မြင့်မြတ်သောအစည်းအဝေးများကို ရိုသေလေးစားကြောင်း တင်ပြခြင်း
မြင့်မြတ်သောအစည်းအဝေးများကို ရိုသေလေးစားကြောင်း တင်ပြခြင်း
‘ငါ၏သန့်ရှင်းသောတောင်သို့ သူတို့ကို ငါဆောင်ခဲ့၍ ငါ၏ဆုတောင်းရာအိမ်၌ ဝမ်းမြောက်စေမည်။’ —ဟေရှာယ ၅၆:၇။
၁။ စည်းဝေးသည့်နေရာများကို ရိုသေလေးစားရန် အဘယ်အကြောင်းရင်းများ ကျမ်းစာတွင်ရှိသနည်း။
ယေဟောဝါသည် မိမိလူမျိုးဖြစ်သော ဝိညာဉ်တော်ဖွားခရစ်ယာန်များနှင့် သူတို့အပေါင်းပါများကို “သန့်ရှင်းသောတောင်” တွင် ဝတ်ပြုရန် စုသိမ်းခဲ့ပေပြီ။ “လူအမျိုးမျိုးဆုတောင်းရာအိမ်” ဖြစ်သော မိမိ၏ ဝိညာဉ်ရေးဝတ်ပြုရာအိမ်တော်တွင် သူတို့ကိုဝမ်းမြောက်စေသည်။ (ဟေရှာယ ၅၆:၇; မာကု ၁၁:၁၇) အဆိုပါဖြစ်ရပ်များက ယေဟောဝါ၏ဝတ်ပြုရေးသည် သန့်ရှင်းစင်ကြယ်မြင့်မြတ်ကြောင်း ဖော်ပြသည်။ ကျွန်ုပ်တို့သည် လေ့လာသင်ယူရန်နှင့် ဝတ်ပြုရန် စုဝေးသည့်နေရာများကို ရိုသေလေးစားခြင်းဖြင့် သန့်ရှင်းမြင့်မြတ်မှုနှင့်ပတ်သက်၍ ယေဟောဝါနည်းတူ ရှုမြင်ကြောင်း တင်ပြကြသည်။
၂။ ယေဟောဝါသည် မိမိအားဝတ်ပြုရန် ရွေးချယ်ထားသောနေရာကို သန့်ရှင်းမြင့်မြတ်သည်ဟု ယူမှတ်ကြောင်း အဘယ်အရာကဖော်ပြသနည်း။ ယေရှုလည်း ထိုသို့ယူမှတ်ကြောင်း မည်သို့ပြသခဲ့သနည်း။
၂ ရှေးဣသရေလနိုင်ငံတွင် မိမိအားဝတ်ပြုရန် ယေဟောဝါရွေးချယ်သောနေရာကို သန့်ရှင်းမြင့်မြတ်သည်ဟု ယူမှတ်ရသည်။ တဲတော်နှင့် ယင်း၏အသုံးအဆောင်ပစ္စည်းများကို “အလွန်သန့်ရှင်းစေခြင်းငှာ” နံ့သာဆီလိမ်းပြီး သန့်ရှင်းစေရသည်။ (ထွက်မြောက်ရာ ၃၀:၂၆-၂၉) သန့်ရှင်းရာဌာနမှ အခန်းနှစ်ခန်းကို “သန့်ရှင်းသောအခန်း” နှင့် “အသန့်ရှင်းဆုံးအခန်း” ဟုခေါ်သည်။ (ဟေဗြဲ ၉:၂၊ ၃၊ ကဘ) နောက်ပိုင်းတွင် တဲတော်ကို ယေရုရှလင်မြို့ရှိ ဝတ်ပြုရာအိမ်တော်နှင့် အစားထိုးခဲ့သည်။ ယေဟောဝါဝတ်ပြုရေး၏ ဗဟိုဖြစ်သောကြောင့် ယေရုရှလင်မြို့ကို “သန့်ရှင်းသောမြို့” ဟုခေါ်သည်။ (နေဟမိ ၁၁:၁; မဿဲ ၂၇:၅၃) ယေရှုသည် မြေကြီးပေါ် အမှုဆောင်စဉ်ကာလအတွင်း ဝတ်ပြုရာအိမ်တော်ကို ရိုသေလေးစားမှု တင်ပြခဲ့သည်။ လူတို့သည် ဝတ်ပြုရာအိမ်တော်ရင်ပြင်ကို စီးပွားရေးနှင့်ဖြတ်လမ်းအဖြစ် အသုံးပြုခြင်းဖြင့် မလေးစားသောသဘောတင်ပြကြရာ သူတို့ကို ကိုယ်တော်အမျက်ထွက်ခဲ့သည်။—မာကု ၁၁:၁၅၊ ၁၆။
၃။ ဣသရေလလူတို့၏စုဝေးမှုများသည် သန့်ရှင်းမြင့်မြတ်ကြောင်း အဘယ်အရာက ဖော်ပြသနည်း။
၃ ဣသရေလလူမျိုးများသည် ယေဟောဝါအား ဝတ်ပြုရန်နှင့် ကိုယ်တော့်ပညတ်တော်ဖတ်ရှုခြင်းကို နားထောင်ရန် မှန်မှန်စုဝေးကြရသည်။ သူတို့၏ပွဲတော်ရက်အချို့ကို သန့်ရှင်းသောစည်းဝေးပွဲများ သို့မဟုတ် ဂုဏ်သိက္ခာရှိသော စုဝေးမှုများဟုခေါ်ခြင်းက ယင်းတို့၏ မြင့်မြတ်မှုကိုဖော်ပြသည်။ (ဝတ်ပြုရာ ၂၃:၂၊ ၃၊ ၃၆၊ ၃၇၊ ကဘ) ဧဇရနှင့်နေဟမိခေတ် လူထုစည်းဝေးပွဲတစ်ခုတွင် လေဝိသားများက “လူများတို့အား ပညတ္တိကျမ်းစာအနက်ကို ပြန်ကြားကြ၏။” “လူအပေါင်းတို့သည် ပညတ္တိကျမ်းစကားကိုကြားသောအခါ ငိုကြွေးကြသည်ဖြစ်၍” လေဝိသားများက ‘ဤသည်နေ့ရက်သည် သင်တို့၏ဘုရားသခင်အဖို့ သန့်ရှင်းသောနေ့ဖြစ်၏။ ငိုကြွေးမြည်တမ်းခြင်းကိုမပြုကြနှင့်’ ဟုပြောကြသည်။ ထို့နောက် ဣသရေလလူတို့သည် “အလွန်ဝမ်းမြောက်” သောစိတ်နှင့် သကေနေပွဲကို ခုနစ်ရက်ပတ်လုံးကျင်းပကြသည်။ ထို့ပြင် ‘ပထမနေ့မှစ၍ နောက်ဆုံးသောနေ့တိုင်အောင် နေ့ရက်အစဉ်အတိုင်း ဘုရားသခင်၏ပညတ္တိကျမ်းစာကို ဖတ်ရွတ်ကြ၏။ ထိုပွဲကို ခုနစ်ရက်ပတ်လုံးခံကြ၏။ ရှစ်ရက်မြောက်သောနေ့၌ တရားတော်အတိုင်း ပွဲကိုလည်းခံကြ၏။’ (နေဟမိ ၈:၇-၁၁၊ ၁၇၊ ၁၈) ယင်းတို့သည် တက်ရောက်သူများ အလေးထားအပ်သည့် အလွန်သန့်ရှင်းမြင့်မြတ်သော အခါသမယများ ဖြစ်ပေသည်။
ကျွန်ုပ်တို့၏အစည်းအဝေးများ သန့်ရှင်းမြင့်မြတ်
၄၊ ၅။ အစည်းအဝေးများ၏ အဘယ်အသွင်အပြင်များသည် သန့်ရှင်းမြင့်မြတ်ကြောင်း ထင်ရှားသနည်း။
၄ ယနေ့ ယေဟောဝါ၏ဝတ်ပြုရေးအတွက် အပ်နှံထားသော အိမ်တော်တည်ရှိရာ သန့်ရှင်းသောမြို့ မြေကြီးပေါ်တွင်မရှိသည်မှာ မှန်ပါသည်။ သို့သော် ယေဟောဝါအားဝတ်ပြုသော အစည်းအဝေးများသည် သန့်ရှင်းမြင့်မြတ်ကြောင်း မမေ့သင့်ပေ။ သမ္မာကျမ်းစာကို ဖတ်ရှုလေ့လာရန် တစ်ပတ်လျှင် သုံးကြိမ်စည်းဝေးကြသည်။ ထိုတွင် နေဟမိခေတ်ကကဲ့သို့ ယေဟောဝါ၏နှုတ်မြွက်စကားနေဟမိ ၈:၈) ကျွန်ုပ်တို့၏အစည်းအဝေးအားလုံးကို ဆုတောင်းခြင်းဖြင့် ဖွင့်ပိတ်ပြီး အများစုတွင် ယေဟောဝါအားချီးမွမ်းသီချင်းများ သီဆိုကြသည်။ (ဆာလံ ၂၆:၁၂) အသင်းတော်အစည်းအဝေးများသည် အမှန်ပင် ဝတ်ပြုရေး၏အစိတ်အပိုင်းဖြစ်ပြီး ကျွန်ုပ်တို့ဘက်မှ ကြည်ညိုလေးမြတ်သောသဘောနှင့် ရိုသေလေးစားစွာအာရုံစိုက်ဖို့လိုအပ်သည်။
တော်ကို “သေချာစွာဖတ်ရွတ်၍ အနက်ကိုပြန်” သည်။ (၅ ယေဟောဝါသည် မိမိလူများ မိမိအား ဝတ်ပြုရန်၊ နှုတ်မြွက်တော်ကိုလေ့လာရန်၊ ခရစ်ယာန်ချင်းများနှင့် ပျော်ရွှင်စွာပေါင်းသင်းရန် အတူတကွစည်းဝေးကြခြင်းကို ကောင်းချီးပေးတော်မူသည်။ ဝတ်ပြုစည်းဝေးချိန်တွင် ယေဟောဝါသည် “ကောင်းချီးမင်္ဂလာကို စီရင်တော်မူ” ကြောင်း ယုံကြည်စိတ်ချနိုင်သည်။ (ဆာလံ ၁၃၃:၁၊ ၃) ထိုတွင် ကျွန်ုပ်တို့ရောက်ရှိနေပြီး ဝိညာဉ်ရေးအစီအစဉ်ကို အာရုံစိုက်မည်ဆိုပါက ထိုကောင်းချီးများရရှိနိုင်သည်။ ထို့ပြင် ယေရှုဤသို့ဆိုသည်– “အကြင်အရပ်၌ လူနှစ်ဦးသုံးဦးတို့သည် ငါ၏နာမကိုထောက်၍ စည်းဝေးကြ၏။ ထိုအရပ်၌ သူတို့အလယ်မှာငါရှိသည်။” ရှေ့နောက်စကားအရ ယင်းသည် ခရစ်ယာန်အချင်းချင်းစပ်ကြား ပေါ်ပေါက်လာသော ကြီးလေးသည့်ကိစ္စများကို ကိုင်တွယ်ရန် စည်းဝေးကြသော အကြီးအကဲများနှင့်သက်ဆိုင်သော်လည်း ကျွန်ုပ်တို့၏အစည်းအဝေးများနှင့်လည်း မူအရ သက်ဆိုင်ပါသည်။ (မဿဲ ၁၈:၂၀) ခရစ်ယာန်များသည် ခရစ်တော်၏နာမကိုထောက်၍ စည်းဝေးကြသောအခါ သန့်ရှင်းသောဝိညာဉ်တော်အားဖြင့် ကိုယ်တော်ရောက်ရှိနေသောကြောင့် ထိုစုဝေးမှုကို သန့်ရှင်းမြင့်မြတ်သည်ဟု မရှုမြင်သင့်ပေလော။
၆။ အစည်းအဝေးများကျင်းပရာ အဆောက်အအုံကြီးငယ်မဟူနှင့်ပတ်သက်၍ အဘယ်အရာဆိုနိုင်သနည်း။
၆ ယေဟောဝါသည် လူလက်ဖြင့်လုပ်သော ဝတ်ပြုရာအိမ်များတွင် မကျိန်းဝပ်သည်မှာ မှန်ပါသည်။ သို့သော် ဘုရားသခင့်နိုင်ငံတော်ခန်းမများသည် စစ်မှန်သောဝတ်ပြုရေးနေရာများဖြစ်သည်။ (တမန်တော် ၇:၄၈; ၁၇:၂၄) ယေဟောဝါ၏နှုတ်မြွက်တော်ကိုလေ့လာရန်၊ ကိုယ်တော့်ထံဆုတောင်းရန်နှင့် ချီးမွမ်းသီချင်းဆိုရန် ထိုနေရာတွင် ကျွန်ုပ်တို့စည်းဝေးကြသည်။ စည်းဝေးပွဲခန်းမများတွင်လည်း အလားတူပင်။ ခန်းမများ၊ ပြဇာတ်ရုံများ၊ အားကစားရုံများစသော အဆောက်အအုံကြီးများကို ကျွန်ုပ်တို့၏အထွတ်အမြတ်စုဝေးမှုများအတွက် ငှားရမ်းအသုံးပြုစဉ် ယင်းတို့သည်လည်း ဝတ်ပြုရာ နေရာများဖြစ်လာသည်။ ထိုအခါသမယများကို ရိုသေလေးစားထိုက်ပြီး ယင်းသည် ကျွန်ုပ်တို့၏သဘောထားနှင့် အပြုအမူတို့တွင် ပေါ်လွင်သင့်သည်။
အစည်းအဝေးများကို ရိုသေလေးစားကြောင်း တင်ပြနိုင်သည့်နည်းလမ်းများ
၇။ အစည်းအဝေးများကို ရိုသေလေးစားကြောင်း တင်ပြနိုင်သည့် လက်တွေ့ကျနည်းလမ်းများကား အဘယ်နည်း။
၇ အစည်းအဝေးများကို ရိုသေလေးစားကြောင်း တင်ပြနိုင်သော လက်တွေ့ကျနည်းလမ်းများရှိသည်။ တစ်နည်းမှာ ဘုရားသခင့်နိုင်ငံတော်သီချင်းဆိုရန် ထိုတွင်ရောက်ရှိနေခြင်းဖြစ်သည်။ ထိုသီချင်းအများစုကို ဆုတောင်းစကားများအဖြစ် သီကုံးထားသောကြောင့် ရိုသေလေးစားစွာ သီဆိုသင့်သည်။ ယေရှုနှင့်ပတ်သက်၍ ဆာလံ အခန်းကြီး ၂၂ ကိုကိုးကားလျက် တမန်တော်ပေါလု ဤသို့ရေးခဲ့သည်– “သတင်းတော်ကို အကျွန်ုပ်ညီအစ်ကိုတို့အား အကျွန်ုပ်ကြားပြောပါမည်။ ပရိသတ်အလယ်မှာ ကိုယ်တော်ကိုချီးမွမ်း၍ သီချင်းဆိုပါမည်။” (ဟေဗြဲ ၂:၁၂) ထို့ကြောင့် သီချင်းဆိုရန် သဘာပတိ မပြောမီ ကျွန်ုပ်တို့သည် ထိုင်ခုံများတွင် ရှိနေသင့်ပြီး စာသားများ၏အဓိပ္ပာယ်ကို အာရုံစူးစိုက်သီဆိုသင့်သည်။ ကျွန်ုပ်တို့၏သီဆိုမှုသည် ဤသို့ရေးသားခဲ့သော ဆာလံဆရာ၏ခံစားချက်ကို ထင်ဟပ်နိုင်ပါစေ– ‘ငါသည် ဖြောင့်မတ်သောသူတို့၏ အစည်းအဝေး၌လည်းကောင်း၊ ပရိသတ်၌လည်းကောင်း ထာဝရဘုရားသခင်၏ဂုဏ်တော်ကို စိတ်နှလုံးအကြွင်းမဲ့ချီးမွမ်းမည်။’ (ဆာလံ ၁၁၁:၁) မှန်ပါသည်၊ ယေဟောဝါကိုချီးမွမ်းသီချင်းဆိုရန် အစည်းအဝေးများသို့ စောစောရောက်ပြီး ပြီးသည်အထိရှိနေသင့်သည်။
၈။ အစည်းအဝေးများတွင် ဆုတောင်းချက်များကို ရိုသေလေးစားစွာအာရုံစိုက်သင့်ကြောင်း အဘယ်ကျမ်းစာနမူနာက ဖော်ပြသနည်း။
၈ အစည်းအဝေးအားလုံးကို ဝိညာဉ်ရေးအရ ပိုကြွယ်ဝစေသည့် နောက်အသွင်အပြင်တစ်ခုမှာ စည်းဝေးလာသူအားလုံးကိုယ်စား နှလုံးပါပါတောင်းလျှောက်သော ဆုတောင်းချက်များဖြစ်သည်။ တစ်ကြိမ်တွင် ပထမရာစုခရစ်ယာန်များသည် ယေရုရှလင်မြို့၌ စုဝေးပြီး “တညီတညွတ်တည်း ဘုရားသခင့်ထံသို့အသံကိုလွှင့်” လျက် စိတ်ထက်သန်စွာဆုတောင်းကြသည်။ ရလဒ်အနေနှင့် သူတို့သည် နှိပ်စက်ညှဉ်းပန်းမှုများကြားမှ ‘ဘုရားသခင်၏နှုတ်မြွက်စကားတော်ကို ရဲရင့်စွာဟောပြောကြ၏။’ (တမန်တော် ၄:၂၄-၃၁) ထိုသို့ဆုတောင်းနေစဉ် တစ်ဦးဦးသည် အာရုံပျံ့လွင့်နေသည်ဟု သင်ထင်သလော။ ဝေးလေစွ။ သူတို့သည် “တညီတညွတ်တည်း” ဆုတောင်းခဲ့ကြသည်။ အစည်းအဝေးများတွင် တောင်းလျှောက်သော ဆုတောင်းချက်များသည် တက်ရောက်သူအားလုံး၏ ခံစားချက်များကို ထင်ဟပ်သည်။ ယင်းတို့ကို ရိုသေလေးစားစွာ အာရုံစိုက်သင့်သည်။
၉။ ကျွန်ုပ်တို့၏ဝတ်စားဆင်ယင်မှုနှင့် အပြုအမူအားဖြင့် အစည်းအဝေးများကို ရိုသေလေးစားကြောင်း မည်သို့တင်ပြနိုင်သနည်း။
၉ ထို့ပြင် ဝတ်စားဖြီးလိမ်းပုံအားဖြင့်လည်း အစည်းအဝေးများ၏ သန့်ရှင်းမြင့်မြတ်မှုကို မည်မျှနက်ရှိုင်းစွာလေးစားကြောင်း ဖော်ပြနိုင်သည်။ အဝတ်အစားနှင့်ဆံပင်ပုံစံသည် အစည်းအဝေးများကို များစွာဂုဏ်သိက္ခာတက်စေနိုင်သည်။ တမန်တော်ပေါလု ဤသို့ဆုံးမခဲ့သည်– “အရပ်ရပ်တို့၌ယောက်ျားတို့သည် အမျက်ထွက်ခြင်း၊ ငြင်းခုံခြင်းမရှိဘဲ သန့်ရှင်းသောလက်ကိုချီ၍ ဆုတောင်းစေခြင်းငှာ ငါအလိုရှိ၏။ ထိုနည်းတူ မိန်းမတို့သည် ကျစ်သောဆံပင်၊ ရွှေတန်ဆာ၊ ကျောက်ပုလဲ၊ အဖိုးထိုက်သောအဝတ်နှင့် ကိုယ်ကိုမဆင်ဘဲ ရှက်ကြောက်ခြင်း၊ ဣန္ဒြေစောင့်ခြင်းအားဖြင့် လျောက်ပတ်သောအဝတ်နှင့်လည်းကောင်း၊ ဘုရားသခင်အား ရိုသေလေးမြတ်ခြင်းကို ဝန်ခံပြုစုသောမိန်းမဆင်သင့်သည်အတိုင်း ကောင်းသောအကျင့်နှင့်လည်းကောင်း ကိုယ်ကိုတန်ဆာဆင်စေခြင်းငှာ ငါအလိုရှိ၏။” (၁ တိမောသေ ၂:၈-၁၀) အမိုးဖွင့်အားကစားရုံကြီးများတွင် ကျင်းပသောစည်းဝေးပွဲကြီးများ တက်ရောက်သောအခါ ကျွန်ုပ်တို့၏ဝတ်စားဆင်ယင်မှုသည် ရာသီဥတုအခြေအနေနှင့် ကိုက်ညီဖို့လိုသော်လည်း ဂုဏ်သိက္ခာရှိသင့်သည်။ ထို့ပြင် ထိုအခါသမယကို လေးစားမည်ဆိုလျှင် စည်းဝေးကျင်းပစဉ် အစာစားခြင်း၊ ပီကေဝါးခြင်းတို့ ပြုလုပ်မည်မဟုတ်ပေ။ အစည်းအဝေးများတွင် သင့်တော်သောဝတ်စားဆင်ယင်မှုနှင့် အပြုအမူတို့အားဖြင့် ယေဟောဝါဘုရားသခင်၊ ကိုယ်တော့်ဝတ်ပြုရေးနှင့် ကျွန်ုပ်တို့၏ဝတ်ပြုသူချင်းတို့ကို ဂုဏ်တင်နိုင်သည်။
ဘုရားသခင့်အိမ်တော်နှင့် ထိုက်တန်သော အမူအကျင့်
၁၀။ ခရစ်ယာန်အစည်းအဝေးများတွင် အမူအကျင့်ကောင်းတင်ပြသင့်ကြောင်း တမန်တော်ပေါလု မည်သို့ဖော်ပြခဲ့သနည်း။
၁၀ ခရစ်ယာန်အစည်းအဝေးများ၌ မည်သို့ကျင့်ကြံသင့်ကြောင်း တမန်တော်ပေါလု၏ ပညာရှိအကြံဉာဏ်ကို ၁ ကောရိန္သု အခန်းကြီး ၁၄ တွင် တွေ့ရသည်။ သူဤသို့နိဂုံးချုပ်ခဲ့သည်– “ခပ်သိမ်းသောအမှုကို တင့်တယ်လျောက်ပတ်စွာ အစဉ်အတိုင်းစီရင်ကြလော့။” (၁ ကောရိန္သု ၁၄:၄၀) ကျွန်ုပ်တို့၏အစည်းအဝေးများသည် ခရစ်ယာန်အသင်းတော်လုပ်ဆောင်မှုများတွင် အရေးပါသောကဏ္ဍတစ်ရပ်ဖြစ်ပြီး ယေဟောဝါ၏အိမ်တော်နှင့် ထိုက်တန်သောအမူအကျင့်တင်ပြရန် လိုအပ်သည်။
၁၁၊ ၁၂။ (က) အစည်းအဝေးတက်သော ကလေးများ၏စိတ်တွင် အဘယ်အရာကို စွဲမှတ်စေရမည်နည်း။ (ခ) ကလေးများသည် အစည်းအဝေးများတွင် မိမိတို့ယုံကြည်ခြင်းကို မည်သည့်နည်းဖြင့် တင်ပြနိုင်သနည်း။
ဒေ. ၅:၁) မောရှေသည် ဣသရေလလူမျိုး လူကြီးများနှင့် “သူငယ်” တို့ကို အတူတကွစုရုံးရန် ပြောခဲ့သည်။ သူဤသို့ဆိုသည်– ‘သူတို့သည် ကြား၍ နားလည်သဖြင့် သင်တို့၏ဘုရားသခင် ယေဟောဝါကိုကြောက်ရွံ့၍ ဤပညတ်တရားစကားအလုံးစုံတို့ကို စောင့်ရှောက်စေခြင်းငှာ ပရိသတ်တို့ကိုစုဝေးစေကြလော့။ ထိုသို့ပြုလျှင် နားမလည်သေးသောသူငယ်တို့သည် ကြား သဖြင့် . . . သင်တို့ဘုရားသခင်ယေဟောဝါကို ကြောက်ရွံ့စေခြင်းငှာသင်ကြလိမ့်မည်။’—တရားဟောရာ ၃၁:၁၂၊ ၁၃။
၁၁ အထူးသဖြင့် အစည်းအဝေးများတွင် မည်သို့ကျင့်ကြံသင့်ကြောင်း သားသမီးများကို သင်ကြားပေးရန် လိုအပ်သည်။ ဘုရားသခင့်နိုင်ငံတော်ခန်းမနှင့် စာအုပ်ကြီးသင်တန်း ကျင်းပရာနေရာသည် ကစားရမည့်နေရာမဟုတ်ကြောင်း ခရစ်ယာန်မိဘများသည် မိမိတို့သားသမီးများကို ရှင်းပြထားသင့်သည်။ ယင်းတို့သည် ယေဟောဝါအားဝတ်ပြုပြီး ကိုယ်တော့်နှုတ်မြွက်တော်ကိုလေ့လာသော နေရာများဖြစ်သည်။ ပညာရှိဘုရင်ရှောလမုန် ဤသို့ရေးခဲ့သည်– “ဘုရားသခင့်အိမ်တော်သို့သွားသောအခါ သင့်ခြေတို့ကိုစောင့်လော့။ . . . တရားနာခြင်းအမှုကို သာ၍ကြိုးစားလော့။” (၁၂ ယနေ့လည်း ထိုနည်းတူပင်။ ကလေးများသည် အဓိကအားဖြင့် နားထောင်ရန်နှင့် သင်ယူရန် မိဘများနှင့်အတူ အစည်းအဝေးတက်ရောက်ကြခြင်းဖြစ်၏။ အာရုံစိုက်နားထောင်နိုင်ပြီး အခြေခံကျမ်းစာအမှန်တရားများကို နားလည်နိုင်သောအရွယ်ရောက်သည်နှင့် မှတ်ချက်တိုများပေးခြင်းဖြင့် မိမိတို့၏ယုံကြည်ခြင်းကို “နှုတ်ဖြင့်ဝန်ခံ” နိုင်ကြသည်။ (ရောမ ၁၀:၁၁) ကလေးငယ်တစ်ဦးသည် သူနားလည်သောမေးခွန်း၏အဖြေကို တစ်ခွန်းနှစ်ခွန်းပြောခြင်းဖြင့် အစပြုနိုင်သည်။ ပထမပိုင်းတွင် အဖြေကိုဖတ်ပြပေမည်။ သို့သော် တဖြည်းဖြည်း ကိုယ်ပိုင်စကားဖြင့် အဖြေပေးပေမည်။ ယင်းသည် ကလေးအတွက် အကျိုးရှိပြီး ပျော်ရွှင်စရာဖြစ်သည့်ပြင် ယုံကြည်ခြင်းကို ထိုသို့စိတ်လိုကိုယ်လျောက်ထုတ်ပြောခြင်းက တက်ရောက်လာသူလူကြီးများကို ကြည်နူးစေသည်။ အမှန်မှာ မိဘများကိုယ်တိုင် မှတ်ချက်ပေးခြင်းဖြင့် ပုံသက်သေပြကြသည်။ ဖြစ်နိုင်မည်ဆိုပါက ကလေးများတွင် ကိုယ်ပိုင်ကျမ်းစာ၊ သီချင်းစာအုပ်၊ လေ့လာနေသောစာပေရှိလျှင် ကောင်းပါသည်။ ယင်းစာပေများကို ရိုရိုသေသေကိုင်တွယ်ရန် သင်ပေးသင့်သည်။ ယင်းတို့အားလုံးက အစည်းအဝေးများသည် မြင့်မြတ်ကြောင်း ကလေးငယ်၏စိတ်ထဲ စွဲမှတ်စေပေမည်။
၁၃။ အစည်းအဝေးများကို ပထမအကြိမ်တက်ရောက်သူထံမှ ကျွန်ုပ်တို့အဘယ်အရာမျှော်လင့်သနည်း။
၁၃ ကျွန်ုပ်တို့၏အစည်းအဝေးများကို ခရစ်ယာန်ဘောင်၏ ဝတ်ပြုဆုတောင်းပွဲများနှင့် မတူစေလိုကြပေ။ ထိုဝတ်ပြုဆုတောင်းပွဲများသည် အေးတိအေးစက်နှင့် ဟိတ်ဟန်ကြီးခြင်း သို့မဟုတ် ရော့ခ်ဂီတပွဲများကဲ့သို့ ဆူညံပေါက်ကွဲခြင်းလည်းဖြစ်နိုင်သည်။ ဘုရားသခင့်နိုင်ငံတော်ခန်းမများရှိ အစည်းအဝေးများတွင် နွေးထွေးပျူငှာမှုရှိသင့်သော်လည်း မိတ်ဆုံပွဲများကဲ့သို့ မဖြစ်သင့်ပေ။ ယေဟောဝါကိုဝတ်ပြုရန် စုဝေးကြခြင်းဖြစ်သောကြောင့် အစည်းအဝေးများသည် အစဉ်ဂုဏ်သိက္ခာရှိသင့်သည်။ ကျွန်ုပ်တို့၏ဆန္ဒမှာ အစည်းအဝေးကို ပထမအကြိမ်တက်ရောက်သူသည် တင်ဆက်နေသောအကြောင်းအရာကို နားထောင်ပြီးနောက်၊ ကျွန်ုပ်တို့ကိုယ်တိုင်နှင့် ကလေးများ၏အပြုအမူကို မြင်ပြီးနောက် “ဘုရားသခင်သည် သူတို့တွင် အမှန်ရှိတော်မူသည်” ဟုပြောဆိုစေရန်ဖြစ်သည်။—၁ ကောရိန္သု ၁၄:၂၅။
ဝတ်ပြုရေး၏ တည်မြဲသောကဏ္ဍတစ်ရပ်
၁၄၊ ၁၅။ (က) ကျွန်ုပ်တို့သည် ‘ဘုရားသခင်၏အိမ်တော်ကို စွန့်ပစ်’ မထားမိရန် အဘယ်အရာပြုလုပ်နိုင်သနည်း။ (ခ) ဟေရှာယ ၆၆:၂၃ သည် မည်သို့ ပြည့်စုံနေသနည်း။
၁၄ အစပိုင်းတွင်ဖော်ပြခဲ့သကဲ့သို့ ယေဟောဝါသည် မိမိလူများကိုစုသိမ်းလျက်ရှိပြီး မိမိ၏ “ဆုတောင်းရာအိမ်” ၌ဝမ်းမြောက်နေစေသည်။ (ဟေရှာယ ၅၆:၇) သစ္စာရှိကျေးကျွန်နေဟမိသည် ပကတိဝတ်ပြုရာအိမ်တော်ကို ရုပ်ပစ္စည်းများထောက်ပံ့ခြင်းဖြင့် တော်သင့်သောရိုသေလေးစားမှုတင်ပြရန် ဂျူးလူမျိုးများကို သတိပေးခဲ့သည်။ သူဤသို့ဆိုသည်– “ငါတို့ဘုရားသခင်၏အိမ်တော်ကို ငါတို့သည် စွန့်ပစ်၍မထားရကြ။” (နေဟမိ ၁၀:၃၉) ထို့ပြင် မိမိ၏ “ဆုတောင်းရာအိမ်” တွင် ဝတ်ပြုရန် ယေဟောဝါ၏ဖိတ်ခေါ်ချက်ကိုလည်း လျစ်လျူမရှုသင့်ပေ။
၁၅ ဝတ်ပြုအစည်းအဝေးများကို မှန်မှန်တက်ရောက်ရန် လိုအပ်မှုနှင့်ပတ်သက်၍ ဟေရှာယ ဤသို့ပရောဖက်ပြုခဲ့သည်– ‘လူသတ္တဝါအပေါင်းတို့သည် ငါ့ရှေ့မှာကိုးကွယ်ခြင်းငှာ လဆန်းနေ့နှင့် ဥပုသ်နေ့အစဉ်အတိုင်း လာကြလိမ့်မည်ဟု ထာဝရဘုရားသခင်မိန့်တော်မူ၏။’ (ဟေရှာယ ၆၆:၂၃) ယနေ့ ထိုအတိုင်းဖြစ်ပျက်လျက်ရှိသည်။ အပ်နှံထားသောခရစ်ယာန်များသည် ယေဟောဝါကိုအတူတကွဝတ်ပြုရန် လစဉ်၊ အပတ်စဉ် မှန်မှန်လာလျက်ရှိသည်။ သူတို့သည် အခြားလုပ်ဆောင်မှုများအပြင် အစည်းအဝေးများ တက်ရောက်ခြင်းနှင့် ခရစ်ယာန်ဓမ္မအမှုတွင် ပါဝင်ခြင်းဖြင့် ထိုသို့ပြုလုပ်နေကြသည်။ ‘ယေဟောဝါရှေ့ကိုးကွယ်ခြင်းငှာ’ မှန်မှန် ‘လာကြ’ သူများထဲတွင် သင်ပါဝင်သလော။
၁၆။ အစည်းအဝေးများကို ပုံမှန်တက်ရောက်ခြင်းသည် ယခုပင် ကျွန်ုပ်တို့အသက်တာ၏ တည်မြဲသောကဏ္ဍတစ်ရပ် အဘယ်ကြောင့်ဖြစ်သင့်သနည်း။
၁၆ ဟေရှာယ ၆၆:၂၃ သည် ယေဟောဝါကတိထားတော်မူသော ကမ္ဘာသစ်အသက်တာတွင် အပြည့်အဝပြည့်စုံပေမည်။ ထိုအချိန်တွင် “လူသတ္တဝါအပေါင်းတို့သည်” ယေဟောဝါ “ရှေ့မှာကိုးကွယ်” ရန် ပကတိသဘောအရ တစ်ပတ်ပြီးတစ်ပတ်၊ တစ်လပြီးတစ်လ ထာဝစဉ် “လာကြ” လိမ့်မည်။ ယေဟောဝါကိုဝတ်ပြုရန် အတူတကွစည်းဝေးခြင်းသည် စနစ်သစ်ရှိ ကျွန်ုပ်တို့၏ဝိညာဉ်ရေးအသက်တာတွင် တည်မြဲသောကဏ္ဍတစ်ရပ်ဖြစ်နေမည်။ ထို့ကြောင့် မြင့်မြတ်သောအစည်းအဝေးများ ပုံမှန်တက်ရောက်ခြင်းကို ယခုပင် ကျွန်ုပ်တို့ဘဝ၏ တည်မြဲသောကဏ္ဍတစ်ရပ် ဖြစ်စေသင့်သည်မဟုတ်လော။
၁၇။ “ကာလအချိန်ရောက်လုနီး” သည်နှင့်အမျှ အစည်းအဝေးများကို အဘယ်ကြောင့် သာ၍လိုအပ်သနည်း။
၁၇ အဆုံးနီးလာသည်နှင့်အမျှ ဝတ်ပြုရေးအတွက် ခရစ်ယာန်အစည်းအဝေးများကို တက်ရောက်ရန် ယခင်ကထက် ပို၍စိတ်ပိုင်းဖြတ်သင့်သည်။ အစည်းအဝေးများ၏ သန့်ရှင်းမြင့်မြတ်မှုကို ရိုသေလေးစားသည့်အတွက် လောကအလုပ်၊ အိမ်စာ သို့မဟုတ် ကျောင်းပညာရေးတို့ကြောင့် ယုံကြည်သူချင်းများနှင့် ပုံမှန်စည်းဝေးခြင်းကို ပျက်ကွက်မည်မဟုတ်ပေ။ ကျွန်ုပ်တို့သည် အချင်းချင်းပေါင်းသင်းခြင်းမှ ခွန်အားရရှိရန် လိုအပ်သည်။ အသင်းတော်အစည်းအဝေးများသည် တစ်ဦးကိုတစ်ဦးပိုသိကျွမ်းဖို့၊ အားပေးတည်ဆောက်ဖို့၊ ‘မေတ္တာစိတ်ရှိစေရန်နှင့် ကောင်းသောအကျင့်ကိုကျင့်စေရန်’ အချင်းချင်းတိုက်တွန်းနှိုးဆော်ဖို့ အခွင့်အရေးရရှိစေသည်။ “ကာလအချိန်ရောက်လုနီးသည်ကိုထောက်သဖြင့် သာ၍ကြိုးစား” ရန်လိုအပ်သည်။ (ဟေဗြဲ ၁၀:၂၄၊ ၂၅) ထို့ကြောင့် ကျွန်ုပ်တို့သည် အစည်းအဝေးမှန်မှန်တက်ရောက်ခြင်း၊ လျောက်ပတ်စွာဝတ်စားဆင်ယင်ခြင်းနှင့် အမူအကျင့်ကောင်းတင်ပြခြင်းတို့ဖြင့် မြင့်မြတ်သောအစည်းအဝေးများကို ရိုသေလေးစားကြောင်း အစဉ်တင်ပြနိုင်ကြပါစေ။ ထိုသို့ပြုခြင်းဖြင့် သန့်ရှင်းမြင့်မြတ်သောအရာများနှင့်ပတ်သက်၍ ယေဟောဝါနည်းတူ ရှုမြင်ကြောင်း ကျွန်ုပ်တို့တင်ပြကြသည်။
ပြန်လည်သုံးသပ်ချက်
• ယေဟောဝါလူမျိုး၏ စုရုံးမှုများကို သန့်ရှင်း မြင့်မြတ်သည်ဟု ရှုမြင်သင့်ကြောင်း အဘယ် အရာက ဖော်ပြသနည်း။
• အစည်းအဝေးများသည် သန့်ရှင်းမြင့်မြတ်ကြောင်း အဘယ်အသွင်အပြင်များက ဖော်ပြသနည်း။
• အစည်းအဝေးများ၏ မြင့်မြတ်မှုကို ရိုသေလေးစားကြောင်း ကလေးများမည်သို့တင်ပြနိုင်သနည်း။
• အစည်းအဝေးမှန်မှန်တက်ရောက်ခြင်းကို ကျွန်ုပ်တို့အသက်တာ၏ တည်မြဲသောကဏ္ဍတစ်ရပ် အဘယ်ကြောင့်ဖြစ်စေသင့်သနည်း။
[လေ့လာရန်မေးခွန်းများ]
[စာမျက်နှာ ၂၈ ပါ ရုပ်ပုံ]
ယေဟောဝါကိုဝတ်ပြုသော အစည်းအဝေးများသည် မည်သည့်နေရာတွင်ကျင်းပပါစေ သန့်ရှင်းမြင့်မြတ်
[စာမျက်နှာ ၃၁ ပါ ရုပ်ပုံ]
ကလေးများသည် နားထောင်ရန်နှင့်သင်ယူရန် အစည်းအဝေးများ တက်ရောက်ကြ