သစ္စာမဲ့လမ်းစဉ်ကို ယေဟောဝါမုန်းတော်မူ၏
သစ္စာမဲ့လမ်းစဉ်ကို ယေဟောဝါမုန်းတော်မူ၏
‘အချင်းချင်းတစ်ယောက်ကိုတစ်ယောက် သစ္စာမဖျက်ကြနှင့်။’—မာလခိ ၂:၁၀။
၁။ ထာဝရအသက်ရနိုင်ဖို့ ကျွန်ုပ်တို့ထံမှ ဘုရားသခင်အဘယ်အရာတောင်းဆိုသနည်း။
သင်သည် ထာဝရအသက် ရလိုပါသလား။ ကျမ်းစာတွင်ကတိပြုထားသော ထိုမျှော်လင့်ချက်ကို သင်ယုံကြည်မည်ဆိုပါက ‘ရချင်တာပေါ့’ ဟုသင်ဆိုကောင်းဆိုမည်။ သို့သော် ကမ္ဘာသစ်တွင် ဘုရားသခင် သင့်ကိုအဆုံးမဲ့အသက်ပေးစေလိုလျှင် ကိုယ်တော့်တောင်းဆိုချက်များကို သင်ပြည့်မီဖို့လိုသည်။ (ဒေ. ၁၂:၁၃; ယောဟန် ၁၇:၃) ၎င်းသည် မစုံလင်သောလူသားများထံမှ တရားလွန်တောင်းဆိုခြင်းလော။ မဟုတ်ပါ၊ ဤအားတက်ဖွယ်စကားကို ယေဟောဝါဖော်ပြထား၏– “ယဇ်ပူဇော်ခြင်းအကျင့်ထက် သနားခြင်းကရုဏာအကျင့်ကိုလည်းကောင်း၊ မီးရှို့ရာယဇ်ပူဇော်ခြင်းထက် ဘုရားသခင်နှင့်ကျွမ်းဝင်ခြင်းကိုလည်းကောင်း ငါနှစ်သက်၏။” (ဟောရှေ ၆:၆) ထို့ကြောင့် အမှားမကင်းသောလူသားများပင် ဘုရားသခင့်တောင်းဆိုချက်များကို ပြည့်မီနိုင်ကြပါသည်။
၂။ ဣသရေလလူမျိုးများစွာသည် ယေဟောဝါအပေါ် မည်သို့သစ္စာမဲ့ခဲ့ကြသနည်း။
၂ သို့သော် ယေဟောဝါ၏အလိုတော်ကို လူတိုင်းမထမ်းဆောင်လိုကြချေ။ ဣသရေလလူမျိုးမှ များစွာသောသူတို့ပင် ထိုသို့မပြုလိုခဲ့ကြကြောင်း ဟောရှေဖော်ပြသည်။ လူမျိုးတစ်မျိုးလုံးအနေနှင့် ဘုရားသခင့်ပညတ်တော်များကိုလိုက်နာပါမည်ဟု သဘောတူညီစွာ ပဋိညာဉ်ဖွဲ့ခဲ့ကြသည်။ (ထွက်မြောက်ရာ ၂၄:၁-၈) သို့သော် များမကြာမီပင် ကိုယ်တော့်ပညတ်များကို ချိုးဖောက်ခြင်းအားဖြင့် ‘ပဋိညာဉ်ကိုလွန်ကျူး’ ခဲ့ကြသည်။ ထို့ကြောင့် ဣသရေလလူမျိုးသည် မိမိကို “သစ္စာဖျက်” သည်ဟု ယေဟောဝါမိန့်ဆိုခဲ့၏။ (ဟောရှေ ၆:၇) ထိုအချိန်မှစ၍ လူများစွာသည် ထိုသို့ပင်ပြုခဲ့ကြပြီ။ သို့သော် ယေဟောဝါသည် မိမိအပေါ် တိုက်ရိုက်သစ္စာမဲ့သည်ဖြစ်စေ၊ မိမိကိုချစ်၍ အမှုထမ်းကြသူများအပေါ် သစ္စာမဲ့သည်ဖြစ်စေ သစ္စာမဲ့လမ်းစဉ်ကို ရွံမုန်းတော်မူ၏။
၃။ ဤဆောင်းပါးတွင် အဘယ်လေ့လာဆန်းစစ်မှုကိုပြုမည်နည်း။
၃ ကျွန်ုပ်တို့သည် ပျော်ရွှင်သာယာသောအသက်တာကိုရလိုပါက ကျွန်ုပ်တို့ခံယူဖို့လိုသောအမြင်၊ သစ္စာမဲ့ခြင်းနှင့်ဆိုင်သော ဘုရားသခင့်အမြင်ကို ပရောဖက်ဟောရှေတစ်ဦးတည်း အလေးပေးဖော်ပြခဲ့သည်မဟုတ်။ ရှေ့ဆောင်းပါးတွင် မာလခိ၏ပရောဖက်ပြုသတင်းကို ပထမအခန်းကြီးမှစ၍ ကျွန်ုပ်တို့ အသေးစိတ်လေ့လာဆန်းစစ်ခဲ့ကြ၏။ ယခု ထိုစာစောင်၏ ဒုတိယအခန်းကြီးကိုဖွင့်ကာ သစ္စာမဲ့ခြင်းကို ဘုရားသခင် မည်သို့ရှုမြင်ကြောင်း ထပ်ဆင့်အာရုံပြုကြပါစို့။ ဗာဗုလုန်သုံ့ပန်းဘဝမှ ပြန်လာခဲ့ကြပြီး ဆယ်စုနှစ်များစွာကုန်လွန်၍ ဘုရားသခင့်လူမျိုးတော်အကြား ဖြစ်ပေါ်နေသောအခြေအနေကို မာလခိဆွေးနွေးတင်ပြနေခြင်းဖြစ်သော်လည်း အဆိုပါဒုတိယအခန်းကြီးသည် ယခု ကျွန်ုပ်တို့အတွက် တကယ်အဓိပ္ပာယ်ရှိသည်။
ရှုတ်ချပြစ်တင်ခံထိုက်သော ယဇ်ပုရောဟိတ်များ
၄။ ယဇ်ပုရောဟိတ်များကို ယေဟောဝါမည်သို့သတိပေးခဲ့သနည်း။
၄ ယေဟောဝါ၏ဖြောင့်မတ်သောလမ်းစဉ်မှ သွေဖည်သွားကြခြင်းကြောင့် ဂျူးယဇ်ပုရောဟိတ်များကို အပြစ်တင်ခြင်းနှင့် အခန်းကြီး ၂ ကိုအစပြုထားသည်။ သူတို့သည် ကိုယ်တော်၏သွန်သင်ချက်ကို နှလုံးသွင်းပြီး မိမိတို့လမ်းစဉ်ကို မပြုပြင်ကြပါက စိုးရိမ်ဖွယ်ဆိုးကျိုးများ အမှန်ခံရကြလိမ့်မည်။ ပထမအခန်းငယ်နှစ်ခုကို သတိပြုပါ– “အိုယဇ်ပုရောဟိတ်တို့ ကောင်းကင်ဗိုလ်ခြေအရှင်ထာဝရဘုရားသည် သင်တို့အားမိန့်တော်မူသော ပညတ်စကားဟူမူကား၊ ‘ငါ၏နာမတော်ကို ချီးမွမ်းလိုသောငှာ သင်တို့သည်နားမထောင်၊ နှလုံးမသွင်းဘဲနေလျှင် ကျိန်ခြင်းဘေးကို သင်တို့အပေါ်သို့ ငါလွှတ်လိုက်မည်။ သင်တို့၏မင်္ဂလာကို အမင်္ဂလာဖြစ်စေမည်။’” ယဇ်ပုရောဟိတ်တို့သာ ဘုရားသခင့်ပညတ်တော်များကို လူတို့အားသွန်သင်ပေးပြီး ယင်းတို့ကိုစောင့်ရှောက်ခဲ့ကြမည်ဆိုလျှင် သူတို့ကောင်းချီးခံစားကြရပေမည်။ သို့သော် ဘုရားသခင့်အလိုတော်ကို လျစ်လျူရှုသောကြောင့် ကျိန်ခြင်းအမင်္ဂလာကိုခံရကြလိမ့်မည်။ ယဇ်ပုရောဟိတ်များမြွက်ဟသော ကောင်းချီးများပင်လျှင် ကျိန်ခြင်းဖြစ်သွားလိမ့်မည်။
၅၊ ၆။ (က) ယဇ်ပုရောဟိတ်များသည် အဘယ်ကြောင့် အထူးပြစ်တင်ရှုတ်ချခံခဲ့ရသနည်း။ (ခ) ယဇ်ပုရောဟိတ်များကို စက်ဆုပ်ရွံရှာကြောင်း ယေဟောဝါမည်သို့ဖော်ပြခဲ့သနည်း။
၅ ယဇ်ပုရောဟိတ်များသည် အဘယ်ကြောင့် အထူးပြစ်တင်ရှုတ်ချခံထိုက်သနည်း။ အခန်းငယ် ၇ က ဤသို့ရှင်းပြသည်–ဝတ်ပြုရာ ၁၀:၁၁) ဝမ်းနည်းစရာမှာ၊ နောက်ပိုင်းတွင် ၂ ရာဇဝင်ချုပ် ၁၅:၃ ကိုရေးသားသူက ဤသို့မှတ်တမ်းတင်ခဲ့သည်– “ကြာမြင့်သောကာလပတ်လုံး ဣသရေလအမျိုး၌ မှန်သောဘုရား[သခင်]မရှိ။ [သွန်သင်] ပေးတတ်သော ယဇ်ပုရောဟိတ်မရှိ။ တရားလည်းမရှိဘဲနေ . . . [၏]။”
“ယဇ်ပုရောဟိတ်၏နှုတ်ခမ်းသည် ပညာကိုစောင့်ရမည်။ သူ၏နှုတ်၌ လူတို့သည် တရားတော်ကိုရှာရကြမည်။ အကြောင်းမူကား သူသည် ကောင်းကင်ဗိုလ်ခြေအရှင် ထာဝရဘုရားစေလွှတ်တော်မူသော တမန်ဖြစ်၏။” အစောပိုင်းအနှစ်တစ်ထောင်ကျော်က မောရှေမှတစ်ဆင့် ဣသရေလလူမျိုးကိုပေးခဲ့သော ဘုရားသခင့်ပညတ်တော်အရ ယဇ်ပုရောဟိတ်များသည် “ထာဝရဘုရား . . . မှာထားသမျှသောပညတ်တို့ကို ဣသရေလအမျိုးသားတို့၌ သွန်သင်” ရမည်ဖြစ်သည်။ (၆ မာလခိလက်ထက်၊ ဘီ.စီ.အီး. ငါးရာစုတွင် ယဇ်ပုရောဟိတ်များ၏အခြေအနေမှာ ထပ်တူပင်ဖြစ်သည်။ သူတို့သည် လူတို့ကို ဘုရားသခင့်ပညတ်တော်သင်ပေးဖို့ ပျက်ကွက်ခဲ့ကြသည်။ ထို့ကြောင့် ထိုယဇ်ပုရောဟိတ်များသည် စာရင်းရှင်းခံထိုက်ပေသည်။ သူတို့ကို ယေဟောဝါအတိအလင်းမိန့်တော်မူခဲ့သည့် ရင့်သီးသောစကားများကို သတိပြုပါ။ မာလခိ ၂:၃ တွင်ဤသို့မိန့်ဆို၏– “သင်တို့ဓမ္မပွဲ၏တိရစ္ဆာန်ချေးကို သင်တို့မျက်နှာပေါ်၌ ငါကြဲမည်။” ပြစ်တင်ကြိမ်းမောင်းချက်ပါတကား! ပူဇော်သော တိရစ္ဆာန်များ၏ချေးကို တပ်ပြင်ထုတ်ပြီး မီးရှို့ပစ်ရကြ၏။ (ဝတ်ပြုရာ ၁၆:၂၇) သို့ဖြစ်မည့်အစား တိရစ္ဆာန်ချေးကို သူတို့၏မျက်နှာများပေါ်ကြဲမည်ဟု ယေဟောဝါမိန့်ဆိုသောအခါ သူတို့၏ပူဇော်သကာများနှင့် ယဇ်ပူဇော်သူများကိုပါ ကိုယ်တော်စက်ဆုပ်ရွံရှာပြီး ငြင်းပယ်ကြောင်း ထင်ရှားစေသည်။
၇။ ပညတ်တရားသွန်သင်ပေးသူများကို ယေဟောဝါ အဘယ်ကြောင့် အမျက်ထွက်ခဲ့သနည်း။
၇ မာလခိခေတ်မတိုင်မီ ရာစုနှစ်များစွာက ယေဟောဝါသည် တဲတော်၊ ၎င်းနောက် ဝတ်ပြုရာအိမ်တော်ကိုကြည့်ရှုစောင့်ရှောက်ရန်နှင့် မြင့်မြတ်သောအမှုတော်ကိုဆောင်ရွက်ရန် လေဝိသားများအား တာဝန်ပေးအပ်ခဲ့သည်။ သူတို့သည် ဣသရေလလူမျိုး၏ သွန်သင်ပေးသူများဖြစ်ခဲ့ကြသည်။ သူတို့တာဝန်ကျေပွန်လျှင် သူတို့နှင့် လူမျိုးတစ်မျိုးလုံး အသက်ရှင်၍ ငြိမ်သက်ပေလိမ့်မည်။ (တောလည်ရာ ၃:၅-၈) သို့ရာတွင် လေဝိသားများသည် သူတို့၌ အစပိုင်းတွင်ရှိခဲ့သော ဘုရားသခင်အားကြောက်ရွံ့စိတ် ပျောက်လွင့်သွားခဲ့ကြသည်။ ထို့ကြောင့် သူတို့ကိုယေဟောဝါ ဤသို့မိန့်တော်မူ၏– “သင်တို့မူကား လမ်းလွဲကြပြီ။ လူများတို့သည် တရားတော်ကိုထိမိ၍ လဲစေခြင်းငှာပြုကြပြီ။ လေဝိအမျိုးနှင့်ဖွဲ့သောပဋိညာဉ်ကို ဖျက်ကြပြီ။ . . . သင်တို့သည် ငါ့လမ်းတို့ကိုမလိုက်။” (မာလခိ ၂:၈၊ ၉) ယဇ်ပုရောဟိတ်များသည် အမှန်တရားကိုသွန်သင်ရန် ပျက်ကွက်ပြီး မကောင်းသောပုံသက်သေပြခဲ့ကြသောကြောင့် ဣသရေလလူမျိုးမှ လူများစွာကို လမ်းလွဲစေခဲ့ရာ သူတို့ကို ယေဟောဝါအမျက်ထွက်ထိုက်ပါသည်။
ဘုရားသခင့်စံနှုန်းများကိုလိုက်နာခြင်း
၈။ ဘုရားသခင့်စံနှုန်းများကို လူသားတို့လိုက်နာဖို့မျှော်လင့်ခြင်းသည် လွန်လွန်းသလော။ ရှင်းပြပါ။
၈ ထိုယဇ်ပုရောဟိတ်များသည် မစုံလင်သူများသာဖြစ်၍ ဘုရားသခင့်စံနှုန်းများကို လိုက်နာနိုင်ကြမည်မဟုတ်သောကြောင့် သူတို့ကိုစာနာမှုပြသည့်အနေနှင့် ခွင့်လွှတ်ထိုက်သည်ဟု မယူဆပါနှင့်။ အမှန်မှာ လူသားများထံမှ သူတို့မတတ်နိုင်ရာကို ယေဟောဝါမမျှော်လင့်သောကြောင့် ဘုရားသခင့်အမိန့်တော်များကို သူတို့လိုက်နာစောင့်ရှောက်နိုင်ပါသည်။ ထိုအချိန်က ယဇ်ပုရောဟိတ်အချို့သည် ဘုရားသခင့်စံနှုန်းများကို လိုက်နာစောင့်ရှောက်ခဲ့ကြပေမည်၊ နောက်ပိုင်းတွင် ကြီးမြတ်သော “ယဇ်ပုရောဟိတ်မင်း” ယေရှု လိုက်နာခဲ့သည်မှာ သေချာပါသည်။ (ဟေဗြဲ ၃:၁) ကိုယ်တော်နှင့်စပ်လျဉ်း၍ ဤသို့အမှန်အကန်ဆိုနိုင်ပါသည်– “သစ္စာတရားစကားကိုပြောတတ်၏။ သူ့နှုတ်၌ အပြစ်ကိုရှာ၍မတွေ့။ ငြိမ်ဝပ်ခြင်းတရား၊ ဖြောင့်မတ်ခြင်းတရားအတိုင်း ငါနှင့်အတူသွားလာ၍ များစွာသောသူတို့ကို . . . အပြစ်မှလွှဲရှောင်စေတတ်၏။”—မာလခိ ၂:၆။
၉။ ကျွန်ုပ်တို့ခေတ်တွင် မည်သူတို့သည် အမှန်တရားကို သစ္စာရှိရှိပျံ့နှံ့စေခဲ့ပြီနည်း။
၁ ပေတရု ၂:၅) အခြားသူများထံ ကျမ်းစာအမှန်တရားပျံ့နှံ့စေရေးတွင် သူတို့ဦးဆောင်ပြုလုပ်ခဲ့ကြပြီ။ သူတို့သွန်သင်ပေးသော အမှန်တရားကိုသင်သိရှိလာသောအခါ သူတို့နှုတ်၌ အမှန်တရားရှိကြောင်း သင်ကြုံတွေ့ခဲ့ပြီမဟုတ်လော။ သူတို့သည် ဘာသာရေးမှားယွင်းမှုများမှ လူများစွာကို လွှဲရှောင်စေခဲ့ရာ ယခု ကမ္ဘာတစ်ဝန်းတွင် ကျမ်းစာအမှန်တရားကိုသိရှိလာကြသဖြင့် ထာဝရအသက်ဆုရရန် မျှော်လင့်သူ သန်းနှင့်ချီရှိနေပြီ။ ဤသူတို့သည် အခြားသန်းပေါင်းများစွာသောသူတို့အား အမှန်တရားကို တစ်ဆင့်ပြန်သွန်သင်ပေးခွင့်ရှိကြသည်။—ယောဟန် ၁၀:၁၆; ဗျာဒိတ် ၇:၉။
၉ ထိုနည်းတူစွာ ကျွန်ုပ်တို့ခေတ်တွင် ကောင်းကင်မျှော်လင့်ချက်ရှိသော ခရစ်တော်၏ဝိညာဉ်တော်ဖွားညီတော်များသည် “ဘုရားသခင်နှစ်သက်တော်မူရာ ဓမ္မယဇ်ကိုပူဇော်ရသော သန့်ရှင်းသောယဇ်ပုရောဟိတ်မျိုး” အဖြစ် အနှစ်တစ်ရာကျော် အမှုထမ်းခဲ့ပြီ။ (သတိထားသင့်သောအကြောင်း
၁၀။ ကျွန်ုပ်တို့ အဘယ်ကြောင့် သတိပြုသင့်သနည်း။
၁၀ သို့ရာတွင် ကျွန်ုပ်တို့သတိထားသင့်သောအကြောင်းရှိသည်။ သို့မဟုတ်လျှင် မာလခိ ၂:၁-၉ ၏ဆိုလိုချက်ကို သဘောမပေါက်ဘဲဖြစ်လိမ့်မည်။ ကျွန်ုပ်တို့၏နှုတ်တွင် အပြစ်ကိုရှာမတွေ့ဖို့ ကျွန်ုပ်တို့ကိုယ်တိုင် သတိရှိကြပါသလော။ ဥပမာ၊ ကျွန်ုပ်တို့၏စကားကို ကျွန်ုပ်တို့မိသားစုသည် အမှန်ယုံကြည်စိတ်ချသလော။ အသင်းတော်ရှိ ကျွန်ုပ်တို့၏ဝိညာဉ်ရေးညီအစ်ကို၊ ညီအစ်မများကော၊ ထို့အတူယုံကြည်စိတ်ချသလော။ စကားအသုံးအနှုန်းမှန်သော်လည်း အထင်လွဲစေသောစကားလုံးမျိုး သုံးသည့်အကျင့် အလွယ်တကူပါသွားနိုင်သည်။ သို့မဟုတ် စီးပွားရေးကိစ္စတစ်ခုတွင် ပိုပြောခြင်း သို့မဟုတ် အသေးစိတ်မဖော်ပြခြင်း ပြုကောင်းပြုမည်။ ထိုသို့ပြုခြင်းကို ယေဟောဝါမသိဘဲနေပါမည်လော။ ထိုအကျင့်များကို ကျွန်ုပ်တို့ကျင့်ပါက ကျွန်ုပ်တို့၏နှုတ်မှ ချီးမွမ်းခြင်းယဇ်များကို ကိုယ်တော်လက်ခံပါမည်လော။
၁၁။ အထူးသဖြင့် မည်သူတို့သည် သတိပြုသင့်သနည်း။
၁၁ ယနေ့ အသင်းတော်များတွင် သမ္မာကျမ်းစာကို သွန်သင်ပေးခွင့်ရှိသူများအတွက် မာလခိ ၂:၇ သည် သတိပေးချက်ဖြစ်သင့်သည်။ သူတို့၏နှုတ်ခမ်းသည် “ပညာကိုစောင့်ရမည်” သူတို့၏နှုတ်၌ “လူတို့သည်တရားတော်ကိုရှာရကြမည်” ဟုဆိုထားသည်။ ဤသို့သွန်သင်ပေးရသူတို့၌ ကြီးလေးသောတာဝန်ရှိ၏၊ အကြောင်းမှာ သူတို့သည် “သာ၍ကျပ်တည်းသော စစ်ကြောစီရင်ခြင်းကို ခံရမည်” ဟု ယာကုပ် ၃:၁ ကဖော်ပြထားသောကြောင့်ဖြစ်သည်။ သူတို့သည် ဇွဲနှင့် စိတ်အားထက်သန်စွာ သွန်သင်သင့်သည်မှန်သော်လည်း သူတို့၏သွန်သင်ချက်သည် သမ္မာကျမ်းစာကိုအခြေခံပြီး ယေဟောဝါ၏ အဖွဲ့အစည်းမှလာသော ညွှန်ကြားချက်အတိုင်းဖြစ်ရမည်။ ဤနည်းဖြင့် သူတို့သည် “သူတစ်ပါးတို့ကိုသွန်သင်ခြင်းငှာ တတ်စွမ်း [“အရည်အချင်းပြည့်မီ၊” ကဘ]” ကြမည်။ ထို့ကြောင့် သူတို့ကိုဤသို့ညွှန်ကြားထားသည်– “သင်မူကား၊ ဝန်ခံတော်မူသောသူ၊ ရှက်ကြောက်စရာအကြောင်းမရှိဘဲ၊ [အမှန်] တရားကို မှန်ကန်စွာပိုင်းခြားတတ်သော ဆရာသမားဖြစ်လျက်၊ ဘုရားသခင့်ရှေ့၌ ကိုယ်ကိုကိုယ်ဆက်သခြင်းငှာ ကြိုးစားအားထုတ်လော့။”—၂ တိမောသေ ၂:၂၊ ၁၅။
၁၂။ သွန်သင်ပေးသူများသည် အဘယ်အရာကို သတိထားသင့်သနည်း။
၁၂ သတိမထားပါက ကျွန်ုပ်တို့သွန်သင်ပေးရာတွင် ကိုယ်ပိုင်အကြိုက်များ၊ ကိုယ်ပိုင်ထင်မြင်ချက်များ ထည့်သွင်းမိပေမည်။ ယေဟောဝါအဖွဲ့အစည်း၏သွန်သင်ချက်နှင့် ဆန့်ကျင်နေလျှင်ပင် မိမိ၏ကောက်ချက်များမှန်သည်ဟု ယုံကြည်စိတ်ချနေတတ်သူတစ်ဦးအဖို့ ယင်းသို့ပြုမိရန် အထူးစိုးရိမ်စရာရှိသည်။ အသင်းတော်တွင် သွန်သင်ပေးသူများသည် သိုးများကိုထိမိ၍လဲစေနိုင်သော ကိုယ်ပိုင်အယူအဆများကိုမဟုတ်ဘဲ ဘုရားသခင့်ထံတော်မှ အသိပညာကိုစွဲကိုင်ထားကြလိမ့်မည်ဟု မျှော်လင့်သင့်ကြောင်း မာလခိအခန်းကြီး ၂ ကဖော်ပြသည်။ ယေရှုဤသို့မိန့်ဆိုခဲ့သည်– “ငါ့ကိုယုံကြည်သော ဤသူငယ်တစ်စုံတစ်ယောက်ကို အကြင်သူသည်မှားယွင်းစေ၏။ ထိုသူသည် လည်ပင်း၌ကြိတ်ဆုံကျောက်ကိုဆွဲ၍ နက်နဲသောပင်လယ်၌ နှစ်မြှုပ်ခြင်းကိုခံရသော် အနေသာ၍ကောင်း၏။”—မဿဲ ၁၈:၆။
မယုံကြည်သူတစ်ဦးကို ထိမ်းမြားခြင်း
၁၃၊ ၁၄။ မာလခိအာရုံစိုက်စေသော သစ္စာမဲ့လမ်းစဉ်တစ်ခုကား အဘယ်နည်း။
၁၃ မာလခိအခန်းကြီး ၂ ၏ အခန်းငယ် ၁၀ မှစ၍ သစ္စာမဲ့ခြင်းကို သာ၍ပင် တိုက်ရိုက်အလေးပေးဖော်ပြသည်။ မာလခိသည် ဆက်စပ်
နေသောလမ်းစဉ်နှစ်ခုကို အာရုံစိုက်ပြီး ၎င်းတို့နှင့်ပတ်သက်၍ “သစ္စာဖျက်” ဟူသောစကားလုံးကို ထပ်ခါတလဲအသုံးပြုခဲ့သည်။ ဦးဆုံး၊ သူ၏ဆုံးမစကားကို ဤမေးခွန်းများဖြင့်အစပျိုးခဲ့ကြောင်း သတိပြုပါ– “ခပ်သိမ်းသောငါတို့၌ တစ်ပါးတည်းသောအဘရှိသည်မဟုတ်လော။ တစ်ပါးတည်းသောဘုရားသခင်သည် ငါတို့ကိုဖန်ဆင်းသည်မဟုတ်လော။ ဘိုးဘေးတို့နှင့်ဖွဲ့တော်မူသော ပဋိညာဉ်ကိုရှုတ်ချ၍ ငါတို့သည် အဘယ်ကြောင့်တစ်ယောက်ကိုတစ်ယောက် သစ္စာဖျက်ကြသနည်း။” ထို့နောက် အခန်းငယ် ၁၁ ကထပ်ဆင့်၍ ဣသရေလအမျိုး၏ သစ္စာမဲ့လမ်းစဉ်သည် ‘ယေဟောဝါ၏သန့်ရှင်းခြင်း’ ကိုရှုတ်ချရာရောက်သည်ဟုဆို၏။ သူတို့အဘယ်အမှုကိုပြုလုပ်နေကြ၍ ဤမျှအပြစ်ကြီးလေးနေသနည်း။ ထိုအခန်းငယ်က မှားယွင်းသောအကျင့်တစ်ခုကိုဖော်ပြသည်– သူတို့သည် “တစ်ပါးအမျိုးဘုရား၏သမီးနှင့် လက်ထပ်” ခဲ့ကြသည်။၁၄ တစ်နည်းအားဖြင့် ယေဟောဝါထံဆက်ကပ်အပ်နှံထားကြသော လူမျိုးတွင်ပါဝင်သူ ဣသရေလအချို့သည် ကိုယ်တော်အားဝတ်မပြုသူတို့ကို ထိမ်းမြားခဲ့ကြသည်။ ထိုသို့ပြုခြင်းသည် အဘယ်ကြောင့် ဤမျှအပြစ်ကြီးလေးရကြောင်း ထိုကျမ်းချက်၏ရှေ့နောက်စကားက သဘောပေါက်စေသည်။ သူတို့၌ အဘတစ်ပါးတည်းရှိသည်ဟု အခန်းငယ် ၁၀ ကဆို၏။ ဤအဘသည် (ဣသရေလဟုအမည်သစ်ရသော) ယာကုပ်မဟုတ်၊ အာဗြဟံလည်းမဟုတ်၊ အာဒံပင်မဟုတ်ပေ။ ထို “တစ်ပါးတည်းသောအဘ” သည် ယေဟောဝါဖြစ်ကြောင်း မာလခိ ၁:၆ ကဖော်ပြသည်။ ဣသရေလလူမျိုးသည် ကိုယ်တော်နှင့်ဆက်ဆံရေးရှိပြီး သူတို့၏ဘိုးဘေးများနှင့်ဖွဲ့သော ပဋိညာဉ်၌ ပါဝင်သူများဖြစ်ကြသည်။ ထိုပဋိညာဉ်၏ပညတ်ချက်တစ်ခုကား ဤသို့– “သူတို့နှင့်စုံဖက်ခြင်းကို မပြုရ။ သင်၏သမီးကို သူ၏သားနှင့်လည်းကောင်း၊ သင်၏သားကို သူ၏သမီးနှင့်လည်းကောင်း ထိမ်းမြားပေးစားခြင်းကိုမပြုရ။”—တရားဟောရာ ၇:၃။
၁၅။ (က) မယုံကြည်သူတစ်ဦးနှင့် ထိမ်းမြားခြင်းကို အချို့ မည်သို့ကြိုးစားဆင်ခြေပေးသနည်း။ (ခ) အိမ်ထောင်ပြုခြင်းကိစ္စနှင့်ပတ်သက်၍ ယေဟောဝါမည်သို့ဆိုသနည်း။
၁၅ ယနေ့ အချို့သူတို့က ဤသို့ဆင်ခြေပေးမည်– ‘ငါစိတ်ဝင်စားနေတဲ့သူက သိပ်သဘောကောင်းတာ။ အချိန်တန်ရင် စစ်မှန်တဲ့ဝတ်ပြုရေးကို သူလက်ခံကောင်းလက်ခံလာမှာပါ။’ ထိုသို့တွေးတောခြင်းသည် ဤမှုတ်သွင်းခံသတိပေးချက် မှန်ကန်ကြောင်းထောက်ခံသည်– “စိတ်နှလုံးသည် ခပ်သိမ်းသောအရာထက် စဉ်းလဲတတ်၏။ အလွန်ယိုယွင်းသောသဘောရှိ၏။” (ယေရမိ ၁၇:၉) မယုံကြည်သူတစ်ဦးနှင့် ထိမ်းမြားခြင်းကို ဘုရားသခင်မည်သို့ရှုမြင်ကြောင်း မာလခိ ၂:၁၂ ကဤသို့ဖော်ပြသည်– “ထိုသို့ပြုသော . . . သူကို . . . ပယ်ဖြတ်တော်မူမည်။” ထို့ကြောင့် “သခင်ဘုရား၌သာ” ထိမ်းမြားဖို့ ခရစ်ယာန်များကို တိုက်တွန်းထားသည်။ (၁ ကောရိန္သု ၇:၃၉) ခရစ်ယာန်အစီအစဉ်စနစ်အောက်တွင် မယုံကြည်သူတစ်ဦးကို ထိမ်းမြားခြင်းအတွက် ယုံကြည်သူသည် “ပယ်ဖြတ်” မခံရပါ။ သို့တိုင် မယုံကြည်သူသည် ဆက်၍မယုံကြည်သူဖြစ်နေလျှင် ဤအစီအစဉ်ကို ဘုရားသခင် မကြာမီ ဆုံးခန်းတိုင်စေသောအခါ ထိုသူမည်သို့ဖြစ်သွားမည်နည်း။—ဆာလံ ၃၇:၃၇၊ ၃၈။
အိမ်ထောင်ဖက်အား မတော်မတရားပြုခြင်း
၁၆၊ ၁၇။ အချို့သူတို့လိုက်နေကြသော သစ္စာမဲ့လမ်းစဉ်ကား အဘယ်နည်း။
၁၆ ထို့နောက် ဒုတိယသစ္စာဖျက်မှုကို မာလခိဆင်ခြင်သုံးသပ်သည်၊ ၎င်းကား အိမ်ထောင်ဖက်ကို မတော်မတရားပြုခြင်း အထူးသဖြင့် မတရားသဖြင့်ကွာရှင်းခြင်း ဖြစ်သည်။ အခန်းကြီး ၂ အခန်းငယ် ၁၄ ကဤသို့ဆိုသည်– “သင့်အသက်ပျိုစဉ်အခါ လက်ထပ်၍ နောက်တစ်ဖန်သစ္စာမစောင့်၊ ပြစ်မှားသောမယားတစ်ဖက်နှင့် သင့်တစ်ဖက်၌ ထာဝရဘုရားသည် သက်သေဖြစ်တော်မူ၏။ ထိုမယားသည် သင်၏အဆွေခင်ပွန်း၊ သင်ဖွဲ့သောပဋိညာဉ်နှင့်ဆိုင်သော မယားဖြစ်သတည်း။” ဂျူးလင်ယောက်ျားများသည် သူတို့၏ဇနီးမယားများကို သစ္စာဖျက်ကြခြင်းအားဖြင့် ယေဟောဝါ၏ယဇ်ပလ္လင်ကို ‘မျက်ရည်နှင့်ဖုံးအုပ်’ သကဲ့သို့ဖြစ်စေခဲ့ကြပြီ။ (မာလခိ ၂:၁၃) ထိုအမျိုးသားများသည် သူတို့၏ငယ်ပေါင်းဇနီးများကို အကြောင်းအမျိုးမျိုးဖြင့် ကွာရှင်းကာ မတရားသဖြင့်စွန့်ခွာနေခဲ့ကြသည်၊ သာ၍နုပျိုသော သို့မဟုတ် အယူမှားအမျိုးသမီးများကို ထိမ်းမြားဖို့ဖြစ်နိုင်သည်။ ထိုသို့ပြုခြင်းကို အကျင့်ပျက်ယဇ်ပုရောဟိတ်များကလည်း ခွင့်ပြုခဲ့ကြသည်! သို့တိုင် မာလခိ ၂:၁၆ ကဤသို့ဆို၏– “မယားကိုစွန့်ခြင်းအမှု . . . ကိုငါမုန်းသည်ဟု ဣသရေလအမျိုး၏ဘုရားသခင် ကောင်းကင်ဗိုလ်ခြေအရှင် ထာဝရဘုရားမိန့်တော်မူ၏။” နောက်ပိုင်းတွင် ယေရှုက အကျင့်ယိုယွင်းခြင်း တစ်ခုတည်းဖြင့်သာ အိမ်ထောင်ကွာရှင်းနိုင်ပြီး အပြစ်မဲ့အိမ်ထောင်ဖက်အား နောက်အိမ်ထောင်ပြုခွင့်ရှိစေသည်ဟု ဖော်ပြခဲ့သည်။—မဿဲ ၁၉:၉။
၁၇ မာလခိ၏စကားကို အသေအချာပြန်သုံးသပ်ကာ ၎င်းသည် ကြင်နာတတ်သော အရင်းခံသဘောရှိသူများအတွက် မည်မျှနှစ်သက်ဖွယ်ဖြစ်သည်ကို စဉ်းစားကြည့်ပါ။ သူက “သင်၏အဆွေခင်ပွန်း၊ သင်ဖွဲ့သောပဋိညာဉ်နှင့်ဆိုင်သော မယား” ဟုဆိုသည်။ ထိုသို့ပြုသောအမျိုးသားတစ်ဦးစီသည် ဝတ်ပြုသူချင်းတစ်ဦးဖြစ်သည့် ဣသရေလအမျိုးသမီးတစ်ဦးကို ချစ်မြတ်နိုးဖွယ်အဖော်အဖက်၊ ဘဝခရီးဖော်အဖြစ် ရွေးချယ်ပြီး ထိမ်းမြားခဲ့သည်။ သူတို့နှစ်ဦးစလုံး ငယ်ရွယ်နုပျိုစဉ်က ထိမ်းမြားလက်ထပ်ခဲ့ကြခြင်းဖြစ်နိုင်သည်၊ သို့သော် အချိန်ကုန်လွန်လာခဲ့ပြီး အသက်အရွယ်ကြီးရင့်လာပြီဖြစ်သောကြောင့် သူတို့ဖွဲ့ခဲ့သောပဋိညာဉ်၊ တစ်နည်းအားဖြင့် အိမ်ထောင်ရေးစာချုပ် ပျက်ပြယ်မသွားပါ။
၁၈။ သစ္စာမဲ့ခြင်းနှင့်ဆိုင်သော မာလခိ၏ဆုံးမစကားသည် ယနေ့ အဘယ်နည်းများဖြင့်သက်ဆိုင်သနည်း။
၁၈ ထိုကိစ္စနှင့်ပတ်သက်သော ဆုံးမစကားသည် ယနေ့လည်း ထပ်တူထပ်မျှသက်ဆိုင်သည်။ သခင်ဘုရား၌သာထိမ်းမြားခြင်းဆိုင်ရာ ဘုရားသခင့်ညွှန်ကြားချက်ကို အချို့အလေးမထားကြခြင်းသည် ဝမ်းနည်းစရာပင်။ ထို့ပြင် မိမိတို့၏အိမ်ထောင်ရေးကို ဆက်၍ခိုင်မြဲနေစေရန် ကြိုးစားမပြုလုပ်သူအချို့ရှိ၍လည်း ဝမ်းနည်းစရာဖြစ်သည်။ ထိုသို့ပြုကြမည့်အစား သူတို့သည် ဆင်ခြေများပေးကြပြီး အခြားသူတစ်ဦးကိုထိမ်းမြားရန် ကျမ်းစာနှင့်မညီညွတ်သောနည်းဖြင့် ကွာရှင်းပြီး ဘုရားသခင်မုန်းသောလမ်းစဉ်ကိုလိုက်ကြသည်။ ဤသို့ပြုကြခြင်းအားဖြင့် သူတို့သည် ‘ယေဟောဝါ၏နားတော်ငြီးစေခဲ့၏။’ မာလခိခေတ်က ဘုရားသခင့်လမ်းညွှန်ချက်ကို လျစ်လျူရှုသူတို့သည် ယေဟောဝါ၏ရှုမြင်ပုံများ ကျိုးကြောင်းမညီညွတ်ဟုပင် အတင့်ရဲစွာ ယူမှတ်ခဲ့ကြသည်။ အမှန်မှာ သူတို့က “စစ်ကြော [“တရားသဖြင့်၊” ကဘ] စီရင်တော်မူသောဘုရားသခင်ကား အဘယ်မှာရှိသနည်း” ဟုဆိုခဲ့ကြသည်။ အမှန်တကယ်စဉ်းလဲဖောက်ပြန်သော အတွေးအခေါ်ပါတကား! ထိုထောင်ချောက်ထဲသို့ ကျွန်ုပ်တို့မကျရောက်ကြပါစေနှင့်။—မာလခိ ၂:၁၇။
၁၉။ လင်ယောက်ျားများနှင့် ဇနီးသည်များသည် ဘုရားသခင့်ဝိညာဉ်တော်တန်ခိုးကို မည်သို့ခံစားနိုင်ကြသနည်း။
၁၉ အကောင်းဘက်မှကြည့်လျှင် လင်ယောက်ျားအချို့သည် မိမိတို့ဇနီးများအပေါ် သစ္စာမဖျက်ကြောင်း မာလခိဖော်ပြခဲ့သည်။ သူတို့၁ ပေတရု ၃:၇) သူတို့သည် မိမိတို့၏ဇနီးမယားများကို ကာယရေးအရဖြစ်စေ၊ နှုတ်အားဖြင့်ဖြစ်စေ မတော်မတရားမပြုကြချေ၊ ယုတ်ညံ့သောလိင်ဆိုင်ရာအကျင့်များကိုပြုဖို့ မတောင်းဆို၊ အခြားအမျိုးသမီးများနှင့် ပရောပရည်လုပ်ခြင်း၊ သို့မဟုတ် အပြာစာပေ၊ ရုပ်ပုံများကြည့်ခြင်းအားဖြင့် မိမိတို့ဇနီးများကို သိက္ခာမချကြပါ။ ယေဟောဝါ၏အဖွဲ့အစည်းတွင် ဘုရားသခင်နှင့် ကိုယ်တော်၏ပညတ်တော်များကို သစ္စာမဖျက်ကြသော တည်ကြည်သည့်ခရစ်ယာန်ဇနီး မြောက်မြားစွာရှိသည့်အတွက်လည်း ဝမ်းသာစရာပင်။ ထိုအမျိုးသား၊ အမျိုးသမီးအားလုံးသည် အဘယ်အရာကို ဘုရားသခင်ရွံမုန်းကြောင်းသိထားကြ၍ ထိုအတိုင်းတွေးခေါ်ပြုမူကြသည်။ သူတို့နည်းတူ ဆက်၍ ‘ဘုရားသခင်ကို အုပ်စိုးရှင်အဖြစ် နာခံ’ ပြီး ကိုယ်တော်၏သန့်ရှင်းသောဝိညာဉ်တော်တန်ခိုးကို ခံစားနေကြပါ။—တမန်တော် ၅:၂၉။
၌ ‘ဘုရားသခင်၏ သန့်ရှင်းသောဝိညာဉ်တော် ကြွင်းကျန်၏။’ (အခန်းငယ် ၁၅) ယနေ့ ဘုရားသခင်၏အဖွဲ့အစည်းတွင် ‘ကိုယ်ခင်ပွန်းကိုဂုဏ်တင်’ ကြသော ထိုသို့သောအမျိုးသား မြောက်မြားစွာရှိခြင်းသည် ဝမ်းသာစရာပင်။ (၂၀။ လူသားအားလုံးအတွက် အဘယ်အချိန်ရောက်လုနီးပြီနည်း။
၂၀ များမကြာမီ ဤလောကတစ်ခုလုံးကို ယေဟောဝါတရားစီရင်ပါတော့မည်။ လူတိုင်း မိမိ၏ယုံကြည်ချက်များနှင့် အပြုအမူများအတွက် ဘုရားသခင်ရှေ့ စာရင်းရှင်းခံရပါလိမ့်မည်။ “ငါတို့ရှိသမျှသည် ဘုရားသခင်စစ်ကြောတော်မူခြင်းကို ခံရကြမည်။” (ရောမ ၁၄:၁၂) ထို့ကြောင့် ဤတွင် စိတ်ဝင်စားစရာမေးခွန်းမှာ ယေဟောဝါ၏နေ့ကို မည်သူကပ်ကျော်မည်နည်း ဟူ၍ဖြစ်သည်။ ဆက်လေ့လာမည့် တတိယနှင့် နောက်ဆုံးဆောင်းပါးတွင် ထိုအကြောင်းအရာကို ဆွေးနွေးကြပါမည်။
သင်ရှင်းပြနိုင်သလော
• ယေဟောဝါသည် ဣသရေလနိုင်ငံရှိ ယဇ်ပုရောဟိတ်များကို အဘယ်အခြေခံအကြောင်းရင်းအတွက် ပြစ်တင်ရှုတ်ချခဲ့သနည်း။
• ဘုရားသခင့်စံနှုန်းများသည် လူသားများလိုက်နာဖို့ အဘယ်ကြောင့်မခက်ခဲလွန်းသနည်း။
• ယနေ့ ကျွန်ုပ်တို့၏သွန်သင်ချက်ကို အဘယ်ကြောင့်သတိပြုသင့်သနည်း။
• ယေဟောဝါသည် အဘယ်အကျင့်နှစ်ခုကို အထူးပြစ်တင်ရှုတ်ချခဲ့သနည်း။
[လေ့လာရန်မေးခွန်းများ]
[စာမျက်နှာ ၁၅ ပါ ရုပ်ပုံ]
ယေဟောဝါ၏နည်းလမ်းတော်များကို မလိုက်နာခဲ့ကြသဖြင့် မာလခိခေတ်က ယဇ်ပုရောဟိတ်များပြစ်တင်ရှုတ်ချခံခဲ့ရကြ
[စာမျက်နှာ ၁၆ ပါ ရုပ်ပုံ]
ကိုယ်ပိုင်အကြိုက်များကိုမဟုတ်ဘဲ ယေဟောဝါ၏နည်းလမ်းတော်များကို သွန်သင်ပေးရန် ကျွန်ုပ်တို့ဂရုပြုရကြမည်
[စာမျက်နှာ ၁၈ ပါ ရုပ်ပုံ]
အသေးအဖွဲအကြောင်းပြချက်များဖြင့် မိမိတို့ဇနီးများ ကိုကွာရှင်းပြီး အယူမှားအမျိုးသမီးများနှင့် ထိမ်းမြားခဲ့ကြသော ဣသရေလအမျိုးသားများကို ယေဟောဝါပြစ်တင်ရှုတ်ချခဲ့
[စာမျက်နှာ ၁၈ ပါ ရုပ်ပုံ]
ယနေ့ ခရစ်ယာန်များသည် မိမိတို့၏ အိမ်ထောင်မင်္ဂလာပဋိညာဉ်ကို လေးစားကြ