုင်ငံတော်ကြွေးကြော်သူများ စာအုပ်အခန်း ၁၉ နှင့် ၃၂ ကိုရှု။
ပြန်လည်သုံးသပ်ရန်မေးခွန်းများ
• ယေရှုသည် မိမိ၏တပည့်တော်နောက်တော်လိုက်များအား မေတ္တာဖြင့်အစေခံခြင်းဆိုင်ရာ အဘယ်လက်တွေ့ကျသောသင်ခန်းစာကို ပေးခဲ့သနည်း။
• သတိရအောက်မေ့ပွဲအချိန်အခါသည် အဘယ်ကိစ္စနှင့်စပ်လျဉ်း၍ မိမိတို့ကိုယ်ကို ဆန်းစစ်သင့်သောအချိန်ဖြစ်သနည်း။
• လောက၏မုန်းတီးမှုနှင့် နှိပ်စက်ညှဉ်းပန်းမှုခံရမည်ဟူသော ယေရှု၏သတိပေးချက်ကြောင့် ကျွန်ုပ်တို့အဘယ်ကြောင့် ထိမိ၍မလဲသင့်သနည်း။
• “မှန်သောစပျစ်နွယ်ပင်” ကားမည်သူနည်း။ “အခက်များ” ကားမည်သူများဖြစ်၍ သူတို့ထံမှ အဘယ်အရာကိုမျှော်လင့်သနည်း။
[လေ့လာရန်မေးခွန်းများ]
[စာမျက်နှာ ၁၅ ပါ ရုပ်ပုံ]
ယေရှုသည် မိမိ၏တမန်တော်များအား မေတ္တာဖြင့်အစေခံခြင်းဆိုင်ရာ မမေ့နိုင်ဖွယ်သင်ခန်းစာတစ်ခုကို ပေးခဲ့
[စာမျက်နှာ ၁၆၊ ၁၇ ပါ ရုပ်ပုံ]
ကိုယ်ကျိုးစွန့်မေတ္တာတင်ပြရန် ခရစ်တော်၏မိန့်မှာချက်ကို ကိုယ်တော့် တပည့်တော်နောက်တော်လိုက်များနာခံကြ