အ​မွန်မြတ်​ဆုံး​မေတ္တာ

ခရစ်ယာန်​ဂရိ​ကျမ်း​စာစောင်​များ သို့​မဟုတ် ဓမ္မသစ်​ကျမ်း​တွင် အများဆုံး​တွေ့ရ​သည့် “မေတ္တာ” ဟူသော စကားလုံး​သည် ဂရိ​စကားလုံး အ​ဂါး​ပေး မှ​ပြန်ဆို​ထားခြင်း​ဖြစ်သည်။

ထိုစကား​လုံး​၏​အဓိပ္ပာယ်​ကို ရှင်းပြ​ရာ​တွင် ကျမ်း​စာစောင်​များ​အပေါ် ထိုးထွင်း​သိမြင်ခြင်း * အကိုးအကား​စာအုပ်​က ဤသို့​ဆို​သည်– “[အ​ဂါး​ပေး] သည်​လူ​တို့​ထင်​သကဲ့သို့ ပုဂ္ဂိုလ်​ချင်း​သံယောဇဉ်​တွယ်တာမှု​အပေါ် အခြေခံ​ထားသော စိတ်စွဲ​လမ်း​မှု​မဟုတ်ဘဲ လျောက်ပတ်​မှန်ကန်​သည့်​အတိုင်း သူတစ်ပါး​၏​ကောင်းကွက်​ကို စိတ်ရင်းမှန်​ဖြင့် ရှာဖွေ​ကာ မူ၊ တာဝန်၊ ယဉ်ကျေး​ဖွယ်​ရာ​အဖြစ် တလိုတလား​လုပ်ဆောင်မှု​အပေါ် အခြေခံ​ထားသော ကျင့်ဝတ် သို့​မဟုတ် လူမှုရေး​မေတ္တာ​ဖြစ်၏။ အ​ဂါး​ပေး (မေတ္တာ) သည်​ပုဂ္ဂိုလ်ရေး​မုန်းတီးမှု​များ​ကို ကျော်လွှား​နိုင်​သည်၊ ဖြောင့်မတ်​သော​မူများ​ကို စွန့်​လိုက်​သည့်​အထိ လူတစ်ဦးကို အမုန်းပွား​ကာ ဘယ်တော့​မျှ လက်တုံ့ပြန်​မည်​မဟုတ်​ချေ။”

အ​ဂါး​ပေး​တွင် နက်ရှိုင်း​သော​ခံစားချက်​လည်း​ရှိ​နိုင်၏။ တမန်​တော်​ပေတရု​က “အချင်းချင်း အား​ကြီးသော ချစ်ခြင်း​မေတ္တာ (အ​ဂါး​ပေး) ရှိကြလော့” ဟု​ဆုံးမ​ခဲ့​သည်။ (၁ ပေတရု ၄:၈) သို့​ဖြစ်၍ အ​ဂါး​ပေး​ဟု​ဆို​ရာ​တွင် စိတ်ရော နှလုံး​ပါ အကျုံးဝင်​သည်။ ဤ​မွန်မြတ်သော​မေတ္တာ​မျိုး​၏ အစွမ်း​တန်ခိုး​နှင့် စွမ်းဆောင်​နိုင်​မှု​နယ်ပယ်​တို့ကို ဖော်ပြ​သည့် ကျမ်းချက်​အချို့​ကို သုံးသပ်ကြည့်​ပါ​လေ။ အောက်ပါ​ကိုးကားချက်​များ​က အထောက်အကူ​ပြု​နိုင်​သည်– မဿဲ ၅:၄၃-၄၇; ယောဟန် ၁၅:၁၂၊ ၁၃; ရောမ ၁၃:၈-၁၀; ဧဖက် ၅:၂၊ ၂၅၊ ၂၈; ၁ ယောဟန် ၃:၁၅-၁၈; ၄:၁၆-၂၁။

[အောက်ခြေမှတ်ချက်]