ခရစ်ယာန်များ တစ်ဦးကိုတစ်ဦး လိုအပ်
ခရစ်ယာန်များ တစ်ဦးကိုတစ်ဦး လိုအပ်
“ငါတို့သည် အချင်းချင်းအင်္ဂါချင်းဖြစ်ကြ၏။”—ဧဖက် ၄:၂၅။
၁။ လူ့ကိုယ်ခန္ဓာနှင့်ပတ်သက်၍ စွယ်စုံကျမ်းတစ်ကျမ်းက မည်သို့ဆိုသနည်း။
လူ့ကိုယ်ခန္ဓာသည် အံ့ဖွယ်ကောင်းသော ဖန်ဆင်းခြင်းလက်ရာတစ်ခုဖြစ်၏! ကမ္ဘာ့စာအုပ်စွယ်စုံကျမ်းက ဤသို့ဆိုသည်– “လူတို့သည် တစ်ခါတစ်ရံ လူ့ကိုယ်ခန္ဓာကို ဆောက်ခဲ့သမျှစက်တို့တွင် အထူးဆန်းဆုံးစက်ဟု ခေါ်ဆိုကြသည်။ လူ့ကိုယ်ခန္ဓာသည် စက်တစ်လုံးတော့မဟုတ်ချေ။ သို့ရာတွင် ယင်းကို စက်နှင့် နည်းအမျိုးမျိုးဖြင့် နှိုင်းယှဉ်နိုင်သည်။ ကိုယ်ခန္ဓာသည် စက်တစ်လုံးကဲ့သို့ပင် အစိတ်အပိုင်းများစွာဖြင့် ဖွဲ့စည်းထား၏။ ကိုယ်ခန္ဓာအစိတ်အပိုင်းတစ်ခုစီသည် စက်တစ်လုံး၏အစိတ်အပိုင်းတစ်ခုစီကဲ့သို့ အထူးလုပ်ဆောင်ချက်များရှိကြသည်။ သို့သော် အစိတ်အပိုင်းအားလုံးသည် အတူတကွလုပ်ဆောင်ကြရာ ခန္ဓာကိုယ် သို့မဟုတ် စက်ကို ပြေပြစ်ချောမွတ်စွာ လည်ပတ်စေနိုင်၏။”
၂။ လူ့ကိုယ်ခန္ဓာနှင့် ခရစ်ယာန်အသင်းတော်သည် မည်သည့်နည်းဖြင့် ဆင်တူသနည်း။
၂ မှန်ပါ၏၊ လူ့ကိုယ်ခန္ဓာတွင် အစိတ်အပိုင်းများစွာရှိပြီး အပိုင်းတစ်ခုစီသည် လိုအပ်ရာကို ဖြည့်ဆည်းပေး၏။ သွေးပြန်ကြော၊ ကြွက်သား သို့မဟုတ် တခြားကိုယ်အင်္ဂါအစိတ်အပိုင်းတစ်ခုမျှ အကြောင်းမဲ့မတည်ရှိနေပါ။ ထိုနည်းတူ၊ ခရစ်ယာန်အသင်းတော်သားတစ်ဦးစီသည် အသင်းတော်၏ဝိညာဉ်ရေးရာ ကျန်းမာမှုနှင့် အလှကိုတိုးစေနိုင်ကြသည်။ (၁ ကောရိန္သု ၁၂:၁၄-၂၆) အသင်းတော်သားတစ်ဦးသည် အခြားသူတစ်ဦးထက် မိမိသာ၍ကောင်းမြတ်သည်ဟု မယူဆသင့်သော်လည်း မိမိကိုယ်ကို အရေးမပါဟူ၍လည်း မထင်မှတ်သင့်ပေ။—ရောမ ၁၂:၃။
၃။ ခရစ်ယာန်များ တစ်ဦးကိုတစ်ဦး လိုအပ်ကြောင်း ဧဖက် ၄:၂၅ ကမည်သို့ဖော်ပြသနည်း။
၃ လူ့ကိုယ်အင်္ဂါချင်းတို့သည် တစ်ခုနှင့်တစ်ခု အမှီသဟဲပြုနေသကဲ့သို့ ခရစ်ယာန်များသည် တစ်ဦးကိုတစ်ဦး လိုအပ်သည်။ တမန်တော်ပေါလုသည် ဝိညာဉ်တော်ဖွား ယုံကြည်သူချင်းများကို ဤသို့ပြောဆိုခဲ့၏– “မုသာစကားကိုပယ်ရှင်း၍ မှန်သောစကားကိုသာ အချင်းချင်းတစ်ယောက်နှင့်တစ်ယောက် ပြောကြလော့။ အကြောင်းမူကား၊ ငါတို့သည် အချင်းချင်းအင်္ဂါချင်းဖြစ်ကြ၏။” (ဧဖက် ၄:၂၅) “ခရစ်တော်၏ကိုယ်” ဖြစ်သည့် ဝိညာဉ်ရေးဣသရေလအဖွဲ့ဝင်တို့သည် “အင်္ဂါချင်း” ဖြစ်ကြသောကြောင့် သူတို့အချင်းချင်း ဖြောင့်မှန်စွာ ဆက်သွယ်၍ အပြည့်အဝပူးပေါင်းဆောင်ရွက်ကြ၏။ မှန်ပါသည်၊ သူတို့တစ်ဦးချင်းစီသည် တခြားသူအားလုံးနှင့် သက်ဆိုင်၏။ (ဧဖက် ၄:၁၁-၁၃) သူတို့နှင့်အတူ ပျော်ရွှင်စွာ စည်းလုံးနေကြသူများမှာ မြေကြီးမျှော်လင့်ချက်ရှိသော မှန်ရာကိုပြောဆို၍ ပူးပေါင်းဆောင်ရွက်ကြသူ ခရစ်ယာန်များဖြစ်၏။
၄။ လူသစ်များကို အဘယ်နည်းများဖြင့် ကူညီပေးနိုင်သနည်း။
ဟေဗြဲ ၆:၁-၃) ဤသို့ကူညီပေးခြင်းတွင် ကျမ်းစာမေးခွန်းများကို ဖြေဆိုပေးခြင်း၊ ခရစ်ယာန်ဓမ္မအမှုတွင် လက်တွေ့ကျကျ ကူညီပေးခြင်းတို့ပါဝင်နိုင်သည်။ ခရစ်ယာန်အစည်းအဝေးများတွင် မှန်မှန်ပါဝင်ကာ ပုံသက်သေကောင်းပြခြင်းဖြင့် လူသစ်များကို ကျွန်ုပ်တို့ ကူညီပေးနိုင်ပါသည်။ ဆင်းရဲခက်ခဲချိန်များတွင် သူတို့ကို အားပေးနိုင်၏၊ နှစ်သိမ့်ပေးနိုင်၏။ (၁ သက်သာလောနိတ် ၅:၁၄၊ ၁၅) “[အမှန်]တရားတွင် ကျင်လည်” ရန် ကူညီပေးနိုင်သည့်နည်းလမ်းများကို ရှာယူသင့်သည်။ (၃ ယောဟန် ၄) ကျွန်ုပ်တို့သည် အမှန်တရားလမ်းပေါ်တွင် လျှောက်လှမ်းခါစရှိသေးသည်ဖြစ်စေ၊ နှစ်ပေါင်းများစွာ လျှောက်လှမ်းခဲ့ပြီးသည်ဖြစ်စေ၊ လူငယ်လူကြီးမဟူ ယုံကြည်သူချင်းများ၏ ဝိညာဉ်ရေးကောင်းကျိုးကို တိုးပွားစေနိုင်သည်၊ ဤယုံကြည်သူချင်းများသည် ကျွန်ုပ်တို့၏အကူအညီ လိုအပ်လျက်ရှိသည်။
၄ နှစ်စဉ်နှစ်တိုင်း မြေကြီးပရဒိသုတွင် နေထိုင်ရန် မျှော်လင့်ကြသူများသည် ထောင်နှင့်ချီ၍ နှစ်ခြင်းခံလျက်ရှိကြသည်။ အသင်းတော်မှ တခြားအသင်းသားများကလည်း ဤသူတို့ ‘ရင့်ကျက်ခြင်းအဖြစ်သို့’ ရောက်ရှိစေရန် ဝမ်းသာအားရ ကူညီပေးကြ၏။ (လိုအပ်သောအကူအညီ သူတို့ပေးခဲ့
၅ အာကုလနှင့် ပြစ်ကိလတို့သည် ပေါလုကို မည်သို့ကူညီပေးခဲ့ကြသနည်း။
၅ ယုံကြည်သူချင်းများကို ကူညီပေးရာ၌ အားရကျေနပ်မှုရရှိသူများတွင် ခရစ်ယာန်မောင်နှံစုံများ ပါဝင်သည်။ သာဓကအနေနှင့်၊ အာကုလနှင့် သူ၏ဇနီး ပြစ်ကိလတို့သည် ပေါလုကို ကူညီပေးခဲ့ကြသည်။ သူတို့အိမ်တွင် ပေါလုကို ကြိုဆိုလက်ခံ၍ အတူတကွ တဲရှင်များချုပ်ခဲ့ကြပြီး ကောရိန္သုမြို့တွင် အသင်းတော်သစ် တည်ထောင်ရန် ဝိုင်းဝန်းကူညီပေးခဲ့ကြသည်။ (တမန်တော် ၁၈:၁-၄) မဖော်ပြထားသောနည်းတစ်နည်းဖြင့် ပေါလုအတွက် သူတို့အသက်ကိုပင် စွန့်စားခဲ့ဖူးသည်။ ရောမမြို့တွင် သူတို့နေထိုင်စဉ် ထိုတွင်ရှိခရစ်ယာန်များကို ပေါလုဤသို့ပြောခဲ့သည်– “ငါနှင့်အတူ ယေရှုခရစ်၏အမှုတော်ကို ဆောင်ရွက်သောသူ ပြစ်ကိလနှင့်အာကုလကို နှုတ်ဆက်ကြလော့။ ထိုသူတို့သည် ငါ့အသက်အဖို့ မိမိတို့လည်ပင်းကို ချထားသောသူဖြစ်ကြ၏။ သူတို့ကျေးဇူးရှိသည်ဟု ငါတစ်ယောက်တည်းသာ ဝန်ခံသည်မဟုတ်။ တစ်ပါးအမျိုးသားအသင်းတော်အပေါင်းတို့သည် ဝန်ခံကြ၏။” (ရောမ ၁၆:၃၊ ၄) အာကုလနှင့် ပြစ်ကိလတို့ကဲ့သို့ပင် မျက်မှောက်ခေတ် ခရစ်ယာန်အချို့သည် အသင်းတော်များကို တည်ဆောက်အားပေး၍ ဝတ်ပြုသူချင်းများကို နည်းအမျိုးမျိုးဖြင့် ကူညီပေးကြကာ တစ်ခါတစ်ရံ ဘုရားသခင်၏တခြားကျေးကျွန်များသည် ညှဉ်းပန်းသူများ၏ နှိပ်စက်မှုကို မခံရစေရန် သို့မဟုတ် သေဘေးမှ လွတ်မြောက်စေရန် မိမိတို့၏အသက်ကိုယ်နှိုက်ကို စွန့်စားခဲ့ကြသည့်အထိပင်။
၆။ အာပေါလုသည် အဘယ်အကူအညီ ရရှိခဲ့သနည်း။
၆ အာကုလနှင့် ပြစ်ကိလတို့သည် ဧဖက်မြို့သားများကို ယေရှုခရစ်အကြောင်း သွန်သင်ပေးသည့် နှုတ်သတ္တိနှင့်ပြည့်စုံသော ခရစ်ယာန်ဖြစ်သူ အာပေါလုကိုလည်း ကူညီပေးခဲ့သည်။ ထိုအချိန်က အာပေါလုသည် ပညတ်ပဋိညာဉ်ချိုးဖောက်ခြင်း အပြစ်များအတွက် နောင်တရခြင်း အထိမ်းအမှတ်အဖြစ် ယောဟန်ပေးခဲ့သော နှစ်ခြင်းအကြောင်းကိုသာ သိရှိခဲ့သည်။ အာပေါလုသည် အကူအညီလိုအပ်နေကြောင်း အာကုလနှင့် ပြစ်ကိလတို့ ပိုင်းခြားသိမြင်ကြသောအခါ သူ့အား “ဘုရားသခင်၏ဘာသာတရားကို သာ၍သေချာစွာ သင်ကြားကြ၏။” ခရစ်ယာန်နှစ်ခြင်းတွင် ရေ၌စုံးစုံးနှစ်မြှုပ်ခြင်းနှင့် သန့်ရှင်းသောဝိညာဉ်တော် သွန်းလောင်းခံရခြင်းတို့ ပါဝင်ကြောင်း သူတို့ရှင်းပြခဲ့ပေမည်။ အာပေါလုသည် သင်ယူခဲ့ရာကို ကျင့်သုံးခဲ့သည်။ များမကြာမီ သူသည် အခါယပြည်တွင် “ကျေးဇူးတော်အားဖြင့် ယုံကြည်သောသူတို့ကို အလွန်ထောက်မလေ၏။ ယေရှုသည် ခရစ်တော်ဖြစ်တော်မူကြောင်းကို ကျမ်းစာအားဖြင့် ထင်ရှားစွာပြ၍ လူအပေါင်းတို့ရှေ့မှာ ယုဒလူတို့၏စကားကို အားကြီးစွာ ပယ်ဖျက်လေ၏။” (တမန်တော် ၁၈:၂၄-၂၈) တစ်ခါတစ်ရံ ဝတ်ပြုသူချင်းများ၏စကားများသည် သမ္မာကျမ်းစာကို ကျွန်ုပ်တို့ တိုးသိနားလည်စေရန် ကူညီပေးနိုင်သည်။ ဤကိစ္စရပ်တွင်လည်း တစ်ဦးကိုတစ်ဦး ကျွန်ုပ်တို့လိုအပ်ကြသည်။
ရုပ်ပစ္စည်း ကူညီပေးခြင်း
၇။ ခရစ်ယာန်ချင်းများ ရုပ်ပစ္စည်းလိုအပ်သောအခါ ဖိလိပ္ပိမြို့သားများသည် မည်သို့ပြုမူခဲ့ကြသနည်း။
၇ ဖိလိပ္ပိမြို့ရှိ ခရစ်ယာန်အသင်းတော်သားများသည် ပေါလုကို အလွန်ချစ်ခင်ကြပြီး သက်သာလောနိတ်မြို့တွင် ပေါလုနေထိုင်စဉ် ဖိလိပ္ပိ ၄:၁၅၊ ၁၆) ယေရုရှလင်မြို့ရှိ ညီအစ်ကိုများသည် ရုပ်ပစ္စည်းလိုအပ်သောအခါ ဖိလိပ္ပိမြို့သားများသည် သူတို့တတ်နိုင်သည်ထက်ပင် လှူဒါန်းခဲ့ကြသည်။ ဖိလိပ္ပိမြို့ရှိ ညီအစ်ကို၊ ညီအစ်မများ၏ မွန်မြတ်သောစိတ်ထားကို ပေါလု အလွန်ကျေးဇူးတင်လေးမြတ်သဖြင့် တခြားယုံကြည်သူများအတွက် ပုံသက်သေအဖြစ် သူတို့အပြုအမူကို တင်ပြပြောဆိုခဲ့သည်။—၂ ကောရိန္သု ၈:၁-၆။
လိုအပ်သည့် ရုပ်ပစ္စည်းများ ကူညီပေးခဲ့ကြသည်။ (၈။ ဧပဖြောဒိတ်သည် မည်သို့သောစိတ်ထား တင်ပြခဲ့သနည်း။
၈ ပေါလု အကျဉ်းချခံရစဉ် ဖိလိပ္ပိမြို့သားများသည် သူ့ထံ လက်ဆောင်ပစ္စည်းများ ပို့ပေးခဲ့သည့်အပြင် သူတို့၏တမန် ဧပဖြောဒိတ်ကိုပါ စေလွှတ်ပေးခဲ့သည်။ “သင်တို့သည် ငါ့ကိုပြုစု၍ မပြည့်စုံသေးသောဝတ်ကို သူ [ဧပဖြောဒိတ်] သည် ပြည့်စုံစေခြင်းငှာ ကိုယ်အသက်ကို စွန့်စား၍ ခရစ်တော်၏အမှုကြောင့် သေခြင်းသို့ ရောက်လုနီးပြီ” ဟုပေါလုပြောခဲ့သည်။ (ဖိလိပ္ပိ ၂:၂၅-၃၀; ၄:၁၈) ဧပဖြောဒိတ်သည် အကြီးအကဲလော၊ ဓမ္မအမှုထမ်းလောဟူသည်ကို ကျွန်ုပ်တို့မသိရချေ။ မည်သို့ပင်ဖြစ်ပါစေ၊ သူသည် ကိုယ်ကျိုးစွန့်ကူညီပေးသော ခရစ်ယာန်တစ်ဦးဖြစ်ပြီး သူ၏အကူအညီကို ပေါလု အမှန်ပင်လိုအပ်ခဲ့၏။ သင်၏အသင်းတော်တွင် ဧပဖြောဒိတ်ကဲ့သို့သောသူတစ်ဦးရှိပါသလော။
သူတို့သည် “စိတ်ကိုသက်သာစေ” သူများဖြစ်ခဲ့
၉။ အာရိတ္တာခုသည် ကျွန်ုပ်တို့အတွက် အဘယ်ပုံသက်သေပြခဲ့သနည်း။
၉ အာကုလ၊ ပြစ်ကိလနှင့် ဧပဖြောဒိတ်တို့ကဲ့သို့သော မေတ္တာရှိညီအစ်ကို၊ ညီအစ်မများသည် မည်သည့်အသင်းတော်တွင်မဆို အလွန်တန်ဖိုးထားခံရသူများဖြစ်ကြ၏။ ကျွန်ုပ်တို့၏ဝတ်ပြုသူချင်းအချို့သည် ပထမရာစုမှ ခရစ်ယာန်အာရိတ္တာခုနှင့် တူပေမည်။ သူနှင့် တခြားသူများသည် အဓိကကျသော ကိစ္စရပ်များတွင် နှစ်သိမ့်ပေးခြင်း၊ ကူညီပေးခြင်းအားဖြင့် “စိတ်ကိုသက်သာစေ” ခဲ့ကြသည်။ (ကောလောသဲ ၄:၁၀၊ ၁၁) အာရိတ္တာခုသည် အကူအညီလိုအပ်ချိန်များတွင် ပေါလုကို ကူညီပေးခြင်းအားဖြင့် မိတ်ဆွေစစ်တစ်ဦးဖြစ်ကြောင်း သက်သေပြခဲ့သည်။ သူသည် နယပုံပြင် ၁၇:၁၇ တွင်ဖော်ပြထားသော ဤသို့သောလူစားမျိုးဖြစ်သည်– “အဆွေခင်ပွန်းသည် အခါခပ်သိမ်းချစ်တတ်၏။ ညီအစ်ကိုသည် [ဆင်းရဲ]ကာလအဖို့ မွေးဖွားလျက်ရှိ၏။” ကျွန်ုပ်တို့အားလုံးသည် ခရစ်ယာန်ချင်းများ၏ “စိတ်ကိုသက်သာစေ” သူများဖြစ်သင့်သည်မဟုတ်ပေလော။ အထူးသဖြင့် ဆင်းရဲခက်ခဲသူများကို ကူညီပေးသင့်၏။
၁၀။ ပေတရုသည် ခရစ်ယာန်အကြီးအကဲများအတွက် မည်သည့်ပုံသက်သေပြခဲ့သနည်း။
၁၀ အထူးသဖြင့် ခရစ်ယာန်အကြီးအကဲများသည် သူတို့၏ဝိညာဉ်ရေး ညီအစ်ကို၊ ညီအစ်မများ၏ စိတ်ကိုသက်သာစေသူများ ဖြစ်ကြရမည်။ ခရစ်တော်က “သင်၏ညီအစ်ကိုတို့ကို တည်ကြည်စေလော့” ဟုတမန်တော်ပေတရုကို မိန့်ဆိုခဲ့သည်။ (လုကာ ၂၂:၃၂) အထူးသဖြင့် ယေရှု ရှင်ပြန်ထမြောက်ပြီးနောက်တွင် ပေတရုသည် ကျောက်ဆောင်ကဲ့သို့သော မယိမ်းမယိုင်ခိုင်ခံ့တည်ကြည်သည့် အရည်အသွေးများကို တင်ပြခဲ့၍ ထိုသို့ပြုလုပ်နိုင်ခဲ့သည်။ အကြီးအကဲတို့ သင်တို့၏ယုံကြည်သူချင်းများသည် သင့်ကို လိုအပ်သောကြောင့် အလားတူပင် စိတ်လိုကိုယ်လျောက် ကြင်နာစွာ ကြိုးစား၍ ကူညီပေးပါလေ။—တမန်တော် ၂၀:၂၈-၃၀; ၁ ပေတရု ၅:၂၊ ၃။
၁၁။ တိမောသေ၏စိတ်ထားကို ဆင်ခြင်သုံးသပ်ခြင်းမှ ကျွန်ုပ်တို့ အဘယ်အကျိုးရရှိနိုင်သနည်း။
၁၁ ပေါလု၏ခရီးသွားဖော် တိမောသေသည် တခြားခရစ်ယာန်များအတွက် အလွန်စိုးရိမ်ပူပန်တတ်သော အကြီးအကဲတစ်ဦးဖြစ်သည်။ တိမောသေသည် တစ်စုံတစ်ရာသော ကျန်းမာရေးပြဿနာရှိသော်လည်း ခိုင်ခံ့မြဲမြံသောယုံကြည်ခြင်း တင်ပြပြီး ‘ပေါလုနှင့်အတူ ဧဝံဂေလိတရားအမှုကို အမှန်ဆောင်ရွက်ခဲ့သည်။’ ထို့ကြောင့် တမန်တော်သည် ဖိလိပ္ပိမြို့သားများကို ဤသို့ပြောဆိုနိုင်၏– “ထိုသူသည် သင်တို့အကျိုးကို ကြည့်ရှုချင်သော စေတနာစိတ်ရှိသကဲ့သို့ စိတ်သဘောတူသောသူတစ်ယောက်မျှ ငါတို့၌မရှိ။” (ဖိလိပ္ပိ ၂:၂၀၊ ၂၂; ၁ တိမောသေ ၅:၂၃; ၂ တိမောသေ ၁:၅) ကျွန်ုပ်တို့သည် တိမောသေ၏စိတ်ထားမျိုး တင်ပြခြင်းဖြင့် ယေဟောဝါအားဝတ်ပြုသူချင်းများကို အကျိုးပြုနိုင်၏။ ကျွန်ုပ်တို့၏လူ့အားနည်းချက်များနှင့် စုံစမ်းခြင်းအမျိုးမျိုးကို ကျွန်ုပ်တို့တွန်းလှန်ရမည်မှန်သော်လည်း ခိုင်ခံ့သောယုံကြည်ခြင်းကိုတင်ပြပြီး ကျွန်ုပ်တို့၏ဝိညာဉ်ရေးညီအစ်ကို၊ ညီအစ်မများအတွက် မေတ္တာပါစွာ စိုးရိမ်ပူပန်ပေးသင့်၏။ ကျွန်ုပ်တို့ကို သူတို့လိုအပ်ကြောင်း အမြဲသတိရသင့်သည်။
အခြားသူများကို ဂရုစိုက်ခဲ့သည့် အမျိုးသမီးများ
၁၂။ ဒေါ်ကာ၏ပုံသက်သေမှ ကျွန်ုပ်တို့ အဘယ်အရာ သင်ယူနိုင်သနည်း။
၁၂ အခြားသူများကို ဂရုစိုက်ခဲ့သည့် ဘုရားသခင်ရေးရာ အမျိုးသမီးများတွင် ဒေါ်ကာသည် တစ်ဦးပါဝင်၏။ ဒေါ်ကာ ကွယ်လွန်သွားသောအခါ တပည့်များသည် ပေတရုကို ဆင့်ခေါ်၍ အထက်ခန်းသို့ ခေါ်ဆောင်သွားကြသည်။ ထိုတွင် “မုဆိုးမများတို့သည် ငိုကြွေးလျက်၊ သူတို့နှင့်အတူ ဒေါ်ကာရှိစဉ်အခါလုပ်ခဲ့သော အင်္ကျီနှင့်အဝတ်များကို ပြလျက်ရှိကြ၏။” ဒေါ်ကာသည် အသက်ပြန်ရှင်လာသည့်အခါ “ကောင်းသောအကျင့်၊ စွန့်ကြဲခြင်းအကျင့်” တို့ကို ဆက်ပြုကျင့်မည်မှာ သေချာသည်။ မျက်မှောက်ခေတ် ခရစ်ယာန်အသင်းတော်တွင်လည်း ဒေါ်ကာကဲ့သို့ ဆင်းရဲသောသူများအတွက် အဝတ်အစားများချုပ်ပေးပြီး တခြားမေတ္တာပါလုပ်ရပ်များ ပြုလုပ်ပေးသော အမျိုးသမီးများရှိကြမည်။ မှန်ပါသည်၊ သူတို့၏ကောင်းသော အလုပ်များသည် အထူးသဖြင့် ဘုရားသခင့်နိုင်ငံတော် အကျိုးစီးပွား တိုးပွားခြင်း၊ တပည့်ဖြစ်စေခြင်းလုပ်ငန်းတွင် ပါဝင်ခြင်းတို့နှင့် ပတ်သက်ပေမည်။—တမန်တော် ၉:၃၆-၄၂; မဿဲ ၆:၃၃; ၂၈:၁၉၊ ၂၀။
၁၃။ လုဒိသည် ခရစ်ယာန်ချင်းများအပေါ် စိုးရိမ်ပူပန်မှု မည်သို့ပြခဲ့သနည်း။
တမန်တော် ၁၆:၁၂-၁၅) လုဒိသည် သူတစ်ပါးအပေါ် ကောင်းမှုပြုလိုသောကြောင့် ပေါလုနှင့် သူ၏အဖော်များကို မိမိနှင့်အတူ လိုက်နေရန် ဖျောင်းဖျခဲ့သည်။ ယနေ့လည်း သနားကြင်နာတတ်ပြီး မေတ္တာရှိသော ခရစ်ယာန်များသည် အလားတူ ဧည့်ဝတ်ပျူငှာသည့်အခါ ကျွန်ုပ်တို့ တကယ်ပင် တန်ဖိုးထားလေးမြတ်ကြပါသည်!—ရောမ ၁၂:၁၃; ၁ ပေတရု ၄:၉။
၁၃ ဘုရားသခင်ရေးရာ ကြောက်ရွံ့မှုရှိသော အမျိုးသမီးတစ်ဦးဖြစ်သူ လုဒိသည် တခြားသူများကို ဂရုစိုက်ခဲ့၏။ သွာတိရမြို့သူ လုဒိသည် စီ.အီး. ၅၀ ပြည့်နှစ်ခန့်တွင် ဖိလိပ္ပိမြို့၌ ပေါလုဟောပြောခဲ့စဉ်က ထိုမြို့တွင် နေထိုင်ခဲ့၏။ လုဒိသည် ဂျူးဘာသာသို့ ပြောင်းဝင်လာသူတစ်ဦး ဖြစ်ဖွယ်ရှိသော်လည်း ဖိလိပ္ပိမြို့တွင် ဂျူးအနည်းငယ်သာရှိပြီး တရားဇရပ်ရှိပုံမရပေ။ တမန်တော်သည် သူနှင့် ဘုရားတရားကြည်ညိုသော တခြားအမျိုးသမီးများကို သတင်းကောင်းဟောပြောသောအခါ သူတို့သည် မြစ်နံဘေးတွင် စုဝေးခဲ့ကြသည်။ မှတ်တမ်းက ဤသို့ဆို၏– “တရားနာစဉ်တွင် ပေါလုဟောပြောသောအရာကို မှီဝဲဆည်းကပ်စေခြင်းငှာ [လုဒိ]၏စိတ်နှလုံးကို သခင်ဘုရားဖွင့်တော်မူ၏။ ထိုမိန်းမသည် အိမ်သူအိမ်သားတို့နှင့်တကွ ဗတ္တိဇံကိုခံပြီးမှ ‘ကျွန်မသည် သခင်ဘုရား၌ အမှန်ယုံကြည်သည်ကို သင်တို့သည် ထင်မှတ်လျှင် ကျွန်မအိမ်သို့ဝင်၍ နေကြပါ’ ဟုတောင်းပန်လျက် ငါတို့ကို အနိုင်သွေးဆောင်လေ၏။” (အသင် လူငယ်များကိုလည်း ကျွန်ုပ်တို့ လိုအပ်
၁၄။ ယေရှုခရစ်သည် သူငယ်များကို မည်သို့ဆက်ဆံခဲ့သနည်း။
၁၄ ခရစ်ယာန်အသင်းတော်သည် ချစ်ခင်ကြင်နာသော ဘုရားသခင်၏သားတော် ယေရှုခရစ်အားဖြင့် စတင်တည်ထောင်ခဲ့၏။ ကိုယ်တော်သည် ချစ်ခင်ကြင်နာ၍ စာနာတတ်သောကြောင့် လူတို့သည် ကိုယ်တော့်အနားနေရခြင်းကို သက်သောင့်သက်သာရှိခဲ့ကြသည်။ တစ်ခါက လူအချို့သည် မိမိတို့၏ကလေးငယ်များကို ယေရှုထံ ခေါ်ဆောင်လာကြသောအခါ ကိုယ်တော်၏တပည့်များက သူတို့ကို မောင်းထုတ်ရန် ကြိုးစားခဲ့ကြသည်။ သို့ရာတွင် ယေရှုက “ထိုသူငယ်တို့ကို ငါ့ထံသို့ လာပါစေ။ မဆီးတားကြနှင့်။ ဘုရားသခင်၏နိုင်ငံတော်သည် ထိုသို့သောသူတို့၏နိုင်ငံဖြစ်၏။ ငါအမှန်ဆိုသည်ကား၊ အကြင်သူသည် ဘုရားသခင်၏နိုင်ငံတော်ကို သူငယ်ကဲ့သို့မခံမယူ၊ ထိုသူသည် နိုင်ငံတော်သို့မဝင်ရ” ဟုမိန့်တော်မူ၏။ (မာကု ၁၀:၁၃-၁၅) ကျွန်ုပ်တို့သည် ဘုရားသခင်၏နိုင်ငံတော်ကောင်းချီးများခံစားလိုလျှင် သူငယ်များကဲ့သို့ စိတ်နှိမ့်ချပြီး သွန်သင်ပေးရ လွယ်ကူသူများဖြစ်ကြရမည်။ ယေရှုသည် သူငယ်တို့ကို ချီပိုက်၍ ကောင်းချီးပေးခြင်းဖြင့် မေတ္တာတော်ကို ပြသခဲ့သည်။ (မာကု ၁၀:၁၆) ယနေ့ အသင် လူငယ်များကော အသို့နည်း။ အသင်းတော်က သင်တို့ကို ချစ်မြတ်နိုးပြီး သင်တို့အား လိုအပ်သည်ကို စိတ်ချပါလေ။
၁၅။ လုကာ ၂:၄၀-၅၂ တွင် ယေရှု၏ဘဝနှင့်ပတ်သက်၍ မည်သည့်အချက်များကို မှတ်တမ်းတင်ထားပြီး လူငယ်များအတွက် မည်သည့်ပုံသက်သေကို ကိုယ်တော်ပြခဲ့သနည်း။
၁၅ ယေရှုသည် ငယ်ရွယ်စဉ်ကတည်းက ဘုရားသခင်နှင့် ကျမ်းစာကို ချစ်မြတ်နိုးကြောင်း ဖော်ပြခဲ့၏။ ကိုယ်တော့်အသက် ၁၂ နှစ်အရွယ်တွင် ကိုယ်တော်နှင့် ကိုယ်တော်၏မိဘများဖြစ်သူ ယောသပ်နှင့်မာရိတို့သည် ပသခါပွဲတက်ရောက်ရန် သူတို့နေထိုင်သည့် နာဇရက်မြို့မှ ယေရုရှလင်မြို့သို့ ခရီးထွက်ခဲ့ကြသည်။ အပြန်ခရီးတွင် ယေရှု၏မိဘလုကာ ၂:၄၀-၅၂) ယေရှုသည် ကျွန်ုပ်တို့၏လူငယ်များအတွက် ပုံသက်သေကောင်း ပြခဲ့သည်တကား! သူတို့သည် မိဘစကားကို နားထောင်၍ ဝိညာဉ်ရေးရာများကို သင်ယူရန် အမှန်ပင်စိတ်ဝင်စားသင့်၏။—တရားဟောရာ ၅:၁၆; ဧဖက် ၆:၁-၃။
များသည် အတူတူခရီးသွားနေသော လူအုပ်၌ ယေရှုကို ရှာမတွေ့တော့ချေ။ နောက်ဆုံးတွင် မိဘတို့သည် ကိုယ်တော့်ကို ဝတ်ပြုရာအိမ်တော်ခန်းမတစ်ခု၌ ထိုင်ပြီး ဂျူးဆရာများ၏စကားကို နားထောင်ကာ သူတို့အား မေးမြန်းနေသည်ကို တွေ့ရှိခဲ့ကြသည်။ မိမိအဘယ်နေရာ၌ ရှိမည်ကို ယောသပ်နှင့် မာရိတို့ မသိကြသည့်အတွက် အံ့သြစွာဖြင့် ကိုယ်တော်က “အကျွန်ုပ်သည် အဘ၏အိမ်၌နေရသည်ကို မသိပါသလော” ဟုမေးခဲ့သည်။ ထို့နောက် ကိုယ်တော်သည် မိဘများနှင့်အတူ လိုက်သွားပြီး သူတို့စကားကို နားထောင်လျက် ဉာဏ်ပညာတိုးပွား၍ အစဉ်အတိုင်း ကြီးပြင်းလာလေသည်။ (၁၆။ (က) ယေရှုသည် ဝတ်ပြုရာအိမ်တော်တွင် သက်သေခံနေစဉ် သူငယ်အချို့က မည်သို့ကြွေးကြော်ခဲ့ကြသနည်း။ (ခ) ယနေ့ ခရစ်ယာန်လူငယ်များ အဘယ်အခွင့်ထူးရရှိထားသနည်း။
၁၆ လူငယ်တစ်ဦးအနေနှင့် သင်သည် ကျောင်း၌ဖြစ်စေ၊ မိဘများနှင့်အတူ တစ်အိမ်မှတစ်အိမ်သွား၍ဖြစ်စေ ယေဟောဝါအကြောင်း သက်သေခံနေပေမည်။ (ဟေရှာယ ၄၃:၁၀-၁၂; တမန်တော် ၂၀:၂၀၊ ၂၁) ယေရှုမကွယ်လွန်မီကလေးတွင် ဝတ်ပြုရာအိမ်တော်တွင် သက်သေခံပြီး လူတို့ကို ကုသပေးနေသည့်အခါ သူငယ်အချို့က “ဒါဝိဒ်၏သားတော်အား ဟောရှဏ္ဏဖြစ်စေသတည်း” ဟုကြွေးကြော်ခဲ့ကြ၏။ ယင်းကြောင့် ဒေါသထွက်နေသော ယဇ်ပုရောဟိတ်အကြီးနှင့် ကျမ်းပြုဆရာတို့က “ဤသူတို့သည် အဘယ်သို့ပြောဆိုသည်ကို ကြားသလော” ဟုမေးသည်။ ယေရှုက “ငါကြား၏။ နို့စို့သူငယ်တို့နှုတ်ထဲမှ ကိုယ်တော်သည် ချီးမွမ်းခြင်းကို ပြင်ဆင်တော်မူသည်ဟူသောစကားကို သင်တို့သည် တစ်ရံတစ်ခါမျှ မဖတ်ဖူးသလော” ဟုမိန့်တော်မူ၏။ (မဿဲ ၂၁:၁၅-၁၇) အဆိုပါသူငယ်များကဲ့သို့ပင် အသင်းတော်ရှိ အသင် လူငယ်တို့သည် ဘုရားသခင်နှင့် ကိုယ်တော်၏သားတော်အား ချီးမွမ်းခြင်း အခွင့်ထူးကို ရရှိထားကြ၏။ ဘုရားသခင့်နိုင်ငံတော်ကြွေးကြော်သူများအဖြစ် သင်တို့ကို ကျွန်ုပ်တို့နှင့် လုပ်ဆောင်စေလိုကာ လိုအပ်ပါသည်။
ဆင်းရဲခက်ခဲသောအခါ
၁၇၊ ၁၈။ (က) ပေါလုသည် ယုဒပြည်ရှိ ခရစ်ယာန်များအတွက် အဘယ်ကြောင့် အလှူငွေကောက်ခံပေးခဲ့သနည်း။ (ခ) ယုဒယုံကြည်သူချင်းများအတွက် စေတနာအလျောက်ထည့်ဝင်သော အလှူငွေများသည် ဂျူးနှင့်တစ်ပါးအမျိုးသား ခရစ်ယာန်များအပေါ် အဘယ်အကျိုးသက်ရောက်ခဲ့သနည်း။
၁၇ ကျွန်ုပ်တို့၏အခြေအနေသည် မည်သို့ပင်ဖြစ်ပါစေ၊ လိုအပ်နေသောခရစ်ယာန်ချင်းများကို ကူညီပေးရန် ချစ်ခြင်းမေတ္တာက လှုံ့ဆော်ပေး၏။ (ယောဟန် ၁၃:၃၄၊ ၃၅; ယာကုပ် ၂:၁၄-၁၇) ယုဒပြည်ရှိ ညီအစ်ကို၊ ညီအစ်မများကို ချစ်သည့်မေတ္တာက အခါယပြည်၊ ဂလာတိပြည်၊ မာကေဒေါနိပြည်နှင့် အာရှိပြည်တို့ရှိ အသင်းတော်များမှ အလှူငွေကောက်ခံရန် ပေါလုကို စေ့ဆော်ပေးခဲ့သည်။ ယေရုရှလင်မြို့ရှိ တပည့်များ ကြုံတွေ့ရသည့် ညှဉ်းပန်းနှိပ်စက်မှု၊ ပြည်တွင်းဆူပူအုံကြွမှုနှင့် အစာခေါင်းပါးမှုတို့ကြောင့် ပေါလုပြောခဲ့သည့် “ကဲ့ရဲ့ညှဉ်းဆဲခြင်း၊” “ကြီးစွာသောဆင်းရဲ၊” “[သူတို့] ပစ္စည်းဥစ္စာများကို သူတစ်ပါးလုယူဖျက်ဆီးခြင်း၊” တို့ဖြစ်ပေါ်ခဲ့ခြင်းဖြစ်ပေမည်။ (ဟေဗြဲ ၁၀:၃၂-၃၄; တမန်တော် ၁၁:၂၇–၁၂:၁) ထို့ကြောင့် သူသည် ယုဒပြည်ရှိ ဆင်းရဲသောခရစ်ယာန်များအတွက် အလှူငွေကောက်ခံရန် စီစဉ်ခဲ့ပေမည်။—၁ ကောရိန္သု ၁၆:၁-၃; ၂ ကောရိန္သု ၈:၁-၄၊ ၁၃-၁၅; ၉:၁၊ ၂၊ ၇။
၁၈ ယုဒပြည်ရှိ သန့်ရှင်းသူတို့အတွက် စေတနာအလျောက်ထည့်ဝင်သော အလှူငွေများက ယေဟောဝါကို ဝတ်ပြုကိုးကွယ်ကြသော ဂျူးနှင့်တစ်ပါးအမျိုးသားတို့စပ်ကြား ညီအစ်ကိုချင်းနှောင်ကြိုးခိုင်မြဲကြောင်း သက်သေထင်ရှားသည်။ တစ်ပါးအမျိုးသားခရစ်ယာန်များသည် အလှူငွေပေးပို့ခဲ့ကြခြင်းဖြင့် မိမိတို့၏ယုဒယုံကြည်သူချင်းများထံမှ ရရှိသော ဝိညာဉ်ရေးချမ်းသာများအတွက် ကျေးဇူးတင်ကြောင်း တင်ပြခွင့်ရရှိကြသည်။ ထို့ကြောင့် ရုပ်ပိုင်းအရနှင့် ဝိညာဉ်ရေးနှစ်တန်စလုံး ဝေမျှပေးကမ်းကြခြင်းဖြစ်၏။ (ရောမ ၁၅:၂၆၊ ၂၇) ယနေ့ ဆင်းရဲသော ယုံကြည်သူချင်းများအတွက် အလှူငွေများသည်လည်း စေတနာအလျောက်ဖြစ်ပြီး ချစ်ခြင်းမေတ္တာက လှုံ့ဆော်ပေး၍ ထည့်ဝင်ကြခြင်းဖြစ်သည်။ (မာကု ၁၂:၂၈-၃၁) ဤကိစ္စရပ်တွင်လည်း အညီအမျှနှင့် “နည်းနည်းရသောသူမလို” စေရန် တစ်ဦးကိုတစ်ဦး ကူညီပေးဖို့လိုသည်။—၂ ကောရိန္သု ၈:၁၄။
၁၉၊ ၂၀။ သဘာဝဘေးဒဏ်များကြုံတွေ့သည့်အခါ ယေဟောဝါ၏လူမျိုးတော်များ မည်သို့ကူညီပေးခဲ့ပုံကို ဖော်ပြပါ။
၁၉ ခရစ်ယာန်များ တစ်ဦးကိုတစ်ဦး လိုအပ်သည်ကို သိရှိလျက် ယုံကြည်ခြင်းတူသူ ကျွန်ုပ်တို့၏ညီအစ်ကို၊ ညီအစ်မများကို ချက်ချင်းကူညီပေးလိုကြ၏။ ဥပမာ၊ ၂၀၀၁ ခုနှစ်ဆန်းပိုင်းတွင် အယ်လ်ဆာဗေးဒေါနိုင်ငံ၌ အလွန်ပြင်းထန်သောမြေငလျင်နှင့်
တောင်ကမ်းပါးပြိုကျသည့် အဖြစ်အပျက်ကို သုံးသပ်ကြည့်ပါ။ သတင်းတစ်ရပ်က ဤသို့ဆိုသည်– “အယ်လ်ဆာဗေးဒေါနိုင်ငံ အနယ်နယ်အရပ်ရပ်မှ ညီအစ်ကိုများသည် ကယ်ဆယ်ရေးလုပ်ငန်းကို လုပ်ဆောင်ခဲ့ကြသည်။ ဂွာတီမာလာ၊ ယူနိုက်စတိတ်နှင့် ကနေဒါနိုင်ငံများမှ ညီအစ်ကိုများရောက်လာကြပြီး ကျွန်တော်တို့ကို လာကူညီပေးကြသည်။ . . . အချိန်တိုအတွင်း အိမ်ခြေ ၅၀၀ ကျော်နှင့် လှပသောဘုရားသခင့်နိုင်ငံတော်ခန်းမ ၃ လုံးကို ဆောက်လုပ်ပေးခဲ့သည်။ အဆိုပါကိုယ်ကျိုးစွန့်ညီအစ်ကိုများ၏ ပူးပေါင်းဆောင်ရွက်မှုနှင့် ကြိုးစားအားထုတ်မှုက အကြီးအကျယ်သက်သေခံချက်တစ်ရပ် ဖြစ်ခဲ့သည်။”၂၀ တောင်အာဖရိကနိုင်ငံမှ သတင်းတစ်ရပ်က ဤသို့ဆိုသည်– “မိုဇမ်ဘစ်နိုင်ငံတွင် ဒေသအတော်များများကို ဖျက်ဆီးပစ်ခဲ့သည့် ကြောက်မက်ဖွယ်ရေလွှမ်းမိုးမှုကြောင့် ကျွန်ုပ်တို့၏ခရစ်ယာန်ညီအစ်ကိုများစွာလည်း ဆုံးရှုံးနစ်နာခဲ့ကြသည်။ မိုဇမ်ဘစ်ဌာနခွဲက ညီအစ်ကိုများ၏ လိုအပ်ရာအတော်များများကို ဖြည့်ဆည်းပေးရန် ညှိနှိုင်းပေးခဲ့၏။ သို့သော် လိုအပ်နေသောညီအစ်ကိုများထံ အဝတ်အစားဟောင်းများ ပို့ပေးပါရန် ဌာနခွဲမှညီအစ်ကိုများက တောင်းဆိုခဲ့ကြသည်။ ကျွန်ုပ်တို့သည် မိုဇမ်ဘစ်နိုင်ငံမှ ညီအစ်ကိုများထံ အဝတ်အစားများကို ပေ ၄၀ ကုန်သေတ္တာအပြည့်ထည့်၍ ပို့လိုက်သည်။” မှန်ပါသည်၊ ဤနည်းများဖြင့်လည်း ကျွန်ုပ်တို့ တစ်ဦးကိုတစ်ဦး လိုအပ်ကြပါသည်။
၂၁။ နောက်ဆောင်းပါးတွင် အဘယ်အကြောင်းကို သုံးသပ်ကြမည်နည်း။
၂၁ အစပိုင်း၌ဖော်ပြထားသကဲ့သို့ လူ့ကိုယ်ခန္ဓာအစိတ်အပိုင်းအားလုံးသည် အရေးပါကြ၏။ ခရစ်ယာန်အသင်းတော်သည်လည်း အလားတူဖြစ်သည်။ အသင်းတော်သားအားလုံးသည် တစ်ဦးကိုတစ်ဦး လိုအပ်ကြသည်။ သူတို့သည် စည်းစည်းလုံးလုံးဖြင့် ဆက်၍အမှုတော်ထမ်းဆောင်ကြဖို့လည်း လိုသည်။ ထိုသို့ပြုလုပ်စေနိုင်သည့် အကြောင်းအချို့ကို နောက်ဆောင်းပါးတွင် သုံးသပ်ကြမည်။
သင်မည်သို့ဖြေဆိုမည်နည်း
• လူ့ကိုယ်ခန္ဓာနှင့် ခရစ်ယာန်အသင်းတော်သည် အဘယ်နည်းဖြင့် ဆင်တူသနည်း။
• ယုံကြည်သူချင်းများသည် ဆင်းရဲကျပ်တည်းသောအခါ အစောပိုင်းခရစ်ယာန်များ မည်သို့တုံ့ပြန်ခဲ့ကြသနည်း။
• ခရစ်ယာန်များသည် တစ်ဦးကိုတစ်ဦး လိုအပ်ကာ ကူညီပေးခဲ့ကြောင်း ဖော်ပြသည့် ကျမ်းစာပုံနမူနာအချို့ကား အဘယ်နည်း။
[လေ့လာရန်မေးခွန်းများ]
[စာမျက်နှာ ၁၀ ပါ ရုပ်ပုံ]
အာကုလနှင့် ပြစ်ကိလတို့သည် အခြားသူများကို ဂရုစိုက်ခဲ့
[စာမျက်နှာ ၁၂ ပါ ရုပ်ပုံ]
ယေဟောဝါ၏လူမျိုးတော်သည် ရုပ်ပစ္စည်းလိုအပ်ချိန်တွင် အချင်းချင်းအပြင် တခြားသူများကိုလည်း ကူညီပေးကြ