‘အချင်းချင်းချစ်ကြလော့’
‘အချင်းချင်းချစ်ကြလော့’
“သင်တို့သည် အချင်းချင်းချစ်ကြလျှင်၊ လူအပေါင်းတို့သည် ထိုမေတ္တာကိုထောက်၍ သင်တို့သည် ငါ၏တပည့်ဖြစ်သည်ကို သိရကြလိမ့်မည်။”—ယောဟန် ၁၃:၃၅။
၁။ ယေရှုမသေဆုံးမီကလေးတွင် အဘယ်အရည်အသွေးကို ကိုယ်တော်အလေးပေးဖော်ပြခဲ့သနည်း။
“ချစ်သားတို့။” (ယောဟန် ၁၃:၃၃) ယေရှုမသေဆုံးမီညနေပိုင်းတွင် ကိုယ်တော်သည် မိမိ၏တမန်တော်များကို အဆိုပါ နှစ်လိုဖွယ်အသုံးအနှုန်းဖြင့် ခေါ်ဆိုခဲ့သည်။ သူတို့နှင့်စကားပြောဆိုရာတွင် ဤချစ်ခင်ကြင်နာသော အသုံးအနှုန်းမျိုးကို ယခင်က ယေရှုအသုံးပြုခဲ့ဖူးသည့်အကြောင်း ခရစ်ဝင်ကျမ်းမှတ်တမ်းများ၌ မပါရှိပေ။ သို့သော် အဆိုပါအထူးညတွင် မိမိ၏နောက်လိုက်များကို အလွန်ချစ်ကြောင်းဖော်ပြရန် ဤချစ်ခင်ကြင်နာသောစကားကို အသုံးပြုဖို့ ကိုယ်တော်စေ့ဆော်ခံခဲ့ရ၏။ အမှန်မှာ ထိုညတွင် ချစ်ခြင်းမေတ္တာအကြောင်းကို အကြိမ် ၃၀ ခန့် ယေရှုပြောဆိုခဲ့သည်။ ဤအရည်အသွေးကို ကိုယ်တော်အဘယ်ကြောင့် ဤမျှအလေးပေးခဲ့ရသနည်း။
၂။ မေတ္တာပြခြင်းသည် ခရစ်ယာန်များအတွက် အဘယ်ကြောင့် ဤမျှအရေးပါသနည်း။
၂ ချစ်ခြင်းမေတ္တာသည် အဘယ်ကြောင့် ဤမျှအရေးကြီးရကြောင်း ယေရှုရှင်းပြခဲ့သည်။ ကိုယ်တော်ဤသို့ဆို၏– “သင်တို့သည် အချင်းချင်းချစ်ကြလျှင်၊ လူအပေါင်းတို့သည် ထိုမေတ္တာကိုထောက်၍ သင်တို့သည် ငါ၏တပည့်ဖြစ်သည်ကို သိရကြလိမ့်မည်။” (ယောဟန် ၁၃:၃၅; ၁၅:၁၂၊ ၁၇) ခရစ်တော်၏နောက်လိုက်တစ်ဦးဖြစ်ခြင်းသည် ညီအစ်ကိုချင်းမေတ္တာပြခြင်းနှင့် ဒွန်တွဲလျက်ရှိသည်။ စစ်မှန်သောခရစ်ယာန်များသည် အထူးဝတ်စုံဝတ်ဆင်ခြင်း၊ သို့မဟုတ် တစ်မူထူးသော ထုံးတမ်းစဉ်လာများကျင့်ခြင်းအားဖြင့်မဟုတ်ဘဲ သူတို့အချင်းချင်းပြသသည့် လှိုက်လှဲနွေးထွေး၊ ကြင်နာသောမေတ္တာအားဖြင့် သူတို့ကိုခွဲခြားသိမြင်ကြသည်။ ဤထူးခြားထင်ရှားသောမေတ္တာမျိုးရှိခြင်းသည် ရှေ့ဆောင်းပါးအစ၌ ဖော်ပြထားသော ခရစ်တော်တပည့်ဖြစ်ခြင်း၏ အဓိကလိုအပ်ချက်သုံးခုမှ ဒုတိယတစ်ခုဖြစ်သည်။ ဤလိုအပ်ချက်ကို ဆက်၍ပြည့်မီရန် အဘယ်အရာက ကျွန်ုပ်တို့ကို ထောက်ကူပေးမည်နည်း။
“တိုးပွား” စေကြလော့
၃။ မေတ္တာနှင့်စပ်လျဉ်း၍ တမန်တော်ပေါလု အဘယ်သို့ တိုက်တွန်းခဲ့သနည်း။
၃ ခရစ်တော်၏ ပထမရာစုနောက်လိုက်များအလယ်တွင် ဤထူးခြားသောမေတ္တာကို တွေ့ရှိရသကဲ့သို့ ယနေ့ ခရစ်တော်၏တပည့်စစ်များအကြား၌လည်း တွေ့ရှိနိုင်သည်။ ပထမရာစုခရစ်ယာန်များထံ တမန်တော်ပေါလု ဤသို့ရေးသားခဲ့သည်– “ညီအစ်ကိုချင်းချစ်ခြင်းအရာကို ၁ သက်သာလောနိတ် ၃:၁၂; ၄:၉၊ ၁၀) ကျွန်ုပ်တို့လည်း ပေါလု၏တိုက်တွန်းချက်ကို နှလုံးသွင်းပြီး အချင်းချင်းချစ်ခြင်းကို “တိုးပွား” ပြသဖို့ ကြိုးစားကြရမည်။
သင်တို့အားရေး၍ ပေးလိုက်စရာအကြောင်းမရှိ။ အဘယ်ကြောင့်နည်းဟူမူကား၊ သင်တို့သည် အချင်းချင်းချစ်စေခြင်းငှာ ဘုရားသခင် ဆုံးမသွန်သင်တော်မူသောသူ ဖြစ်ကြ၏။” သို့ဖြစ်လျက်ပင် ပေါလုက “တိုးပွား၍ ကြွယ်ဝပြည့်စုံ” စေကြလော့ဟု ထပ်ဆင့်ပြောဆိုခဲ့သည်။ (၄။ ပေါလုနှင့်ယေရှုအရ မည်သူတို့ကို ကျွန်ုပ်တို့ အထူးစာနာထောက်ထားသင့်သနည်း။
၄ ၎င်းမှုတ်သွင်းခံစာစောင်၌ပင် ပေါလုက “စိတ်ငယ်သောသူတို့ကို အားပေး” ၍ “အားနည်းသောသူတို့ကို ထောက်မ” ရန် ယုံကြည်သူချင်းများကို တိုက်တွန်းခဲ့သည်။ (၁ သက်သာလောနိတ် ၅:၁၄) အခြားတစ်ကြိမ်တွင် “အားရှိသော [သူ] တို့သည် ကိုယ်အလိုသို့မလိုက်၊ အားနည်းသောသူတို့၏အားနည်းခြင်းကို သည်းခံ” ကြရန် ခရစ်ယာန်များကို သူသတိပေးခဲ့သည်။ (ရောမ ၁၅:၁) ယေရှုလည်း အားနည်းသူတို့ကို ကူညီပေးရန်ညွှန်ကြားခဲ့သည်။ ကိုယ်တော်အဖမ်းခံရမည့်ညတွင် မိမိကို ပေတရုစွန့်ခွာသွားလိမ့်မည်ဟု ကြိုတင်ပြောပြီးနောက် ပေတရုအား ယေရှုဤသို့မိန့်တော်မူ၏– “သင်သည်သတိရပြန်သောအခါ သင်၏ညီအစ်ကိုတို့ကို တည်ကြည်စေ [“အားပေး၊” သမ] လော့။” အဘယ်ကြောင့်နည်း။ အကြောင်းမှာ သူတို့လည်း ယေရှုကိုစွန့်ခွာကြမည်ဖြစ်၍ အကူအညီလိုလိမ့်မည်ဖြစ်သောကြောင့်တည်း။ (လုကာ ၂၂:၃၂; ယောဟန် ၂၁:၁၅-၁၇) ထို့ကြောင့် သမ္မာကျမ်းစာက ဝိညာဉ်ရေးအရအားနည်းသူများနှင့် ခရစ်ယာန်အသင်းတော်နှင့် အဆက်ပြတ်သွားကြသူများကို မေတ္တာပြကြဖို့ ကျွန်ုပ်တို့ကိုညွှန်ကြားသည်။ (ဟေဗြဲ ၁၂:၁၂) ထိုသို့ကျွန်ုပ်တို့ အဘယ်ကြောင့်ပြုသင့်သနည်း။ ယေရှုမိန့်တော်မူခဲ့သည့် ကွင်းကွင်းကွက်ကွက်မြင်နိုင်သော ပုံဥပမာနှစ်ခုက အဖြေပေးပါသည်။
ပျောက်သောသိုးတစ်ကောင်နှင့် ပျောက်သောငွေတစ်ပြား
၅၊ ၆။ (က) အဘယ်ပုံဥပမာတိုနှစ်ခုကို ယေရှုပြောပြခဲ့သနည်း။ (ခ) ဤပုံဥပမာနှစ်ခုက ယေဟောဝါနှင့်စပ်လျဉ်း၍ အဘယ်အရာဖော်ပြသနည်း။
၅ ယေရှုသည် လမ်းလွဲသွားသူများကို ယေဟောဝါမည်သို့ရှုမြင်ကြောင်း သွန်သင်ပေးရန် ပုံဥပမာတိုနှစ်ခုပေးခဲ့သည်။ တစ်ခုမှာ သိုးထိန်းတစ်ဦးအကြောင်းဖြစ်သည်။ ယေရှုဤသို့ဆို၏– “သိုးတစ်ကောင်ပျောက်လျှင်၊ ကိုးဆယ့်ကိုးကောင်သောသိုးတို့ကို တောတွင်ထားခဲ့ပြီးမှ၊ ပျောက်သောသိုးတစ်ကောင်ကို မတွေ့မီတိုင်အောင် သွား၍မရှာဘဲနေမည်လော။ တွေ့ပြီးလျှင် ဝမ်းမြောက်သောစိတ်နှင့် ပခုံးပေါ်မှာတင်ထမ်း၍၊ မိမိအိမ်သို့ရောက်သောအခါ အဆွေခင်ပွန်းအိမ်နီးချင်းများကိုခေါ်၍၊ ‘ပျောက်သောသိုးကိုငါတွေ့ပြီ။ ငါနှင့်အတူဝမ်းမြောက်ကြလော့’ ဟု ဆိုတတ်သည်မဟုတ်လော။ ထိုနည်းတူ ဖြောင့်မတ်၍ နောင်တရစရာအကြောင်းမရှိသောသူ ကိုးဆယ့်ကိုးယောက်တို့၌ ကောင်းကင်သားတို့သည် ဝမ်းမြောက်ခြင်းရှိသည်ထက်၊ နောင်တရသောလူဆိုးတစ်ယောက်၌ သာ၍ဝမ်းမြောက်ခြင်းရှိကြသည်ဟုငါဆို၏။”—လုကာ ၁၅:၄-၇။
၆ ဒုတိယပုံဥပမာမှာ အမျိုးသမီးတစ်ဦးအကြောင်းဖြစ်သည်။ ယေရှုဤသို့မိန့်ဆိုခဲ့၏– “တစ်စုံတစ်ယောက်သောမိန်းမ၌ ငွေဆယ်ပြားရှိ၍တစ်ပြားပျောက်လျှင်၊ ဆီမီးကိုထွန်း၍မတွေ့မီတိုင်အောင် တစ်အိမ်လုံးကိုလှည်း၍ စေ့စေ့မရှာဘဲနေမည်လော။ တွေ့ပြီးလျှင် အဆွေခင်ပွန်းအိမ်နီးချင်းများကိုခေါ်၍၊ ‘ပျောက်သောငွေကိုငါတွေ့ပြီ။ ငါနှင့်အတူဝမ်းမြောက်ကြလော့’ ဟု ဆိုတတ်သည်မဟုတ်လော။ ထိုနည်းတူ ငါဆိုသည်ကား၊ ဘုရားသခင်၏ကောင်းကင်တမန်တို့သည် နောင်တရသောလူဆိုးတစ်ယောက်၌ ဝမ်းမြောက်ခြင်းရှိကြသည်ဟု မိန့်တော်မူ၏။”—လုကာ ၁၅:၈-၁၀။
၇။ ပျောက်သောသိုးနှင့် ပျောက်သောငွေ ပုံဥပမာများသည် ကျွန်ုပ်တို့အတွက် အဘယ်သင်ခန်းစာနှစ်ခုပေးသနည်း။
၇ ဤပုံဥပမာတိုများမှ ကျွန်ုပ်တို့ အဘယ်အရာသင်ယူနိုင်သနည်း။ ၎င်းတို့က (၁) အားနည်းလာသူတို့ကို ကျွန်ုပ်တို့ မည်သို့သဘောထားသင့်ကြောင်းနှင့် (၂) သူတို့ကိုကူညီပေးဖို့ အဘယ်အရာပြုလုပ်သင့်ကြောင်း ဖော်ပြပါသည်။ ဤအချက်များကို သုံးသပ်ကြည့်ကြစို့။
ပျောက်ဆုံးသော်လည်း အဖိုးတန်
၈။ (က) သိုးထိန်းနှင့် အမျိုးသမီးတို့သည် ပျောက်ဆုံးသွားသည်ကို မည်သို့တုံ့ပြန်ခဲ့ကြသနည်း။ (ခ) သူတို့၏တုံ့ပြန်ပုံက ပျောက်ဆုံးသွားသောအရာအပေါ် သူတို့၏ရှုမြင်ပုံ မည်သို့ရှိကြောင်းသိစေသနည်း။
၈ ပုံဥပမာနှစ်ခုစလုံးတွင် တစ်စုံတစ်ရာပျောက်ဆုံးခဲ့သည်၊ သို့သော် ပိုင်ရှင်၏တုံ့ပြန်ပုံကို သတိပြုပါ။ သိုးထိန်းက ‘ငါ့မှာ ၉၉ ကောင်ရှိသေးတာပဲ တစ်ကောင်ပျောက်တာလောက်တော့ အရေးလား။ အဲဒီတစ်ကောင်မရှိလည်း ဖြစ်ပါတယ်’ ဟုမပြောခဲ့ပါ။ အမျိုးသမီးက ‘အဲဒီငွေတစ်ပြားအတွက် ပူစရာလား။ ငွေကိုးပြားကျန်သေးတာကို ငါကျေနပ်ပါတယ်’ ဟုမပြောခဲ့ပါ။ ယင်းအစား သိုးထိန်းသည် သိုးတစ်ကောင်တည်းပိုင်သည့်အလား ပျောက်သောသိုးကို ရှာဖွေခဲ့သည်။ အမျိုးသမီးသည်လည်း သူ၏ငွေပျောက်သွားခြင်းကို အခြားငွေတစ်ပြားမျှ မရှိသည့်အလား ခံစားခဲ့သည်။ ဖြစ်ရပ်နှစ်ခုစလုံးတွင် ပျောက်ဆုံးသွားသောအရာသည် ပိုင်ရှင်ဖြစ်သူ၏စိတ်ထဲတွင် အဖိုးတန်နေဆဲဖြစ်သည်။ ယင်းက အဘယ်အရာကို သရုပ်ဖော်ပြသနည်း။
၉။ သိုးထိန်းနှင့် အမျိုးသမီးတို့၏ စိုးရိမ်ပူပန်မှုက အဘယ်အရာကိုပုံဖော်ပြသနည်း။
ယေရမိ ၃၁:၃) ထိုသူတို့သည် ဝိညာဉ်ရေးအရ အားနည်းသူများဖြစ်ကြပေမည်၊ သို့သော် ပုန်ကန်သူများဖြစ်ချင်မှဖြစ်မည်။ သူတို့အားနည်းနေကြသော်လည်း ယေဟောဝါ၏တောင်းဆိုချက်များကိုမမေ့ဘဲ အနည်းနှင့်အများ လိုက်နာကြဆဲရှိပေမည်။ (ဆာလံ ၁၁၉:၁၇၆; တမန်တော် ၁၅:၂၉) ထို့ကြောင့် အတိတ်ကာလမှာကဲ့သို့ ယေဟောဝါသည် သူတို့ကို “အထံတော်မှမနှင်ထုတ်သေးဘဲ” နေပေမည်။—၄ ဓမ္မရာဇဝင် ၁၃:၂၃။
၉ ထိုဖြစ်ရပ်နှစ်ခုစလုံးတွင် ယေရှု၏ကောက်ချက်ကို သတိပြုပါ– “ကောင်းကင်သားတို့သည် . . . နောင်တရသောလူဆိုးတစ်ယောက်၌ သာ၍ဝမ်းမြောက်ခြင်းရှိကြ” ၍ “ထိုနည်းတူ ငါဆိုသည်ကား၊ ဘုရားသခင်၏ကောင်းကင်တမန်တို့သည် နောင်တရသောလူဆိုးတစ်ယောက်၌ ဝမ်းမြောက်ခြင်းရှိကြသည်။” ထို့ကြောင့် သိုးထိန်းနှင့် အမျိုးသမီး၏စိုးရိမ်ပူပန်မှုတို့က ယေဟောဝါနှင့် ကောင်းကင်သတ္တဝါများ၏ သဘောထားကို အနည်းအကျဉ်းပေါ်လွင်စေသည်။ ပျောက်သွားသောအရာသည် သိုးထိန်းနှင့် အမျိုးသမီးအတွက် အဖိုးတန်နေဆဲဖြစ်သကဲ့သို့ လမ်းလွဲသွားပြီး ဘုရားသခင့်လူမျိုးတော်နှင့် အဆက်ပြတ်နေသူများသည် ယေဟောဝါ၏မျက်မှောက်၌ အဖိုးတန်နေဆဲဖြစ်သည်။ (၁၀၊ ၁၁။ (က) အသင်းတော်မှ ဝေးကွာသွားသူများကို ကျွန်ုပ်တို့မည်သို့ရှုမြင်လိုကြသနည်း။ (ခ) ယေရှု၏ပုံဥပမာနှစ်ခုအရ သူတို့အတွက် ကျွန်ုပ်တို့ စိုးရိမ်မကင်းဖြစ်ကြောင်း မည်သို့ဖော်ပြနိုင်သနည်း။
၁၀ ယေဟောဝါနှင့် ယေရှုကဲ့သို့ ကျွန်ုပ်တို့လည်း အားနည်းသူများနှင့် ခရစ်ယာန်အသင်းတော်တွင် စည်းဝေးများမတက်ကြတော့သူများအတွက် အလွန်စိုးရိမ်ပူပန်ကြပါသည်။ (ယေဇကျေလ ၃၄:၁၆; လုကာ ၁၉:၁၀) ဝိညာဉ်ရေးအားနည်းသူတစ်ဦးကို အဖတ်ဆယ်မရသူအဖြစ်မဟုတ်ဘဲ ပျောက်နေသောသိုးကဲ့သို့ ကျွန်ုပ်တို့ရှုမြင်ကြသည်။ ‘အားနည်းသူအတွက် ဘာကြောင့်စိုးရိမ်ရမှာလဲ။ အသင်းတော်မှာ သူမရှိလည်း ဖြစ်ပါတယ်’ ဟုကျွန်ုပ်တို့မစဉ်းစားကြပါ။ ယင်းအစား ယေဟောဝါကဲ့သို့ ကျွန်ုပ်တို့သည် ဝေးကွာသွားသော်လည်း ပြန်လှည့်လာလိုသူများကို အဖိုးတန်သူများအဖြစ် ရှုမြင်ကြပါသည်။
၁၁ သို့သော် ကျွန်ုပ်တို့၏စိုးရိမ်ပူပန်မှုကို မည်သို့ဖော်ပြနိုင်ကြသနည်း။ (၁) အစပြုလုပ်ဆောင်ခြင်းဖြင့်၊ (၂) နူးညံ့သိမ်မွေ့ခြင်းဖြင့် (၃) ကြိုးစားအားထုတ်ခြင်းတို့အားဖြင့် ကျွန်ုပ်တို့ပြုနိုင်ကြောင်း ယေရှု၏ပုံဥပမာနှစ်ခုက သိစေသည်။ ဤအချက်တစ်ခုစီကို ဆန်းစစ်ကြည့်ကြစို့။
အစပြုလုပ်ဆောင်ခြင်း
၁၂။ ‘ပျောက်သောသိုးကို သွား၍ရှာ’ ဟူသောစကားက သိုးထိန်း၏သဘောထားကို အဘယ်သို့ဖော်ပြသနည်း။
၁၂ ပုံဥပမာနှစ်ခုမှ ပထမတစ်ခုတွင် ယေရှုက သိုးထိန်းသည် “ပျောက်သောသိုးကို . . . သွား၍ . . . ရှာ” လိမ့်မည်ဟုဆို၏။ သိုးထိန်းသည် ပျောက်သောသိုးကိုရှာတွေ့ဖို့ ကိုယ်တိုင်အစပြု၍ တမင်ကြိုးစားရှာခဲ့သည်။ အခက်အခဲများ၊ ဘေးအန္တရာယ်များကြုံရပါစေ၊ အဝေးသို့သွားရသည့်တိုင် ဘာကမျှ သူ့ကိုမတားဆီးနိုင်ပေ။ သိုးထိန်းသည် သိုးကို “တွေ့သည်တိုင်အောင်” ဇွဲနှင့် ရှာဖွေလေသည်။—လုကာ ၁၅:၄၊ သမ္မာ။
၁၃။ ရှေးခေတ်မှ တည်ကြည်သူများသည် အားနည်းသူများ၏လိုအပ်ရာများကို မည်သို့ဖြည့်စွက်ပေးခဲ့ကြသနည်း၊ ဤကျမ်းစာပုံနမူနာများကို ကျွန်ုပ်တို့ မည်သို့တုပနိုင်သနည်း။
၁၃ ထိုနည်းတူ၊ အားပေးမှုလိုနေသူတစ်ဦးကို သာ၍ခွန်အားရှိသူက အစပြုပြီး ကူညီဖို့လိုသည်။ ရှေးခေတ်မှ တည်ကြည်သောသူများသည် ယင်းကို သဘောပေါက်နားလည်ခဲ့ကြသည်။ ဥပမာအနေနှင့် ရှောလုမင်း၏သားယောနသန်သည် မိမိ၏ရင်းနှီးသောမိတ်ဆွေဒါဝိဒ် အားပေးမှုလိုနေကြောင်း သတိပြုမိသောအခါ “ထ၍ ဒါဝိဒ်ရှိရာတောအုပ်သို့သွားပြီးလျှင်၊ ဘုရားသခင်၌ခိုလှုံအားကြီးစေခြင်းငှာ ထောက်မ” လေ၏။ (၁ ဓမ္မရာဇဝင် ၂၃:၁၅၊ ၁၆) ထို့နောက် ရာစုနှစ်များစွာအကြာတွင် ဂျူးညီအစ်ကိုများသည် စိတ်ဓာတ်ကျနေကြောင်း မြို့ဝန်မင်းနေဟမိသိမြင်သောအခါ သူသည်လည်း ‘ချက်ချင်းထ’ ၍ ‘ယေဟောဝါကို အောက်မေ့ကြရန်’ အားပေးတိုက်တွန်းခဲ့သည်။ (နေဟမိ ၄:၁၄) ယနေ့ ကျွန်ုပ်တို့လည်း အားနည်းသူများကို အားရှိစေဖို့ ကိုယ်တိုင်အစပြု ‘မတ်တတ်ထ’ ၍လုပ်ဆောင်လိုကြပေမည်။ သို့သော် အသင်းတော်မှ မည်သူတို့သည် ထိုသို့ပြုသင့်သနည်း။
၁၄။ အသင်းတော်ရှိမည်သူတို့သည် အားနည်းသူများကို ကူညီသင့်သနည်း။
ဟေရှာယ ၃၅:၃၊ ၄; ၁ ပေတရု ၅:၁၊ ၂) သို့ရာတွင် ပေါလုသည် အကြီးအကဲများကိုသာ “စိတ်ငယ်သောသူတို့ကို အားပေးကြ” ရန်၊ “အားနည်းသောသူတို့ကို ထောက်မကြ” ရန် တိုက်တွန်းခဲ့သည်မဟုတ်။ ယင်းအစား ပေါလုသည် “သက်သာလောနိတ်မြို့သားအသင်းတော်” တစ်ခုလုံးကို မှာကြားခဲ့သည်။ (၁ သက်သာလောနိတ် ၁:၁; ၅:၁၄) သို့ဖြစ်၍ အားနည်းသူကို ကူညီပေးခြင်းသည် ခရစ်ယာန်အားလုံး၏ တာဝန်ဖြစ်သည်။ ပုံဥပမာထဲမှ သိုးထိန်းကဲ့သို့ ခရစ်ယာန်တစ်ယောက်စီသည် ‘ပျောက်သော [သူ] ကို သွား၍ရှာ’ သင့်သည်။ အကြီးအကဲများနှင့် ပူးပေါင်း၍ ထိုသို့လုပ်ဆောင်လျှင် အထိရောက်ဆုံးဖြစ်သည်။ သင်၏ အသင်းတော်ရှိ အားနည်းသူတစ်ဦးကိုကူညီရန် တစ်စုံတစ်ရာပြုလုပ်နိုင်ပါသလော။
၁၄ အထူးသဖြင့် ခရစ်ယာန်အကြီးအကဲများသည် “အားမရှိသောလက်တို့ကို ခိုင်ခံ့စေ . . . [၍] လှုပ်တတ်သောဒူးတို့ကို မြဲမြံစေ” ကာ “‘အားယူကြလော့၊ မစိုးရိမ်ကြနှင့်’ ဟု ကြောက်တတ်သောသူတို့အား ဆို” ဖို့တာဝန်ရှိကြသည်။ (နူးညံ့သိမ်မွေ့ပါ
၁၅။ သိုးထိန်းသည် သူလုပ်ဆောင်ခဲ့သည်အတိုင်း အဘယ်ကြောင့်ပြုလုပ်ခဲ့သနည်း။
၁၅ နောက်ဆုံးတွင် ပျောက်သောသိုးကိုတွေ့သောအခါ သိုးထိန်းသည် အဘယ်အရာပြုလုပ်သနည်း။ သိုးကို “ပခုံးပေါ်မှာတင်ထမ်း” လေ၏။ (လုကာ ၁၅:၅) အမှန်ပင် စိတ်လှုပ်ရှားဖွယ်ကောင်းပြီး အလွန်ထိရောက်သော အသေးစိတ်ဖော်ပြချက်တစ်ခုပါတကား! ထိုသိုးသည် သူစိမ်းနယ်မြေတွင် နေ့ရောညပါ လှည့်လည်သွားလာခဲ့ပေမည်၊ ချောင်းမြောင်းနေသော ခြင်္သေ့ရန်ကိုပင် ကြုံခဲ့ပေမည်။ (ယောဘ ၃၈:၃၉၊ ၄၀) အစာမစားရသဖြင့် သိုးသည် အားပြတ်နေမည်မှာ ယုံမှားဖွယ်မရှိချေ။ သိုးခြံသို့အပြန်လမ်းတွင် တွေ့ကြုံရမည့်အခက်အခဲများကို မကျော်လွှားနိုင်သည်အထိ ချည့်နဲ့နေပေမည်။ ထို့ကြောင့် သိုးထိန်းသည် နူးညံ့သိမ်မွေ့စွာ သိုးကိုချီမပြီး အပြန်လမ်းတစ်လျှောက် အခက်အခဲများကြား ချီဆောင်သွားလေသည်။ ဤသိုးထိန်းကဲ့သို့ ကျွန်ုပ်တို့ မည်သို့ဂရုစိုက်စောင့်ရှောက်နိုင်သနည်း။
၁၆။ လမ်းလွဲနေသောသိုးအပေါ် သိုးထိန်းပြသခဲ့သော နူးညံ့သိမ်မွေ့မှုကို ကျွန်ုပ်တို့ အဘယ်ကြောင့်တင်ပြသင့်သနည်း။
၁၆ အသင်းတော်နှင့် အဆက်ပြတ်သွားသူတစ်ဦးသည် ဝိညာဉ်ရေးသဘောအရ မောဟိုက်နွမ်းလျနေပေမည်။ သိုးထိန်းနှင့်ကွဲသွားသော သိုးကဲ့သို့ ထိုသူတို့သည် လောက၏ရန်လိုသောနယ်မြေတွင် ခြေဦးတည့်ရာသွားနေပေမည်။ သိုးခြံတည်းဟူသော ခရစ်ယာန်အသင်းတော်ကပြင်ဆင်ပေးသော အကာအကွယ်အောက်မရှိလျှင် “ဟောက်သောခြင်္သေ့ကဲ့သို့ အဘယ်သူကိုမျိုရမည်နည်းဟူ၍ လှည့်လည်ရှာဖွေ” သူ၊ စာတန်၏တိုက်ခိုက်မှုများကို မကြုံစဖူး ကြုံရပါမည်။ (၁ ပေတရု ၅:၈) ထို့အပြင် ဝိညာဉ်အစာမစားရသဖြင့် သူအားပြတ်နေလိမ့်မည်။ ထို့ကြောင့် အသင်းတော်သို့ သူပြန်လာဖို့ကြိုးစားရာတွင် ကြုံရမည့်အခက်အခဲများကို တစ်ဦးတည်းရင်ဆိုင်ကျော်လွှားဖို့ အလွန်အားနည်းနေပေလိမ့်မည်။ ထို့ကြောင့် ကျွန်ုပ်တို့သည် ပုံဆောင်စကားအရ ကိုယ်ကိုကိုင်းညွှတ်ပြီး အားနည်းသူကို နူးညံ့သိမ်မွေ့စွာ ချီမကာ ပြန်သယ်ဆောင်သွားဖို့လိုသည်။ (ဂလာတိ ၆:၂) ယင်းကို ကျွန်ုပ်တို့ မည်သို့ပြီးမြောက်အောင်မြင်နိုင်မည်နည်း။
၁၇။ အားနည်းသူတစ်ဦးထံ ကျွန်ုပ်တို့လည်ပတ်သောအခါ တမန်တော်ပေါလုကို မည်သို့အတုယူနိုင်သနည်း။
၁၇ တမန်တော်ပေါလုက ဤသို့ဆိုခဲ့သည်– “အားနည်းသူရှိလျှင် ငါသည်လည်း အားနည်းရပါ၏။” (၂ ကောရိန္သု ၁၁:၂၉၊ သတင်းကောင်း; ၁ ကောရိန္သု ၉:၂၂) ပေါလုသည် အားနည်းသူများအပါအဝင် လူတို့ကို ကိုယ်ချင်းစာနာမှုပြခဲ့သည်။ ကျွန်ုပ်တို့လည်း အားနည်းသူများကို အလားတူ ကိုယ်ချင်းစာနာစိတ် တင်ပြလိုကြပါသည်။ ဝိညာဉ်ရေးအားနည်းသော ခရစ်ယာန်တစ်ဦးထံ လည်ပတ်သောအခါ သူ့ကိုယေဟောဝါတန်ဖိုးထားကြောင်း၊ သူ၏သက်သေခံရောင်းရင်းများကလည်း သူ့ကိုအလွန်သတိရနေကြောင်း စိတ်ချစေပါ။ (၁ သက်သာလောနိတ် ၂:၁၇) သက်သေခံချင်းတို့သည် သူ့ကိုကူညီပေးဖို့အသင့်ရှိကြောင်း၊ သူ့အတွက် ‘ဒုက္ခကာလအဖို့ မွေးဖွားလျက်ရှိသော ညီအစ်ကိုတစ်ဦး’ ဖြစ်လိုကြောင်း သိစေပါ။ (သု. ၁၇:၁၇; ဆာလံ ၃၄:၁၈) ကျွန်ုပ်တို့လှိုက်လှဲစွာ ပြောဆိုသောစကားများသည် သူ့ကို သိုးအုပ်ထဲပြန်ဝင်လာစေသည့်အထိ တဖြည်းဖြည်း ညင်သာစွာဆွဲဆောင်၍ ပြန်အားရှိစေပေမည်။ ထို့နောက် အဘယ်အရာပြုသင့်သနည်း။ ငွေပြားပျောက်သောအမျိုးသမီးပုံဥပမာက ကျွန်ုပ်တို့ကို လမ်းညွှန်မှုပေးသည်။
ကြိုးစားအားထုတ်လော့
၁၈။ (က) ပုံဥပမာထဲမှ အမျိုးသမီးသည် အဘယ်ကြောင့် မျှော်လင့်ချက်မကင်းမဲ့ခဲ့သနည်း။ (ခ) ထိုအမျိုးသမီးသည် မည်သို့ကြိုးစားအားထုတ်ခဲ့သနည်း၊ အဘယ်ရလဒ်ရခဲ့သနည်း။
၁၈ ငွေပြားပျောက်သွားသောအမျိုးသမီးက သူ၏အခြေအနေသည် ခက်ခဲသော်လည်း မျှော်လင့်ချက်ရှိကြောင်း သိထားသည်။ ထိုငွေပြားသည် ချုံထူသောလယ်ကွက်ကြီးတစ်ခုထဲတွင် သို့မဟုတ် ရွှံ့အိုင်နက်ထဲကျပျောက်သွားခဲ့ပါမူ ရှာတွေ့နိုင်တော့မည်မဟုတ်ဟု သူစိတ်လျှော့လိုက်ပေမည်။ သို့ရာတွင် သူ၏အိမ်ထဲတွင် ငွေပြားရှိရမည်ကိုသိပြီး မတွေ့မချင်း ကြိုးစားပမ်းစား ရှာဖွေတော့သည်။ (လုကာ ၁၅:၈) ဦးဆုံး၊ သူ၏မှောင်နေသောအိမ်ထဲတွင် တွေ့မြင်နိုင်ဖို့ မီးအိမ်ထွန်းသည်။ ထို့နောက် ချွင်ခနဲမြည်သံ ကြားလို၍ အိမ်ကို တံမြက်စည်းလှည်း၏။ နောက်ဆုံးတွင် ငွေပြားအရောင်ပြန်ရိုက်သည်ကိုတွေ့သည့်အထိ ချောင်ကြိုချောင်ကြားမကျန် မီးအိမ်ဖြင့် အသေအချာရှာဖွေလေသည်။ ထိုအမျိုးသမီး၏ ကြိုးစားအားထုတ်မှုသည် ပင်ပန်းရကျိုးနပ်ခဲ့သည်!
၁၉။ အားနည်းသူများကို ကူညီပေးရာတွင် ပျောက်သောငွေပြားပုံဥပမာပါ အမျိုးသမီး၏လုပ်ရပ်များမှ အဘယ်သင်ခန်းစာများရနိုင်သနည်း။
၁၉ ထိုပုံဥပမာ၏ ဤအသေးစိတ်အချက်အလက်က ကျွန်ုပ်တို့ကိုသတိရစေသည့်အတိုင်း အားနည်းသူတစ်ဦးကိုကူညီပေးရမည့် ကျမ်းပေးတာဝန်သည် ကျွန်ုပ်တို့မတတ်နိုင်ရာမဟုတ်ချေ။ တစ်ချိန်တည်းတွင် ကြိုးစားအားထုတ်မှုလိုအပ်ကြောင်း ကျွန်ုပ်တို့သိရှိကြသည်။ အမှန်မှာ၊ ဧဖက်အကြီးအကဲများကို တမန်တော်ပေါလုက “ထိုသို့ သင်တို့သည်လည်း အလုပ်လုပ်၍ အားနည်းသောသူတို့ကို မစရမည်” ဟုပြောခဲ့သည်။ (တမန်တော် ၂၀:၃၅က) အမျိုးသမီးသည် သူ၏အိမ်တွင် အမှုမဲ့အမှတ်မဲ့ ဟိုဟိုဒီဒီ အမှတ်မထင်ကြည့်လိုက်၍ ငွေပြားရှာတွေ့ခြင်းမဟုတ်ကြောင်း စိတ်စွဲမှတ်ထားပါ။ ထိုသို့မဟုတ်ဘဲ “တွေ့သည်တိုင်အောင်” စနစ်တကျရှာဖွေခဲ့သည့်အတွက် သူအောင်မြင်ခဲ့ခြင်းဖြစ်သည်။ အလားတူ ဝိညာဉ်ရေးအားနည်းသူတစ်ဦးကိုပြန်ရဖို့ ကျွန်ုပ်တို့သည် ရည်မှန်းချက်ရှိရှိ ကြိုးစားအားထုတ်ဖို့လိုသည်။ ကျွန်ုပ်တို့ အဘယ်အရာပြုလုပ်နိုင်သနည်း။
၂၀။ အားနည်းသူများကိုကူညီပေးရန် အဘယ်အရာပြုနိုင်သနည်း။
၂၀ အားနည်းသူတစ်ဦးကို ယုံကြည်ခြင်းနှင့် လေးမြတ်မှုပြန်ရရှိလာစေရန် ကျွန်ုပ်တို့မည်သို့ကူညီပေးနိုင်သနည်း။ သင့်လျော်သော ခရစ်ယာန်စာပေတစ်ခုခုဖြင့် ကျမ်းစာလေ့လာမှုပြုဖို့ လိုပေမည်။ အားနည်းသူတစ်ဦးနှင့် ကျမ်းစာသင်အံမှုကျင်းပခြင်းဖြင့် သူ့ကိုမှန်မှန်နှင့် စနစ်တကျကူညီပေးနိုင်သည်။ လိုအပ်သောအကူအညီကို မည်သူပေးသင့်ကြောင်း လုပ်ငန်းတော်ကြီးကြပ်မှူးက ဆုံးဖြတ်ပေးပေလိမ့်မည်။ အဘယ်အကြောင်းအရာများကို လေ့လာနိုင်ပြီး အဘယ်စာအုပ်က အကူအညီအဖြစ်ဆုံးဖြစ်မည်ကို သူအကြံပေးနိုင်သည်။ ပုံဥပမာပါ အမျိုးသမီးသည် သူ၏ခက်ခဲသောအလုပ် အောင်မြင်ဖို့ အထောက်အကူပြုသော ကိရိယာများကိုအသုံးပြုသကဲ့သို့ ယနေ့ ကျွန်ုပ်တို့သည် အားနည်းသောသူများကိုဖေးမကူညီရန် အထောက်အကူပြုကိရိယာများဖြင့် ဘုရားသခင်ပေးတာဝန်ကို *စာအုပ်တို့ဖြစ်သည်။
ထမ်းဆောင်နိုင်ပါသည်။ ကိရိယာအသစ်နှစ်ခုဖြစ်သည့် စာအုပ်အသစ်နှစ်အုပ်က ဤသို့ကြိုးစားရာတွင် အထူးအထောက်အကူပြုပေမည်။ ၎င်းတို့မှာ စစ်မှန်၍ တစ်ဆူတည်းဖြစ်သော ဘုရားသခင်ကို ကိုးကွယ်လော့နှင့် ယေဟောဝါထံချဉ်းကပ်လော့၂၁။ အားနည်းသူများကို ကူညီပေးခြင်းဖြင့် မည်သို့ အားလုံး ကောင်းချီးခံစားရသနည်း။
၂၁ အားနည်းသူတို့ကို ကူညီပေးခြင်းက အားလုံးကို ကောင်းချီးများရစေသည်။ ကူညီပေးခံရသူသည် မိတ်ဆွေစစ်များနှင့် ပြန်လည်ပေါင်းစည်းလာရသော ပျော်ရွှင်မှုရှိသည်။ ကျွန်ုပ်တို့မူ ပေးကမ်းခြင်းအားဖြင့်သာရရှိနိုင်သော ရွှင်လန်းဝမ်းမြောက်မှုကို ခံစားရကြသည်။ (လုကာ ၁၅:၆၊ ၉; တမန်တော် ၂၀:၃၅) အသင်းတော်သားတစ်ဦးစီသည် အချင်းချင်းကို မေတ္တာပါပါ စိတ်ဝင်စားမှုပြကြသဖြင့် အသင်းတော်တစ်ခုလုံးလည်း ပိုနွေးထွေးလာသည်။ ထို့ထက်မက ကျွန်ုပ်တို့ကို ဂရုစိုက်စောင့်ရှောက်သော သိုးထိန်းများဖြစ်သူ ယေဟောဝါနှင့် ယေရှုတို့ကို ဂုဏ်တင်စေသည်၊ အကြောင်းမှာ အားနည်းသူကို ကူညီထောက်မပေးလိုသော သူတို့၏စိတ်ဆန္ဒသည် မြေကြီးပေါ်ရှိ ကျေးကျွန်များက ရောင်ပြန်သောကြောင့်ဖြစ်သည်။ (ဆာလံ ၇၂:၁၂-၁၄; မဿဲ ၁၁:၂၈-၃၀; ၁ ကောရိန္သု ၁၁:၁; ဧဖက် ၅:၁) ထို့ကြောင့် ‘ကျွန်ုပ်တို့အချင်းချင်းချစ်’ နေကြရန် အကြောင်းကောင်းများ ရှိပါသည်တကား!
[အောက်ခြေမှတ်ချက်]
^ အပိုဒ်၊ 20 ယေဟောဝါသက်သေများ ထုတ်ဝေခဲ့။
သင်ရှင်းပြနိုင်သလော
• မေတ္တာပြခြင်းသည် ကျွန်ုပ်တို့တစ်ဦးစီအတွက် အဘယ်ကြောင့်အရေးပါသနည်း။
• ကျွန်ုပ်တို့သည် အားနည်းသူများကို အဘယ်ကြောင့် မေတ္တာပြသင့်သနည်း။
• ပျောက်သောသိုးနှင့် ပျောက်သောငွေပြားပုံဥပမာက ကျွန်ုပ်တို့ကို အဘယ်သင်ခန်းစာများပေးသနည်း။
• အဘယ်လက်တွေ့ကျနည်းများဖြင့် အားနည်းသူတစ်ဦးကို ကူညီပေးနိုင်သနည်း။
[လေ့လာရန်မေးခွန်းများ]
[စာမျက်နှာ ၁၆ ပါ ရုပ်ပုံ]
အားနည်းသူများကို ကူညီပေးရာတွင် ကျွန်ုပ်တို့သည် အစပြုလုပ်ဆောင်ပြီး နူးညံ့သိမ်မွေ့ကာ ကြိုးစားအားထုတ်ကြ
[စာမျက်နှာ ၁၇ ပါ ရုပ်ပုံ]
အားနည်းသူများကို ကူညီပေးခြင်းဖြင့် အားလုံးအပေါ် ကောင်းချီးသက်ရောက်