မတိုင်မီနှင့်ပြီးနောက် အသရေယုတ်ညံ့သောအတိတ်၊ မျှော်လင့်ချက်ရှိသောအနာဂတ်
“ဘုရားသခင်၌ချဉ်းကပ်ကြလော့။ သို့ပြုလျှင်၊ သင်တို့၌ချဉ်းကပ်တော်မူလိမ့်မည်”
မတိုင်မီနှင့်ပြီးနောက် အသရေယုတ်ညံ့သောအတိတ်၊ မျှော်လင့်ချက်ရှိသောအနာဂတ်
“ဘု ရားသခင်၏နှုတ် [မြွက်] တရားတော်သည် အသက်ရှင်ခြင်း၊ တန်ခိုးနှင့်ပြုပြင်ခြင်း၊ သန်လျက်တကာတို့ထက် ထက်ခြင်းနှင့်ပြည့်စုံသည်ဖြစ်၍၊ . . . စိတ်နှလုံးအကြံအစည်များကိုလည်း သိမြင်တတ်၏။” (ဟေဗြဲ ၄:၁၂) ဘုရားသခင့်သတင်းတရား၏ ထိုးထွင်းသိမြင်နိုင်စွမ်းအကြောင်း တမန်တော်ပေါလု ထိုသို့ပြောဆိုခဲ့သည်။ ၎င်းသည် နှလုံးကိုထိမိနိုင်ကြောင်း အထူးသဖြင့် စီ.အီး. ပထမရာစုတွင် ထင်ရှားခဲ့၏။ ထိုအချိန်တွင် မကောင်းသောသြဇာလွှမ်းမိုးမှုရှိခဲ့သော်လည်း ခရစ်ယာန်များဖြစ်လာကြသူတို့သည် ဥပဓိရုပ်သစ်ကို ယူတင်ဝတ်ဆောင်ခဲ့ကြသည်။—ရောမ ၁:၂၈၊ ၂၉; ကောလောသဲ ၃:၈-၁၀။
ကျမ်းစာတွင်မှတ်တမ်းတင်ထားသည့် ဘုရားသခင့်နှုတ်မြွက်စကားတော်၏ ပြောင်းလဲစေနိုင်သောအစွမ်းတန်ခိုးကို ယနေ့လည်း တွေ့ မြင်နေကြရသည်။ ဥပမာ၊ ရစ်ချာ့ဒ်အမည်ရှိ အရပ်ရှည်ပြီး သန်စွမ်းသူတစ်ဦးကို သတိပြုပါ။ သူသည် ဒေါသကြီးသည့်အတွက် မဆိုစလောက်လေး၌ပင် ရန်ဖြစ်တတ်၏။ အကြမ်းဖက်မှုကြောင့် သူ့ဘဝ ပျက်ယွင်းနေသည်။ ရစ်ချာ့ဒ်သည် လက်ဝှေ့အသင်းဝင်တစ်ဦးလည်းဖြစ်သည်။ သူသည် ကြိုးစားပမ်းစားလေ့ကျင့်ခဲ့ရာ ဂျာမနီနိုင်ငံ၊ ဝက်စ်ဖာလီယာမြို့၏ ဟဲဗီးဝိတ်လက်ဝှေ့ချန်ပီယံဖြစ်လာခဲ့သည်။ ထို့ပြင် ရစ်ချာ့ဒ်သည် အရက်အလွန်အကြူးသောက်တတ်ပြီး ရန်ပွဲများတွင် ဝင်ပါလေ့ရှိ၏။ ရန်ပွဲတစ်ပွဲတွင် လူတစ်ယောက်သေဆုံးခဲ့ရာ ရစ်ချာ့ဒ်သည် ထောင်ကျလုနီးဖြစ်ခဲ့ရသည်။
ရစ်ချာ့ဒ်၏အိမ်ထောင်ရေးကော အသို့နည်း။ “ဟိုက်ကာနဲ့ကျွန်တော်ဟာ ကျမ်းစာမလေ့လာခင်က ကိုယ့်လမ်းကိုယ်သွားတတ်ကြတယ်။ ကျွန်တော်က ကျွန်တော်ဝါသနာပါတဲ့ လက်ဝှေ့ထိုးတာ၊ ရေလွှာလှိုင်းစီးတာ၊ ဒိုင်ဗင်ထိုးတာတွေနဲ့ပဲ အချိန်ဖြုန်းနေချိန်မှာ ဟိုက်ကာကျတော့ သူ့မိန်းကလေးသူငယ်ချင်းတွေနဲ့ အချိန်ဖြုန်းတတ်တယ်” ဟုရစ်ချာ့ဒ်က ပြန်ပြောင်းပြောပြသည်။
ရစ်ချာ့ဒ်နှင့်ဟိုက်ကာတို့သည် ယေဟောဝါသက်သေများနှင့် ကျမ်းစာစလေ့လာကြသောအခါ သမ္မာကျမ်းစာတွင် ပြဋ္ဌာန်းထားသော မြင့်မားသည့်စံနှုန်းများနှင့်အညီအသက်ရှင်ရန် သူ၏ဘဝကို ပြောင်းလဲနိုင်မည်မဟုတ်ဟု ရစ်ချာ့ဒ်အထင်ရှိခဲ့သည်။ သို့ရာတွင်၊ ယေဟောဝါဘုရားသခင်ကို ရစ်ချာ့ဒ်သိလာလေ ကိုယ်တော့်စိတ်နှင့်တွေ့လိုစိတ် တိုးများလာလေဖြစ်သည်။ အကြမ်းဖက်မှုကိုနှစ်သက်သူများ၊ ဖျော်ဖြေမှုရဖို့ ၎င်းကိုအသုံးချသူများကို ဘုရားသခင်ရွံမုန်းကြောင်း ရစ်ချာ့ဒ်သိမြင်လာသည်။ “ကြမ်းကြုတ်ခြင်းနှစ်သက်သောသူကို [ယေဟောဝါ၏ဝိညာဉ်တော်သည်] မုန်းတော်မူ” ကြောင်း ရစ်ချာ့ဒ်သိရှိလာ၏။—ဆာလံ ၁၁:၅၊ သမ္မာ။
ထို့ပြင် ရစ်ချာ့ဒ်နှင့်ဟိုက်ကာတို့သည် မြေကြီးပရဒိသုတွင် ထာဝစဉ်အသက်ရှင်နိုင်မည်ဟူသော မျှော်လင့်ချက်ကို အလွန်နှစ်သက်ကြသည်။ ထိုနေရာတွင် သူတို့ အတူတူနေထိုင်လိုကြ၏! (ဟေရှာယ ၆၅:၂၁-၂၃) “ဘုရားသခင်၌ ချဉ်းကပ်ကြလော့။ သို့ပြုလျှင်၊ သင်တို့၌ ချဉ်းကပ်တော်မူလိမ့်မည်” ဟူသောဖိတ်ခေါ်ချက်ကို ရစ်ချာ့ဒ် အလွန်နှစ်သက်မိသည်။ (ယာကုပ် ၄:၈) “ကြမ်းကြုတ်သောသူကိုမငြူစူနှင့်။ သူလိုက်သောလမ်းတစ်စုံတစ်ရာကိုမျှ မရွေးမလိုက်နှင့်။ အကြောင်းမူကား ထာဝရဘုရားသည် သဘောကောက်ကျစ်သူကို စက်ဆုပ်ရွံရှာတော်မူ၏။ ဖြောင့်မှန်သူမူကား ကိုယ်တော်နှင့်မိတ်သဟာယဖွဲ့ရသောအခွင့်ရှိ၏” ဟူသော ဤမှုတ်သွင်းခံသွန်သင်ချက်ကို လိုက်နာခြင်း၏တန်ဖိုးကို သူနားလည်သွားသည်။—သု. ၃:၃၁၊ ၃၂၊ သမ္မာ။
ရစ်ချာ့ဒ်သည် သူ၏လမ်းစဉ်ကို ပြောင်းလဲလိုစိတ်ပြင်းပြခဲ့သော်လည်း မိမိခွန်အားနှင့် မိမိဘာသာပြောင်းလဲနိုင်မည်မဟုတ်ကြောင်း သူသဘောပေါက်ခဲ့သည်။ ဆုတောင်းခြင်းအားဖြင့် ဘုရားသခင့်အကူအညီကို တောင်းခံဖို့လိုကြောင်း သူသိလာသည်။ သို့နှင့် သူသည် တမန်တော်များအား ယေရှုမိန့်တော်မူခဲ့သည့် ဤစကားအတိုင်း ပြုမူလေသည်– “စုံစမ်းနှောင့်ယှက်ခြင်းနှင့်ကင်းလွတ်မည်အကြောင်း ဆုတောင်းလျက်စောင့်နေကြလော့။ စိတ်ဝိညာဉ်ကား စေတနာရှိငြားသော်လည်း၊ ကိုယ်မူကားအားနည်းသည်။”—မဿဲ ၂၆:၄၁။
အကြမ်းဖက်မှုနှင့် အမျက်ထွက်ခြင်းကို ဘုရားသခင် မည်သို့ ရှုမြင်ကြောင်း ရစ်ချာ့ဒ်သိလာပြီးနောက် လက်ဝှေ့ထိုးခြင်းသည် ကိုယ်တော်လက်ခံနိုင်မည့် အားကစားနည်းမဟုတ်ကြောင်း ရစ်ချာ့ဒ်ကောင်းစွာသိသွားသည်။ ယေဟောဝါထံမှ အကူအညီဖြင့်လည်းကောင်း၊ သူ့ကိုကျမ်းစာသင်ပေးသူတို့၏ အားပေးမှုဖြင့်လည်းကောင်း ရစ်ချာ့ဒ်သည် အကြမ်းဖက်မှုကို စွန့်လွှတ်လိုက်သည်။ လက်ဝှေ့ထိုးခြင်းနှင့် ဆူပူသောင်းကျန်းခြင်းတို့ကိုလည်း သူစွန့်လွှတ်လိုက်ပြီး သူ၏မိသားစုဘဝကို တိုးတက်ကောင်းမွန်လာစေဖို့ ဆုံးဖြတ်လိုက်သည်။ “ကျမ်းစာအမှန်တရားကို ကျွန်တော်သင်ယူသိရှိလာတဲ့အတွက် မပြုမူမိခင် ရပ်ပြီးစဉ်းစားဖို့ အကူအညီရစေတယ်” ဟု ယခု ယေဟောဝါသက်သေများ၏ အသင်းတော်တစ်ခုတွင် စိတ်နူးညံ့သော ကြီးကြပ်မှူးတစ်ဦးဖြစ်နေသည့် ရစ်ချာ့ဒ်ကပြောပြသည်။ “အခုဆိုရင် ချစ်ခြင်းမေတ္တာနဲ့ ရိုသေလေးစားမှုဆိုတဲ့ မူတွေက ကျွန်တော့်ဇနီး၊ ကျွန်တော့်ကလေးတွေနဲ့ ကျွန်တော့်ရဲ့ ဆက်ဆံရေးကို လမ်းညွှန်ပေးနေပါတယ်။ ဒါကြောင့် ကျွန်တော်တို့မိသားစုဟာ ချစ်ခင်စည်းလုံးလာပြီ” ဟု သူက ထပ်လောင်း၍ပြောဆိုသည်။
တစ်ခါတစ်ရံ မဟုတ်မမှန်သတင်းပေးသူတို့က ယေဟောဝါသက်သေများသည် မိသားစုများကို ဖြိုခွဲသည်ဟု စွပ်စွဲကြ၏။ သို့ရာတွင် ရစ်ချာ့ဒ်ကဲ့သို့သောပုဂ္ဂိုလ်တို့၏ ပုံနမူနာများက သူတို့၏အဆိုမှားကြောင်း ချေပလိုက်သည်။ အမှန်မှာ ကျမ်းစာအမှန်တရားသည် အိမ်ထောင်ရေးကို တည်ငြိမ်စေပြီး အသရေယုတ်ညံ့သောအတိတ်ကို မျှော်လင့်ချက်ရှိသောအနာဂတ်ဖြစ်စေနိုင်ပါသည်။—ယေရမိ ၂၉:၁၁။
[စာမျက်နှာ ၉ ပါ လေးထောင့်ကွက်]
ကျမ်းစာမူများ အကျိုးသက်ရောက်
သမ္မာကျမ်းစာသည် လူတို့အပေါ် အကြီးအကျယ်သြဇာညောင်းနိုင်သည်။ အကြမ်းဖက်သူများကို ပြောင်းလဲစေခဲ့သည့် ကျမ်းစာမူအချို့ကို ဤတွင်ဖော်ပြထားသည်–
“စိတ်ရှည်သောသူသည် ခွန်အားကြီးသောသူထက်လည်းကောင်း၊ မိမိစိတ်ကိုချုပ်တည်းသောသူသည် မြို့ကိုတိုက်ယူသောသူထက်လည်းကောင်း သာ၍ကောင်း၏။” (သု. ၁၆:၃၂) ဒေါသကိုမချုပ်တည်းနိုင်ခြင်းသည် စွမ်းအားမဟုတ်၊ အားနည်းချက်ဖြစ်၏။
“[ကောင်းသော]သတိရှိသောသူသည် မိမိအမျက်ဒေါသကို ချုပ်တည်းတတ်၏။” (သု. ၁၉:၁၁) အခြေအနေ တစ်ရပ်ကို ကောင်းကောင်းသိနားလည်ခြင်းက ထိပ်တိုက်ရင်ဆိုင်ရသည့် အကြောင်းရင်းများကို အတွင်းကျကျ တွေ့မြင်စေသည့်အတွက် ဒေါသပေါက်ကွဲမှုကို တားဆီးပေးနိုင်သည်။
‘အမျက်ထွက်တတ်သောသူနှင့် မပေါင်းဖော်နှင့်။ သူ၏အပြုအမူကိုသင်၍ စိုးရိမ်စရာရှိ၏။’ (သု. ၂၂:၂၄၊ ၂၅၊ သမ္မာ) ခရစ်ယာန်များသည် ဒေါသထွက်လွယ်သူတို့နှင့် ပေါင်းသင်းခြင်းကို ပညာရှိရှိ ရှောင်ကြဉ်ကြသည်။
[စာမျက်နှာ ၉ ပါ အကျဉ်းဖော်ပြချက်]
“မြေကြီးပရဒိသုကို မျှော်လင့် ခြင်းက ကျွန်တော့်ကို ပြောင်းလဲချင်စိတ်ရှိလာစေတယ်