အချို့သူတို့ အဖြေရရှိခဲ့ပုံ
အချို့သူတို့ အဖြေရရှိခဲ့ပုံ
သန်းနှင့်ချီသောသူတို့သည် ဆုတောင်းကြ၏။ တချို့က သူတို့ဆုတောင်းပြည့်သည်ဟု ထင်မှတ်ကြ၏။ တခြားသူများမှာမူ သူတို့၏ဆုတောင်းချက်များကို နားညောင်း၊ မညောင်း သိလိုကြ၏။ အခြားသူများသည် အဖြေရလိုကြသော်လည်း ဘုရားသခင်ထံ ဆုတောင်း၍ အဖြေတောင်းဆိုရန် မစဉ်းစားကြချေ။
သမ္မာကျမ်းစာက စစ်မှန်သောဘုရားသခင်အား “ဆုတောင်းချက်ကို နားညောင်းတော်မူသောအရှင်” ဟုခေါ်ဆိုထား၏။ (ဆာလံ ၆၅:၂၊ ကဘ) သင်ဆုတောင်းလျှင် သင်၏ဆုတောင်းချက်များသည် စစ်မှန်သောဘုရားသခင်ထံ တိုက်ရိုက်ရောက်ရှိကြောင်း စိတ်ချသလော။ သင်၏ဆုတောင်းချက်များသည် ကိုယ်တော်ဖြေကြားပေးနိုင်မည့် ဆုတောင်းချက်များဖြစ်သလော။
ကမ္ဘာ့ဒေသအသီးသီးရှိ လူများစွာတို့က ဟုတ်သည် ဟုဖြေဆိုကြ၏! ဤသူတို့သည် အဖြေကို မည်သို့ရရှိခဲ့ကြသနည်း။ သူတို့ အဘယ်အရာ သိရှိလာခဲ့ကြသနည်း။
ဘုရားသခင်—ကိုယ်တော်ကား မည်သူနည်း
ခရစ်ယာန်သီလရှင်များနှင့် ဘုန်းကြီးများလက်အောက်တွင် ပညာသင်ကြားခဲ့သော ပေါ်တူဂီနိုင်ငံမှ ကျောင်းဆရာမတစ်ဦးသည် သူ၏ယုံကြည်သက်ဝင်မှုများကို စိတ်ရင်းမှန်ဖြင့် ကျင့်သုံးခဲ့သည်။ ယခင်ကအရေးပါသည်ဟု သွန်သင်ပေးခဲ့သည့်ဓလေ့ထုံးစံများကို ချာ့ခ်ျက တစ်မျိုးတစ်မည်ပြောင်းပြီး ပယ်ဖျက်လိုက်သောအခါ သူသည် စိတ်ရှုပ်သွားလေသည်။ ခရီးလှည့်လည်သောအခါ အရှေ့တိုင်းဝတ်ပြုရေးပုံစံများကို တွေ့မြင်သိရှိလာပြီး စစ်မှန်သောဘုရားသခင်တစ်ပါးရှိမရှိ သိလိုလာခဲ့သည်။ ဘုရားသခင်အား မည်သို့ဝတ်ပြုကိုးကွယ်သင့်သနည်း။ သူ၏ခရစ်ယာန်ဘုန်းကြီးကို ကျမ်းစာပါအကြောင်းများ မေးမြန်းသည့်အခါ သူ၏မေးခွန်းများကို မသိကျိုးကျွန်ပြုလိုက်သောကြောင့် သူစိတ်ဓာတ်ကျမိသည်။
ဤကျောင်းဆရာမ၏မြို့တွင် ချာ့ခ်ျက ယေဟောဝါသက်သေများနှင့် စကားမပြောရန် အသင်းသားများကို သတိပေးသည့် လက်ကမ်းစာစောင် ဖြန့်ဝေထား၏။ သို့သော်လည်း သူ၏မေးခွန်းများအတွက် အဖြေရလိုဆဲပင်။ တစ်နေ့၌ သက်သေခံများ သူ၏အိမ်သို့ လည်ပတ်ရောက်ရှိလာသောအခါ သူတို့ပြောသမျှကို နားထောင်ပြီး စိတ်ဝင်စားမှုတင်ပြခဲ့၏။ သက်သေခံများနှင့် ပထမဦးဆုံးအကြိမ် စကားပြောဆိုခဲ့ခြင်းဖြစ်သည်။
ဤအမျိုးသမီးသည် သူ၏မေးခွန်းများအတွက် အဖြေရရှိရန် သက်သေခံများနှင့် ကျမ်းစာသင်လေသည်။ သက်သေခံများ အပတ်စဉ်လာတိုင်း သူ့တွင် မေးစရာမေးခွန်းများစွာရှိနေ၏။ သူသည် ဘုရားသခင်၏နာမတော်၊ တစ်ဆူတည်းသော စစ်မှန်သည့်ဘုရားသခင်ရှိမရှိ၊ ရုပ်ပုံများအသုံးပြု၍ ကိုးကွယ်ခြင်းကို ကိုယ်တော်ကြိုက်မကြိုက်အပြင် ထိုထက်မကသောအရာများကို သိလိုခဲ့သည်။ သူရရှိယောဟန် ၄:၂၃၊ ကဘ။
သမျှအဖြေများသည် ကိုယ်ပိုင်ထင်မြင်ချက်များမဟုတ်ဘဲ ကျမ်းစာမှဖြစ်ကြောင်း သူတွေ့မြင်သောကြောင့် သိရှိရာများကို အံ့အားသင့်ပြီး အားရကျေနပ်ခဲ့၏။ သူ၏မေးခွန်းများအတွက် အဖြေများကို တဖြည်းဖြည်းရရှိလာသည်။ ယနေ့ သူသည် ယေဟောဝါအား စိတ်ဖြင့်လည်းကောင်း၊ အမှန်တရားဖြင့်လည်းကောင်း ကိုးကွယ်လျက်ရှိ၏၊ “စစ်မှန်စွာဝတ်ပြုကိုးကွယ်သူများ” သည်ထိုသို့ကိုးကွယ်ကြမည်ဟု ယေရှုမိန့်ဆိုခဲ့သည့်အတိုင်းပင်ဖြစ်သည်။—သီရိလင်္ကာနိုင်ငံမှ မိသားစုတစ်စုသည် သမ္မာကျမ်းစာကို အတူတကွမှန်မှန်ဖတ်ရှုကြသော်လည်း သူတို့အတွက် အရေးကြီးသည့် မေးခွန်းများစွာ၏အဖြေကို မရရှိခဲ့ကြချေ။ သူတို့အကူအညီလိုအပ်နေကြသော်လည်း သူတို့၏ခရစ်ယာန်ဘုန်းကြီးက မကူညီနိုင်ခဲ့ပေ။ သို့သော် ထိုမိသားစုထံ ယေဟောဝါသက်သေများရောက်ရှိလာကြပြီး သူတို့အတွက် အထောက်အကူပြု ကျမ်းစာ,စာပေများ ထားရစ်ခဲ့သည်။ နောက်ပိုင်းတွင် ယေဟောဝါသက်သေများက ထိုမိသားစု၏ကျမ်းစာမေးခွန်းများကို ကျေနပ်လောက်ဖွယ်အဖြေများပေးသည့်အခါ ကျမ်းစာလေ့လာရန် သူတို့သဘောတူညီခဲ့ကြသည်။ သူတို့တတ်သိလေ့လာခဲ့သမျှကို အလွန်စိတ်ဝင်စားခဲ့ကြသည်။
သို့သော်လည်း ကလေးဘဝက ချာ့ခ်ျသွန်သင်ချက်သည် ဇနီးဖြစ်သူအား ယေရှုကိုယ်တော်တိုင် မိန့်ဆိုခဲ့သည့် ယေရှုခရစ်၏ခမည်းတော်ကား ‘တစ်ဆူတည်းစစ်မှန်သောဘုရားသခင်’ ဖြစ်သည်ကို နားမလည်နိုင်အောင် ဖုံးကွယ်ထားသည်။ (ယောဟန် ၁၇:၁၊ ၃) ယေရှုသည် ခမည်းတော်နှင့် တန်းတူဖြစ်ပြီး ဤ “ခက်ခဲနက်နဲရာ” ကိုမမေးမြန်းရန် သွန်သင်ခံခဲ့ရ၏။ စိတ်ရင်းမှန်ဖြင့် ယေဟောဝါ၏နာမတော်ကို အသုံးပြု၍ ဆုတောင်းပြီး ယေရှုသည် မည်သူမည်ဝါဖြစ်ကြောင်း ဖော်ပြရန် တောင်းလျှောက်ခဲ့သည်။ ထို့နောက် သက်ဆိုင်ရာကျမ်းချက်များကို တစ်ဖန် သေသေချာချာ ဆန်းစစ်လေ့လာသည်။ (ယောဟန် ၁၄:၂၈; ၁၇:၂၁; ၁ ကောရိန္သု ၈:၅၊ ၆) သူ၏မျက်စိမှ ငါးကြေးခွံများကွာကျသွားသကဲ့သို့ သူသည် ကောင်းကင်နှင့်မြေကြီးကိုဖန်ဆင်းသော ယေရှုခရစ်၏ခမည်းတော် ယေဟောဝါသည် စစ်မှန်သောဘုရားသခင်ဖြစ်ကြောင်း ရှင်းလင်းပြတ်သားစွာ သိမြင်ခဲ့ပြီ။—ဟေရှာယ ၄၂:၈; ယေရမိ ၁၀:၁၀-၁၂။
ဆင်းရဲခက်ခဲခြင်း—အဘယ်ကြောင့်နည်း
ယောဘသည် မချိမဆံ့ဆင်းရဲဝေဒနာ ခံစားခဲ့ရသည်။ သူ၏သားသမီးအားလုံး မုန်တိုင်းကြောင့် သေဆုံးသွားခဲ့ကြပြီး သူကိုယ်တိုင်လည်း ဆင်းရဲနွမ်းပါးသွားလေသည်။ နာကျင်ကိုက်ခဲသောရောဂါတစ်ခုကို ခံစားရသည့်အပြင် မိတ်ဆွေအတုအယောင်များ၏ ဖိအားပေးမှုကိုလည်း ခံခဲ့ရရှာသည်။ ဤအခြေအနေများအားလုံးကြားတွင် ယောဘသည် မဆင်မခြင်ပြောဆိုမိခဲ့သည်။ (ယောဘ ၆:၃) သို့သော် ဘုရားသခင်သည် အခြေအနေများကို ဆင်ခြင်သုံးသပ်ပြသည်။ (ယောဘ ၃၅:၁၅) ယောဘ၏နှလုံးကို ကိုယ်တော်သိရှိပြီး ယောဘကို လိုအပ်သလိုဆုံးမခဲ့သည်။ ယနေ့လည်း လူတို့ကို ထိုနည်းတူ ကိုယ်တော်ပြုတော်မူ၏။
မိုဇမ်ဘစ်နိုင်ငံမှ ကာစ်တရိုသည် သူ၏မိခင်သေဆုံးချိန်၌ အသက်ဆယ်နှစ်သာရှိသေးသည်။ သူသည် အကြီးအကျယ်ဝမ်းနည်းကြေကွဲခဲ့ရရှာ၏။ “ဘာကြောင့် အမေသေဆုံးသွားပြီး ကျွန်တော်တို့နဲ့ခွဲခွာသွားရတာလဲ” ဟုသူမေးခဲ့သည်။ ဘုရားသခင်ကို ကြောက်ရွံ့သောမိဘများ၏ လက်အောက်တွင် သူကြီးပြင်းလာခဲ့သော်လည်း ယခု သူသည် စိတ်ရှုပ်ထွေးလျက်ရှိသည်။ သူ၏စိတ်နှလုံးကို အဘယ်အရာက နှစ်သိမ့်ပေးနိုင်သနည်း။ သူသည် ချီချေဝါသမ္မာကျမ်းစာအုပ်ငယ်တစ်အုပ်ကို အစ်ကိုများနှင့်အတူ ဖတ်ရှုဆွေးနွေးခြင်းမှ နှစ်သိမ့်မှုရရှိခဲ့၏။
ဘုရားသခင်၏မတရားမှုကြောင့်မဟုတ်ဘဲ အမွေရထားသောမစုံလင်မှုကြောင့် အမေသေဆုံးခဲ့ရသည်ကို တဖြည်းဖြည်းနှင့် ကာစ်တရို သဘောပေါက်လာသည်။ (ရောမ ၅:၁၂; ၆:၂၃) သမ္မာကျမ်းစာပါ ရှင်ပြန်ထမြောက်ခြင်းကတိတော်သည် သူ့ကို နှစ်သိမ့်မှုအများဆုံးပေးခဲ့သည်၊ အကြောင်းမှာ အမေ့ကို ပြန်တွေ့နိုင်မည့် ယုံကြည်စိတ်ချမှုပေးသောကြောင့်ဖြစ်သည်။ (ယောဟန် ၅:၂၈၊ ၂၉; တမန်တော် ၂၄:၁၅) ဝမ်းနည်းစရာမှာ နောက်လေးနှစ်အကြာတွင် သူ၏ဖခင်လည်း ဆုံးသွားရှာသည်။ သို့သော် ဤအကြိမ်တွင် ကာစ်တရိုသည် ထိုဆုံးရှုံးမှုကို ကောင်းစွာကိုင်တွယ်ဖြေရှင်းနိုင်လေပြီ။ ယနေ့ သူသည် ယေဟောဝါကို ချစ်မြတ်နိုးသူတစ်ဦးဖြစ်နေပြီး သူ၏ဘဝကို ဘုရားသခင်၏လုပ်ငန်းတော်တွင် သစ္စာရှိရှိအသုံးပြုနေသည်။ ယခု သူရှာတွေ့ထားသော ရွှင်လန်းမှုကို သူ့ကိုသိသူတိုင်းက အထင်အရှားတွေ့မြင်နိုင်ကြသည်။
ချစ်မြတ်နိုးရသူတို့ကို ဆုံးရှုံးခဲ့ရသော ကျန်ရစ်သူများစွာသည် ကာစ်တရိုအား နှစ်သိမ့်မှုပေးသည့် အလားတူကျမ်းစာအမှန်တရား၌ နှစ်သိမ့်မှုရရှိကြသည်။ လူဆိုးတို့၏လုပ်ရပ်ကြောင့် အကြီးအကျယ်ဆင်းရဲခက်ခဲကြသူအချို့သည် ယောဘမေးခဲ့သည့်အတိုင်း “လူဆိုးတို့သည် အသက်ရှင်ရုံမျှမက အဘယ်ကြောင့်အသက်ကြီး၍ ဘုန်းစည်းစိမ်နှင့် ပြည့်စုံကြသနည်း” ဟုမေးကြ၏။ (ယောဘ ၂၁:၇) သမ္မာကျမ်းစာအားဖြင့် ဘုရားသခင်ဖြေဆိုသောစကားကို အမှန်တကယ်နားထောင်သူတို့က ကိစ္စရပ်များကို ဘုရားသခင်ကိုင်တွယ်ဖြေရှင်းပုံသည် မိမိတို့အကျိုးအတွက်သာဖြစ်ကြောင်း သိရှိလာကြ၏။—၂ ပေတရု ၃:၉။
ယူနိုက်တက်စတိတ်တွင် ကြီးပြင်းလာသူ ဘာဘရာသည် စစ်အနိဋ္ဌာရုံများကို ကိုယ်တိုင်မကြုံခဲ့ဖူးချေ။ သို့သော် စစ်ဖြစ်နေသောကာလတွင် သူကြီးပြင်းလာ၏။ စစ်၏ရက်စက်ယုတ်မာမှုများအကြောင်း နေ့စဉ်သတင်းတွင် အမြဲကြားနေရသည်။ ကျောင်းတွင် သူသင်ကြားရသည့် သမိုင်းဖြစ်ရပ်များသည် ကြိုတင်ခန့်မှန်းထားပုံမရှိ ဖြစ်ပျက်လာခြင်းက သူ့အတွက် စိတ်ရှုပ်ထွေးစရာဖြစ်ခဲ့သည်။ ထိုသို့
မည်သို့ဖြစ်ပျက်လာသနည်း။ ဖြစ်ပျက်နေသမျှကို ဘုရားသခင်သိရှိပါသလော။ ဘုရားသခင်ရှိသည်ဟု သူယုံကြည်သော်လည်း ကိုယ်တော်နှင့်ပတ်သက်၍ စိတ်ရှုပ်စရာများရှိနေ၏။သို့သော် ဘာဘရာသည် ယေဟောဝါသက်သေများနှင့် ပေါင်းသင်းလာသောအခါ ဘဝအပေါ် သူ၏ရှုမြင်ပုံသည် တဖြည်းဖြည်းပြောင်းလဲလာသည်။ သက်သေခံများပြောပြသည့်အကြောင်းများကို သူနားထောင်ပြီး သူတို့နှင့်ကျမ်းစာလေ့လာခဲ့သည်။ ဘုရားသခင့်နိုင်ငံတော်ခန်းမတစ်ခုတွင် အစည်းအဝေးများတက်ခဲ့သည်။ သူတို့၏စည်းဝေးကြီးတစ်ခုကိုပင် တက်ခဲ့၏။ ထို့ပြင် သူမေးခွန်းများမေးသောအခါ သက်သေခံအသီးသီးမှ ထင်မြင်ချက်အမျိုးမျိုးမရရှိခဲ့သည်ကိုလည်း သတိပြုမိသည်။ ၎င်းအစား၊ သက်သေခံများ၏ စဉ်းစားတွေးခေါ်မှုသည် သမ္မာကျမ်းစာအပေါ် အခြေပြုသည့်အတွက် တညီတညွတ်တည်း ပြောဆိုကြ၏။
ဤလောကကို အစိုးရသောမင်းစာတန်သည် ဩဇာလွှမ်းမိုးနေပြီး သူ၏စိတ်ထားများ ရောင်ပြန်ဟပ်လျက်ရှိသည်ကို သက်သေခံများက ကျမ်းစာအထောက်အထားနှင့် သက်သေပြခဲ့သည်။ (ယောဟန် ၁၄:၃၀; ၂ ကောရိန္သု ၄:၄; ဧဖက် ၂:၁-၃; ၁ ယောဟန် ၅:၁၉) ဘာဘရာအား စိတ်ရှုပ်နေစေသောအဖြစ်အပျက်များကို ကျမ်းစာကကြိုဟောထားကြောင်း သူတို့ရှင်းပြသည်။ (ဒံယေလ အခန်းကြီး ၂၊ ၇၊ နှင့် ၈) ယင်းတို့ကို ကိုယ်တော်ကြိုဟောခဲ့ခြင်းသည် အနာဂတ်ကို ကြည့်မြင်နိုင်သောကြောင့်ဖြစ်သည်။ ထိုအဖြစ်အပျက်အချို့ကို ဘုရားသခင်ဖြစ်ပေါ်စေခဲ့၏။ တခြားအဖြစ်အပျက်များကိုမူ ကိုယ်တော်ခွင့်ပြုခဲ့သည်၊ ကျွန်ုပ်တို့ခေတ်၏ အကောင်းရော၊ အဆိုးကိုပါ ကျမ်းစာကြိုဟောထားကြောင်းနှင့် ယင်းတို့၏အဓိပ္ပာယ်ကိုလည်း ရှင်းပြထားကြောင်း ဘာဘရာအား သက်သေခံများပြောပြသည်။ (မဿဲ ၂၄:၃-၁၄) ဖြောင့်မတ်မှု လွှမ်းမိုး၍ ဆင်းရဲခက်ခဲမှု အတိတ်တွင် ကျန်ရစ်လိမ့်မည့် ကမ္ဘာသစ်နှင့်ဆိုင်သော ကျမ်းစာကတိတော်များအကြောင်း သူ့ကို ပြောပြကြသည်။—၂ ပေတရု ၃:၁၃; ဗျာ. ၂၁:၃၊ ၄။
ယေဟောဝါဘုရားသခင်ကြောင့် ဆင်းရဲခက်ခဲမှုများဖြစ်လာသည်မဟုတ်သော်လည်း ယင်းတို့ကို တားဆီးရန် ဘုရားသခင်၏ပညတ်များကို လူတို့မလိုက်လျှောက်လိုဘဲနှင့် အတင်းလိုက်လျှောက်စေမည်မဟုတ်ကြောင်း ဘာဘရာ တဖြည်းဖြည်းသဘောပေါက်လာသည်။ (တရားဟောရာ ၃၀:၁၉၊ ၂၀) ကျွန်ုပ်တို့ ထာဝစဉ် ပျော်ရွှင်စွာနေထိုင်နိုင်ရန် ဘုရားသခင်စီစဉ်ထားပါသည်၊ သို့သော် ကိုယ်တော်၏ဖြောင့်မတ်သောလမ်းစဉ်များနှင့်အညီ ကျွန်ုပ်တို့နေထိုင်မည်၊ မနေထိုင်မည်ကို ယခု ဖော်ပြခွင့်ပေးထားသည်။ (ဗျာ. ၁၄:၆၊ ၇) ဘာဘရာသည် ဘုရားသခင်၏တောင်းဆိုချက်များကို သင်ယူပြီး ၎င်းတို့နှင့်အညီ နေထိုင်ရန် ဆုံးဖြတ်ခဲ့၏။ ထို့ပြင် ယေရှု၏နောက်လိုက်အစစ်အမှန်များကို ခွဲခြားသိမြင်စေမည့် မေတ္တာမျိုးကို ယေဟောဝါသက်သေများကြားတွင် သူတွေ့ရှိခဲ့သည်။—ယောဟန် ၁၃:၃၄၊ ၃၅။
သူ့ကိုကူညီပေးခဲ့သည့် ပြင်ဆင်ပေးချက်များမှ အသင်လည်း အကျိုးရယူနိုင်ပါသည်။
အဓိပ္ပာယ်ရှိသော ဘဝအသက်တာ
ဘဝတွင် အဆင်ပြေနေပုံရသောသူများပင် စိတ်ရှုပ်ထွေးစေသည့် မေးခွန်းများ၏အဖြေကို ရလိုပေမည်။ ဥပမာ၊ ဗြိတိန်နိုင်ငံမှ လူငယ်မက်သရူးသည် စစ်မှန်သောဘုရားသခင်နှင့် ဘဝရည်ရွယ်ချက်တို့ကို သိလိုစိတ်အမြဲရှိခဲ့သည်။ မက်သရူး ၁၇ နှစ်အရွယ်တွင် သူ၏ဖခင် ကွယ်လွန်သွား၏။ ထို့နောက် မက်သရူးသည် တေးဂီတပညာရပ်ဖြင့် တက္ကသိုလ်ဘွဲ့ရခဲ့သည်။ ထိုအခါ သူ၏ရုပ်ဝါဒဆန်သောဘဝပုံစံသည် အဓိပ္ပာယ်မရှိကြောင်း သတိပြုမိလာသည်။ သူသည် အိမ်မှထွက်ခွာသွားပြီး လန်ဒန်မြို့တွင် သွားရောက်နေထိုင်ကာ ထိုတွင် စိတ်ကျေနပ်ဖွယ်ဘဝပုံစံကို ရှာဖွေနေစဉ် မူးယစ်ဆေးဝါး၊ နိုက်ကလပ်၊ ဗေဒင်အတတ်၊ နတ်ပညာအတတ်၊ . . . ဘာသာ၊ တခြားအတွေးအခေါ်ပညာရပ်များကို လိုက်စားခဲ့သည်။ ကြံရာမရသည့်အဆုံး၌ သူသည် အမှန်တရားကိုတွေ့ရှိရန် ကူညီပေးဖို့ ဘုရားသခင်ထံ တောင်းခံလေသည်။
နှစ်ရက်အကြာတွင် မက်သရူးသည် မိတ်ဆွေဟောင်းတစ်ဦးနှင့် တွေ့ဆုံသောအခါ သူ၏အခက်အခဲများကို ပြောပြခဲ့သည်။ ထိုသူသည် ယေဟောဝါသက်သေများနှင့် ကျမ်းစာလေ့လာခဲ့ဖူးသည်။ မက်သရူးကို ၂ တိမောသေ ၃:၁-၅ ဖွင့်ဖတ်ပြသောအခါ ကမ္ဘာ့အခြေအနေကို ဤမျှတိကျစွာ ကျမ်းစာဖော်ပြထားခြင်းကို သူအံ့အားသင့်သွားသည်။ မက်သရူးသည် တောင်ပေါ်တရားတော်ကို ဖတ်သည့်အခါ သူ၏နှလုံးကို ထိမိခဲ့၏။ (မဿဲအခန်းကြီး ၅-၇) ယေဟောဝါသက်သေများကို ဝေဖန်ထားသည့် ဆောင်းပါးအချို့ကို မက်သရူးဖတ်ဖူးသောကြောင့် အစပထမတွင် သူသည် မဝံ့မရဲဖြစ်နေသော်လည်း နောက်ဆုံးတွင် အနီးအနားရှိ ဘုရားသခင့်နိုင်ငံတော်ခန်းမ၌ အစည်းအဝေးများတက်ရောက်ရန် ဆုံးဖြတ်ခဲ့သည်။
ကြားခဲ့သောအကြောင်းအရာများကို မက်သရူးသဘောကျပြီး အသင်းတော်အကြီးအကဲတစ်ဦးနှင့် ကျမ်းစာလေ့လာခဲ့သည်။ သူတတ်သိလာသောအကြောင်းအရာများသည် သူသိရှိလို၍ ဘုရားသခင်ထံ အစောပိုင်းက ဆုတောင်းခဲ့ခြင်း၏အဖြေဖြစ်သည်ကို မကြာမီ သိရှိလာလေသည်။ သူသည် ယေဟောဝါမနှစ်သက်သော အကျင့်များကို စွန့်လွှတ်လိုက်သည်နှင့် အကျိုးကျေးဇူးများ ခံစားရလေတော့သည်။ ဘုရားသခင်အား ကြောက်ရွံ့သောစိတ်ကို မွေးမြူလာနိုင်သောအခါ ဘုရားသခင်၏ပညတ်များနှင့်အညီ အသက်ရှင်နေထိုင်ဖို့ လှုံ့ဆော်ခံရလေသည်။ ဤသို့သောအသက်တာမျိုးသည် အမှန်ပင်အဓိပ္ပာယ်ရှိကြောင်း မက်သရူးသိရှိလာ၏။—ဒေ. ၁၂:၁၃။
မက်သရူးနှင့် ဤဆောင်းပါးတွင်ဖော်ပြထားသော တခြားသူများသည် အားရကျေနပ်ဖွယ်ဘဝလမ်းစဉ်ကို ရှာတွေ့လိမ့်မည်ဟု တင်ကြိုသတ်မှတ်ထားခြင်းမရှိချေ။ မည်သို့ပင်ဖြစ်ပါစေ၊ ယေဟောဝါဘုရားတမန်တော် ၁၀:၃၄၊ ၃၅) ထိုရည်ရွယ်ချက်တွင် စစ်၊ ဖျားနာခြင်း၊ ငတ်မွတ်ခြင်း၊ သေခြင်းပင်မရှိတော့သည့်ကမ္ဘာ၌ နေထိုင်ရမည့် ထာဝရအသက်ပါဝင်၏။ (ဟေရှာယ ၂:၄; ၂၅:၆-၈; ၃၃:၂၄; ယောဟန် ၃:၁၆) ၎င်းကို အသင် အလိုရှိသလော။ အလိုရှိလျှင် ယေဟောဝါသက်သေများ၏ ဘုရားသခင့်နိုင်ငံတော်ခန်းမတွင် ကျမ်းစာအခြေပြုအစည်းအဝေးများကို တက်ရောက်ခြင်းဖြင့် ကျေနပ်အားရဖွယ်ဘဝ၏သော့ချက်ကို ရှာတွေ့ရန် ပိုမိုသင်ယူနိုင်ပါသည်။ ထိုသို့ပြုရန် သင့်အား လှိုက်လှိုက်လှဲလှဲ ဖိတ်ခေါ်ပါသည်။
သခင်၏ ပညတ်များကို ဝမ်းမြောက်ဝမ်းသာလိုက်လျှောက်သူအားလုံးအတွက် ကိုယ်တော့်တွင် မေတ္တာပါရည်ရွယ်ချက်ရှိကြောင်း သူတို့သိရှိလာကြသည်။ ([စာမျက်နှာ ၇ ပါ ရုပ်ပုံ]
ဘုရားသခင်၏ကိုယ်ပိုင်နာမတော်ကို အသုံးပြု၍ ကိုယ်တော်ထံ ထက်သန်စွာ ဆုတောင်းပါ
[စာမျက်နှာ ၇ ပါ ရုပ်ပုံ]
သမ္မာကျမ်းစာတွင်ပါရှိရာများကို အမှန်တကယ် သွန်သင်ပေးသူများနှင့် ကျမ်းစာလေ့လာပါ
[စာမျက်နှာ ၇ ပါ ရုပ်ပုံ]
ဘုရားသခင့်နိုင်ငံတော်ခန်းမတွင် အစည်းအဝေးများကို တက်ရောက်ပါ
[Picture Credit Line on page 4]
Hiker: Chad Ehlers/Index Stock Photography