ယေဟောဝါ၏ “စကားတော်”သည် သင့်ကိုကာကွယ်စောင့်ရှောက်ပါစေ
ယေဟောဝါ၏ “စကားတော်”သည် သင့်ကိုကာကွယ်စောင့်ရှောက်ပါစေ
ဘီ.စီ.အီး. ၄၉၀၊ သမိုင်းဝင်မာရသွန်တိုက်ပွဲတွင် တစ်သောင်းမှနှစ်သောင်းကြားရှိ အေသင်စစ်သည်များသည် ထူးချွန်သောလက်ရွေးစင် ပါးရှားစစ်သည်များနှင့် ရင်ဆိုင်ခဲ့ရသည်။ ဂရိတို့၏အဓိကနည်းဗျူဟာမှာ စစ်သည်ထုများ ပူးပူးကပ်ကပ်ရပ်၍ စစ်ချီသည့် ဖဲလင့်စ်နည်းဖြစ်သည်။ သူတို့၏ဒိုင်းလွှားများသည် မထိုးဖောက်နိုင်သောနံရံကဲ့သို့ဖြစ်နေပြီး ဒိုင်းများကြားမှ လှံများထိုးထွက်နေသည်။ ဖဲလင့်စ်နည်းဗျူဟာကြောင့် အေသင်လူမျိုးတို့သည် မိမိတို့ထက် အဆမတန်အင်အားကြီးမားလှသော ပါးရှားစစ်တပ်အပေါ် ကျော်ကြားသည့်အောင်ပွဲခံနိုင်ခဲ့သည်။
ခရစ်ယာန်စစ်များသည် ဝိညာဉ်ရေးတိုက်ပွဲဆင်နွှဲနေကြသည်။ သူတို့သည် ‘လောကမှောင်မိုက်၌အစိုးတရပြုလုပ်သော မင်းများ၊ မိုးကောင်းကင်၌နေသော နတ်ဆိုးများ’ ဟုသမ္မာကျမ်းစာကခေါ်ဆိုထားသည့် လက်ရှိဆိုးယုတ်သောစနစ်၏ မျက်မြင်မရမင်းများဖြစ်သည့် တန်ခိုးကြီးသောရန်သူများနှင့် ဆိုင်ပြိုင်တိုက်လှန်နေကြရသည်။ (ဧဖက် ၆:၁၂; ၁ ယောဟန် ၅:၁၉) ဘုရားသခင့်လူမျိုးများသည် ဆက်လက်အောင်ပွဲခံနေကြသည်။ သို့သော် မိမိတို့၏ကိုယ်ပိုင်အစွမ်းအစဖြင့်မဟုတ်ဘဲ သူတို့ကို ကာကွယ်စောင့်ရှောက်ပြီး ညွှန်ကြားနေသော ယေဟောဝါကြောင့်သာဖြစ်သည်။ ဆာလံ ၁၈:၃၀ (သတင်းကောင်း) တွင်ဖော်ပြထားသကဲ့သို့ “ကိုယ်တော်၏စကားတော်တို့သည် ယုံကြည်စိတ်ချထိုက် [“စင်ကြယ်၊” ကဘ] ပါပေသည်တကား။ ကိုယ်တော်သည် မိမိထံတွင်ခိုလှုံသူအပေါင်းတို့အတွက် ဒိုင်းလွှားသဖွယ်ဖြစ်တော်မူ၏။”
မှန်ပါသည်၊ သမ္မာကျမ်းစာတွင်ပါဝင်သော ကိုယ်တော်၏ စင်ကြယ်သည့် “စကားတော်” အားဖြင့် ယေဟောဝါသည် မိမိ၏တည်ကြည်သောကျေးကျွန်များကို ဝိညာဉ်ရေးအန္တရာယ်မှ ကာကွယ်တော်မူသည်။ (ဆာလံ ၁၉:၇-၁၁; ၁၁၉:၉၃) သမ္မာကျမ်းစာတွင် ဖော်ပြထားသော ဉာဏ်ပညာနှင့်ပတ်သက်၍ ရှောလမုန်က “ပညာကိုမစွန့်နှင့်။ သူသည် သင့်ကိုထိန်းသိမ်းလိမ့်မည်။ သူ့ကိုချစ်လော့။ သင့်ကိုစောင့်မလိမ့်မည်” ဟုရေးသားခဲ့သည်။ (သု. ၄:၆; ဒေ. ၇:၁၂) မြင့်မြတ်သောဉာဏ်ပညာသည် အန္တရာယ်များမှ ကျွန်ုပ်တို့ကို မည်သို့ကာကွယ်ပေးမည်နည်း။ ရှေးခေတ်ဣသရေလလူမျိုးများ၏ ပုံနမူနာကိုသုံးသပ်ကြည့်ပါ။
ဘုရားသခင်ရေးရာဉာဏ်ပညာဖြင့် ကာကွယ်ခံရသောလူမျိုး
ယေဟောဝါ၏ပညတ်သည် ဣသရေလလူမျိုးများ၏ ဘဝကဏ္ဍတိုင်းတွင် ကာကွယ်လမ်းညွှန်ပေးသည်။ သာဓကအနေနှင့် အစားအစာ၊ တစ်ကိုယ်ရေသန့်ရှင်းမှု၊ ရောဂါမကူးစက်စေရန် သီးသန့်ထားခြင်းတို့နှင့် ပတ်သက်သောပညတ်များက အခြားလူမျိုးများကို သေကျေပျက်စီးစေသည့် တရားဟောရာ ၇:၁၂၊ ၁၅; ၁၅:၄၊ ၅) ယေဟောဝါ၏ပညတ်သည် ဣသရေလလူမျိုးများ၏မြေများကို မြေသြဇာကောင်းနေစေရန်ပင် ကူညီပေးသည်! (ထွက်မြောက်ရာ ၂၃:၁၀၊ ၁၁) မှားယွင်းသောဝတ်ပြုကိုးကွယ်မှုနှင့် ပတ်သက်သောပညတ်များသည် သူတို့၏ဝိညာဉ်ရေးကို ထိန်းသိမ်းစောင့်ရှောက်ပေးပြီး ရုပ်ပုံများကိုကိုးကွယ်သည့် အလေ့အထအပြင် နတ်ဆိုးများ၏ဖိနှိပ်ခံရခြင်း၊ ကလေးများကိုယဇ်ပူဇော်ခြင်းနှင့် အခြားဆိုးညစ်သောအရာများစွာမှ ကာကွယ်ပေးသည်။—ထွက်မြောက်ရာ ၂၀:၃-၅; ဆာလံ ၁၁၅:၄-၈။
ရောဂါများစွာမှ သူတို့ကိုကာကွယ်ပေးသည်။ ၁၉ ရာစုတွင် ဘက်တီးရီးယားကို ရှာဖွေတွေ့ရှိပြီးနောက်မှသာ သိပ္ပံပညာသည် ဘုရားသခင်၏ပညတ်နှင့်အညီ လုပ်ဆောင်လာနိုင်သည်။ မြေရာပိုင်ဆိုင်ခြင်း၊ ပြန်ရွေးခြင်း၊ အကြွေးလျှော်ခြင်း၊ ငွေတိုးချေးခြင်းတို့နှင့် ပတ်သက်သည့်ပညတ်များသည် တည်ငြိမ်သောလူ့အဖွဲ့အစည်းနှင့် တရားမျှတသောစီးပွားရေးစနစ်ကို ဖြစ်ပေါ်စေခြင်းဖြင့် ဣသရေလလူမျိုးများအား လူမှုရေးကောင်းကျိုးများရရှိစေသည်။ (ရှင်းနေသည်မှာ ယေဟောဝါ၏ “စကားတော်” သည် ဣသရေလလူမျိုးများအတွက် “အကျိုးမဲ့မဟုတ်” ဘဲ ယင်းအတိုင်းလိုက်နာသူတို့အတွက် အသက်ရှင်ခြင်းနှင့် အသက်တာရှည်ခြင်းအကြောင်း ဖြစ်ခဲ့သည်။ (တရားဟောရာ ၃၂:၄၇) ယနေ့အချိန်တွင် ခရစ်ယာန်များသည် ပညတ်ပဋိညာဉ်အောက်မရှိကြသော်လည်း ယေဟောဝါ၏ပညာရှိစကားတော်များကို လိုက်နာသူများအတွက် ထပ်တူပင်ဖြစ်သည်။ (ဂလာတိ ၃:၂၄၊ ၂၅; ဟေဗြဲ ၈:၈၊ ၉) အမှန်အားဖြင့် ခရစ်ယာန်များတွင် ပညတ်ဥပဒေအစား သူတို့ကိုလမ်းညွှန်ကာကွယ်ပေးသည့် ပို၍နယ်ပယ်ကျယ်ဝန်းသော သမ္မာကျမ်းစာမူများရှိသည်။
မူများဖြင့်ကာကွယ်ခံရသော လူမျိုး
ပညတ်များကို ကျင့်သုံးနိုင်မှုသည် အတိုင်းအတာအကန့်အသတ်ရှိပြီး ယာယီမျှသာဖြစ်နိုင်သည်။ သို့သော် ကျမ်းစာမူများသည် အခြေခံအမှန်တရားဖြစ်သောကြောင့် များသောအားဖြင့် ယင်းတို့သည် ပို၍နယ်ပယ်ကျယ်ဝန်းပြီး အမြဲကျင့်သုံးနိုင်သည်။ သာဓကအနေနှင့် ယာကုပ် ၃:၁၇ တွင် ဖော်ပြထားသောမူကို သုံးသပ်ကြည့်ပါ။ တစ်စိတ်တစ်ပိုင်းအဖြစ် “အထက်မှသက်ရောက်သောပညာမူကား၊ ရှေးဦးစွာစင်ကြယ်၏။ ထိုမှတစ်ပါး၊ အသင့်အတင့်နေတတ်၏” ဟုယင်းကဆိုသည်။ ယနေ့ ဘုရားသခင့်လူမျိုးတော်အတွက် ထိုအခြေခံအမှန်တရားသည် ဒိုင်းလွှားသဖွယ် မည်သို့ဖြစ်နိုင်မည်နည်း။
စင်ကြယ်သည်ဟုဆိုရာတွင် ကိုယ်ကျင့်တရားသန့်ရှင်းခြင်းကို ဆိုလိုသည်။ ထို့ကြောင့် ကိုယ်ကျင့်တရားသန့်ရှင်းစင်ကြယ်ခြင်းကို တန်ဖိုးထားသူတို့သည် အကျင့်ယိုယွင်းမှုကိုသာမက လိင်ဆိုင်ရာစိတ်ကူးစိတ်သန်းများနှင့် အပြာရုပ်ပုံစာပေအပါအဝင် ယင်းသို့လမ်းခင်းပေးသည့် အရာများကိုပါ ရှောင်ရန်ကြိုးစားသည်။ (မဿဲ ၅:၂၈) ထိုနည်းတူ ယာကုပ် ၃:၁၇ ပါမူကို နှလုံးသွင်းသော ပိုးပန်းနေသည့်စုံတွဲများသည်လည်း ချုပ်တည်းမှုကင်းမဲ့သွားစေနိုင်သော ရင်းနှီးကျွမ်းဝင်မှုကိုရှောင်ကြသည်။ မူများကိုမြတ်နိုးသူများအနေနှင့် သူတို့သည် ပညတ်ကိုတိုက်ရိုက်မချိုးဖောက်သရွေ့ မိမိတို့အပြုအမူကို ယေဟောဝါလက်ခံလိမ့်မည်ဟု ထင်မြင်ယူဆကာ ကိုယ်ကျင့်တရားသန့်ရှင်းစင်ကြယ်မှုမှ သွေဖည်သွားမည်မဟုတ်။ ယေဟောဝါသည် “နှလုံးကိုကြည့်ရှုတတ်” ပြီးထိုအတိုင်း တုံ့ပြန်တော်မူကြောင်း သူတို့သိကြသည်။ (၁ ဓမ္မရာဇဝင် ၁၆:၇; ၂ ရာဇဝင်ချုပ် ၁၆:၉) ထိုသို့သောဉာဏ်ပညာရှိသူများသည် ယနေ့ အနှံ့အပြားဖြစ်နေသော လိင်ဆိုင်ရာကူးစက်ရောဂါများစွာမှ မိမိတို့ကိုယ်ကို ကာကွယ်သည့်အပြင် စိတ်ချမ်းမြေ့မှုကိုလည်း ထိန်းထားနိုင်ကြသည်။
ဘုရားသခင်ရေးရာဉာဏ်ပညာသည် “အသင့်အတင့်” နေစေတတ်၏ဟုလည်း ယာကုပ် ၃:၁၇ ကဆိုသည်။ စာတန်သည် ကျွန်ုပ်တို့၏နှလုံးတွင် အကြမ်းဖက်တတ်သည့်သဘောထားများကို ကြဲချပေးခြင်းဖြင့် ကျွန်ုပ်တို့ကို ယေဟောဝါနှင့်စိမ်းသွားစေရန် ကြိုးပမ်းလျက်ရှိသည်။ တစ်စိတ်တစ်ဒေသအနေနှင့် ဒွိဟဖြစ်ဖွယ်စာပေ၊ ရုပ်ရှင်၊ တေးသီချင်းနှင့် ကွန်ပျူတာဂိမ်းများအားဖြင့်ဖြစ်သည်။ အချို့သောကွန်ပျူတာဂိမ်းများသည် ကစားသူများကို မတွေးဝံ့လောက်သော ရက်စက်ကြမ်းကြုတ်မှုများနှင့် သတ်ဖြတ်မှုများကို တုပရန် လှုံ့ဆော်ပေးသည်! (ဆာလံ ၁၁:၅) အကြမ်းဖက်သောရာဇဝတ်မှုများ တိုးများလာခြင်းက စာတန်အောင်မြင်နေကြောင်း သာဓကဖြစ်သည်။ ထိုရာဇဝတ်မှုများနှင့် ပတ်သက်ပြီး လွန်ခဲ့သောနှစ်အနည်းငယ်က ဩစတြေးလျသတင်းစာ The Sydney Morning Herald သည် “ဆက်တိုက်လူသတ်သမား” ဟူသောစကားလုံးကို ထွင်ခဲ့သူ ရောဘတ် ရက်စ်လာ၏စကားကို ကိုးကားခဲ့သည်။ ၁၉၇၀ ပြည့်လွန်နှစ်များတွင် ရက်စ်လာ လူတွေ့မေးမြန်းခဲ့သော လူသတ်သမားများသည် “ယနေ့ခေတ်စံနှုန်းများနှင့်ယှဉ်လျှင် အလွန်ရိုးသွားပြီဖြစ်သော” မပေါ်တပေါ်အပြာရုပ်ပုံစာပေများ၏ မီးထိုးယပ်ခတ်ခံခဲ့ရသည်ဟု ပြောပြသည်။ ထို့ကြောင့် ရက်စ်လာက “လူများစွာကိုသတ်သော လူသတ်သမားများစွာ တိုးပွားလာမည့် ရာစုနှစ်သစ်ဖြစ်သည့် ဆိုးဝါးသောအနာဂတ်အလားအလာ” ကိုဖော်ပြခဲ့သည်။
ထိုသတင်းပေါ်ထွက်ပြီး လအနည်းငယ်အကြာတွင် သေနတ်သမားတစ်ဦးသည် စကော့တလန်နိုင်ငံ၊ ဒန်ဘလန်းမြို့တွင် သူငယ်တန်းကျောင်းသားကလေး ၁၆ ဦးနှင့် သူတို့၏ဆရာမကို သတ်ခဲ့ပြီးနောက် သူ့ကိုယ်သူသတ်သေခဲ့သည်။ နောက်တစ်လတွင် စိတ်ရူးထနေသော သေနတ်သမားနောက်တစ်ဦးသည် ဩစတြေးလျနိုင်ငံ၊ ဆိတ်ငြိမ်သောတက်စ်မေးနီးယန်းပြည်နယ်၊ ပေါ့တ်အာသာမြို့တွင် လူ ၃၂ ဦးကို အစုလိုက်အပြုံလိုက်သတ်ခဲ့သည်။ မကြာသေးမီနှစ်များအတွင်း အမေရိကန်တစ်ခွင်၌ ကျောင်းတွင်းဝင်ရောက်သတ်ဖြတ်မှုများစွာကြောင့် အမေရိကန်လူမျိုးတို့က ‘ဘာကြောင့်ဒီလိုဖြစ်ရတာလဲ’ ဟု မေးလာကြသည်အထိ တုန်လှုပ်ခြောက်ခြားခဲ့သည်။ ၂၀၀၁ ခုနှစ် ဇွန်လက ဂျပန်နိုင်ငံတွင် စိတ်မမှန်သူတစ်ဦး ကျောင်းတွင်းသို့ ဓားဖြင့်ဝင်ရောက်ထိုးခုတ်မှုကြောင့် ပထမနှင့်ဒုတိယတန်းကလေး ၈ ဦးသေဆုံးပြီး ၁၅ ဦးဒဏ်ရာရသွားသည့်သတင်း တစ်ကမ္ဘာလုံးပျံ့နှံ့သွားသည်။ ထိုသို့သော ဆိုးယုတ်မှုများနောက်ကွယ်ရှိ
အကြောင်းရင်းများမှာ ရှုပ်ထွေးသည်မှန်သော်လည်း ရုပ်ရှင်၊ ရုပ်မြင်သံကြားစသည်တို့တွင် ပြသသောအကြမ်းဖက်မှုက ယင်းတို့ကိုဖြစ်စေသောအကြောင်းတစ်ခုဟု ပို၍ယူမှတ်လာနေကြသည်။ ဩစတြေးလျလူမျိုး ပင်တိုင်ဆောင်းပါးရှင် ဖိလစ် အေဒမ်စ်က “စက္ကန့်ခြောက်ဆယ်ကြာ ထုတ်လွှင့်ပြသသော စီးပွားရေးကြော်ငြာတစ်ခုသည် ဈေးကွက်တွင် အကြီးအကျယ် ရောင်းအားတက်စေနိုင်သည်ဆိုလျှင် သန်းကုဋေချီရှိသည့် နှစ်နာရီကြာရုပ်ရှင်များသည် လူတို့၏သဘောထားများကို အကြီးအကျယ်ပြောင်းလဲစေနိုင်သည်” ဟုရေးသားခဲ့သည်။ စိတ်ဝင်စားစရာမှာ ပေါ့တ်အာသာမြို့ရှိ သေနတ်သမား၏အိမ်မှ အကြမ်းဖက်မှုနှင့်အပြာရုပ်ရှင်ဗီဒီယိုခွေ ၂,၀၀၀ ကိုသိမ်းဆည်းရမိခြင်းဖြစ်သည်။သမ္မာကျမ်းစာမူများကို စွဲကိုင်ထားသူတို့သည် အလွန်အမင်းအကြမ်းဖက်လိုစိတ်ကို ပျိုးထောင်ပေးသည့် အပန်းဖြေမှုပုံစံအားလုံးမှ မိမိတို့စိတ်နှလုံးကို ကာကွယ်ကြသည်။ ထို့ကြောင့် ‘လောကဝိညာဉ်’ သည် သူတို့၏အတွေးအခေါ်နှင့် အလိုဆန္ဒများအတွင်း စိမ့်ဝင်လာဖို့နေရာမရှိပေ။ ယင်းအစား သူတို့သည် ‘ဝိညာဉ်တော်သွန်သင်ပေး’ ခြင်းကိုခံရပြီး ငြိမ်သက်ခြင်းအပါအဝင် ယင်း၏အသီးများကို ချစ်မြတ်နိုးစိတ်တိုးပွားရန် ကြိုးစားပျိုးထောင်ကြသည်။ (၁ ကောရိန္သု ၂:၁၂၊ ၁၃၊ သတင်းကောင်း; ဂလာတိ ၅:၂၂၊ ၂၃) ပုံမှန်ကျမ်းစာလေ့လာခြင်း၊ ဆုတောင်းခြင်းနှင့် တည်ဆောက်မှုဖြစ်စေသော တွေးတောဆင်ခြင်ခြင်းများအားဖြင့် ယင်းကိုသူတို့ပြုလုပ်ကြသည်။ အကြမ်းဖက်တတ်သည့်ဉာဉ်ရှိသူများနှင့် အရောတဝင်ဆက်ဆံခြင်းကိုလည်းရှောင်ပြီး မိမိတို့ကဲ့သို့ ဘုရားသခင့်ငြိမ်းချမ်းသောကမ္ဘာသစ်တွင် နေလိုစိတ်ရှိသူများနှင့် ပေါင်းသင်းရန်ရွေးချယ်ကြသည်။ (ဆာလံ ၁:၁-၃; သု. ၁၆:၂၉) မှန်ပါသည်၊ ဘုရားသခင်ရေးရာဉာဏ်ပညာသည် အလွန်အကာအကွယ်ဖြစ်စေသည်တကား!
ယေဟောဝါ၏ ‘စကားတော်’ သည် သင့်နှလုံးကို စောင့်ရှောက်ပါစေ
ယေရှုသည်တော၌ စာတန်၏သွေးဆောင်ခံရသောအခါ သမ္မာကျမ်းစာကို အတိအကျကိုးကားခြင်းဖြင့် ချေပခဲ့သည်။ (လုကာ ၄:၁-၁၃) သို့သော် သူသည်စာတန်နှင့်ဉာဏ်ရည်ပြိုင် အနိုင်လုပြောဆိုရုံလောက်သာပြုခဲ့ခြင်းမဟုတ်။ သမ္မာကျမ်းစာကိုအခြေခံ၍ ခုခံကာကွယ်ကာ နှလုံးထဲမှပြောဆိုခဲ့သည်၊ ထို့ကြောင့်လည်း ဧဒင်တွင်အောင်မြင်ခဲ့သော စာတန်၏မဟာဗျူဟာသည် ယေရှုကိစ္စတွင် မအောင်မြင်ခဲ့ခြင်းဖြစ်သည်။ ကျွန်ုပ်တို့၏နှလုံးကို ယေဟောဝါ၏စကားတော်များဖြင့် ဖြည့်ထားမည်ဆိုပါက စာတန်၏ဉာဏ်နီဉာဏ်နက်များသည် ကျွန်ုပ်တို့ကိစ္စတွင်လည်း အောင်မြင်နိုင်မည်မဟုတ်ပေ။ “နှလုံးသည် အသက်၏အခြေအမြစ်ဖြစ်သောကြောင့်” ယင်းသို့ပြုလုပ်ခြင်းသည် အရေးကြီးဆုံးဖြစ်သည်။—သု. ၄:၂၃။
ထို့ပြင် ကျွန်ုပ်တို့သည် အလျှော့မပေးဘဲ မိမိတို့၏နှလုံးကို ဆက်ကာကွယ်နေရမည်။ စာတန်သည် တော၌ အရေးနိမ့်သွားပြီးနောက် ယေရှုကို မစုံစမ်းတော့ဘဲ မနေခဲ့ချေ။ (လုကာ ၄:၁၃) သူသည် ကျွန်ုပ်တို့၏သမာဓိကို ချိုးဖျက်ရန်လည်း ဗျူဟာအမျိုးမျိုးဖြင့်ဆက်တိုက် ကြိုးစားနေမည်ဖြစ်သည်။ (ဗျာ. ၁၂:၁၇) ထို့ကြောင့် ကျွန်ုပ်တို့သည် ဘုရားသခင့်နှုတ်မြွက်စကားတော်ကို နက်နက်ရှိုင်းရှိုင်းချစ်မြတ်နိုးစိတ် ပြုစုပျိုးထောင်ပြီး တစ်ချိန်တည်းတွင် သန့်ရှင်းသောဝိညာဉ်တော်နှင့်ဉာဏ်ပညာအတွက် မခြားမလပ်ဆုတောင်းခြင်းဖြင့် ယေရှုကိုတုပကြပါစို့။ (၁ သက်သာလောနိတ် ၅:၁၇; ဟေဗြဲ ၅:၇) ကိုယ်တော်၌ခိုလှုံသောသူတို့တွင် မည်သည့်ဝိညာဉ်ရေးအန္တရာယ်မျှ မကျရောက်စေရဟု ယေဟောဝါ ကတိပြုထားသည်။—ဆာလံ ၉၁:၁-၁၀; သု. ၁:၃၃။
ဘုရားသခင်၏စကားတော်သည် အသင်းတော်ကိုကာကွယ်စောင့်ရှောက်
စာတန်သည် ကြိုဟောထားသည့် “လူအုပ်ကြီး” ကြီးစွာသောဆင်းရဲခြင်းမှ လွတ်မြောက်လာခြင်းကို တားဆီးနိုင်မည်မဟုတ်ပေ။ (ဗျာ. ၇:၉၊ ၁၄) သို့သော် ခရစ်ယာန်များကို ယိုယွင်းပျက်စီးရန် သူအစွမ်းကုန်ကြိုးစားနေဆဲဖြစ်သည်၊ ယုတ်စွအဆုံး အချို့သူများ ဘုရားသခင့်မျက်နှာသာတော် ဆုံးရှုံးသွားစေရန်ဖြစ်သည်။ ထိုမဟာဗျူဟာသည် ရှေးခေတ်ဣသရေလလူမျိုးများအချိန်တွင် အောင်မြင်ခဲ့ပြီး ကတိထားရာပြည်သို့ဝင်လုနီးတွင် လူ ၂၄,၀၀၀ သေဆုံးစေခဲ့သည်။ (တောလည်ရာ ၂၅:၁-၉) စစ်မှန်သောနောင်တတင်ပြသည့် အမှားပြုသူခရစ်ယာန်များသည် ဝိညာဉ်ရေးပြန်လည်တိုးတက်ကောင်းမွန်လာရန် မေတ္တာပါသောကူညီမှုရရှိကြသည်။ သို့သော် ကျမ်းစာခေတ်က ဇိမရိကဲ့သို့ နောင်တမယူသော အပြစ်ပြုသူများသည် အခြားသူများ၏ ကိုယ်ကျင့်တရားနှင့်ဝိညာဉ်ရေးကောင်းကျိုးကို အန္တရာယ်ဖြစ်စေသည်။ (တောလည်ရာ ၂၅:၁၄) ဖဲလင့်စ်နည်းဗျူဟာတွင် မိမိတို့၏ဒိုင်းလွှားများကို ပစ်ထားသော စစ်သည်များသည် မိမိတို့ကိုယ်တိုင်ကိုသာမက မိမိတို့အပေါင်းပါများကိုပါ အန္တရာယ်ကျရောက်စေသကဲ့သို့ဖြစ်သည်။
ထို့ကြောင့် သမ္မာကျမ်းစာပညတ်မှာ “ညီအစ်ကိုဟုခေါ်ဝေါ်သောသူသည် မတရားသောမေထုန်၌မှီဝဲခြင်း၊ လောဘလွန်ကျူးခြင်း၊ ရုပ်[ပုံ]ကိုးကွယ်ခြင်း၊ ဆဲရေးကဲ့ရဲ့ခြင်း၊ သေရည်သေရက်နှင့်ယစ်မူးခြင်း၊ အနိုင်အထက်လုယူခြင်းမှစ၍၊ ထိုသို့သောအမှုကိုပြုသောသူနှင့် မပေါင်းဖော်ရသည်သာမက၊ ထိုသူနှင့်အတူ စားသောက်ခြင်းအမှုကိုမျှမပြုရ။ . . . သို့ဖြစ်၍ ထိုသို့ဆိုးညစ်သောသူကို သင်တို့အထဲမှနှင်ထုတ်ကြလော့။” (၁ ကောရိန္သု ၅:၁၁၊ ၁၃) ဤပညာရှိ “စကားတော်” သည် ခရစ်ယာန်အသင်းတော်၏ ကိုယ်ကျင့်တရားနှင့်ဝိညာဉ်ရေးသန့်ရှင်းစင်ကြယ်မှုကို ကာကွယ်စောင့်ရှောက်ပေးကြောင်း သင်သဘောမတူပေလော။
ယင်းနှင့်လုံးလုံးဆန့်ကျင်လျက် ခရစ်ယာန်ဘောင်ချာ့ခ်ျများစွာနှင့် အယူဖောက်ပြန်သူများသည် ခေတ်မီလွတ်လပ်သော ကိုယ်ကျင့်တရားဆိုင်ရာအမြင်များနှင့် ဆန့်ကျင်သည့် သမ္မာကျမ်းစာ၏ထိုအပိုင်းများကို ၂ တိမောသေ ၄:၃၊ ၄) သို့သော် ယေဟောဝါ၏ ဒိုင်းလွှားနှင့်တူသော “စကားတော်” အကြောင်းဖော်ပြသည့် နယပုံပြင် ၃၀:၅ ၏နောက်တွင် လိုက်ပါလာသော “စကားတော်တို့၌ ထပ်၍မသွင်းနှင့်။ သို့ပြုလျှင် အပြစ်တင်တော်မူ၍ သင်သည် မုသာသုံးသောသူဖြစ်လိမ့်မည်” ဟူသည့် အခန်းငယ် ၆ ပါ အမိန့်တော်ကို သတိပြုပါ။ မှန်ပါသည်၊ သမ္မာကျမ်းစာကို မတော်မတရားပြောင်းလဲသူများသည် ဝိညာဉ်ရေးမုသာကောင်များ၊ ရှုတ်ချပြစ်တင်မှုအခံထိုက်ဆုံးသော မုသာကောင်များဖြစ်ကြသည်! (မဿဲ ၁၅:၆-၉) ထို့ကြောင့် ဘုရားသခင့်နှုတ်မြွက်စကားတော်ကို အလွန်ရိုသေလေးမြတ်သော အဖွဲ့အစည်းဝင်ဖြစ်ခွင့်ရခြင်းအတွက် အမှန်ပင်ကျေးဇူးတင်လေးမြတ်ကြပါစို့။
ခေတ်ကုန်ပြီဟုယူမှတ်ကြသည်။ ထို့ကြောင့် သူတို့သည် ခရစ်ယာန်ဓမ္မဆရာများပင် ကျူးလွန်သည့် ကြီးလေးသောအပြစ်မှန်သမျှကို ခွင့်ပြုထားကြသည်။ (“အမွှေးအကြိုင်” အားဖြင့် ကာကွယ်ခံရ
ဘုရားသခင့်လူမျိုးတော်သည် သမ္မာကျမ်းစာကိုစွဲကိုင်ထားကြပြီး ယင်း၏နှစ်သိမ့်မှုပေးသောသတင်းကို အခြားသူများအား ဝေမျှနေသောကြောင့် သူတို့သည် ယေဟောဝါအား နှစ်သက်ကျေနပ်စေသည့် အသက်ပေးနံ့သာ “အမွှေးအကြိုင်” ကိုပျံ့နှံ့စေကြသည်။ သို့သော် မဖြောင့်မတ်သူများအတွက် ထိုသတင်းသယ်ဆောင်လာသူများ ထုတ်လွှင့်သည့်ရနံ့သည် သတင်းကောင်းကျမ်းစာအရ “သေစေတတ်သောအပုပ်နံ့” ဖြစ်သည်။ မှန်ပါသည်၊ စာတန့်စနစ်သည် ဆိုးညစ်သူများ၏ ပုံဆောင်အနံ့ခံအာရုံကို မူမမှန်အောင်လုပ်ထားသဖြင့် သူတို့သည် “ခရစ်တော်၏အမွှေးအကြိုင်” ပျံ့နှံ့စေသူများရှေ့တွင် သက်သောင့်သက်သာမရှိ သို့မဟုတ် ရန်လိုသည့်သဘောထားပင် တင်ပြကြသည်။ အခြားတစ်ဖက်တွင်မူ သတင်းကောင်းကို ဇွဲရှိရှိကြေညာသူများသည် ‘ကယ်တင်ခံရသောသောသူတို့အတွက် ခရစ်တော်၏အမွှေးအကြိုင်ဖြစ်’ လာကြသည်။ (၂ ကောရိန္သု ၂:၁၄-၁၆) ထိုစိတ်နှလုံးရိုးဖြောင့်သူများသည် မှားယွင်းသောဘာသာရေး၏ အမှတ်လက္ခဏာဖြစ်သည့် အရေခြုံမှုနှင့် ဘာသာရေးလိမ်လည်မှုများကို ရွံမုန်းကြသည်။ ထို့ကြောင့် ကျွန်ုပ်တို့သည် သမ္မာကျမ်းစာဖွင့်ပြီး ဘုရားသခင့်နိုင်ငံတော်သတင်းကောင်း ဝေမျှသောအခါ သူတို့သည် ယေရှုထံဆွဲဆောင်ခံရပြီး ပိုမိုသင်ယူလိုစိတ်ရှိကြသည်။—ယောဟန် ၆:၄၄။
ထို့ကြောင့် အချို့သူများ ဘုရားသခင့်နိုင်ငံတော်သတင်းကောင်းကို အပျက်သဘောဖြင့်တုံ့ပြန်သည့်အခါ စိတ်ဓာတ်မကျပါနှင့်။ ယင်းအစား “ခရစ်တော်၏အမွှေးအကြိုင်” သည် ဝိညာဉ်ရေးနယ်ပယ်အတွင်း နေထိုင်ကြသော ဘုရားသခင့်လူမျိုးအား အန္တရာယ်ဖြစ်စေနိုင်သူများမှ ကာကွယ်ပေးသည့် အကာအကွယ်တစ်မျိုးဖြစ်ကာ တစ်ချိန်တည်းတွင် စိတ်ကောင်းနှလုံးကောင်းရှိသူများအား ဆွဲဆောင်သည့်အရာဖြစ်ကြောင်း ရှုမြင်ပါ။—ဟေရှာယ ၃၅:၈၊ ၉။
မာရသွန်တိုက်ပွဲမှ ဂရိစစ်သားများသည် ပူးပူးကပ်ကပ်စစ်ချီပြီး သူတို့၏ဒိုင်းများကို အစွမ်းကုန် ခိုင်ခိုင်ကိုင်ထားကြသဖြင့် ကြီးမားလှသောအတားအဆီးများကြား အောင်မြင်နိုင်ခဲ့သည်။ ထိုနည်းတူ ယေဟောဝါ၏တည်ကြည်သောသက်သေများသည် သူတို့၏ဝိညာဉ်ရေးတိုက်ပွဲတွင် လုံးလုံးအနိုင်ရမည်ဖြစ်ကြောင်း ယုံကြည်စိတ်ချကြသည်၊ အဘယ့်ကြောင့်ဆိုသော် ယင်းသည်သူတို့၏ “အမွေ” ဖြစ်သောကြောင့်တည်း။ (ဟေရှာယ ၅၄:၁၇) ထို့ကြောင့် “အသက်ရှင်ခြင်းနှင့်ဆိုင်သော နှုတ်မြွက်စကားတော်ကို ဆုပ်ကိုင်ထားခြင်း” ဖြင့် ယေဟောဝါ၌ဆက်ခိုလှုံကြပါစို့။—ဖိလိပ္ပိ ၂:၁၆၊ ကဘ။
[စာမျက်နှာ ၃၁ ပါ ရုပ်ပုံများ]
“အထက်မှသက်ရောက်သောပညာမူကား ရှေးဦးစွာစင်ကြယ်၏။ ထိုမှတစ်ပါး၊ အသင့်အတင့်နေတတ်၏”