သင်​မှတ်မိ​သလော

မကြာသေးမီ​က ထုတ်ဝေ​ခဲ့​သော ကင်းမျှော်စင် စာစောင်​များ​ကို ဖတ်ရှု​ရ​၍ တန်ဖိုး​ထား​လေးမြတ်​ခဲ့​ပါသလော။ သို့​ဖြစ်​လျှင် အောက်ပါ​မေးခွန်းများကို သင်​ဖြေဆို​နိုင်၊ မဖြေ​ဆိုနိုင် စမ်း​ကြည့်​ပါ–

• အာဒံ​၏​မနာခံမှု​ဖြစ်သော ပထမ​အပြစ်​သည် မျိုးရိုးလိုက်​သော​ရောဂါ​နှင့် အဘယ်ကြောင့်​တူ​နိုင်​သနည်း။

အာဒံသည် သူ၏​သားစဉ်မြေးဆက်​များ​ထံ အပြစ်ကို လက်ဆင့်ကမ်း​ပေး​ခဲ့​သောကြောင့် ယင်းသည် ရောဂါ​တစ်ခု​နှင့်​တူ​သည်။ မိဘများ​ထံ​မှ​ရောဂါ​တစ်ခု​ကို ကလေး​များ​ဆက်ခံ​ရရှိ​သကဲ့သို့ ကျွန်ုပ်​တို့သည် အပြစ်​၏​ချွတ်ယွင်းချက်​ကို အမွေ​ရရှိ​ထား​သည်။ —၈/၁၅၊ စာမျက်နှာ ၅။

• ယခု​အချိန်၌ တိုးများ​လာ​သည့် အကြမ်းဖက်မှု​များ​၏ အဓိက​အကြောင်းရင်း​များ​ကား အဘယ်နည်း။

ရုပ်ရှင်၊ တေးသီချင်း​နှင့် ကစား​သူများကို ရက်စက်​ကြမ်းကြုတ်မှု​များနှင့် သတ်ဖြတ်မှု​များ​ကို တုပ​ရန် လှုံ့ဆော်ပေး​သည့် ကွန်ပျူတာ​ဂိမ်း​များ​မှ​တစ်ဆင့် စာတန်​သည် လူတို့၏​နှလုံး​တွင် အကြမ်းဖက်​တတ်​သည့်​သဘောထားများကို ကြဲ​ချပေးခြင်း​ဖြင့် ယေဟောဝါ​နှင့်​စိမ်း​သွားစေရန် ကြိုးပမ်း​လျက်​ရှိသည်။ ရုပ်ရှင်၊ ရုပ်မြင်သံကြား​စ​သည်​တို့​တွင် ပြသ​သော​အကြမ်းဖက်မှု​က အကြမ်းဖက်​လုပ်ရပ်များ​စွာ​ကို ဖြစ်စေ​ခဲ့ပြီ​ဖြစ်သည်။—၉/၁၊ စာမျက်နှာ ၂၉။

• ပုန္တိပိလတ်​ကား မည်သူ​နည်း။

သူသည် မင်းမျိုး​မင်း​နွယ်​မဟုတ်သော ရောမ​တစ်ဦး​ဖြစ်​ကာ စစ်တပ်​တွင် အမှုထမ်းခဲ့​ပုံ​ရသည်။ ရောမ​ဧကရာဇ် တိဗေရိ​သည် စီ.အီး. ၂၆ တွင် ပိလတ်​အား ယုဒ​နယ်​၏​ဘုရင်ခံ​အဖြစ် ခန့်အပ်​ခဲ့​သည်။ ယေရှု​အား​စစ်ဆေးချိန်​၌ ပိလတ်​သည် ဂျူး​ခေါင်းဆောင်​များ​၏ စွပ်စွဲချက်​များ​ကို ကြားနာ​ခဲ့​သည်။ လူအုပ်​ကို​ကျေနပ်​စေလို၍ သူသည် ယေရှု​အား​ကွပ်မျက်​ရန် ခွင့်ပြု​ခဲ့​သည်။—၉/၁၅၊ စာမျက်နှာ ၁၀-၁၂။

• မဿဲ ၂၄:၃ တွင်​ဖော်ပြ​ထား​သည် ‘နိမိတ်​လက္ခဏာ’ ကား​အဘယ်နည်း။

ယင်း​နိမိတ်​လက္ခဏာ​သည် အသွင်အပြင်​အမျိုးမျိုး​ပါဝင်သော ပေါင်းစပ်​နိမိတ်​လက္ခဏာ​ဖြစ်၏။ ယင်း​တို့​တွင် စစ်၊ ငတ်မွတ်​ဘေး၊ ရောဂါ​ဘေး​နှင့် မြေငလျင်​များ​ပါဝင်​ကာ ယင်း​တို့​က ယေရှု၏​နောက်လိုက်​များ​အား ကိုယ်တော် “ရောက်ရှိ​နေခြင်း” အပြင် “အစီအစဉ်​စနစ်​ဆုံးခန်း” ကို​ပါ သတိပြု​စေနိုင်​မည်။—၁၀/၁၊ စာမျက်နှာ ၄-၅။

• ဒို​င်​အာ​စ​ပေါ​ရာ​ဟူသည် အဘယ်နည်း။ အဘယ်​ဒေသ​များ ပါဝင်​ခဲ့​သနည်း။

ထို​အသုံးအနှုန်း​သည် ပါလက်စတိုင်း​ဒေသ ပြင်ပ​တွင်​နေထိုင်​သည့် ဂျူး​လူမျိုးများ​နှင့် သက်ဆိုင်​သည်။ ပထမ​ရာစု​တွင် ဂျူး​လူမျိုးများ​သည် ဆီးရီးယား၊ အာရှမိုင်းနား၊ ဗာဗုလုန်​နှင့် အီဂျစ်​တို့​တွင် အများအပြား​နေထိုင်ကြ​ပြီး ရောမ​အင်ပါယာ​ပိုင် ဥရောပ​နယ်မြေ​ဒေသ​တွင် အနည်း​အကျဉ်း နေထိုင်ကြ​သည်။—၁၀/၁၅၊ စာမျက်နှာ ၁၂။

• ခရစ်ယာန်​တစ်ဦး​သည် လက်နက်ကိုင်​ဆောင်​ရသည့် အလုပ်အကိုင်​မျိုးကို လက်ခံ​လိုက်ပါ​က သူ၏ ကိုယ်ကို​ကိုယ်​သိသောစိတ် ကြည်လင်​နိုင်​ဦး​မည်​လော။

သေနတ် သို့​မဟုတ် အခြား​လက်နက်​တစ်မျိုး ကိုင်ဆောင်​ရသည့် လောက​အလုပ် လုပ်ကိုင်​ခြင်း​သည် ကိုယ်ပိုင်​ဆုံးဖြတ်ချက်​ဖြစ်၏။ သို့သော် လက်နက်ကိုင်​ဆောင်​ရသော​အလုပ်​သည် လက်နက်​သုံးဖို့​လိုအပ်​လာ​ပါ​က လူတစ်ဦးကို သွေးပြစ်​မကင်း​သူ​ဖြစ်လာ​စေရန်​နှင့် တိုက်ခိုက်​သည့်​အခါ သို့​မဟုတ် ခုခံ​သည့်​အခါ ဒဏ်ရာ​ရစေ သို့​မဟုတ် သေစေ​ရန် အကြောင်း​များသည်။ ထိုသို့​သော လက်နက်ကိုင်​ဆောင်​သည့် ခရစ်ယာန်​တစ်ဦး​သည် အသင်းတော်တွင် မည်သည့်​အခွင့်အရေး​ကို​မျှ ရရှိ​မည်​မဟုတ်ပါ။ (၁ တိမောသေ ၃:၃၊ ၁၀)—၁၁/၁၊ စာမျက်နှာ ၃၁။

• “အာမဂေဒုန်” ဟူသော​စကားလုံး​သည် “မေဂိဒ္ဒေါ​တောင်” ဟူ​သည့် အသုံးအနှုန်း​မှ​ဆင်းသက်လာ​ရာ အာမဂေဒုန်​စစ်ပွဲ​ကို အရှေ့​အလယ်ပိုင်းဒေသ​ရှိ တောင်​တစ်လုံး​၌ ဆင်နွှဲ​လိမ့်​မည်​လော။

မဟုတ်ပါ။ မေဂိဒ္ဒေါ​တောင်​ဟူ၍ မရှိပါ။ ယင်းသည် ဣသရေလ​ပြည်​၌​တည်ရှိ​သည့် တောင်ကြား​လွင်ပြင်​နှင့်​ကပ်လျက်​ရှိသော မြင့်တက်​နေသည့် ကုန်း​တစ်ခုမျှသာ​ဖြစ်သည်။ ယင်း​ဧရိယာ​တွင် “မြေကြီး​ဘုရင်​မင်းတို့​နှင့် နောက်​ပါ​ဗိုလ်ခြေများ” အားလုံး တိုက်ပွဲ​ဆင်နွှဲ​နိုင်​သည်​အထိ မ​ကျယ်ဝန်း​ချေ။ ဘုရားသခင့်​စစ်ပွဲ​ကြီး​ကို ကမ္ဘာ​တစ်ဝန်းလုံး​၌ ဆင်နွှဲ​မည်​ဖြစ်​ပြီး ယင်းက စစ်ပွဲ​အားလုံး​ကို အဆုံးတိုင်​စေမည်​ဖြစ်သည်။ (ဗျာ. ၁၆:၁၄၊ ၁၆; ၁၉:၁၉၊ သ​မ; ဆာလံ ၄၆:၈၊ ၉)—၁၂/၁၊ စာမျက်နှာ ၄-၇။