စစ်မှန်သောခရစ်ယာန်ယုံကြည်ချက်တစ်ရပ် အဖြစ်မှန်
စစ်မှန်သောခရစ်ယာန်ယုံကြည်ချက်တစ်ရပ် အဖြစ်မှန်
ယေရှုခရစ်သည် ချာ့ခ်ျ သို့မဟုတ် အသင်းတော်တစ်ခုတည်းကိုသာ တည်ထောင်ခဲ့၏။ အဆိုပါအသင်းတော်သည် ဝိညာဉ်ရေးရာအဖွဲ့၊ ဝိညာဉ်ရေးရာမိသားစုတစ်ခုဖြစ်ခဲ့သည်။ ဤသို့အားဖြင့် ဘုရားသခင့်သန့်ရှင်းသောဝိညာဉ်တော် ရွေးချယ်သောလူတို့ကို အတူတကွစုရုံးစေခဲ့သည်ဟု ကျွန်ုပ်တို့ဆိုလိုခြင်းဖြစ်ပြီး အားလုံးကို ဘုရားသခင်၏ ‘သားများ’ အဖြစ် ကိုယ်တော်အသိအမှတ်ပြုတော်မူခြင်းဖြစ်သည်။—ရောမ ၈:၁၆၊ ၁၇; ဂလာတိ ၃:၂၆။
လူတို့ကို အမှန်တရားနှင့် အသက်သို့ ပို့ဆောင်လမ်းညွှန်ရန် ဘုရားသခင်သည် တစ်ခုတည်းသောနည်းလမ်းကိုသာ အသုံးပြုတော်မူကြောင်း ယေရှုသွန်သင်ခဲ့၏။ ထိုအရေးပါသော အမှန်တရားကိုသရုပ်ဖော်ပြရန် ယေရှုသည် ထာဝရအသက်သို့ပို့ဆောင်သောနည်းလမ်းကို လမ်းတစ်လမ်းနှင့် နှိုင်းယှဉ်ပြခဲ့သည်။ ကိုယ်တော်ဤသို့မိန့်တော်မူ၏– “ကျဉ်းသောတံခါးကိုဝင်ကြလော့။ ပျက်စီးခြင်းသို့ရောက်သော လမ်းနှင့်တံခါးသည် ကျယ်ဝန်းသည်ဖြစ်၍ ဝင်သောသူတို့သည် များကြ၏။ အသက်ရှင်ခြင်းသို့ရောက်သော လမ်းနှင့်တံခါးသည် အလွန်ကျဉ်းမြောင်းသည်ဖြစ်၍၊ တွေ့ဝင်သောသူတို့သည် နည်းကြ၏။”—မဿဲ ၇:၁၃၊ ၁၄; ယောဟန် ၁၄:၆; တမန်တော် ၄:၁၁၊ ၁၂။
တစည်းတလုံးတည်းဖြစ်သောအသင်းတော်
အဆိုပါပထမရာစုရှိ ခရစ်ယာန်အသင်းတော်ကို “ယနေ့ . . . ချာ့ခ်ျကဲ့သို့သော ကမ္ဘာချီ၊ တစ်လောကလုံးတွင် ဖွဲ့စည်းထားသောအဖွဲ့အစည်းမျိုး” အဖြစ် ကျွန်ုပ်တို့မယူမှတ်သင့်ပါဟု ဘာသာရေးဆိုင်ရာအဘိဓာန်ကျမ်းသစ်က ဖော်ပြသည်။ အဘယ်ကြောင့်နည်း။ “အရိုးရှင်းဆုံးအကြောင်းရင်းကား ထိုသို့သော ဖွဲ့စည်းထားသည့် တစ်လောကလုံးဆိုင်ရာအဖွဲ့အစည်း မရှိခဲ့သောကြောင့်ပင်” ဟုဆို၏။
ယနေ့ ကျွန်ုပ်တို့တွေ့မြင်နေကြရသည့် အတည်တကျဖွဲ့စည်း သတ်မှတ်ထားသော ချာ့ခ်ျစနစ်များနှင့် အစောပိုင်းခရစ်ယာန်အသင်းတော်သည် မတူညီဟူသည့်အချက်ကို မည်သူကမျှ မှန်ကန်စွာ ငြင်းဆိုနိုင်မည်မဟုတ်ချေ။ သို့သော် ထိုခရစ်ယာန်အသင်းတော်သည် စနစ်တကျဖွဲ့စည်းထားခဲ့ပါသည်။ အသင်းတော်တစ်ခုချင်းစီသည် တစ်ခုနှင့်တစ်ခု အမှီအခိုကင်းမဲ့စွာ ဆောင်ရွက်ခဲ့ကြသည်မဟုတ်။ ၎င်းတို့အားလုံးသည် ယေရုရှလင်မြို့ရှိ အုပ်ချုပ်ရေးအဖွဲ့၏သြဇာအာဏာကို အသိအမှတ်ပြုခဲ့ကြသည်။ ယေရုရှလင်အသင်းတော်ရှိ တမန်တော်များနှင့် အသက်ကြီးသူတို့ဖြင့်ဖွဲ့စည်းထားသော အဆိုပါအုပ်ချုပ်ရေးအဖွဲ့သည် ခရစ်တော်၏ “ကိုယ်တစ်ကိုယ်တည်း” ဖြစ်သော အသင်းတော်၏စည်းလုံးမှုကို ထိန်းသိမ်းပေးခဲ့ကြသည်။—ဧဖက် ၄:၄၊ ၁၁-၁၆; တမန်တော် ၁၅:၂၂-၃၁; ၁၆:၄၊ ၅။
အဆိုပါတစ်ခုတည်းသောအသင်းတော်မှန်သည် မည်သို့ဖြစ်သွားသနည်း။ ၎င်းသည် အင်အားကြီးမားသော ကက်သလစ်ချာ့ခ်ျကြီးဖြစ်လာပါသလော။ သို့မဟုတ် ယနေ့ ကျွန်ုပ်တို့တွေ့မြင်နေကြရသည့် ဂိုဏ်းဂဏကွဲပြားသော ပရိုတက်စတင့်ချာ့ခ်ျစနစ်အဖြစ်သို့ ပြောင်းလဲခဲ့သလော။ သို့မဟုတ် အခြားတစ်စုံတစ်ရာဖြစ်ပျက်ခဲ့သလော။
“စပါးပင်” နှင့် “တောပင်”
အဖြေရရန် အဘယ်အရာဖြစ်ပျက်လာလိမ့်မည်ဟု ယေရှုခရစ်ကိုယ်တော်တိုင် မိန့်တော်မူခဲ့သောစကားကို အသေအချာသုံးသပ်ကြည့်ကြပါစို့။ ယေရှုသည် သမိုင်းဝင်မြင်ကွင်းမှ မိမိ၏အသင်းတော် ပျောက်ကွယ်သွားဖို့ မျှော်လင့်တော်မူခဲ့ပြီး ထိုသို့သောဝမ်းနည်းဖွယ်အခြေအနေကို ရာစုနှစ်ချီ ကိုယ်တော်ခွင့်ပြုမည်ဖြစ်ကြောင်း သင်သိလာသောအခါ အံ့အားသင့်ပေမည်။
မိမိ၏အသင်းတော်ကို “ကောင်းကင်နိုင်ငံတော်” နှင့်ဆက်စပ်လျက် ကိုယ်တော်ဤသို့မိန့်တော်မူခဲ့သည်– “ကောင်းကင်နိုင်ငံတော်သည် ကောင်းသောမျိုးစေ့ကို လယ်၌ကြဲသောသူနှင့်တူ၏။ လူတို့သည်အိပ်ပျော်သောအခါ သူ၏ရန်သူသည်လာ၍၊ ကောင်းသောစပါးနှင့်လက္ခဏာတူသော တောမျိုးစေ့ကို စပါးအထဲ၌ကြဲ၍ သွားလေ၏။ အပင်ပေါက်၍ အသီးအနှံထွက်သောအခါ၊ တောပင်များလည်းထင်ရှားလျှင်၊ ကျွန်တို့သည် အိမ်ရှင်ထံသို့သွား၍ ‘သခင်၊ ကောင်းသောမျိုးစေ့ကို လယ်၌ကြဲတော်မူသည်မဟုတ်လော။ တောပင်တို့သည် အဘယ်ကဖြစ်သနည်း’ ဟု လျှောက်ကြလျှင်၊ အိမ်ရှင်က၊ ‘ဤအမှုသည် ရန်သူပြုသောအမှုဖြစ်သတည်း’ ဟု ဆို၏။ ‘အကျွန်ုပ်တို့သည် သွား၍ တောပင်တို့ကိုရွေးနုတ်စေခြင်းငှာ အလိုတော်ရှိသလော’ ဟု လျှောက်ကြလျှင်၊ အိမ်ရှင်က ‘ထိုသို့ငါအလိုမရှိ။ တောပင်တို့ကိုရွေးနုတ်လျှင် စပါးပင်တို့ကိုရောနှော၍နုတ်မိမည် စိုးရိမ်စရာအကြောင်းရှိ၏။ စပါးရိတ်သည်ကာလတိုင်အောင် အပင်နှစ်မျိုးတို့သည် အတူကြီးပွားပါလေစေ။ စပါးရိတ်သည့်ကာလရောက်လျှင်၊ တောပင်တို့ကို ရှေးဦးစွာရွေးနုတ်၍ မီးရှို့ခြင်းငှာ စည်းနှောင်ကြလော့။ စပါးကိုကား ကျီ၌စုသိမ်းသွင်းထားကြလော့ဟု ရိတ်သောသူတို့အား ငါစီရင်မည်’ ဟု အိမ်ရှင်ဆိုသည်။”—မဿဲ ၁၃:၂၄-၃၀။
ယေရှုက မိမိသည် “လယ်၌ကြဲသောသူ” ဖြစ်ကြောင်း ရှင်းပြခဲ့၏။ “ကောင်းသောမျိုးစေ့” မှာ ကိုယ်တော်၏တပည့်စစ်များကို ပုံဆောင်သည်။ ကိုယ်တော်၏ “ရန်သူ” သည် စာတန်ဖြစ်သည်။ “တောပင်” ကား အစောပိုင်းခရစ်ယာန်အသင်းတော်သို့ စိမ့်ဝင်လာခဲ့ကြသော ခရစ်ယာန်အတုအယောင်များဖြစ်သည်။ ကိုယ်တော်က မိမိသည် “စပါးပင်” နှင့် “တောပင်” ကို “စပါးရိတ်သည်ကာလ” ဖြစ်သော “ဤကမ္ဘာကုန်သောကာလ” တိုင်အောင် အတူတကွ ကြီးထွားစေမည်ဟု မိန့်တော်မူခဲ့သည်။ (မဿဲ ၁၃:၃၇-၄၃) ဤအရာအားလုံး အဘယ်အဓိပ္ပာယ်ရှိသနည်း။
ခရစ်ယာန်အသင်းတော် ဖောက်ပြန်ယိုယွင်းလာ
တမန်တော်များသေဆုံးပြီးနောက် များမကြာမီ အသင်းတော်အတွင်းရှိ အယူဖောက်ပြန်သောဆရာများသည် အသင်းတော်ကို စတင်ချုပ်ကိုင်လာလေသည်။ သူတို့သည် ‘တပည့်များကို သွေးဆောင်ခြင်းငှာ၊ မှားသောစကားကို’ ပြောဆိုကြ၏။ (တမန်တော် ၂၀:၂၉၊ ၃၀) ရလဒ်အနေဖြင့် ခရစ်ယာန်များစွာသည် “ယုံကြည်ခြင်းကိုစွန့်ပယ်” ကြတော့သည်။ သူတို့သည် “ဒဏ္ဍာရီစကားကိုနားထောင်၍ လွဲသွားကြ” ၏။—၁ တိမောသေ ၄:၁-၃; ၂ တိမောသေ ၄:၃၊ ၄။
ယောဟန် ၁၇:၁၆; ယာကုပ် ၄:၄) အတန်ကြာလေသော် “သိလိုမြင်လိုဇောနှင့် လုံးဝမပြုအပ်သည့် ဓမ္မဟောင်းကျမ်းနှင့် ပလေတိုစံနှုန်းတို့ ပေါင်းစပ်လိုက်ခြင်းကြောင့်” ချာ့ခ်ျ၏ဖွဲ့စည်းမှုစနစ်တစ်ခုလုံးနှင့် သဘောသဘာဝအပြင် ယင်း၏အခြေခံယုံကြည်ချက် အများအပြားသည် အကြီးအကျယ်ပြောင်းလဲသွားခဲ့သည်ဟု အထက်ပါစာအုပ်ကပင်ဖော်ပြသည်။ ယေရှုခရစ် တင်ကူးမိန့်တော်မူခဲ့သည့်အတိုင်း ကိုယ်တော်၏တပည့်စစ်များသည် ခရစ်ယာန်အတုများ ကြီးပွားတိုးများလာစဉ် မြင်ကွင်းမှ ဖုံးကွယ်ခံခဲ့ရသည်။
စီ.အီး. လေးရာစုတွင် “ကက်သလစ်ခရစ်ယာန်ဘာသာသည် . . . ရောမအင်ပါယာ၏ တရားဝင်ဘာသာဖြစ်လာလေသည်” ဟုဘာသာရေးဆိုင်ရာအဘိဓာန်ကျမ်းသစ်ကဆို၏။ ချာ့ခ်ျနှင့် အစိုးရ ရောယှက်ပူးပေါင်းမှုဖြစ်သော “ခရစ်ယာန်အသင်းတော်နှင့် ပြည်သူအဖွဲ့အစည်းတို့၏ ပေါင်းစည်းမှု” က အစောပိုင်းခရစ်ယာန်တို့၏ ယုံကြည်ချက်များနှင့် လုံးလုံးဆန့်ကျင်သည်။ (ကြီးထွားချိန်ကာလအတွင်း တောပင်သည် စပါးပင်နှင့် ပုံစံအလွန်ဆင်တူသောကြောင့် အဆိပ်ပြင်းသည့်မြက်တစ်မျိုးကဲ့သို့သော တောပင်တို့မှ ဂျုံစပါးပင်ကို ခွဲခြားရန် ခက်ခဲကြောင်း ယေရှုစကားနားထောင်သူတို့ သိထားကြသည်။ သို့နှင့် ယေရှုက ခရစ်ယာန်စစ်များကို အတုအယောင်အဖုံဖုံမှ ခွဲထုတ်ရန် အခိုက်အတန့် ခဲယဉ်းလိမ့်မည်ဖြစ်ကြောင်း သရုပ်ဖော်နေခဲ့ခြင်းဖြစ်သည်။ ယင်းကြောင့် ခရစ်ယာန်အသင်းတော် မရှိတော့ဟု ဆိုလိုနေခြင်းမဟုတ်ပါ၊ အကြောင်းမှာ ယေရှုက မိမိ၏ဝိညာဉ်ရေးညီအစ်ကိုများကို “ကပ်ကမ္ဘာကုန်သည်တိုင်အောင်” ဆက်လက်ညွှန်ကြားသွားမည်ဟု ကတိပြုထား၍ဖြစ်သည်။ (မဿဲ ၂၈:၂၀) ဂျုံစပါးပင်သည် ဆက်လက်ကြီးထွားသွားလိမ့်မည်ဟု ယေရှုမိန့်တော်မူခဲ့သည်။ သို့တစေ ခရစ်ယာန်စစ်များသည် ခေတ်ကာလများတစ်လျှောက် တစ်ဦးချင်းဖြစ်စေ၊ အုပ်စုလိုက်ဖြင့်ဖြစ်စေ ခရစ်တော်၏သွန်သင်ချက်များကို သူတို့အတတ်နိုင်ဆုံး တည်ကြည်စွာ အမှန်စွဲကိုင်လိုက်နာခဲ့ကြသည်။ သို့သော် သူတို့သည် အထင်အရှားခွဲခြားထင်ပေါ်သော မျက်မြင်ရအဖွဲ့တစ်ခုအဖြစ် မရှိခဲ့ချေ။ ဤသူတို့သည် သမိုင်းတစ်လျှောက်တွင် ယေရှုခရစ်၏နာမတော်ကို အရှက်တကွဲအကျိုးနည်းစေ၍ ဂုဏ်အသရေပျက်စေသော မျက်မြင်ရအယူဖောက်ပြန်သည့် ဘာသာရေးစနစ်နှင့် လုံးဝမတူကြချေ။—၂ ပေတရု ၂:၁၊ ၂။
‘ဒုစရိုက်လူ ပေါ်လာရလိမ့်မည်’
ဤအတုအယောင်ဘာသာရေးစနစ်ကို မှတ်သားဖော်ပြမည့်အရာတစ်ခုအကြောင်း တမန်တော်ပေါလု တင်ကူးပြောဆိုခဲ့သည်။ သူဤသို့ရေးသားခဲ့သည်– ‘အဘယ်သူမျှ သင်တို့ကို အဘယ်သို့သောအားဖြင့် မလှည့်ဖြားစေနှင့်။ [ယေဟောဝါ၏] နေ့ရက်မရောက်မီ ဖောက်ပြန်သင်းခွဲခြင်းသည်အရင်ဖြစ်၍၊ ဒုစရိုက်လူ ပေါ်လာရလိမ့်မည်။’ (၂ သက်သာလောနိတ် ၂:၂-၄)ဤ“ဒုစရိုက်လူ”သည် “ခရစ်ယာန်” အသင်းတော်အထက် အုပ်ချုပ်ရေးအရာ၌ မိမိကိုယ်ကို ချီးမြှောက်ခဲ့သော ဓမ္မဆရာအတန်းအစားပင်ဖြစ်သည်။ *
အယူဖောက်ပြန်ခြင်းသည် တမန်တော်ပေါလုခေတ်တွင် စတင်ခဲ့သည်။ တမန်တော်များ သေဆုံးသွားပြီး သူတို့၏ထိန်းချုပ်မှုသြဇာ ပျောက်ဆုံးသွားသည့်နောက် ၎င်း၏အရှိန်အဟုန် တိုးမြှင့်လာလေသည်။ ၎င်းသည် “စာတန်ပြုပြင်သောအားဖြင့် မုသာနှင့်စပ်ဆိုင်သော ထူးဆန်းသောတန်ခိုး၊ နိမိတ်လက္ခဏာဖြစ်လာမည့်အခြေအနေ၊ အံ့ဖွယ်သောအမှုအမျိုးမျိုးနှင့် . . . မတရားသောလှည့်ဖြားခြင်းအမျိုးမျိုး” တို့ဖြင့် ခွဲခြားမှတ်သားခံရလိမ့်မည်ဟု တမန်တော်ပေါလုပြောခဲ့သည်။ (၂ သက်သာလောနိတ် ၂:၆-၁၂) ယင်းသည် သမိုင်းတစ်လျှောက် [ခရစ်ယာန်]ဘာသာရေးခေါင်းဆောင်များစွာ၏ ဆောင်ရွက်မှုတို့ကို အတိအကျဖော်ပြခဲ့ခြင်းဖြစ်သည်!
ရိုမန်ကက်သလစ်အသင်းသည် တစ်ခုတည်းသောချာ့ခ်ျအစစ်အမှန်ဖြစ်သည်ဟူသည့် သူတို့၏အဆိုကို ထောက်ခံသည့်အနေနှင့် ကက်သလစ်ခေါင်းဆောင်များက သူတို့၏ဘိရှော့များသည် “အစပထမကတည်းက အမွေဆက်ခံခဲ့ရာ ကနဦးတမန်တော်များမှ ဆက်တိုက်ဆင်းသက်လာကြသည်” ဟု ဆို၏။ အမှန်မှာ တမန်တော်အရာကိုဆက်ခံခြင်းဟူသောအဆိုသည် သမိုင်းဝင် သို့မဟုတ် သမ္မာကျမ်းဆိုင်ရာ အခြေအမြစ်မရှိချေ။ ယေရှု၏တမန်တော်များ သေဆုံးပြီးနောက်မှ ပေါ်ထွက်လာသည့်ချာ့ခ်ျစနစ်သည် ဘုရားသခင့်သန့်ရှင်းသောဝိညာဉ်တော်၏ ညွှန်ကြားခြင်းခံရ၏ဟု ယုံကြည်စိတ်ချလောက်သည့် သက်သေသာဓကမရှိချေ။—ရောမ ၈:၉; ဂလာတိ ၅:၁၉-၂၁။
ထို့ပြင် ပြုပြင်ခွဲထွက်ရေးဟုခေါ်ဆိုသည့်အချိန်နောက်ပိုင်း ဖြစ်ပွားတည်ထောင်လာသော အခြားချာ့ခ်ျများနှင့်ပတ်သက်၍ကော အသို့နည်း။ ၎င်းတို့သည် အစောပိုင်းခရစ်ယာန်အသင်းတော်၏ စံပြပုံစံအတိုင်း ပြန်တည်ရှိခဲ့ကြသလော။ ကနဦးခရစ်ယာန်အသင်းတော်၏ သန့်ရှင်းစင်ကြယ်မှုအခြေအနေသို့ ၎င်းတို့ ပြန်ရောက်ရှိခဲ့ကြသလော။ ပြုပြင်ခွဲထွက်ရေးပြီးနောက် သာမန်လူများစွာသည် သမ္မာကျမ်းစာကို သူတို့၏ဘာသာစကားဖြင့် ရရှိခဲ့ကြသည်မှန်၏။ သို့တိုင် ဤချာ့ခ်ျများသည် မှားယွင်းသောအယူဝါဒများကို ဆက်လက်သွန်သင်ခဲ့ကြောင်း သမိုင်းက ဖော်ပြသည်။ *—မဿဲ ၁၅:၇-၉။
သို့သော် ဤအချက်ကိုသတိပြုပါ။ ယေရှုခရစ်၏စစ်မှန်သည့် မဿဲ ၁၃:၃၀၊ ၃၉) သမ္မာကျမ်းစာပရောဖက်ပြုချက်များ၏ ပြည့်စုံချက်က ကျွန်ုပ်တို့သည် ယခု အဆိုပါအချိန်ကာလတွင် အသက်ရှင်နေကြကြောင်း ဖော်ပြသည်။ (မဿဲ ၂၄:၃-၃၅) သို့ဖြစ်သောကြောင့် ကျွန်ုပ်တို့တစ်ဦးချင်းစီအနေဖြင့် ‘စစ်မှန်သည့် တစ်ခုတည်းသောချာ့ခ်ျသည် အဘယ်နေရာတွင်ရှိသနည်း’ ဟု မေးမြန်းရန်လိုအပ်ပေသည်။ ၎င်းကို ပို၍ပီပြင်စွာ မြင်သာလာသင့်သည်။
တစ်ခုတည်းသောအသင်းတော်သည် ဤကမ္ဘာကုန်သောကာလဟု ကိုယ်တော်ခေါ်ဆိုခဲ့သည့်ကာလအတွင်း ပြန်လည်ထူထောင်လိမ့်မည်ဖြစ်ကြောင်း ကိုယ်တော်အတိအကျပင် တင်ကူးမိန့်တော်မူခဲ့သည်။ (သင်သည် အဆိုပါချာ့ခ်ျ၊ သို့မဟုတ် အသင်းတော်ကို တွေ့ထားနှင့်ပြီဟု ယူမှတ်ပေမည်။ သေချာဖို့ အရေးကြီးသည်။ အဘယ်ကြောင့်နည်း။ အကြောင်းမှာ ပထမရာစုခေတ်ကကဲ့သို့ပင် ယခုလည်း စစ်မှန်သောချာ့ခ်ျတစ်ခုတည်းသာရှိနိုင်သည်။ သင်၏ချာ့ခ်ျသည် ပထမရာစုရှိ ခရစ်ယာန်အသင်းတော် ချမှတ်ထားခဲ့သော ပုံစံအတိုင်း အနီးကပ်လိုက်လျှောက်သည်၊ မလိုက်လျှောက်သည်ကိုဖြစ်စေ၊ ယေရှုခရစ်၏သွန်သင်ချက်များကို တည်ကြည်စွဲမြဲစွာ လိုက်နာသည်၊ မလိုက်နာသည်ကိုသေချာစေရန် အချိန်ယူခဲ့ပြီးပြီလော။ ယခုပင် ထိုသို့ ဆန်းစစ်ကြည့်ပါလေ။ သို့ပြုလုပ်ရန် ယေဟောဝါသက်သေများသည် သင့်ကို ဝမ်းသာအားရစွာ အကူအညီပေးဖို့ အသင့်ရှိကြပါလိမ့်မည်။—တမန်တော် ၁၇:၁၁။
[အောက်ခြေမှတ်ချက်များ]
^ အပိုဒ်၊ 17 “ဒုစရိုက်လူ” ကို သတ်မှတ်ဖော်ပြခြင်းနှင့်ပတ်သက်၍ နောက်ထပ်အချက်အလက်များကို သစတ အပိုင်း ၁ စာမျက်နှာ ၂၇-၃၂ တွင် တွေ့ရှိနိုင်သည်။
^ အပိုဒ်၊ 20 ယေဟောဝါသက်သေများထုတ်ဝေသည့် ဘုရားသခင်ကို လူသားများ၏ရှာပုံတော်[လိပ်]စာအုပ်၊ စာမျက်နှာ ၃၀၆-၂၈ တွင်ပါသော “ပြုပြင်ခွဲထွက်ရေး—ရှာပုံတော်က အသွင်သစ်တစ်မျိုးပြောင်းစေ” အခန်းကိုရှု။
[စာမျက်နှာ ၅ ပါ ရုပ်ပုံ]
ယေရှု၏ ဂျုံစပါးနှင့် တောမျိုးစေ့ ပုံဥပမာသည် စစ်မှန်သောအသင်းတော်အကြောင်း အဘယ်အရာ သွန်သင်သနည်း
[စာမျက်နှာ ၇ ပါ ရုပ်ပုံ]
ပထမရာစုခရစ်ယာန်များ၏ ဟောပြောခြင်းနှင့် ဆည်းပူးလေ့လာခြင်းပုံစံကို သင်၏ချာ့ခ်ျ ထင်ဟပ်လုပ်ဆောင်သလော