ယေရှုမွေးဖွားခြင်း မည်သို့နှင့် အဘယ်ကြောင့် ဖြစ်ပျက်ခဲ့ရ
ယေရှုမွေးဖွားခြင်း မည်သို့နှင့် အဘယ်ကြောင့် ဖြစ်ပျက်ခဲ့ရ
“မဖြစ်နိုင်တာ!” ယေရှုမွေးဖွားခြင်းအကြောင်း ကြားရသောအခါ ခရစ်ယာန်မဟုတ်သူများစွာတို့သည် ယင်းသို့ပြောဆိုကြပေမည်။ အပျိုစင်မိန်းကလေးတစ်ဦးသည် လူသားဖခင်တစ်ဦးနှင့် သံဝါသမပြုဘဲ ပဋိသန္ဓေစွဲ၍ သားယောက်ျားမွေးဖွားနိုင်သည်ဟု ယုံကြည်ခြင်းသည် သိပ္ပံပညာနှင့်မကိုက်ညီဟု သူတို့ယူဆကြ၏။ အသင်ကော မည်သို့ယူမှတ်သနည်း။
၁၉၈၄ ခုနှစ်တွင် လန်ဒန်တိုင်းမ်းသတင်းစာက ယင်းကိစ္စကို ကျိုးကြောင်းဆင်ခြင်သည့် စာတစ်စောင်ထုတ်ဝေ၍ ဤသို့ဖော်ပြသည်– “သိပ္ပံပညာကို အသုံးပြု၍ အံ့ဖွယ်အမှုများမဖြစ်နိုင်ဟု အငြင်းပွားခြင်းသည် ယုတ္တိမရှိချေ။ အံ့ဖွယ်အမှုများ မဖြစ်နိုင်ဟု ယူမှတ်ခြင်းသည် အံ့ဖွယ်အမှုများ ဖြစ်နိုင်သည်ဟု ခံယူခြင်းကဲ့သို့ပင် ယုံကြည်ခြင်းလုပ်ရပ်တစ်ခုဖြစ်၏။” ထိုစာတွင် ဗြိတိသျှတက္ကသိုလ်များမှ သိပ္ပံပညာရှင်ပါမောက္ခ ၁၄ ဦး လက်မှတ်ရေးထိုးခဲ့ကြသည်။ သူတို့က “အပျိုစင်တစ်ဦး ကလေးမွေးဖွားခြင်း၊ ခရစ်ဝင်ကျမ်းပါ အံ့ဖွယ်အမှုများနှင့် ခရစ်တော် ရှင်ပြန်ထမြောက်ခြင်းတို့သည် သမိုင်းဝင်ဖြစ်ရပ်များအဖြစ် ကျွန်ုပ်တို့ ဝမ်းမြောက်ဝမ်းသာ လက်ခံကြ၏” ဟုပြောခဲ့ကြသည်။
သို့တိုင် ယေရှုကို အပျိုစင်တစ်ဦးက မွေးဖွားသည့်အကြောင်း လူတစ်ဦး ပထမဆုံးအကြိမ်ကြားရသည့်အခါ နားလည်ရခက်လောက်ပေမည်။ ဘုရားသခင်၏ကောင်းကင်တမန်က “သင်သည် ပဋိသန္ဓေစွဲယူ၍ သားယောက်ျားကို ဖွားမြင်လိမ့်မည်။ ထိုသားကို ယေရှုအမည်ဖြင့် မှည့်ရမည်” ဟုမိန့်ဆိုသောအခါ ယေရှု၏ အပျိုစင်မိခင်ကိုယ်တိုင် နားမလည်နိုင်ခဲ့ချေ။ မာရိက “ဤအမှုအရာသည် အဘယ်သို့ဖြစ်လိမ့်မည်နည်း။ အကျွန်ုပ်သည် ယောက်ျားနှင့်မဆက်ဆံပါ” ဟုအံ့အားသင့်စွာဖြင့် ပြန်ပြောခဲ့သည်။ ထိုအခါ ကောင်းကင်တမန်က ဘုရားသခင်သည် ကိုယ်တော်၏သန့်ရှင်းသောဝိညာဉ်တော်အားဖြင့် ဤအံ့ဖွယ်အမှုကို လုပ်ဆောင်ပေးလိမ့်မည်ဟု ရှင်းပြပြီး “ဘုရားသခင်တတ်နိုင်တော်မမူသော အမှုမရှိ” ဟုထပ်ဆင့်ပြောဆိုသည်။ (လုကာ ၁:၃၁၊ ၃၄-၃၇) အံ့အားသင့်ဖွယ်ကောင်းသော လူ့မွေးဖွားခြင်းဖြစ်စဉ်ကို ဖန်ဆင်းခဲ့သည့်အရှင်သည် အပျိုစင်မှလည်း ယေရှုကို ပဋိသန္ဓေတည်စေပြီး မွေးဖွားစေနိုင်ပါသည်။ ဘုရားသခင်သည် စကြဝဠာနှင့် အတိအကျဖြစ်ပျက်သော ၎င်း၏နိယာမများကို ဖန်ဆင်းခဲ့လျှင် မာရိ၏သားအိမ်မှ စုံလင်သောလူသားကို မွေးဖွားလာရန် မျိုးဥဆဲလ်တစ်လုံးကိုလည်း အသုံးပြုနိုင်သည်။
အဘယ်ကြောင့်လိုအပ်ခဲ့
ဘုရားသခင်ကိုကြောက်ရွံ့သူ ယောသပ်သည် မာရိ ပဋိသန္ဓေတည်ချိန်က သူနှင့် စေ့စပ်ထားခဲ့ပြီးဖြစ်သည်။ ယောသပ်နှင့်စေ့စပ်ထားသော အပျိုစင်မိန်းကလေးသည် အဘယ်ကြောင့်ကိုယ်ဝန်ရှိနေသည်ကို ဘုရားသခင်၏ကောင်းကင်တမန်က အိပ်မက်၌ သူ့ကို ပြောပြခဲ့သည်။ ကောင်းကင်တမန်က “သင်၏ခင်ပွန်းမာရိကို ထိန်းသိမ်းရမည့်အခွင့်ကို မစိုးရိမ်နှင့်။ ဤပဋိသန္ဓေသည် သန့်ရှင်းသောဝိညာဉ်တော်ကြောင့်ဖြစ်၏။ သားယောက်ျားကို ဖွားမြင်လိမ့်မည်။ ထိုသားသည် မိမိလူတို့ကို အပြစ်မှကယ်ချွတ်မည့်သူဖြစ်သောကြောင့် ယေရှုဟူသောအမည်ဖြင့် မှည့်ရမည်” ဟုဆို၏။ (မဿဲ ၁:၂၀၊ ၂၁) ဟေဗြဲဘာသာဖြင့် ယေရှုအမည်မှာ “ယေဟောဝါသည် ကယ်တင်ခြင်းဖြစ်၏” ဟုအဓိပ္ပာယ်ရသည်။ ၎င်းက ကျွန်ုပ်တို့သည် အပြစ်နှင့်သေခြင်းမှ ကယ်တင်ခံရဖို့လိုကြောင်း၊ ယေရှုအားဖြင့် ဤကယ်တင်ခြင်းကို ယေဟောဝါဘုရားသခင် စီစဉ်ပေးကြောင်း အမှတ်ရစေ၏။
ရောမ ၅:၁၂) အာဒံ၏သားစဉ်မြေးဆက်များသည် အပြစ်မှ ကယ်တင်ခံရပြီး စုံလင်ခြင်းအဖြစ်သို့ မည်သို့ရောက်ရှိနိုင်မည်နည်း။ အာဒံနှင့်တန်ဖိုးတူ စုံလင်သောလူသား အခြားတစ်ဦး၏အသက်ကို ပေးဆက်ရန်လို၏၊ သို့မှသာ တရားမျှတမှုချိန်ခွင်လျှာ ညီမည်ဖြစ်သည်။ ၎င်းက ဘုရားသခင်သည် စုံလင်သောလူသားယေရှုကို အံ့ဖွယ်နည်းဖြင့် မွေးဖွားစေပြီး မိမိအားသတ်ရန် ရန်သူများကို ယေရှုခွင့်ပေးခဲ့ရသည့် အကြောင်းရင်းများဖြစ်သည်။ (ယောဟန် ၁၀:၁၇၊ ၁၈; ၁ တိမောသေ ၂:၅၊ ၆) ယေရှုသည် ရှင်ပြန်ထမြောက်ပြီး ကောင်းကင်အသက်တာသို့ ဝင်စားပြီးနောက် ဤသို့ယုံကြည်စိတ်ချစွာ မိန့်ဆိုနိုင်ခဲ့၏– “ငါသည် အရင်သေသည်ဖြစ်၍ ကမ္ဘာအဆက်ဆက်အသက်နှင့်ပြည့်စုံ၏။ မရဏာနှင့် မရဏာနိုင်ငံ [လူသားတို့၏ယေဘုယျသင်္ချိုင်း] ကိုလည်း ငါအစိုးရ၏။”—ဗျာ. ၁:၁၈။
ပထမလူသား အာဒံသည် အပြစ်ပြုခဲ့သောကြောင့် သူ၏သားစဉ်မြေးဆက်အားလုံးသည် ဘုရားသခင်၏ပညတ်များကို ချိုးဖောက်လိုစိတ်ရှိသည့် မစုံလင်သူများအဖြစ် မွေးဖွားလာကြ၏။ (ယေရှုသည် မရဏာနှင့် မရဏာနိုင်ငံ၏ ပုံဆောင်သော့များဖြင့် အာဒံဆုံးရှုံးခဲ့ရာကို အပြစ်ရှိလူသားများ ပြန်လည်ရရှိနိုင်ရန် လမ်းဖွင့်ပေးတော်မူသည်။ ယေရှုက “ငါသည် ထမြောက်ခြင်းအကြောင်း၊ အသက်ရှင်ခြင်းအကြောင်းဖြစ်၏။ ငါ့ကို ယုံကြည်သောသူသည် သေလွန်သော်လည်း ရှင်လိမ့်မည်။ ငါ့ကိုယုံကြည်၍ အသက်ရှင်သောသူရှိသမျှတို့သည်လည်း သေခြင်းနှင့်အစဉ်မပြတ် ကင်းလွတ်ကြလိမ့်မည်” ဟုမိန့်ဆိုခဲ့သည်။ (ယောဟန် ၁၁:၂၅၊ ၂၆) ဝမ်းမြောက်ဖွယ် ကတိတော်ပါတကား! ထို့ပြင် ယေရှုမွေးဖွားခြင်းသည် ထိုထက်မက အရေးကြီးသော အကြောင်းတစ်ခုရှိသေးသည်။
အရေးအကြီးဆုံးအကြောင်း
မာရိ၏သားအိမ်တွင် ယေရှု သန္ဓေတည်ချိန်သည် ကိုယ်တော်၏အသက်တာ အစပြုခဲ့ချိန်မဟုတ်ပေ။ ကိုယ်တော်က “ငါသည် . . . ကောင်းကင်မှဆင်းသက်သည်” ဟုရှင်းလင်းပြတ်သားစွာ မိန့်ဆိုခဲ့၏။ (ယောဟန် ၆:၃၈) ယေရှုသည် ဖန်ဆင်းခြင်းအစပြုချိန်ကတည်းက ကောင်းကင်ခမည်းတော်နှင့်အတူ ဝိညာဉ်ဘုံတွင် စံမြန်းတော်မူခဲ့သည်။ အမှန်ဆိုရသော် သမ္မာကျမ်းစာက ကိုယ်တော်အား “ဘုရားသခင် ဖန်ဆင်းတော်မူသောအရာများ၏ အရင်းမူလ” ဖြစ်သည်ဟု ဖော်ပြ၏။ (ဗျာ. ၃:၁၄၊ သမ္မာ) ယေရှုသည် ဘုရားသခင်၏အုပ်ချုပ်မှုကို ပထမလူသားများအား ဘက်ကန်စေသည့် ဆိုးညစ်သောကောင်းကင်တမန်၏ ပုန်ကန်မှုကို ကောင်းကင်မှ တွေ့မြင်ခဲ့၏။ ထို့ကြောင့် ဘုရားသခင်၏ စုံလင်သောလူ့သားတော်အဖြစ် ယေရှုမွေးဖွားခံလိုခဲ့သည့် အရေးကြီးဆုံးအကြောင်းဖြစ်သည်။ ထိုအကြောင်းကား အဘယ်နည်း။
ကိုယ်တော်၏ကောင်းကင်ခမည်းတော်သည် စကြဝဠာကို အုပ်ချုပ်ခွင့်ရှိကြောင်း သက်သေထူရန်ဖြစ်သည်။ ယေရှုသည် ကမ္ဘာပေါ်တွင် မွေးဖွားချိန်မှစ၍ ကွယ်လွန်ချိန်အထိ တည်ကြည်ခြင်းအားဖြင့် ယေဟောဝါဖန်ဆင်းထားသည့် သတ္တဝါများအပေါ် ကိုယ်တော်အုပ်ချုပ်ပုံကို တလိုတလား လက်အောက်ခံလိုကြောင်း ဖော်ပြခဲ့သည်။ ဘုရားသခင့်ရန်သူများလက်ချက်ဖြင့် ယေရှုမသေဆုံးမီ ပူဇော်ရာယဇ်အဖြစ် မိမိ၏အသက်ကို တလိုတလားပေးဆက်လိုသည့် အကြောင်းရင်းကို ကိုယ်တော်ရှင်းလင်းပြတ်သားစွာ ဖော်ပြခဲ့သည်။ ကိုယ်တော်သည် ခမည်းတော်ကို ချစ်သည်ကို လော [က] သားတို့ သိမည်ဟု မိန့်တော်မူခဲ့၏။ (ယောဟန် ၁၄:၃၁) ပထမလူသားနှစ်ဦးဖြစ်သည့် အာဒံနှင့် ဧဝတို့သည် ဤသို့သောမေတ္တာမျိုး ရှိကြမည်ဆိုလျှင် သူတို့အတွက် အလွန်လွယ်ကူသော စမ်းသပ်မှုကို တည်ကြည်စွာ အောင်မြင်ခဲ့ကြပေမည်။—ကမ္ဘာဦး ၂:၁၅-၁၇။
ယေရှု၏တည်ကြည်မှုက ဆိုးညစ်သောကောင်းကင်တမန် စာတန်ကိုလည်း လိမ်လည်သူအဖြစ် ဖော်ထုတ်ခဲ့သည်။ စာတန်သည် ကောင်းကင်တမန်များရှေ့တွင် “လူသည် မိမိအသက်ဖို့ မိမိဥစ္စာရှိယောဘ ၂:၁၊ ၄) လူသားအားလုံးသည် သူတို့အသက်ကိုကယ်ဆယ်ရန် ဘုရားသခင်ကို အာခံလိမ့်မည်ဟု စာတန် မှားယွင်းစွာ စွပ်စွဲခဲ့သည်။
သမျှကို ပေးပါလိမ့်မည်” ဟုပြောဆို၍ ဘုရားသခင်နှင့် လူကိုပါ အသရေရှုတ်ချခဲ့သည်။ (အထက်ပါအရေးကိစ္စများက ဘုရားသခင့်အုပ်ချုပ်မှု၌ ဖြောင့်မတ်တော်မှန်မှုရှိမရှိနှင့်ပတ်သက်၍ စောဒကတက်စရာဖြစ်စေခဲ့သည်။ ၎င်းတို့ကိုဖြေရှင်းရန် ယေရှုသည် လူသားတစ်ဦးအဖြစ် မွေးဖွားလာဖို့နှင့် သေသည်အထိ တည်ကြည်မှုတင်ပြရန် အလိုရှိတော်မူခဲ့၏။
သို့ဖြစ်၍ ကမ္ဘာမြေကြီးပေါ်တွင် ယေရှုမွေးဖွားခြင်း၏ အဓိကအကြောင်းမှာ ယေရှုကိုယ်တော်တိုင် မိန့်ဆိုသည့်အတိုင်း “[အမှန်]တရားဘက်၌ သက်သေခံခြင်းငှာ” ဖြစ်၏။ (ယောဟန် ၁၈:၃၇) ဘုရားသခင်၏အုပ်ချုပ်မှုသည် အကြွင်းမဲ့ဖြောင့်မတ်ပြီး ထိုအုပ်ချုပ်မှုကို လက်အောက်ခံလျှင် ထာဝစဉ်ပျော်ရွှင်နိုင်မည်ဖြစ်ကြောင်း အပြောနှင့်အလုပ်အားဖြင့်ပါ ကိုယ်တော်ဖော်ပြတော်မူသည်။ ထို့ပြင် ယေရှုက “လူများကိုရွေးခြင်း” ငှာမိမိ၏လူ့အသက်ကို ပေးဆက်ရန် ကမ္ဘာပေါ်သို့ ကြွလာတော်မူပြီး အပြစ်ရှိ လူသားများအား စုံလင်၍ ထာဝရအသက်ရရှိစေရန် လမ်းဖွင့်ပေးခြင်းဖြစ်သည်ဟုလည်း မိန့်ဆိုခဲ့သည်။ (မာကု ၁၀:၄၅) ဤအရေးပါကိစ္စရပ်များကို လူသားတို့ သဘောပေါက်နားလည်ကြရန် ယေရှု၏မွေးဖွားခြင်း မှတ်တမ်းသည် မရှိမဖြစ်လိုအပ်၏။ ထို့ပြင် နောက်ဆောင်းပါးတွင် ဖော်ပြမည့်အတိုင်း ယေရှုမွေးဖွားစဉ်က အဖြစ်အပျက်များ၌ နောက်ထပ်အရေးကြီးသင်ခန်းစာများ ပါရှိသည်။
[စာမျက်နှာ ၄ ပါ ရုပ်ပုံ]
အာဒံ၏သားစဉ်မြေးဆက်များကို အပြစ်မှ မည်သို့ကယ်တင်နိုင်မည်နည်း