“ခင်မင်ရင်းနှီးမှု၊ ချစ်ခြင်းမေတ္တာနဲ့ ဂရုစိုက်ပေးမှုတို့ကို ကျွန်မတွေ့ရှိခဲ့”
“ခင်မင်ရင်းနှီးမှု၊ ချစ်ခြင်းမေတ္တာနဲ့ ဂရုစိုက်ပေးမှုတို့ကို ကျွန်မတွေ့ရှိခဲ့”
“သင်တို့သည် အချင်းချင်းချစ်ကြလျှင်၊ လူအပေါင်းတို့သည် ထိုမေတ္တာကိုထောက်၍ သင်တို့သည် ငါ၏တပည့်ဖြစ်သည်ကို သိရကြလိမ့်မည်။” (ယောဟန် ၁၃:၃၅) ယေရှုမိန့်မြွက်ခဲ့သည့်အတိုင်း မေတ္တာသည် အစောပိုင်းခရစ်ယာန်ညီအစ်ကိုအသင်းအပင်း၏ အမှတ်အသားဖြစ်လာသည်။ သူတို့ကိုအကဲခတ်သူများက “ကြည့်စမ်း၊ သူတို့အချင်းချင်းချစ်လိုက်ကြတာ၊ တစ်ယောက်အတွက်တစ်ယောက် အသက်ပေးဖို့တောင်အသင့်ပဲ” ဟုပြောဆိုကြကြောင်း ခရစ်တော်သေပြီးနောက် အနှစ်တစ်ရာကျော်က စာရေးဆရာ တာတူလျန် ကိုးကားဖော်ပြခဲ့သည်။
ဤလောကတွင် ယင်းသို့သောမေတ္တာမျိုးကို တွေ့နေရဆဲလော။ တွေ့နေရဆဲပင်။ ဥပမာ၊ ဘရာဇီးနိုင်ငံရှိ ယေဟောဝါသက်သေများ၏ဌာနခွဲရုံး လက်ခံရရှိခဲ့သည့် စာတစ်စောင်ကို သုံးသပ်ကြည့်ပါ။ မာရီလီယာ အမည်ရှိ အမျိုးသမီးတစ်ဦးက ဤသို့ရေးသားခဲ့သည်–
“အာဂျင်တီးနားနိုင်ငံ၊ ဘီယာ မာစေသေစ်မြို့မှာ နေတုန်းက ယေဟောဝါသက်သေတစ်ယောက်ဖြစ်တဲ့ ကျွန်မရဲ့အမေဟာ ရိုးဆစ်ရောင်ရမ်းနာကြောင့် ခါးအောက်ပိုင်းသေသွားခဲ့တယ်။ အမေ မကျန်းမမာဖြစ်နေတုန်း ပထမရှစ်လလောက်မှာ ဘီယာ မာစေသေစ်က သက်သေခံတွေပဲ အမေ့ကို မေတ္တာပါပါနဲ့ ဂရုတစိုက် စောင့်ရှောက်ကြည့်ရှုပေးခဲ့ကြတာ။ သူတို့အောက်ခြေသိမ်း လုပ်ကိုင်ပေးခဲ့ကြတယ်၊ အမေ့အတွက် အိမ်သန့်ရှင်းရေးတွေလုပ်ပေးပြီး ချက်ပြုတ်ပေးခဲ့ကြတယ်။ ဆေးရုံတက်တဲ့အချိန်မှာတောင် အမေ့အနားမှာ နေ့ညမပြတ် တစ်ယောက်ယောက် အမြဲစောင့်ပေးတယ်။
“အခု ဘရာဇီးနိုင်ငံကို အမေနဲ့ကျွန်မတို့ ပြန်ရောက်လာပြီ၊ အမေလည်း နာလန်ထူနေဆဲပဲ။ ကျွန်မတို့ အခုနေထိုင်ကြတဲ့ ပတ်ဝန်းကျင်က သက်သေခံတွေဟာ အမေနာလန်ပြန်ထလာနိုင်ဖို့ အတတ်နိုင်ဆုံး ကူညီပေးနေကြတယ်။”
မာရီလီယာက “ကျွန်မဟာ သက်သေခံတစ်ယောက်တော့မဟုတ်ပါဘူး၊ ဒါပေမဲ့ သက်သေခံတွေကြားမှာ ခင်မင်ရင်းနှီးမှု၊ ချစ်ခြင်းမေတ္တာနဲ့ ဂရုစိုက်ပေးမှုတို့ကို ကျွန်မတွေ့ရှိလိုက်ရပါတယ်” ဟု သူ၏စာကို အဆုံးသတ်ထားသည်။
မှန်ပါသည်၊ စစ်မှန်သောခရစ်ယာန်မေတ္တာဖြင့် အချင်းချင်းဆက်ဆံသူတို့ ရှိနေကြဆဲပင်။ ထိုသို့ပြုမူကြခြင်းအားဖြင့် ယေရှု၏သွန်သင်ချက်များသည် ကျွန်ုပ်တို့၏ဘဝအသက်တာအပေါ် ဩဇာလွှမ်းမိုးနိုင်ကြောင်း သူတို့သက်သေထူကြသည်။
လည်ပတ်ခြင်းကို သင်ကြိုဆိုမည်လော
ဆင်းရဲခက်ခဲလှသည့် ဤလောအတွင်း၌ပင် သင်သည် ဘုရားသခင်၊ ကိုယ်တော့်နိုင်ငံတော်နှင့် လူသားများအဖို့ ကိုယ်တော်ထားရှိသည့် အံ့ဖွယ်ရည်ရွယ်ချက်တို့နှင့်ဆိုင်သော တိကျမှန်ကန်သည့် သမ္မာကျမ်းစာအသိပညာမှ ပျော်ရွှင်မှုကို ရယူခံစားနိုင်ပါသည်။ ယခုထက်မက ပိုမိုသိလိုလျှင်လည်းကောင်း၊ အခမဲ့အိမ်တွင်းကျမ်းစာသင်အံမှု သင်ကြားလိုလျှင်လည်းကောင်း ယေဟောဝါသက်သေများ၊ ၉၄-ခ၊ အင်းယားလမ်း၊ ရန်ကုန်၊ ၁၁၀၄၁ သို့မဟုတ် စာမျက်နှာ ၂ ပါသင့်လျော်ရာလိပ်စာသို့ စာရေးဆက်သွယ်ပါ။
www.watchtower.org