ဘုရားသခင်နှင့်အတူ လျှောက်လှမ်းနိုင်ရန် ဟောရှေပရောဖက်ပြုချက်က ကူညီပေး
ဘုရားသခင်နှင့်အတူ လျှောက်လှမ်းနိုင်ရန် ဟောရှေပရောဖက်ပြုချက်က ကူညီပေး
‘သူတို့သည် ထာဝရဘုရားသခင်၏နောက်တော်သို့ လိုက်ကြလိမ့်မည်။’—ဟောရှေ ၁၁:၁၀။
၁။ ဟောရှေကျမ်းတွင် အဘယ်ပုံဆောင်ဇာတ်လမ်း ပါသနည်း။
ဆွဲဆောင်မှုရှိသည့် ဇာတ်ကောင်များပါပြီး စိတ်လှုပ်ရှားဖွယ်ကောင်းသည့် ဇာတ်လမ်းများကို သင်ကြိုက်သလော။ ဟောရှေကျမ်းတွင် ပုံဆောင်ဇာတ်လမ်းတစ်ပုဒ်ပါရှိသည်။ * အဆိုပါဇာတ်လမ်းတွင် ဘုရားသခင်၏ပရောဖက် ဟောရှေ၏အိမ်တွင်းရေးကို ဖော်ပြထားသည်။ ယင်းက မောရှေပညတ်ပဋိညာဉ်အားဖြင့် ရှေးဣသရေလလူမျိုးနှင့် ယေဟောဝါထိမ်းမြားခြင်းကို ပုံဆောင်၏။
၂။ ဟောရှေအကြောင်း အဘယ်အရာသိရှိရသနည်း။
၂ ဤဇာတ်လမ်း၏နောက်ခံကို ဟောရှေ အခန်းကြီး ၁ တွင်တွေ့ရ၏။ ဟောရှေသည် ဣသရေလဆယ်နွယ် (၎င်း၏အထင်ကရအနွယ်ဖြစ်သော ဧဖရိမ်ဟုလည်းခေါ်ဆိုသည့်) နိုင်ငံတွင် နေထိုင်ခဲ့သည်။ သူသည် ဣသရေလနိုင်ငံ၏နောက်ဆုံးရှင်ဘုရင် ခုနစ်ပါးနှင့် ယုဒရှင်ဘုရင် ဩဇိမင်း၊ ယောသံမင်း၊ အာခတ်မင်း၊ ဟေဇကိမင်းတို့၏နန်းစံချိန်အတွင်း ပရောဖက်ပြုခဲ့၏။ (ဟောရှေ ၁:၁) သို့ဖြစ်၍ ဟောရှေသည် အနည်းဆုံး ၅၉ နှစ်ကြာ ပရောဖက်ပြုခဲ့သည်။ သူ၏အမည်တပ်ထားသော ကျမ်းစာစောင်သည် ဘီ.စီ.အီး. ၇၄၅ ခုနှစ်ကျော်တွင် ရေးပြီးခဲ့သော်လည်း ‘သူတို့သည် ထာဝရဘုရားသခင်၏နောက်တော်သို့ လိုက်ကြလိမ့်မည်’ ဟုကြိုဟောထားသည့်အတိုင်း သန်းနှင့်ချီလူတို့ ဘုရားသခင်၏လမ်းစဉ်အတိုင်း လိုက်လျှောက်နေကြသည့် မျက်မှောက်ခေတ်နှင့်လည်း သက်ဆိုင်၏။—ဟောရှေ ၁၁:၁၀။
ခြုံငုံသုံးသပ်မှုမှ သိရှိရာ
၃၊ ၄။ ဟောရှေ အခန်းကြီး ၁ မှ ၅ အတွင်း ပါရှိသည့်အကြောင်းကို အကျဉ်းချုပ်ဖော်ပြပါ။
၃ ဟောရှေ အခန်းကြီး ၁ မှ ၅ အထိ အကျဉ်းချုံးသုံးသပ်မှုက ယုံကြည်ခြင်းတင်ပြကာ ဘုရားသခင်၏အလိုတော်နှင့်ညီသည့် လမ်းစဉ်ကို လိုက်လျှောက်ခြင်းအားဖြင့် ကိုယ်တော်နှင့်အတူ လျှောက်လှမ်းမည်ဟူသော ကျွန်ုပ်တို့၏သန္နိဋ္ဌာန်ကို ခိုင်မာစေလိမ့်မည်။ ဣသရေလလူတို့သည် ဝိညာဉ်ရေးဖောက်ပြန်လာကြသော်လည်း သူတို့ နောင်တယူသောအခါ ဘုရားသခင် ကရုဏာပြလိမ့်မည်။ မိမိ၏ဇနီး ဂေါမာကို ဟောရှေဆက်ဆံပုံက ယင်းအချက်ကို သရုပ်ဖော်၏။ ဂေါမာသည် ဟောရှေနှင့်ရသည့် ကလေးတစ်ဦးကိုမွေးပြီးနောက် တရားမဝင်ကလေးနှစ်ဦးကို နောက်ထပ်မွေးခဲ့ပုံရသည်။ ယေဟောဝါသည် နောင်တယူသောဣသရေလူတို့ကို တလိုတလားကရုဏာပြသကဲ့သို့ ဟောရှေသည် သူ့ကို ပြန်လက်ခံခဲ့သည်။—ဟောရှေ ၁:၁–၃:၅။
၄ ထိုနိုင်ငံတွင် အမှန်တရားမရှိ၊ ချစ်ခင်ကြင်နာမှုမရှိ၊ ဘုရား သခင်နှင့်ပတ်သက်သည့် အသိပညာမရှိသောကြောင့် ယေဟောဝါသည် ဣသရေလလူမျိုးကို အမှုလုပ်ခဲ့၏။ ရုပ်ပုံကိုးကွယ်သော ဣသရေလလူမျိုးနှင့် ထင်ရာစိုင်းတတ်သောယုဒလူမျိုးတို့ကို ကိုယ်တော် စာရင်းရှင်းရလိမ့်မည်။ သို့သော် ဘုရားသခင်၏လူမျိုးတော်သည် အကျပ်အတည်းကြုံရသောအခါ ယေဟောဝါကို ရှာကြလိမ့်မည်။—ဟောရှေ ၄:၁–၅:၁၅။
ဇာတ်ရည်လည်လာ
၅၊ ၆။ (က) ဣသရေလဆယ်နွယ်နိုင်ငံ၏မှားယွင်းမှုသည် မည်မျှဆိုးရွားခဲ့သနည်း။ (ခ) ရှေးဣသရေလလူမျိုးကိုပေးသော သတိပေးချက်သည် ကျွန်ုပ်တို့အတွက်လည်း အဘယ်ကြောင့် အရေးပါသနည်း။
၅ ဘုရားသခင်က ဟောရှေအား ‘သင်သွား၍ ပြည့်တန်ဆာမိန်းမနှင့်တကွ သူဖွားမြင်သောသားသမီးတို့ကို သိမ်းပိုက်လော့။ အကြောင်းမူကား ပြည်သားတို့သည် ထာဝရဘုရားသခင်ကိုစွန့်၍ အထပ်ထပ်မှားယွင်းကြပြီ’ ဟုမိန့်မှာတော်မူသည်။ (ဟောရှေ ၁:၂) ဣသရေလလူမျိုး၏မှားယွင်းမှုသည် မည်မျှဆိုးရွားခဲ့သနည်း။ ကျွန်ုပ်တို့ကို ဤသို့ဖော်ပြထား၏– “ကိလေသာစိတ်အားကြီးသောကြောင့် [ဣသရေလဆယ်နွယ်သားများ] သည်လမ်းလွှဲ၍ မိမိတို့ဘုရားသခင့်ထံမှာမနေ၊ မှားယွင်းတတ်ကြ၏။ . . . သင်တို့သမီးတို့သည် ယောက်ျားနှင့်မှားယွင်း၍ ချွေးမတို့သည် မျောက်မထားတတ်ကြ၏။ . . . ယောက်ျားတို့သည် ကိုယ်မယားကိုစွန့်ပစ်၍ ပြည့်တန်ဆာတို့နှင့်ပေါင်းဖော်တတ်ကြ၏။ မိန်းမရွှင်တို့နှင့်အတူ ယဇ်ပူဇော်တတ်ကြ၏။”—ဟောရှေ ၄:၁၂-၁၄။
၆ ဣသရေလလူမျိုးသည် ကာယရေး၊ ဝိညာဉ်ရေး နှစ်တန်စလုံးတွင် အကြီးအကျယ်မှားယွင်းနေကြသည်။ သို့ဖြစ်၍ ယေဟောဝါသည် ဣသရေလလူတို့ကို “စစ်ကြော” စီရင်ခဲ့သည်။ (ဟောရှေ ၁:၄; ၄:၉) မျက်မှောက်ခေတ်၌ ကိုယ်ကျင့် တရားပျက်ပြားသူများနှင့် မစင်ကြယ်သောဝတ်ပြုရေးတွင် ပါဝင်သူများကို ယေဟောဝါ စစ်ကြောစီရင်မည်ဖြစ်သောကြောင့် အဆိုပါသတိပေးချက်သည် ကျွန်ုပ်တို့အတွက်လည်း အရေးပါ၏။ သို့သော် ဘုရားသခင်နှင့်အတူ လျှောက်လှမ်းနေသူများသည် စင်ကြယ်သောဝတ်ပြုရေး စံနှုန်းများကို လိုက်မီကြသည်။ “မတရားသောမေထုန်၌ မှီဝဲသောသူ . . . တစ်စုံတစ်ယောက်မျှ ခရစ်တော်နှင့် ဘုရားသခင်၏နိုင်ငံ၌ အမွေမခံရ” ကြောင်း သူတို့သိရှိကြသည်။—ဧဖက် ၅:၅; ယာကုပ် ၁:၂၇။
၇။ ဂေါမာကို ဟောရှေအိမ်ထောင်ပြုခြင်းက အဘယ်အရာကို သရုပ်ဖော်ပြသနည်း။
၇ ဟောရှေသည် ဂေါမာနှင့် လက်ထပ်စဉ်က ဂေါမာသည် အပျိုကညာတစ်ဦးဖြစ်ပြီး “သားယောက်ျားကိုဖွားမြင်” သည့်အချိန်ထိ သစ္စာရှိခဲ့သောဇနီးတစ်ဦးဖြစ်၏။ (ဟောရှေ ၁:၃) ပုံဆောင်ဇာတ်လမ်းက သရုပ်ဖော်သကဲ့သို့ ဣသရေလလူမျိုးသည် ဘီ.စီ.အီး. ၁၅၁၃ ခုနှစ်တွင် အီဂျစ်၏ချုပ်နှောင်မှုအောက်မှ လွတ်မြောက်လာပြီး မကြာမီ သူတို့နှင့် ဘုရားသခင်ပဋိညာဉ်ဖွဲ့ခဲ့သည်။ ယင်းသည် သန့်ရှင်းစင်ကြယ်စွာ အိမ်ထောင်ပြုသော လက်ထပ်စာချုပ်နှင့်တူသည်။ ဣသရေလလူမျိုးသည် ပဋိညာဉ်ဖွဲ့ရန် သဘောတူခြင်းဖြင့် ယေဟောဝါအား မိမိ၏ ‘ခင်ပွန်း’ အဖြစ် သစ္စာရှိရန် ကတိပြုလိုက်၏။ (ဟေရှာယ ၅၄:၅) ဂေါမာကို သန့်ရှင်းစင်ကြယ်စွာ ဟောရှေအိမ်ထောင်ပြုခြင်းသည် ဘုရားသခင်နှင့် ဣသရေလလူမျိုးတို့၏ ပုံဆောင်အိမ်ထောင်ပြုခြင်းကို သရုပ်ဖော်သည်။ သို့သော် အခြေအနေ လုံးလုံးပြောင်းလဲသွားသည်။
၈။ ဣသရေလဆယ်နွယ်နိုင်ငံသည် မည်သို့ဖြစ်ပေါ်လာသနည်း။ ၎င်း၏ကိုးကွယ်မှုအကြောင်း အဘယ်အရာသိရသနည်း။
၈ ဟောရှေ၏ဇနီးသည် “တစ်ဖန် ပဋိသန္ဓေယူ၍ သမီးကို ဖွားမြင်လေ၏။” အဆိုပါသမီးနှင့် နောက်ထပ်ရရှိသော ကလေး တစ်ဦးသည် ဂေါမာ မတရားမေထုန်ပြု၍ ရရှိခဲ့ပုံပေါက်၏။ (ဟောရှေ ၁:၆၊ ၈) ဂေါမာသည် ဣသရေလလူမျိုးကို ပုံဆောင်သောကြောင့် ‘ဣသရေလလူမျိုးသည် မည်သို့ပြည့်တန်ဆာမ ဖြစ်လာသနည်း’ ဟုမေးစရာပေါ်လာသည်။ ဘီ.စီ.အီး. ၉၉၇ ခုနှစ်တွင် ဣသရေလဆယ်နွယ်သည် တောင်ပိုင်း ယုဒနှင့် ဗင်ယာမိန်အနွယ်တို့မှ ခွဲထွက်လိုက်သည်။ မြောက်ပိုင်းဣသရေလ ဆယ်နွယ်နိုင်ငံသည် မိမိနိုင်ငံသားများကို ယေရုရှလင်မြို့ရှိ ဗိမာန်တော်တွင် ယေဟောဝါအား ဝတ်ပြုကိုးကွယ်ရန် ယုဒနိုင်ငံသို့ မသွားစေလို၍ မိမိတို့နိုင်ငံတွင် နွားရုပ်ကိုးကွယ်မှုကို တည်ထောင်ခဲ့ကြသည်။ သို့ဖြင့် ဣသရေလနိုင်ငံတွင် လိင်ဖောက်ပြန်သောပွဲလမ်းသဘင်များနှင့်အတူ မှားယွင်းသောဗာလနတ်ဘုရားကိုးကွယ်မှု အမြစ်စွဲလာလေသည်။
၉။ ဟောရှေ ၁:၆ တွင်ကြိုဟောထားသည့်အတိုင်း ဣသရေလလူမျိုး မည်သို့ဖြစ်သွားသနည်း။
၉ ဒုတိယမြောက်တရားမဝင်ကလေးကို ဂေါမာမွေးဖွားချိန်တွင် ဘုရားသခင်သည် ဟောရှေအား ဤသို့မိန့်ဆို၏– “ထိုသမီးကို [“ကရုဏာမခံရ” ဟုအဓိပ္ပာယ်ရသော] လောရုဟာမာအမည်ဖြင့် မှည့်လော့။ အကြောင်းမူကား ငါသည် ဣသရေလအမျိုးကို နောက်တစ်ဖန် မသနားမစုံမက်ဘဲ ဧကန်အမှန်ပယ်ရှင်းမည်။” (ဟောရှေ ၁:၆) ဘီ.စီ.အီး. ၇၄၀ ပြည့်နှစ်တွင် အာရှုရိလူတို့သည် ဣသရေလလူတို့ကို ဖမ်းဆီးခေါ်ဆောင်သွားစဉ်က သူတို့ကို ယေဟောဝါ “ပယ်ရှင်း” ခဲ့သည်။ ဘုရားသခင်သည် ယုဒနှစ်နွယ်နိုင်ငံကို ကရုဏာပြခဲ့သော်လည်း လေး၊ ဓား၊ စစ်တိုက်လက်နက်၊ မြင်း၊ မြင်းစီးသူရဲအားဖြင့် ကယ်တင်ခဲ့ခြင်းမဟုတ်ချေ။ (ဟောရှေ ၁:၇) ဘီ.စီ.အီး. ၇၃၂ ခုနှစ်တွင် ကောင်းကင်တမန်တစ်ပါးတည်းက ယုဒနိုင်ငံ၏မြို့တော် ယေရုရှလင်ကို ခြိမ်းခြောက်ခဲ့ကြသော အာရှုရိတပ်သား ၁၈၅,၀၀၀ ကို တစ်ညချင်းတွင် သတ်ပစ်ခဲ့သည်။—၄ ဓမ္မရာဇဝင် ၁၉:၃၅။
ဣသရေလလူမျိုးကို ယေဟောဝါ အမှုလုပ်
၁၀။ ဂေါမာ၏ဖောက်ပြန်မှုသည် အဘယ်အရာကို သရုပ်ဖော်သနည်း။
၁၀ ဂေါမာသည် ဟောရှေကို စွန့်သွားပြီး တခြားယောက်ျားနှင့်ဖောက်ပြန်ကာ “ပြည့်တန်ဆာ” ဖြစ်လာလေသည်။ ဣသရေလနိုင်ငံသည် ရုပ်ပုံကိုးကွယ်သောနိုင်ငံများနှင့် မဟာမိတ်ဖွဲ့ပြီး သူတို့ကို ဟောရှေ ၁:၂; ၂:၂၊ ၁၂၊ ၁၃။
အားကိုးခဲ့ခြင်းကို ယင်းက သရုပ်ဖော်သည်။ ဣသရေလလူမျိုးက မိမိကောင်းစားနေရခြင်းသည် ယေဟောဝါကြောင့်မဟုတ်ဘဲ တိုင်းတစ်ပါးနတ်ဘုရားများကြောင့် ဖြစ်သည်ဟုဆိုကာ မှားယွင်းသောဝတ်ပြုရေးတွင် ပါဝင်ခြင်းဖြင့် ဘုရားသခင်နှင့် မိမိ၏အိမ်ထောင်ပဋိညာဉ်ကို ချိုးဖောက်ခဲ့သည်။ ဝိညာဉ်ရေးအရ ဖောက်ပြန်သောထိုလူမျိုးကို ယေဟောဝါ စစ်ကြောစီရင်ခဲ့ခြင်းသည် အံ့အားသင့်စရာမဟုတ်ပေ။—၁၁။ ယေဟောဝါသည် ဣသရေလလူမျိုးနှင့် ယုဒလူမျိုးတို့ကို ပြည်နှင်ဒဏ်ပေးချိန်တွင် ပညတ်ပဋိပညာဉ် မည်သို့ဖြစ်သွားသနည်း။
၁၁ ဣသရေလလူမျိုးသည် သူ၏ခင်ပွန်းကို စွန့်ပစ်ခြင်းကြောင့် အဘယ်အပြစ်ဒဏ်ကိုခံခဲ့ရသနည်း။ ဘီ.စီ.အီး. ၇၄၀ ပြည့်နှစ်တွင် ဣသရေလလူတို့သည် အာရှုရိနိုင်ငံသို့ ပြည်နှင်ခံရသည်။ ထိုနိုင်ငံကို အနိုင်ရသည့် ဗာဗုလုန်နိုင်ငံ၏ “တောလမ်း” ကိုဖြတ်၍ သူတို့ကိုခေါ်ဆောင်သွားရန် ဘုရားသခင်စီရင်ခဲ့သည်။ (ဟောရှေ ၂:၁၄) ယေဟောဝါသည် ၁၀ နွယ်နိုင်ငံကို အဆုံးစီရင်ချိန်တွင် ဣသရေလ ၁၂ နွယ်နှင့် ကနဦးက ကိုယ်တော်ပြုခဲ့သည့် အိမ်ထောင်ပဋိညာဉ်ကို မပယ်ဖျက်ချေ။ ဘီ.စီ.အီး. ၆၀၇ ခုနှစ်တွင် ဘုရားသခင်သည် ဗာဗုလုန်လက်ချက်ဖြင့် ယေရုရှလင်မြို့ကို ပျက်စီးစေပြီး ယုဒလူတို့ကို သုံ့ပန်းများအဖြစ် ခေါ်ဆောင်သွားစေသော်လည်း ဣသရေလ ၁၂ နွယ်နှင့် ပုံဆောင်ထိမ်းမြားခြင်းအတွက်ဖွဲ့ခဲ့သည့် မောရှေပညတ်ပဋိညာဉ်ကို မပယ်ဖျက်ခဲ့ချေ။ ဂျူးခေါင်းဆောင်များသည် ယေရှုခရစ်ကို ငြင်းပယ်ပြီး ကိုယ်တော့်ကို ကွပ်မျက်သည့် စီ.အီး. ၃၃ ခုနှစ်နောက်မှသာ အဆိုပါဆက်ဆံရေးကို ဖြတ်တောက်လိုက်၏။—ကောလောသဲ ၂:၁၄။
ယေဟောဝါသည် ဣသရေလလူမျိုးကို သတိပေးဆုံးမ
၁၂၊ ၁၃။ ဟောရှေ ၂:၆-၈ ၏ဆိုလိုရင်းကား အဘယ်နည်း။ အဆိုပါစကားများသည် ဣသရေလလူမျိုးနှင့် မည်သို့သက်ဆိုင်သနည်း။
၁၂ ဘုရားသခင်သည် ဣသရေလလူမျိုးအား “မှားယွင်းခြင်းအမှုကိုရှောင်” ရန်သတိပေးဆုံးမသော်လည်း ထိုလူမျိုးသည် သူ၏ရည်းစားများနောက် လိုက်ချင်သည်။ (ဟောရှေ ၂:၂၊ ၅) ထို့ကြောင့် ယေဟောဝါက ဤသို့မိန့်ဆိုခဲ့သည်– “သို့ဖြစ်၍ သူ့ကို ဆူးစောင်ရန်းနှင့်ကာထားမည်။ ထွက်စရာမရှိစေခြင်းငှာ သူ့ပတ်လည်၌ ကျောက်ရိုးကိုလည်းတည်မည်။ သူသည် ရည်းစားတို့ကို လိုက်သော်လည်းမမီ၊ ရှာသော်လည်း မတွေ့ဘဲနေရသောအခါ လင်ဟောင်းထံသို့ ငါပြန်သွားမည်။ ယခုနေရာထက် အရင်နေရာ သာ၍ကောင်းသည်ဟုဆိုလိမ့်မည်။ ဆန်စပါး၊ စပျစ်ရည်၊ ဆီတို့ကို . . . လည်းကောင်း၊ ဗာလဘုရားအား ပူဇော်သောရွှေနှင့်ငွေကို . . . လည်းကောင်း” ငါပေးသနားရာဖြစ်သည်ဟု သူတို့မအောက်မေ့ကြချေ။—ဟောရှေ ၂:၆-၈။
၁၃ ဣသရေလလူမျိုးသည် သူ၏ “ရည်းစား” များဖြစ်ကြသော လူမျိုးခြားတို့၏အကူအညီကို တောင်းခံသော်လည်း မည်သူမျှ မပေးနိုင်ခဲ့ကြချေ။ သူ့ကို လုံးဝမဖောက်ထွင်းနိုင်သည့် ဆူးစောင်ရန်းနှင့်ကာထားသကဲ့သို့ ဖြစ်သောကြောင့် လူမျိုးခြားတို့သည် အကူအညီမပေးနိုင်ခဲ့ကြချေ။ အာရှုရိလူတို့သည် ဆယ်နွယ်နိုင်ငံ၏မြို့တော် ရှမာရိကို သုံးနှစ်တိုင် ဝိုင်းရံပြီးနောက် ဘီ.စီ.အီး. ၇၄၀ ပြည့်နှစ်တွင် ဖျက်ဆီးပစ်လိုက်ရာ ၎င်းနိုင်ငံသည် လုံးဝနာလန်မထူနိုင်တော့ချေ။ ဘိုးဘေးများသည် ယေဟောဝါအား ဝတ်ပြုချိန်က သာယာချမ်းမြေ့ခဲ့ကြောင်း ဣသရေလသုံ့ပန်းအချို့သာလျှင် သိရှိကြလိမ့်မည်။ ကျန်ကြွင်းသူတို့သည် ဗာလဘုရားဝတ်ပြုရေးကို ငြင်းပယ်ပြီး ယေဟောဝါနှင့် ပြန်လည်ပဋိညာဉ်ဖွဲ့လိုကြပေမည်။
ဇာတ်လမ်းကို ပြန်ဆန်းစစ်ကြည့်
၁၄။ ဟောရှေသည် ဂေါမာနှင့် အဘယ်ကြောင့် ပြန်ပေါင်းခဲ့သနည်း။
၁၄ ဟောရှေ၏အိမ်တွင်းရေးနှင့် ယေဟောဝါနှင့်ဣသရေလလူမျိုး ဆက်ဆံရေးတို့၏ဆက်နွှယ်မှုကို အပြည့်အဝနားလည်ရန် ဤစကားများကို သုံးသပ်ကြည့်ပါ– ‘တစ်ဖန်၊ ထာဝရဘုရားသခင်က ခင်ပွန်း၏ချစ်ခြင်းကိုခံလျက် မျောက်မထားသောမိန်းမကိုသွား၍ ချစ်ဦးလော့ဟု ငါ့အား မှာထားတော်မူသည်။’ (ဟောရှေ ၃:၁) ဟောရှေသည် ဂေါမာကို သူပေါင်းဖော်နေသည့်ယောက်ျားထံမှ ပြန်ရွေးယူခြင်းဖြင့် အဆိုပါမိန့်မှာချက်ကို လိုက်နာခဲ့သည်။ ထို့နောက် ဟောရှေသည် သူ၏ဇနီးကို ဤသို့ပြတ်သားစွာသတိပေးဆုံးမခဲ့သည်– “သင်သည် ငါ့အဖို့ နေ့ရက်များစွာစောင့်၍နေရမည်။ ပြည့်တန်ဆာမလုပ်ရ။ အခြားသောယောက်ျားနှင့် မပေါင်းဖော်ရ။” (ဟောရှေ ၃:၂၊ ၃) ဂေါမာသည် ဆုံးမစကားကို နားထောင်သောကြောင့် ဟောရှေသည် သူနှင့် ပြန်ပေါင်းခဲ့၏။ ဣသရေလလူမျိုး၊ ယုဒလူမျိုးတို့နှင့် ဘုရားသခင်၏ဆက်ဆံရေးသည် ယင်းအဖြစ်အပျက်နှင့် မည်သို့သက်ဆိုင်သနည်း။
၁၅၊ ၁၆။ (က) ဘုရားသခင်၏ဆုံးမမှုကိုခံရသော လူမျိုးတော်သည် အဘယ်အခြေအနေမျိုးတွင် ကိုယ်တော်၏ကရုဏာကို ခံစားရနိုင်သနည်း။ (ခ) ဟောရှေ ၂:၁၈ သည် မည်သို့ပြည့်စုံခဲ့သနည်း။
၁၅ ဣသရေလနှင့် ယုဒနိုင်ငံတို့မှ ပြည်နှင်ဒဏ်ခံရသူများသည် ဗာဗုလုန်တွင် သုံ့ပန်းများဖြစ်နေစဉ်က ဘုရားသခင်သည် မိမိ၏ပရောဖက်များမှတစ်ဆင့် “နှစ်သိမ့်စေသောစကားကိုပြော” ခဲ့သည်။ ဘုရားသခင်၏လူမျိုးသည် ကိုယ်တော်၏ကရုဏာရရှိရန် နောင်တယူပြီး ခင်ပွန်းထံပြန်လာသော ဂေါမာနည်းတူ သူတို့၏ခင်ပွန်းထံ ပြန်လာကြရမည်ဖြစ်သည်။ ထို့နောက် ယေဟောဝါသည် ဆုံးမခံထားရသော ဇနီးဖြစ်သည့် ထိုလူမျိုးကို ဗာဗုလုန်နိုင်ငံ၏ “တောလမ်း” မှပြန်ခေါ်ဆောင်လာပြီး ယုဒနိုင်ငံ၊ ယေရုရှလင်မြို့သို့ ပို့ဆောင်မည်။ (ဟောရှေ ၂:၁၄၊ ၁၅) ကိုယ်တော်သည် ဘီ.စီ.အီး. ၅၃၇ ခုနှစ်တွင် ထိုကတိတော်ကို ပြည့်စုံစေခဲ့၏။
၁၆ ဘုရားသခင်သည် ဤကတိတော်ကိုလည်း ပြည့်စုံစေခဲ့သည်– “ထိုကာလ၌ ငါသည် သူတို့အတွက် တောသားရဲ၊ မိုးကောင်းကင်ငှက်၊ မြေပေါ်မှာတွားတတ်သော တိရစ္ဆာန်များနှင့် မိတ်သဟာယဖွဲ့၍ လေး၊ ဓား၊ စစ်တိုက်လက်နက်တို့ကို မြေပေါ်ကပယ်ရှားသဖြင့် သူတို့သည် စိုးရိမ်ခြင်းမရှိဘဲ အိပ်ရကြလိမ့်မည်။” (ဟောရှေ ၂:၁၈) မိမိတို့၏ဇာတိမြေကို ပြန်ရောက်ရှိလာကြသော ဂျူးအကြွင်းအကျန်သည် မည်သည့်တိရစ္ဆာန်၏ရန်ကိုမှ မကြောက်ရတော့ဘဲ လုံခြုံစိတ်ချစွာ နေထိုင်ခဲ့ကြသည်။ ဝိညာဉ်ရေးဣသရေလအကြွင်းအကျန်သည် ကမ္ဘာ့ဘာသာရေးအင်ပါယာ မဟာဗာဗုလုန်မှ လွတ်မြောက်လာခဲ့သည့် ၁၉၁၉ ခုနှစ်တွင်လည်း အဆိုပါပရောဖက်ပြုချက် ပြည့်စုံခဲ့၏။ ယခု သူတို့သည် ကမ္ဘာပေါ်တွင် ထာဝစဉ်နေထိုင်ရန် မျှော်လင့်နေကြသော သူတို့၏အပေါင်းအပါများနှင့်အတူ ဝိညာဉ်ရေးပရဒိသု၌ လုံခြုံစွာ နေထိုင်လျက်ရှိကြသည်။ အဆိုပါစစ်မှန်သောခရစ်ယာန်အသိုင်းအဝိုင်းတွင် လူမဆန်သောစရိုက်များ မရှိချေ။—ဗျာ. ၁၄:၈; ဟေရှာယ ၁၁:၆-၉; ဂလာတိ ၆:၁၆။
သင်ခန်းစာယူ
၁၇-၁၉။ (က) ဘုရားသခင်၏အဘယ်အရည်အသွေးများကို တုပရန် ကျွန်ုပ်တို့ တိုက်တွန်းခံရသနည်း။ (ခ) ယေဟောဝါ၏ကရုဏာနှင့် သနားကြင်နာမှုတို့က ကျွန်ုပ်တို့အပေါ် မည်သို့အကျိုးသက်ရောက်သင့်သနည်း။
၁၇ ဘုရားသခင်သည် ကရုဏာရှိပြီး သနားကြင်နာတတ်သကဲ့သို့ ကျွန်ုပ်တို့ဖြစ်သင့်သည်။ ဟောရှေကျမ်း၏ အစပိုင်းအခန်းကြီးများမှ ထိုသင်ခန်းစာကို ရရှိသည်။ (ဟောရှေ ၁:၆၊ ၇; ၂:၂၃) နောင်တယူသောဣသရေလလူတို့ကို ဘုရားသခင် စိတ်လိုကိုယ်လျောက် ကရုဏာပြခြင်းသည် မှုတ်သွင်းခံဤနယပုံပြင်ကျမ်းနှင့် ကိုက်ညီ၏– “မိမိအပြစ်ကိုဝှက်ထားသောသူသည် ချမ်းသာမရ။ မိမိအပြစ်ကိုဖော်ပြဝန်ချ၍ စွန့်ပစ်သောသူမူကား ကရုဏာတော်ကို ခံရလိမ့်မည်။” (သု. ၂၈:၁၃) ထို့ပြင် ဆာလံဆရာ၏ အောက်ပါစကားများသည် နောင်တယူသောအပြစ်ပြုသူများအတွက် အားရှိစရာဖြစ်သည်။ “ဘုရားသခင်နှစ်သက်တော်မူသော ယဇ်မူကား ကျိုးပဲ့သောစိတ်ပေတည်း။ အိုဘုရားသခင် ကိုယ်တော်သည် ကျိုးပဲ့ကြေမွသောနှလုံးကို ငြင်းပယ်တော်မမူတတ်ပါ။”—ဆာလံ ၅၁:၁၇။
၁၈ ဟောရှေ၏ပရောဖက်ပြုချက်သည် ကျွန်ုပ်တို့ကိုးကွယ်နေသော ဘုရားသခင်၏သနားကြင်နာမှုနှင့် ကရုဏာကို ပေါ်လွင်စေ၏။ အချို့သူများသည် ကိုယ်တော်၏ဖြောင့်မတ်သောနည်းလမ်းများမှ သွေဖည်သွားသည့်တိုင် နောင်တယူပြီး ပြန်လှည့်လာနိုင်သည်။ ထိုသို့သာပြုလျှင် ယေဟောဝါသည် သူတို့ကို လက်ခံ၏။ ကိုယ်တော်သည် ပုံဆောင်သဘောအရ မိမိထိမ်းမြားထားသည့် ဣသရေလလူမျိုးထဲမှ ဆာလံ ၇၈:၃၈-၄၁) ထိုကရုဏာတော်က သနားကြင်နာတတ်သောဘုရားသခင် ယေဟောဝါနှင့်အတူ ကျွန်ုပ်တို့ လျှောက်လှမ်းနေရန် စေ့ဆော်ပေးသင့်၏။
နောင်တယူသူများကို ကရုဏာပြတော်မူ၏။ သူတို့သည် ယေဟောဝါကို ပုန်ကန်၍ ‘ဣသရေလအမျိုး၌ သန့်ရှင်းတော်မူသောဘုရားသခင်ကို စိတ်တော်နာ’ စေကြသော်လည်း ကိုယ်တော်သည် ကရုဏာစိတ်ရှိပြီး သူတို့ အသွေးအသားဖြစ်ကြောင်းကို သတိရတော်မူ၏။ (၁၉ လူ့အသက်သတ်ခြင်း၊ သူ့ဥစ္စာခိုးခြင်း၊ သူ့မယားပြစ်မှားခြင်းအစရှိသော အပြစ်များသည် ဣသရေလနိုင်ငံတွင် ပျံ့နှံ့နေသော်လည်း ယေဟောဝါသည် “နှစ်သိမ့်စေသောစကားကိုပြော” ခဲ့သည်။ (ဟောရှေ ၂:၁၄; ၄:၂) ကျွန်ုပ်တို့သည် ယေဟောဝါ၏ကရုဏာနှင့် သနားကြင်နာမှုတို့ကို အလေးအနက် သုံးသပ်ကြစဉ် ကိုယ်တော်အား ပိုမိုတွယ်တာစေရန် လှုံ့ဆော်ခံရသင့်သည်။ ထို့ကြောင့် ကျွန်ုပ်တို့ကိုယ်ကို ဤသို့မေးကြစို့– ‘အခြားသူများနှင့် ကျွန်ုပ်ဆက်ဆံရာတွင် ယေဟောဝါ၏ကရုဏာနှင့် သနားကြင်နာမှုကို မည်သို့တုပနိုင်သနည်း။ ကျွန်ုပ်ကိုပြစ်မှားထားသော ယုံကြည်ခြင်းတူသူတစ်ဦးက ခွင့်လွှတ်ရန် တောင်းပန်လျှင် ကျွန်ုပ်သည် ဘုရားသခင်နည်းတူ ခွင့်လွှတ်ဖို့ အသင့်ရှိသလော။’—ဆာလံ ၈၆:၅။
၂၀။ ကျွန်ုပ်တို့သည် ဘုရားသခင်ပေးထားသော မျှော်လင့်ချက်ပြည့်စုံလာမည်ကို ယုံကြည်စိတ်ချသင့်ကြောင်း ဖော်ပြသည့် ဥပမာတစ်ခုပေးပါ။
၂၀ ဘုရားသခင်သည် စစ်မှန်သောမျှော်လင့်ချက် ပေးတော်မူသည်။ ဥပမာ၊ ကိုယ်တော်က “အာခေါ်ချိုင့်၌ မျှော်လင့်ရာတံခါးကို . . . ငါပေးမည်” ဟုကတိပြုခဲ့သည်။ (ဟောရှေ ၂:၁၅) ယေဟောဝါ၏ဇနီးနှင့်တူသော ရှေးခေတ်အဖွဲ့အစည်းသည် “အာခေါ်ချိုင့်” ရှိ ၎င်း၏ဇာတိမြေသို့ ပြန်ရောက်မည်ဟူသော ခိုင်မာသည့်မျှော်လင့်ချက်ကို ရရှိခဲ့သည်။ ဘီ.စီ.အီး. ၅၃၇ ခုနှစ်တွင် အဆိုပါကတိတော် ပြည့်စုံခြင်းက ကျွန်ုပ်တို့သည် ယေဟောဝါပေးထားသော စိတ်ချရသည့်မျှော်လင့်ချက်ကြောင့် ရွှင်လန်းဝမ်းမြောက်နိုင်ကြောင်း ခိုင်လုံသည့်သာဓကဖြစ်သည်။
၂၁။ ဘုရားသခင်နှင့်အတူ ကျွန်ုပ်တို့လျှောက်လှမ်းနိုင်ရန် အသိပညာက မည်သို့ထောက်ကူသနည်း။
၂၁ ကျွန်ုပ်တို့သည် ဘုရားသခင်နှင့်အတူ ဆက်လျှောက်လှမ်းနိုင်ရန် ကိုယ်တော်နှင့်ပတ်သက်သည့် အသိပညာကို ဆည်းပူးကာ ဘဝတွင် ကျင့်သုံးနေဖို့လိုသည်။ ဣသရေလနိုင်ငံတွင် ယေဟောဝါအား သိကျွမ်းခြင်းအသိပညာ အလျှင်းမရှိချေ။ (ဟောရှေ ၄:၁၊ ၆) အချို့သူများမှာမူ ဘုရားသခင်၏သွန်သင်ချက်ကို အလွန်တန်ဖိုးထားပြီး ၎င်းအတိုင်း ပြုမူနေထိုင်ခဲ့ရာ ကောင်းချီး ကြွယ်ဝစွာ ခံစားကြရသည်။ ဟောရှေသည် သူတို့ထဲမှ တစ်ဦးဖြစ်သည်။ ဧလိယခေတ်က ဗာလရှေ့၌ဒူးမထောက်သူ ၇,၀၀၀ လည်း ထို့အတူဖြစ်သည်။ (၃ ဓမ္မရာဇဝင် ၁၉:၁၈; ရောမ ၁၁:၁-၄) ကျွန်ုပ်တို့လည်း ဘုရားသခင်၏သွန်သင်ချက်ကို ကျေးဇူးတင်လေးမြတ်မှုရှိလျှင် ဘုရားသခင်နှင့်အတူ ဆက်လျှောက်လှမ်းနေနိုင်ကြမည်။—ဆာလံ ၁၁၉:၆၆; ဟေရှာယ ၃၀:၂၀၊ ၂၁။
၂၂။ အယူဖောက်ပြန်ခြင်းကို မည်သို့သဘောထားသင့်သနည်း။
၂၂ ယေဟောဝါ၏လူမျိုးတော်ကို ဦးဆောင်နေသူများသည် အယူဖောက်ပြန်ခြင်းကို လက်မခံရန် ကိုယ်တော် မျှော်လင့်တော်မူသည်။ သို့သော် ဟောရှေ ၅:၁ ကဤသို့ဆိုသည်– “အိုယဇ်ပုရောဟိတ်တို့ ကြားကြလော့။ အိုဣသရေလအမျိုးသားတို့ နားထောင်ကြလော့။ အိုနန်းတော်သားတို့ မှတ်မိကြလော့။ သင်တို့သည် စစ်ကြောစီရင်ခြင်းကိုခံရကြမည်။ အကြောင်းမူကား သင်တို့သည် မိဇပါတောင်ပေါ်မှာကျော့ကွင်း၊ တာဗော်တောင်ပေါ်မှာထောင်သောပိုက်ဖြစ်ကြပြီ။” ဣသရေလလူတို့ကို ရုပ်ပုံကိုးကွယ်ရန် သွေးဆောင်ခဲ့ကြသည့် အယူဖောက်ပြန်သော ခေါင်းဆောင်များသည် ကျော့ကွင်းနှင့် ပိုက်ကွန်ဖြစ်ကြ၏။ တာဗော်တောင်နှင့် မိဇပါဒေသတို့သည် ထိုမှားယွင်းသောဝတ်ပြုရေး၏ဗဟိုများ ဖြစ်နိုင်ဖွယ်ရှိသည်။
၂၃။ သင်သည် ဟောရှေ အခန်းကြီး ၁ မှ ၅ အထိ လေ့လာခြင်းမှ အဘယ်အကျိုးကျေးဇူးရရှိခဲ့သနည်း။
၂၃ ယေဟောဝါသည် မိမိ၏သွန်သင်ချက်ကို လိုက်လျှောက်ပြီး အယူဖောက်ပြန်မှုကို ငြင်းပယ်သူများအား မျှော်လင့်ချက်နှင့် ကောင်းချီးများပေးတော်မူသော ကရုဏာရှင် ဘုရားသခင်ဖြစ်ကြောင်း ယခုထိလေ့လာခဲ့သည့် ဟောရှေပရောဖက်ပြုချက်က ဖော်ပြ၏။ အတိတ်က နောင်တယူသောဣသရေလလူတို့ကဲ့သို့ ကျွန်ုပ်တို့သည် ယေဟောဝါအား ရှာဖွေပြီး ကိုယ်တော်၏စိတ်တော်နှင့်တွေ့ရန် အမြဲကြိုးစားကြပါစို့။ (ဟောရှေ ၅:၁၅) ကျွန်ုပ်တို့သည် ထိုသို့ပြုခြင်းဖြင့် အကျိုးခံစားရပြီး ဘုရားသခင်နှင့်အတူ သစ္စာရှိရှိလျှောက်လှမ်းခဲ့ကြသူအားလုံးရရှိသည့် တုနှိုင်းမမှီသော အားရရွှင်လန်းမှုနှင့် ငြိမ်သက်မှုတို့ကို ရရှိကြပါလိမ့်မည်။—ဆာလံ ၁၀၀:၂; ဖိလိပ္ပိ ၄:၆၊ ၇။
[အောက်ခြေမှတ်ချက်]
^ အပိုဒ်၊ 1 ဂလာတိ ၄:၂၁-၂၆ တွင် ပုံဆောင်ဇာတ်လမ်းတစ်ပုဒ်ကို ဖော်ပြထားသည်။ ယင်းနှင့်စပ်လျဉ်း၍ ယေဟောဝါသက်သေများ ထုတ်ဝေထားသော ဟေရှာယ ပရောဖက်ပြုချက် တွဲ ၂၊ စာမျက်နှာ ၁၀၁ မှလေးထောင့်ကွက်ကိုရှု။
သင်မည်သို့ဖြေဆိုမည်နည်း
• ဂေါမာကို ဟောရှေအိမ်ထောင်ပြုခြင်းသည် အဘယ်အရာကို ပုံဆောင်သနည်း။
• ယေဟောဝါသည် ဣသရေလလူမျိုးကို အဘယ်ကြောင့် အမှုလုပ်ခဲ့သနည်း။
• ဟောရှေ အခန်းကြီး ၁ မှ ၅ တွင်အဘယ်သင်ခန်းစာကို သင်စိတ်စွဲမှတ်သွားသနည်း။
[လေ့လာရန်မေးခွန်းများ]
[စာမျက်နှာ ၁၈ ပါ ရုပ်ပုံ]
ဟောရှေ၏ဇနီးသည်မည်သူ့ကို ပုံဆောင်ကြောင်း သင်သိသလော
[စာမျက်နှာ ၁၉ ပါ ရုပ်ပုံ]
ဘီ.စီ.အီး. ၇၄၀ ပြည့်နှစ်တွင် အာရှုရိလူတို့သည် ရှမာရိမြို့သားများကို အနိုင်ရခဲ့
[စာမျက်နှာ ၂၀ ပါ ရုပ်ပုံ]
မိမိတို့၏ဇာတိမြေသို့ ပြန်လာကြသည့် အားရရွှင်လန်းနေသူများ