အဘယ်ကြောင့် နှစ်ခြင်းခံရသနည်း
အဘယ်ကြောင့် နှစ်ခြင်းခံရသနည်း
“သင်တို့သွား၍ လူမျိုးတကာတို့ကို ငါ့တပည့်ဖြစ်စေလျက် . . . [နှစ်ခြင်း] ပေးကြလော့။”—မဿဲ ၂၈:၁၉။
၁၊ ၂။ (က) အဘယ်အခြေအနေမျိုးအောက် အချို့သူတို့ နှစ်ခြင်းခံခဲ့ကြသနည်း။ (ခ) နှစ်ခြင်းခံခြင်းနှင့်ပတ်သက်၍ အဘယ်မေးခွန်းများ ပေါ်ပေါက်လာသနည်း။
ဖရန့်ခ်လူမျိုး ဘုရင်ရှားလမိန်းသည် သူသိမ်းပိုက်အနိုင်ယူခဲ့သော ဆက္ခဆန်လူမျိုးများအား စီ.အီး. ၇၇၅-၇၇ တွင် အတင်းအကျပ်နှစ်ခြင်းခံစေခဲ့သည်။ “သူသည် အမည်ခံခရစ်ယာန်များဖြစ်လာစေရန် သူတို့ကို အတင်းအကျပ်ဘာသာပြောင်းစေခဲ့သည်” ဟု သမိုင်းပညာရှင်ဂျောန်လော့ဒ် ရေးသားခဲ့၏။ ထိုနည်းတူပင် စီ.အီး. ၉၈၇ တွင် ဂရိသြသဒေါက်စ်ဘာသာဝင် မင်းသမီးတစ်ဦးကို လက်ထပ်ပြီးနောက် ရုရှားဘုရင် ပထမမြောက် ဗလာဒီမာကလည်း မိမိ၏လက်အောက်ခံများသည် “ခရစ်ယာန်” များဖြစ်ကြရမည်ဟု ဆုံးဖြတ်ခဲ့သည်။ နှစ်ခြင်းခံရမည်ဟု ပြည်သူလူထုအား အမိန့်ထုတ်ပြန်ခဲ့ရာ ငြင်းပယ်လျှင် သေဒဏ်ပေးမည်ဟု ခြိမ်းခြောက်ခဲ့သည်!
၂ ထိုကဲ့သို့နှစ်ခြင်းပေးခြင်းသည် သင့်လျော်ပါသလော။ ထိုသို့သောနှစ်ခြင်းသည် စစ်မှန်သောအဓိပ္ပာယ်ရှိသလော။ မည်သူမဆို နှစ်ခြင်းခံသင့်သလော။
နှစ်ခြင်း—မည်သို့နည်း
၃၊ ၄။ ဖျန်းခြင်း သို့မဟုတ် ဦးခေါင်းပေါ်သို့ ရေလောင်းချခြင်းသည် အဘယ်ကြောင့်သင့်လျော်သော ခရစ်ယာန်နှစ်ခြင်းမဟုတ်သနည်း။
၃ ရှားလမိန်းနှင့် ပထမမြောက် ဗလာဒီမာတို့သည် လူတို့ကို အတင်းအကျပ်နှစ်ခြင်းခံစေခဲ့ချိန်တွင် ထိုအုပ်စိုးရှင်များသည် ဘုရားသခင့်နှုတ်မြွက်စကားတော်နှင့် မကိုက်ညီသည့်အမှုကို လုပ်ဆောင်ခဲ့ခြင်းဖြစ်သည်။ အမှန်မှာ၊ တစ်စုံတစ်ဦးအား ရေဖျန်းခြင်း၊ ဦးခေါင်းပေါ်ရေလောင်းချခြင်း သို့မဟုတ် သမ္မာကျမ်းစာအမှန်တရား သင်ယူခြင်းမရှိသူများကို ရေတွင်နှစ်သည့်တိုင် ထိုသို့နှစ်ခြင်းပေးခြင်းသည် အဘယ်အကျိုးမျှမရှိချေ။
၄ စီ.အီး. ၂၉ တွင် နှစ်ခြင်းဆရာယောဟန်ထံသို့ နာဇရက်မြို့သားယေရှုသွားချိန်၌ မည်သို့ဖြစ်ခဲ့သည်ကို သုံးသပ်ကြည့်ပါ။ ယောဟန်သည် ယော်ဒန်မြစ်တွင် လူများကို နှစ်ခြင်းပေးနေခဲ့သည်။ သူတို့သည် နှစ်ခြင်းခံရန် စိတ်လိုကိုယ်လျောက် လာခဲ့ကြ၏။ ယောဟန်သည် သူတို့ကို ယော်ဒန်မြစ်ထဲ မတ်တတ်ရပ်စေပြီး သူတို့၏ဦးခေါင်းများပေါ် မြစ်ရေအနည်းငယ် လောင်းချခြင်း သို့မဟုတ် ဖျန်းပေးခြင်းမျှ ပြုလုပ်ခဲ့သလော။ ယေရှုကို ယောဟန်နှစ်ခြင်းပေးခဲ့ချိန်တွင် မည်သို့ဖြစ်ခဲ့သနည်း။ ယေရှုသည် နှစ်ခြင်းခံပြီးသည်နှင့် “ရေမှချက်ချင်းပေါ်ထ” သည်ဟု မဿဲက မှတ်တမ်းတင်ထားသည်။ (မဿဲ ၃:၁၆၊ ကဘ) ကိုယ်တော်သည် ယော်ဒန်မြစ်ထဲ နှစ်မြှုပ်ခံခဲ့ရရာ ရေထဲတွင်ရှိခဲ့၏။ ထိုနည်းတူ ဘုရားတရားကြည်ညိုသူ အဲသယောပိအမတ်နှစ်ခြင်းခံချိန်တွင် သမ္မာကျမ်းစာမှတ်တမ်းက ဤသို့ဆိုသည်– “ဖိလိပ္ပုသည် ထိုအမတ်နှင့်တကွ ရေထဲသို့ဆင်း၍ ဗတ္တိဇံကိုပေး၏။ ရေထဲကတက်ကြလျှင် . . .။” သို့ဖြစ်၍ ယေရှုနှင့် ကိုယ်တော့်တပည့်တော်များ၏နှစ်ခြင်းသည် တစ်ကိုယ်လုံးနှစ်မြှုပ်ရန်လိုအပ်ခြင်းဖြစ်သည်။—တမန်တော် ၈:၃၈၊ ၃၉။
၅။ အစောပိုင်းခရစ်ယာန်များသည် လူများကို မည်သို့နှစ်ခြင်းပေးခဲ့ကြသနည်း။
မဿဲ ၃: ၁၊ Rotherham, Diaglott, interlinear) ဩဂတ်စတပ်စ် နီယန်းဒါး၏ ကနဦးရာစုနှစ်သုံးခုအတွင်း ခရစ်ယာန်ဘာသာနှင့် သာသနာအသင်း၏သမိုင်းစာအုပ်၌ ဤသို့ဆို၏– “နှစ်ခြင်းကို အစမူလက နှစ်မြှုပ်ခြင်းဖြင့် ပြုလုပ်ခဲ့ကြသည်။” နာမည်ကျော်ပြင်သစ်စာအုပ် ၂၀ ရာစုလိုရု(စ်) (ပဲရစ်၊ ၁၉၂၈) တွင် ဤသို့ဖော်ပြထားသည်– “ကနဦးခရစ်ယာန်များသည် ရေရှိရာ အဘယ်နေရာတွင်မဆို ရေထဲနှစ်မြှုပ်ခြင်းဖြင့် နှစ်ခြင်းခံခဲ့ကြသည်။” ထို့ပြင် ကက်သလစ်စွယ်စုံကျမ်းသစ်က ဤသို့ဖော်ပြ၏– “အစောပိုင်းချာ့ခ်ျသည် ရေထဲနှစ်မြှုပ်ခြင်းဖြင့် နှစ်ခြင်းပေးခဲ့သည်မှာ ထင်ရှားသည်။” (၁၉၆၇၊ အတွဲ ၂၊ စာမျက်နှာ ၅၆) ထို့ကြောင့် ယနေ့ ယေဟောဝါသက်သေတစ်ဦးအဖြစ် ဆန္ဒအလျောက်နှစ်ခြင်းခံရန် ရေထဲတစ်ကိုယ်လုံးနှစ်မြှုပ်ခံဖို့လိုအပ်သည်။
၅ “နှစ်ခြင်းပေးသည်၊” “နှစ်ခြင်း” စသည်ဖြင့် ပြန်ဆိုထားသော ဂရိစကားလုံးများသည် ရေထဲ နှစ်မြှုပ်ခြင်း၊ ဆင်းခြင်းကို ရည်ညွှန်းသည်။ စမစ်၏ကျမ်းစာအဘိဓာန်က ဤသို့ဆို၏– “နှစ်ခြင်းသည် စာသားအတိုင်း အမှန်အကန်ပင် နှစ်မြှုပ်ခြင်းအဓိပ္ပာယ်ရသည်။” ထို့ကြောင့် ကျမ်းစာဘာသာပြန်အချို့က “နှစ်မြှုပ်သူယောဟန်” သို့မဟုတ် “ရေထဲနှစ်သူယောဟန်” ဟု ရည်ညွှန်းခေါ်ဆိုသည်။ (နှစ်ခြင်းခံရသည့် အကြောင်းရင်းအသစ်
၆၊ ၇။ (က) ယောဟန်သည် အဘယ်ရည်ရွယ်ချက်အတွက် နှစ်ခြင်းပေးခဲ့သနည်း။ (ခ) ယေရှုနောက်လိုက်များ၏ နှစ်ခြင်းနှင့်ပတ်သက်၍ အဘယ်အရာသည် အသစ်ဖြစ်သနည်း။
၆ ယောဟန်ပေးသောနှစ်ခြင်း၏ရည်ရွယ်ချက်နှင့် ယေရှု၏နောက်လိုက်များပေးသော နှစ်ခြင်း၏ရည်ရွယ်ချက်သည် ကွဲပြားခြားနား၏။ (ယောဟန် ၄:၁၊ ၂) ပညတ်တရားကိုဆန့်ကျင်၍ ပြုမိသောအပြစ်များကို နောင်တရကြောင်း လူအများရှေ့ဖော်ပြခြင်း အထိမ်းအမှတ်အဖြစ် လူများကို ယောဟန်နှစ်ခြင်းပေးခဲ့ခြင်းဖြစ်သည်။ * (လုကာ ၃:၆) သို့သော် ယေရှုနောက်လိုက်များ၏နှစ်ခြင်းတွင် အကြောင်းအရာအသစ်တစ်ခု ပါဝင်ပတ်သက်နေသည်။ စီ.အီး. ၃၃ ပင်တေကုတ္တေပွဲနေ့တွင် တမန်တော်ပေတရုက နားထောင်နေသူများအား ဤသို့တိုက်တွန်းခဲ့၏– “သင်တို့၏အပြစ်ကိုလွတ်စေခြင်းငှာ နောင်တရ၍ တစ်ယောက်မျှမကြွင်း၊ ယေရခရစ်၏နာမ၌ ဗတ္တိဇံကိုခံကြလော့။” (တမန်တော် ၂:၃၇-၄၁) ပေတရုသည် ဂျူးများနှင့် ဘာသာပြောင်းဝင်လာသူများအား စကားပြောဆိုနေခြင်းဖြစ်သော်လည်း ပညတ်တရားကိုဆန့်ကျင်၍ ပြုမိသောအပြစ်များကို နောင်တရသည့်အထိမ်းအမှတ်အဖြစ် နှစ်ခြင်းခံခြင်းအကြောင်း သူပြောဆိုနေခြင်းမဟုတ်၊ ယေရှု၏နာမ၌နှစ်ခြင်းခံခြင်းသည် အပြစ်များကို ဆေးကြောခြင်းဖြစ်သည်ဟူ၍လည်း ဆိုလိုနေခြင်းမဟုတ်ပေ။—တမန်တော် ၂:၁၀။
၇ ထိုအခါသမယတွင် ပေတရုသည် ‘ကောင်းကင်နိုင်ငံတော်၏ပထမသော့’ ကို အသုံးပြုခဲ့သည်။ အဘယ်ရည်ရွယ်ချက်အတွက်နည်း။ ကောင်းကင်နိုင်ငံတော်သို့ဝင်ရန် သူတို့၌ရှိသောအခွင့်အရေးအကြောင်း နားထောင်သူပရိသတ်အား ဖော်ပြဖို့ဖြစ်သည်။ (မဿဲ ၁၆:၁၉) ဂျူးများသည် ယေရှုအား မေရှိယအဖြစ်ငြင်းပယ်ခဲ့ကြသောကြောင့် ဘုရားသခင့်ခွင့်လွှတ်မှုခံရရန် နောင်တယူပြီး ကိုယ်တော်အားယုံကြည်ကြောင်းတင်ပြကြခြင်းသည် အရေးကြီးသော အခြေခံအကြောင်းသစ်တစ်ခုဖြစ်သည်။ သူတို့တွင် ထိုကဲ့သို့သောယုံကြည်ခြင်းရှိကြောင်း ယေရှုခရစ်၏နာမ၌ နှစ်ခြင်းခံခြင်းအားဖြင့် လူအများရှေ့ ထင်ရှားစွာဖော်ပြနိုင်ကြသည်။ ဤနည်းအားဖြင့် ခရစ်တော်မှတစ်ဆင့် ဘုရားသခင်အား မိမိတို့ကိုယ်ကို ဆပ်ကပ်အပ်နှံကြောင်း သူတို့တင်ပြနိုင်ကြပေမည်။ ယနေ့ ဘုရားသခင့်နှစ်သက်မှု ရလိုသူအားလုံးသည် အလားတူယုံကြည်ခြင်းရှိရမည်၊ ယေဟောဝါဘုရားသခင်ထံ မိမိတို့ကိုယ်ကိုဆက်ကပ်အပ်နှံပြီး အမြင့်ဆုံးသောဘုရားသခင်အား အကြွင်းမဲ့ဆက်ကပ်အပ်နှံကြောင်း ခရစ်ယာန်နှစ်ခြင်းအားဖြင့် တင်ပြကြရမည်။
တိကျမှန်ကန်သောအသိပညာ မရှိမဖြစ်လိုအပ်
၈။ ခရစ်ယာန်နှစ်ခြင်းသည် လူတိုင်းအတွက် အဘယ်ကြောင့်မဟုတ်သနည်း။
၈ ခရစ်ယာန်နှစ်ခြင်းသည် လူတိုင်းအတွက် မဟုတ်ပါ။ ယေရှုက မိမိ၏နောက်တော်လိုက်များအား ဤသို့အမိန့်ပေးခဲ့၏– “သင်တို့သွား၍ လူမျိုးတကာတို့ကိုငါ့တပည့်ဖြစ်စေလျက် ခမည်းတော်၊ သားတော်၊ သန့်ရှင်းသောဝိညာဉ်တော်၏နာမ၌ [နှစ်ခြင်း] ပေးကြလော့။ ငါသည် သင်တို့အားပေးသမျှသောပညတ်တော်တို့ကို စောင့်ရှောက်စေခြင်းငှာ ဆုံးမ . . . ကြလော့။” (မဿဲ ၂၈:၁၉၊ ၂၀) နှစ်ခြင်းမခံမီ ‘တပည့်တော်များအား ယေရှုပေးခဲ့သည့် ပညတ်တော်ရှိသမျှတို့ကို စောင့်ရှောက်ရန် သင်ယူကြ’ ရမည်ဖြစ်သည်။ ထို့ကြောင့် ဘုရားသခင့်နှုတ်မြွက်စကားတော်၏ တိကျမှန်ကန်သောအသိပညာပေါ် အခြေခံသည့် ယုံကြည်ခြင်းမရှိသူအား အတင်းအကျပ်နှစ်ခြင်းပေးခြင်းသည် အကျိုးမရှိပါ၊ နောက်တော်လိုက်များအား ယေရှုပေးခဲ့သည့်အမိန့်တော်နှင့်လည်း ဆန့်ကျင်ပါသည်။—ဟေဗြဲ ၁၁:၆။
၉။ ‘ခမည်းတော်၏နာမ၌’ နှစ်ခြင်းခံခြင်းအဓိပ္ပာယ်ကား အဘယ်နည်း။
၉ ‘ခမည်းတော်၏နာမ၌’ နှစ်ခြင်းခံခြင်းဟူသည် အဘယ်အဓိပ္ပာယ်ရှိသနည်း။ နှစ်ခြင်းခံမည့်သူသည် ကောင်းကင်ခမည်းတော်၏ရာထူးနှင့် အာဏာတော်ကို အသိအမှတ်ပြုခြင်းဟု အဓိပ္ပာယ်ရသည်။ သို့ဖြစ်၍ ယေဟောဝါဘုရားသခင်သည် ကျွန်ုပ်တို့၏ဖန်ဆင်းရှင်၊ “မြေကြီးတစ်ပြင်လုံးအပေါ်မှာ အမြင့်ဆုံးသောဘုရား[သခင်]” ဖြစ်ပြီး စကြဝဠာအုပ်စိုးပိုင်သရှင်လည်း ဖြစ်တော်မူကြောင်း အသိအမှတ်ပြုဝန်ခံခြင်းဖြစ်သည်။—ဆာလံ ၈၃:၁၈; ဟေရှာယ ၄၀:၂၈; တမန်တော် ၄:၂၄။
၁၀။ ‘သားတော်၏နာမ၌’ နှစ်ခြင်းခံခြင်း၏ အဓိပ္ပာယ်ကား အဘယ်နည်း။
၁ ယောဟန် ၄:၉) နှစ်ခြင်းခံရန် အရည်အချင်းပြည့်မီသူများသည် ယေရှုအား “လူများကိုရွေးခြင်းငှာ” ဘုရားသခင်စီမံတော်မူသောအရှင်အဖြစ် လက်ခံကြသည်။ (မဿဲ ၂၀:၂၈; ၁ တိမောသေ ၂:၅၊ ၆) ဘုရားသခင်သည် မိမိ၏သားတော်ကို “အလွန်ချီးမြှောက်” တော်မူခဲ့ကြောင်းကိုလည်း နှစ်ခြင်းခံမည့်သူများ အသိအမှတ်ပြုကြရမည်။—ဖိလိပ္ပိ ၂:၈-၁၁; ဗျာဒိတ် ၁၉:၁၆။
၁၀ ‘သားတော်၏နာမ၌’ နှစ်ခြင်းခံခြင်းဆိုသည်မှာ ဘုရားသခင့်တစ်ပါးတည်းသောသားတော်အနေဖြင့် ယေရှု၏ရာထူးနှင့် အခွင့်အာဏာတော်ကို အသိအမှတ်ပြုခြင်းဖြစ်သည်။ (၁၁။ ‘သန့်ရှင်းသောဝိညာဉ်တော်၏နာမ၌’ နှစ်ခြင်းခံခြင်းသည် အဘယ်အရာကိုဆိုလိုသနည်း။
၁၁ ‘သန့်ရှင်းသောဝိညာဉ်တော်၏နာမ၌’ နှစ်ခြင်းခံခြင်းဟူသည် အဘယ်အရာကိုဆိုလိုသနည်း။ သန့်ရှင်းသောဝိညာဉ်တော်သည် ယေဟောဝါ၏ လှုပ်ရှားသောစွမ်းအားဖြစ်ကြောင်း၊ ကိုယ်တော့်ရည်ရွယ်ချက်နှင့်အညီ နည်းအဖုံဖုံဖြင့်အသုံးပြုကြောင်း နှစ်ခြင်းခံမည့်သူ အသိအမှတ်ပြုခြင်းကို ဆိုလိုသည်။ (ကမ္ဘာဦး ၁:၂; ၂ ဓမ္မရာဇဝင် ၂၃:၁၊ ၂; ၂ ပေတရု ၁:၂၁) နှစ်ခြင်းခံရန် အရည်အချင်းပြည့်မီသူများက သန့်ရှင်းသောဝိညာဉ်တော်သည် မိမိတို့အား “ဘုရားသခင်၏ နက်နဲသောအရာ” ကိုနားလည်သဘောပေါက်စေ၍ ဘုရားသခင့်နိုင်ငံတော်သတင်း ဟောပြောခြင်းလုပ်ငန်းကို ပါဝင်ဆောင်ရွက်စေပြီး “ချစ်ခြင်း၊ ဝမ်းမြောက်ခြင်း၊ ငြိမ်သက်ခြင်း၊ စိတ်ရှည်ခြင်း၊ ကျေးဇူးပြုခြင်း၊ ကောင်းမြတ်ခြင်း၊ သစ္စာစောင့်ခြင်း၊ နူးညံ့သိမ်မွေ့ခြင်း၊ ချုပ်တည်းခြင်း” တည်းဟူသော ဝိညာဉ်အသီးများကို သီးပွင့်စေကြောင်း အသိအမှတ်ပြုကြသည်။—၁ ကောရိန္သု ၂:၁၀; ဂလာတိ ၅:၂၂၊ ၂၃; ယောလ ၂:၂၈၊ ၂၉။
နောင်တယူခြင်းနှင့် ပြုပြင်ပြောင်းလဲခြင်း၏ အရေးပါမှု
၁၂။ ခရစ်ယာန်နှစ်ခြင်းသည် နောင်တယူခြင်းနှင့် မည်သို့ဆက်နွှယ်သနည်း။
၁၂ အပြစ်မရှိသူယေရှု၏အဖြစ်အပျက်မှလွဲလျှင် နှစ်ခြင်းခံခြင်းသည် နောင်တယူခြင်းနှင့်ဆက်နွှယ်မှုရှိသည့် ဘုရားသခင်နှစ်သက်လက်ခံသော အထိမ်းအမှတ်တစ်ခုဖြစ်သည်။ ကျွန်ုပ်တို့နောင်တရသည့်အခါ လုပ်ကိုင်မိသည့်အရာ သို့မဟုတ် မလုပ်မိသည့်အရာအတွက် ကျွန်ုပ်တို့အလွန့်အလွန်ယူကျုံးမရဖြစ်ပြီး နှလုံးကြေကွဲကြသည်။ ဘုရားသခင့်အလိုတော်နှင့်တွေ့လိုသော ပထမရာစုဂျူးများသည် ခရစ်တော်အပေါ်ပြစ်မှားမိသည့် သူတို့၏အပြစ်များကို နောင်တယူခဲ့ကြရသည်။ (တမန်တော် ၃:၁၁-၂၀) ကောရိန္သုမြို့မှ ယုံကြည်သူတစ်ပါးအမျိုးသားအချို့သည် မတရားမေထုန်ပြုခြင်း၊ ရုပ်ပုံကိုးကွယ်ခြင်း၊ ခိုးခြင်းနှင့် ကြီးလေးသောအခြားအပြစ်များပြုခြင်းမှ နောင်တယူခဲ့ကြသည်။ သူတို့၏နောင်တကြောင့် သူတို့သည် ယေရှု၏အသွေးတော်အားဖြင့် “ဆေးကြော” ခံရကြပြီး ဘုရားသခင့်လုပ်ငန်းတော်အတွက် “သန့်ရှင်းလာ၏” သို့မဟုတ် သီးခြားခွဲထုတ်ခံရကြကာ ခရစ်တော်၏နာမနှင့် ဘုရားသခင့်ဝိညာဉ်တော်အားဖြင့် ‘ဖြောင့်မတ်သည်ဟု ကြေညာခံ’ ခဲ့ကြရသည်။ (၁ ကောရိန္သု ၆:၉-၁၁) နောင်တယူခြင်းသည် ကောင်းသောသိစိတ်နှင့် အပြစ်သင့်ခြင်းမှ ဘုရားသခင်ပေးလွတ်မြောက်မှုရရှိရန် အရေးကြီးသောအကြိုခြေလှမ်းဖြစ်သည်။—၁ ပေတရု ၃:၂၁။
၁၃။ နှစ်ခြင်းတွင် ပြုပြင်ပြောင်းလဲခြင်း မည်သို့ပါဝင်ပတ်သက်သနည်း။
၁၃ ယေဟောဝါသက်သေများအဖြစ် ကျွန်ုပ်တို့နှစ်ခြင်းမခံမီ ပြုပြင်ပြောင်းလဲရမည်။ ခရစ်တော်ယေရှု၏နောက်လိုက်ဖြစ်ရန် စိတ်နှလုံးအကြွင်းမဲ့ဆုံးဖြတ်ချက်ချသူသည် မိမိအကျင့်များကို စိတ်လိုကိုယ်လျောက် ပြုပြင်ပြောင်းလဲသည်။ ထိုသို့သောသူတို့သည် သူတို့၏ယခင်မှားယွင်းသောလမ်းစဉ်ကိုငြင်းပယ်ပြီး ဘုရားသခင့်ရှေ့မှောက် မှန်ရာကိုပြုလုပ်ရန် ဆုံးဖြတ်ကြသည်။ သမ္မာကျမ်းစာပါ ပြောင်းလဲခြင်းနှင့်စပ်ဆိုင်သော ဟေဗြဲနှင့်ဂရိကြိယာများသည် နောက်ပြန်ဆုတ်ခြင်း၊ ပြန်လှည့်လာခြင်းသဘောရှိသည်။ ယင်းလုပ်ဆောင်မှုသည် မှားသောလမ်းစဉ်မှ ဘုရားသခင်ထံ ပြန်လှည့်လာခြင်းသဘောဆောင်၏။ (၃ ဓမ္မရာဇဝင် ၈:၃၃၊ ၃၄) ပြောင်းလဲခြင်းတွင် “နောင်တရခြင်းနှင့်ထိုက်တန်သောအကျင့်များ” ရှိဖို့လိုသည်။ (တမန်တော် ၂၆:၂၀) ယင်းတွင် မှောက်မှားသောကိုးကွယ်မှုကိုစွန့်လွှတ်ရန်၊ ဘုရားသခင်မိန့်တော်မူချက်များနှင့်အညီလုပ်ဆောင်ရန်၊ ယေဟောဝါအား အကြွင်းမဲ့ဆည်းကပ်ကိုးကွယ်ရန် လိုသည်။ (တရားဟောရာ ၃၀:၂၊ ၈-၁၀; ၁ ဓမ္မရာဇဝင် ၇:၃) ပြုပြင်ပြောင်းလဲခြင်းကြောင့် ကျွန်ုပ်တို့၏အတွေးအခေါ်၊ ရည်ရွယ်ချက်များနှင့် စိတ်နေသဘောထားပင် ပြောင်းလဲသွားသည်။ (ယေဇကျေလ ၁၈:၃၁) ဘုရားသခင်ရေးရာမဆန်သော အမူအကျင့်များအစား ဥပဓိရုပ်သစ်ကို ယူတင်ဝတ်ဆောင်ခြင်းဖြင့် ကျွန်ုပ်တို့ “ပြောင်းလဲ” လာကြသည်။—တမန်တော် ၃:၁၉၊ ၂၀; ဧဖက် ၄:၂၀-၂၄; ကောလောသဲ ၃:၅-၁၄။
စိတ်နှလုံးအကြွင်းမဲ့ဆက်ကပ်အပ်နှံခြင်း အရေးကြီး
၁၄။ ယေရှု တပည့်နောက်လိုက်များ၏ ဆက်ကပ်အပ်နှံခြင်းသည် အဘယ်အဓိပ္ပာယ်ရှိသနည်း။
၁၄ ယေရှု၏တပည့်နောက်လိုက်များသည် နှစ်ခြင်းမယူမီ ဘုရားသခင်အား စိတ်နှလုံးအကြွင်းမဲ့ဆက်ကပ်အပ်နှံရမည်။ ဆက်ကပ်အပ်နှံခြင်းသည် မြင့်မြတ်သောရည်ရွယ်ချက်တစ်ခုအတွက် သီးသန့်ဖယ်ထားခြင်းသဘောသက်ရောက်သည်။ ဤသို့ပြုလုပ်ခြင်းသည် အလွန်အရေးကြီးသောကြောင့် ယေဟောဝါကို ကျွန်ုပ်တို့စိတ်နှလုံးအကြွင်းမဲ့ ထာဝစဉ်ဆည်းကပ်ဝတ်ပြုပါမည်ဟု ဆုံးဖြတ်ထားကြောင်း ဆုတောင်းခြင်းဖြင့် တင်ပြသင့်သည်။ (တရားဟောရာ ၅:၉) ကျွန်ုပ်တို့၏ဆက်ကပ်အပ်နှံမှုသည် လုပ်ငန်းတစ်ခု သို့မဟုတ် လူတစ်ဦးအားမဟုတ်၊ ဘုရားသခင်ကိုယ်တော်တိုင်ကိုဖြစ်သည်။
၁၅။ နှစ်ခြင်းခံမည့်သူများသည် အဘယ်ကြောင့် ရေထဲနှစ်မြှုပ်ခံကြရသနည်း။
၁၅ ကျွန်ုပ်တို့သည် ခရစ်တော်မှတစ်ဆင့် ဘုရားသခင်ထံ မိမိကိုယ်မဿဲ ၃:၁၃) ထိုအလွန်အရေးကြီးသော အခါသမယတွင် ယေရှု ဆုတောင်းနေခြင်းက မှတ်သားစရာဖြစ်သည်။—လုကာ ၃:၂၁၊ ၂၂။
ကိုဆက်ကပ်အပ်နှံသည့်အခါ ကျမ်းစာတွင်ဖော်ပြထားသော ဘုရားသခင့်အလိုတော်ကိုဆောင်ရွက်ရန် ကျွန်ုပ်တို့၏ဘဝအသက်တာကို အသုံးပြုဖို့ဆုံးဖြတ်ကြောင်း ဖော်ပြကြသည်။ ထိုဆက်ကပ်အပ်နှံခြင်း၏ အထိမ်းအမှတ်အနေနှင့် နှစ်ခြင်းခံမည့်သူများသည် ရေတွင်နှစ်မြှုပ်ခံကြရမည်၊ ယေရှုကိုယ်တော်တိုင် မိမိကိုယ်ကို ဘုရားသခင်အား ဆက်သကြောင်း လူအများရှေ့ဖော်ပြရန် ယော်ဒန်မြစ်တွင် နှစ်ခြင်းခံတော်မူခဲ့သည်။ (၁၆။ လူများနှစ်ခြင်းခံသည်ကို ကျွန်ုပ်တို့တွေ့မြင်ရသည့်အခါ ကျွန်ုပ်တို့၏ရွှင်လန်းမှုကို မည်သို့သင့်လျော်စွာဖော်ပြနိုင်သနည်း။
၁၆ ယေရှု၏နှစ်ခြင်းသည် အလွန်အရေးပါသော်လည်း ရွှင်လန်းစရာအချိန်လည်းဖြစ်သည်။ မျက်မှောက်ခေတ်တွင် ခရစ်ယာန်များ၏နှစ်ခြင်းသည်လည်း ထပ်တူဖြစ်သည်။ ဘုရားသခင်ထံဆက်ကပ်အပ်နှံကြောင်းကို နှစ်ခြင်းခံခြင်းအထိမ်းအမှတ်ဖြင့် လူတို့ဖော်ပြကြသည့်အခါ လေးစားစွာလက်ခုပ်တီး၍သြဘာပေးခြင်း အားတက်သရောချီးမွမ်းခြင်းဖြင့် ကျွန်ုပ်တို့၏ရွှင်လန်းမှုကို ဖော်ပြနိုင်ပါသည်။ သို့သော် ယုံကြည်ခြင်းကို ဤသို့ဖော်ပြခြင်း၏မြင့်မြတ်မှုကို ရိုသေလေးစားသည့်အနေနှင့် ကြွေးကြော်၍သြဘာပေးခြင်း၊ လေချွန်ခြင်း အစရှိသည့်အပြုအမူများကို ရှောင်ကြဉ်ကြမည်။ ကျွန်ုပ်တို့၏ရွှင်လန်းမှုကို ဂုဏ်သိက္ခာရှိရှိ တင်ပြကြမည်။
၁၇၊ ၁၈။ တစ်ဦးတစ်ယောက်သည် နှစ်ခြင်းခံရန် အရည်အချင်းပြည့်မီမမီကို အဘယ်အရာက သိစေသနည်း။
၁၇ နို့စို့ကလေးများကို ရေဖျန်းပေးသူများ၊ သို့မဟုတ် ကျမ်းစာအသိပညာမရှိသူများကို အတင်းအကျပ်နှစ်ခြင်းပေးသူများနှင့်မတူဘဲ ယေဟောဝါသက်သေများသည် မည်သူ့ကိုမျှ အတင်းအကျပ်နှစ်ခြင်းမယူစေပါ။ အမှန်မှာ၊ ဝိညာဉ်ရေးဘက် အရည်အချင်းမပြည့်မီသူများကို သူတို့နှစ်ခြင်းမပေးကြချေ။ တစ်ဦးတစ်ယောက်သည် နှစ်ခြင်းမခံရသေးသော သတင်းကောင်းကြေညာသူတစ်ဦး မဖြစ်လာမီပင် ထိုသူသည် သမ္မာကျမ်းစာအခြေခံသွန်သင်ချက်များကို နားလည်သဘောပေါက်ခြင်းရှိမရှိ၊ ၎င်းသွန်သင်ချက်များနှင့်အညီ နေထိုင်မထိုင်၊ ထို့ပြင် “သင်သည် ယေဟောဝါသက်သေတစ်ဦး အမှန်ဖြစ်လိုပါသလော” ဟူသောမေးခွန်းကို ဟုတ်ကဲ့ဟုဖြေမဖြေကို ခရစ်ယာန်အကြီးအကဲများက သေချာအောင်ပြုကြသည်။
၁၈ များသောအားဖြင့် တစ်ဦးတစ်ယောက်သည် နိုင်ငံတော်သတင်းဟောပြောခြင်းလုပ်ငန်းတွင် အဓိပ္ပာယ်ရှိရှိပါဝင်ပြီး နှစ်ခြင်းခံလိုကြောင်း ထုတ်ဖော်ပြောသည့်အခါ သူတို့သည် ယေဟောဝါအား ဆက်ကပ်အပ်နှံပြီးသော၊ နှစ်ခြင်းခံနိုင်ရန် ဘုရားသခင်တောင်းဆိုသော လိုအပ်ချက်များနှင့်ပြည့်မီသော ယုံကြည်သူများဖြစ်မဖြစ် ခရစ်ယာန်အကြီးအကဲများ အသေအချာသိရန် သူတို့နှင့်ဆွေးနွေးပြောဆိုကြရသည်။ (တမန်တော် ၄:၄; ၁၈:၈) သမ္မာကျမ်းစာသွန်သင်ချက်များပေါ်အခြေခံသည့် မေးခွန်း ၁၀၀ ကျော်ကို တစ်ဦးချင်းစီ မည်သို့ဖြေဆိုကြောင်း သိထားခြင်းက ရေနှစ်ခြင်းခံလိုသူများ ကျမ်းစာတောင်းဆိုသောလိုအပ်ချက်များ ပြည့်မီမမီ အကြီးအကဲများအား ခွဲခြားသိမြင်စေသည်။ အချို့သည် အရည်အချင်းမပြည့်မီကြသောကြောင့် ခရစ်ယာန်နှစ်ခြင်းခံခွင့်မရကြချေ။
တစ်စုံတစ်ရာက သင့်အား တားဆီးနေပါသလော
၁၉။ ယောဟန် ၆:၄၄ အရ မည်သူတို့သည် ယေရှု၏တွဲဖက်အမွေခံများ ဖြစ်ကြမည်နည်း။
၁၉ အတင်းအကျပ်ဖိအားပေးခံခဲ့ရ၍ အစုအဝေးလိုက် နှစ်ခြင်းခံသူများစွာသည် သေလျှင်ကောင်းကင်သို့သွားကြရမည်ဟု အပြောခံခဲ့ရပေမည်။ သို့သော် ယေရှုခြေရာကိုလိုက်လျှောက်သော နောက်တော်လိုက်များနှင့်စပ်လျဉ်း၍ ကိုယ်တော်ဤသို့မိန့်မြွက်ခဲ့၏– “ငါ့ကိုစေလွှတ်တော်မူသောခမည်းတော်သည် သွေးဆောင်တော်မမူလျှင် အဘယ်သူမျှ ငါ့ထံသို့မလာနိုင်။” (ယောဟန် ၆:၄၄) ယေဟောဝါသည် ကောင်းကင်နိုင်ငံတော်တွင် ယေရှုနှင့်တွဲဖက်အမွေခံ အုပ်စိုးမည့်သူ ၁၄၄,၀၀၀ ကိုခရစ်တော်ထံသို့ သွေးဆောင်တော်မူခဲ့ပြီ။ အတင်းအကျပ်နှစ်ခြင်းပေးခြင်းသည် ဘုရားသခင့်အစီအစဉ်တွင် မည်သူ့ကိုမျှ ဘုန်းဝင်စားခွင့်ရစေသည့် သန့်ရှင်းစင်ကြယ်မှု မရစေခဲ့ပါ။—ရောမ ၈:၁၄-၁၇; ၂ သက်သာလောနိတ် ၂:၁၃; ဗျာဒိတ် ၁၄:၁။
၂၀။ နှစ်ခြင်းမခံရသေးသော အချို့သူများကို အဘယ်အရာက အကူအညီပေးနိုင်သနည်း။
၂၀ ‘ကြီးစွာသောဆင်းရဲခြင်း’ ကိုကပ်ကျော်ပြီး မြေကြီးပေါ် ထာဝစဉ်အသက်ရှင်မည်ဟု မျှော်လင့်ကြသူမြောက်မြားစွာသည် အထူးသဖြင့် ၁၉၃၀ ပြည့်လွန်နှစ်အလယ်ပိုင်းမှစ၍ ယေရှု၏ “အခြားသိုး” အတန်းအစားတွင် ပါဝင်လာခဲ့ကြပြီ။ (ဗျာဒိတ် ၇:၉၊ ၁၄; ယောဟန် ၁၀:၁၆) သူတို့သည် ဘုရားသခင့်နှုတ်မြွက်စကားတော်နှင့်အညီ အသက်ရှင်နေထိုင်ခဲ့ကြပြီး ဘုရားသခင်ကို “စိတ်နှလုံးအကြွင်းမဲ့၊ အစွမ်းသတ္တိရှိသမျှ၊ ဉာဏ်ရှိသမျှနှင့်” ချစ်မြတ်နိုးကြသောကြောင့် နှစ်ခြင်းခံရန် အရည်အချင်းပြည့်မီကြသည်။ (လုကာ ၁၀:၂၅-၂၈) ယေဟောဝါသက်သေများသည် ‘ဘုရားသခင်ကို နာမ်ဝိညာဉ်နှင့် လည်းကောင်း၊ အမှန်တရားနှင့်လည်းကောင်း ကိုးကွယ်ကြသည်’ ဟုအချို့သူတို့ သိထားကြသော်လည်း ဤသူတို့သည် ယေရှု၏ပုံသက်သေကို မလိုက်လျှောက်ကြသေးချေ၊ ယေဟောဝါကို အမှန်တကယ်ချစ်ကြောင်းနှင့် အကြွင်းမဲ့ဆည်းကပ်ဝတ်ပြုကြောင်း နှစ်ခြင်းခံခြင်းအားဖြင့် လူအများရှေ့မတင်ပြခဲ့သေးချေ။ (ယောဟန် ၄:၂၃၊ ၂၄; တရားဟောရာ ၄:၂၄; မာကု ၁:၉-၁၁) ဤအရေးကြီးသောဆောင်ရွက်မှုနှင့်ပတ်သက်၍ သတ်သတ်မှတ်မှတ်၊ စိတ်ထက်သန်စွာ ဆုတောင်းလျှင် ဘုရားသခင့်နှုတ်မြွက်စကားတော်ကို အပြည့်အဝလိုက်လျှောက်နာခံရန်၊ ယေဟောဝါဘုရားသခင်အား အကြွင်းမဲ့ဆက်ကပ်အပ်နှံရန်၊ နှစ်ခြင်းခံရန် လိုအပ်သောလှုံ့ဆော်မှုနှင့် ရဲစွမ်းသတ္တိ ရရှိလာပေလိမ့်မည်။
၂၁၊ ၂၂။ အချို့သူများသည် အဘယ်အကြောင်းများကြောင့် ဆက်ကပ်အပ်နှံ၊ နှစ်ခြင်းမခံဘဲနေသနည်း။
၂၁ အချို့သူများသည် ဝိညာဉ်ရေးရာများအတွက် အချိန်မပေးနိုင်လောက်အောင် လောကရေးရာများ သို့မဟုတ် စည်းစိမ်ဥစ္စာရှာဖွေရေးတွင် အလုပ်များနေခြင်းကြောင့် ဆက်ကပ်အပ်နှံ၊ နှစ်ခြင်းခံခြင်း မပြုနိုင်ကြချေ။ (မဿဲ ၁၃:၂၂; ၁ ယောဟန် ၂:၁၅-၁၇) သူတို့၏သဘောထားများနှင့် ပန်းတိုင်များကို ပြုပြင်ပြောင်းလဲကြမည်ဆိုလျှင် သူတို့အလွန်ဝမ်းသာရွှင်လန်းကြပေလိမ့်မည်! ယေဟောဝါထံချဉ်းကပ်ခြင်းဖြင့် သူတို့သည် ဝိညာဉ်ရေးတွင်ကြွယ်ဝချမ်းသာလာပြီး စိုးရိမ်ပူပန်မှုများ လျော့နည်းသွားကာ ဘုရားသခင်၏အလိုတော်ဆောင်ခြင်းမှရရှိသော ငြိမ်သက်ခြင်းနှင့် ကျေနပ်ရောင့်ရဲမှုရှိကြလိမ့်မည်။—ဆာလံ ၁၆:၁၁; ၄၀:၈; သု. ၁၀:၂၂; ဖိလိပ္ပိ ၄:၆၊ ၇။
၂၂ အခြားသူများကမူ ယေဟောဝါကိုချစ်သည်ဟုဆိုကြသော်လည်း ဆက်ကပ်အပ်နှံ၊ နှစ်ခြင်းခံခြင်းကို မပြုလုပ်ကြပါ၊ သို့ဖြင့် စာရင်းရှင်းရန်တာဝန်မှ ရှောင်လွဲနိုင်မည်ဟု သူတို့ယူဆကြသည်။ သို့သော် ကျွန်ုပ်တို့တစ်ယောက်စီသည် ဘုရားသခင်ထံ စာရင်းရှင်းကြရမည်။ ယေဟောဝါ၏စကားတော်ကို ကျွန်ုပ်တို့စတင်ကြားနာခဲ့ချိန်တွင် ကျွန်ုပ်တို့၌ တာဝန်ရှိနေပြီဖြစ်သည်။ (ယေဇကျေလ ၃၃:၇-၉; ရောမ ၁၄:၁၂) ‘ရွေးချယ်ခံရသောလူမျိုး’ တစ်မျိုးအနေနှင့် ရှေးဣသရေလလူများသည် ယေဟောဝါအား ဆက်ကပ်အပ်နှံထားသော လူမျိုးအဖြစ် မွေးဖွားလာသောကြောင့် ကိုယ်တော်၏ပညတ်တော်နှင့်အညီ ကိုယ်တော်ကို တည်ကြည်မှုရှိရှိဝတ်ပြုကိုးကွယ်ဖို့ တာဝန်ရှိခဲ့သည်။ (တရားဟောရာ ၇:၆၊ ၁၁) ယနေ့ မည်သူမျှ ထိုကဲ့သို့သောလူမျိုးထဲ မွေးဖွားလာသည်မဟုတ်သော်လည်း တိကျမှန်ကန်သော ကျမ်းစာသွန်သင်ချက်များကို ကျွန်ုပ်တို့ရရှိထားပြီဖြစ်သောကြောင့် ယုံကြည်ခြင်းဖြင့် ၎င်းနှင့်အညီလုပ်ဆောင်ဖို့လိုသည်။
၂၃၊ ၂၄။ အဘယ်စိုးရိမ်မှုများကြောင့် နှစ်ခြင်းခံရန်တွန့်ဆုတ်မနေသင့်သနည်း။
၂၃ အချို့သူတို့မှာမူ မိမိတို့၌ အသိပညာအလုံအလောက်မရှိဟု ထင်မှတ်ကြသောကြောင့် နှစ်ခြင်းခံရန် တွန့်ဆုတ်နေကြပေမည်။ သို့သော် “ဘုရားသခင်စီရင်တော်မူသောအမှုကို အစမှအဆုံးတိုင်အောင် လူသည်စစ်၍မကုန်နိုင်” သောကြောင့် ကျွန်ုပ်တို့အားလုံး သင်ယူစရာမြောက်မြားစွာရှိသည်။ (ဒေ. ၃:၁၁) အဲသယောပိအမတ်ကို သုံးသပ်ကြည့်ပါ။ ဘာသာပြောင်းဝင်လာသူတစ်ဦးအနေနှင့် ကျမ်းစာအသိ ပညာအနည်းငယ်ရှိထားသည်၊ သို့သော် ဘုရားသခင့်ရည်ရွယ်ချက်များနှင့်ပတ်သက်၍ မေးခွန်းအားလုံးကို သူမဖြေဆိုနိုင်ခဲ့ပါ။ သို့ရာတွင် ယေရှု၏ရွေးနုတ်ဖိုးပူဇော်သကာအားဖြင့် ယေဟောဝါ၏ကယ်တင်ခြင်းအစီအစဉ်အကြောင်း သူသိရှိလာပြီးနောက် ထိုအမတ်သည် ချက်ချင်းရေနှစ်ခြင်းခံခဲ့သည်။—တမန်တော် ၈:၂၆-၃၈။
၂၄ အချို့သူများမှာမူ ပျက်ကွက်မည်ကိုစိုးရိမ်ကာ ဘုရားသခင်ထံ ဆက်ကပ်အပ်နှံမှုပြုရန် တွန့်ဆုတ်နေကြသည်။ အသက် ၁၇ နှစ်ရှိ မော်နီကာဤသို့ပြောသည်– “ကျွန်မရဲ့ဆက်ကပ်အပ်နှံမှုနဲ့အညီ မနေနိုင်မှာကို စိုးရိမ်တဲ့အတွက် နှစ်ခြင်းခံဖို့ တွန့်ဆုတ်နေခဲ့တယ်။” သို့ရာတွင် ကျွန်ုပ်တို့သည် ယေဟောဝါကိုစိတ်နှလုံးအကြွင်းမဲ့ ယုံကြည်ကိုးစားမည်ဆိုလျှင် ‘ကိုယ်တော်သည် ကျွန်ုပ်တို့၏လမ်းခရီးကို ပဲ့ပြင်တော်မူမည်။’ ကိုယ်တော်၏ဆက်ကပ်အပ်နှံထားသော တည်ကြည်သည့်ကျေးကျွန်များအဖြစ် “[အမှန်] တရားတွင်ဆက်လျှောက်လှမ်း” သွားနိုင်ရန် ကျွန်ုပ်တို့ကို ကိုယ်တော်ကူညီတော်မူလိမ့်မည်။—သု. ၃:၅၊ ၆; ၃ ယောဟန် ၄။
၂၅။ ယခု အဘယ်မေးခွန်းကို ကျွန်ုပ်တို့ ဆင်ခြင်သုံးသပ်သင့်သနည်း။
၂၅ ယေဟောဝါအား လုံးလုံးလျားလျားယုံကြည်ကိုးစားပြီး ကိုယ်တော်ကို စိတ်နှလုံးအကြွင်းမဲ့ချစ်မြတ်နိုးကြသောကြောင့် နှစ်စဉ် ထောင်နှင့်ချီသောသူများသည် ဆက်ကပ်အပ်နှံပြီး နှစ်ခြင်းခံရန် လှုံ့ဆော်ခံခဲ့ကြရသည်။ ဆက်ကပ်အပ်နှံပြီးသော ကျေးကျွန်အားလုံးသည် ကိုယ်တော်အပေါ် တည်ကြည်မှုရှိလိုကြသည်မှာ မလွဲဧကန်ပင်။ သို့သော် ကျွန်ုပ်တို့သည် ခဲယဉ်းသောကာလတွင် အသက်ရှင်နေကြရပြီး ယုံကြည်ခြင်းစမ်းသပ်မှုမျိုးစုံကို ကြုံတွေ့နေကြရသည်။ (၂ တိမောသေ ၃:၁-၅) ယေဟောဝါထံ ကျွန်ုပ်တို့၏ဆက်ကပ်အပ်နှံမှုနှင့်အညီ နေထိုင်နိုင်ကြရန် အဘယ်အရာပြုလုပ်နိုင်မည်နည်း။ ဤအကြောင်းကို နောက်ဆောင်းပါးတွင် ကျွန်ုပ်တို့သုံးသပ်ကြမည်။
[အောက်ခြေမှတ်ချက်များ]
^ အပိုဒ်၊ 6 ယေရှု၌အပြစ်မရှိသောကြောင့် နောင်တရခြင်းအထိမ်းအမှတ်အနေနှင့် ကိုယ်တော်နှစ်ခြင်းခံခဲ့ခြင်းမဟုတ်ပါ။ ကိုယ်တော်၏နှစ်ခြင်းသည် ခမည်းတော်၏အလိုတော်ကို ဆောင်ရွက်ရန် မိမိကိုယ်ကိုဆက်သခြင်း အထိမ်းအမှတ်ဖြစ်သည်။—ဟေဗြဲ ၇:၂၆; ၁၀:၅-၁၀။
သင်မှတ်မိသလော
• ခရစ်ယာန်နှစ်ခြင်းကို မည်သို့ပေးသနည်း။
• လူတစ်ဦး နှစ်ခြင်းခံနိုင်ရန် အဘယ်အသိပညာလိုအပ်သနည်း။
• စစ်မှန်သောခရစ်ယာန်များ နှစ်ခြင်းခံယူခြင်းသို့ အဘယ်ခြေလှမ်းများက ဦးတည်သွားသနည်း။
• အချို့သူများသည် နှစ်ခြင်းခံရန် အဘယ်ကြောင့်တွန့်ဆုတ်နေကြသနည်း၊ သို့သော် သူတို့ကို မည်သို့အကူအညီပေးနိုင်သနည်း။
[လေ့လာရန်မေးခွန်းများ]
[စာမျက်နှာ ၁၄ ပါ ရုပ်ပုံ]
‘ခမည်းတော်၊ သားတော်၊ သန့် ရှင်းသော ဝိညာဉ်တော်၏နာမ၌ နှစ်ခြင်းခံခြင်း’ ဟူသည် အဘယ်အဓိပ္ပာယ်ရှိကြောင်း သင်သိပါသလော