ရိုးသားစွာ ကျင့်ကြံထိုက်
ရိုးသားစွာ ကျင့်ကြံထိုက်
မရိုးသားမှုသည် ဧဒင်ဥယျာဉ်တွင် အစပြုခဲ့သည်။ သို့သော် ယဉ်ကျေးမှုနှင့်အဖွဲ့အစည်းများစွာတွင် ရိုးသားမှုကို တန်ဖိုးထားပြီး လိမ်လည်လှည့်ဖြားမှုကို မနှစ်မြို့ဖွယ်၊ ရှုတ်ချပြစ်တင်ထိုက်သောလုပ်ရပ်အဖြစ် ရှုမြင်ကြသည်။ ယုံကြည်စိတ်ချထိုက်သူအဖြစ် ရှုမြင်ခံရခြင်းသည် ဂုဏ်ယူစရာဖြစ်၏။ သို့သော် ရိုးသားနေလျှင် မျက်မှောက်ခေတ်လောကတွင် အသက်ရှင်ရပ်တည်နိုင်မည်မဟုတ်ဟု ရှုမြင်သူပိုများလာနေသည်။ ယင်းနှင့်ပတ်သက်၍ သင်မည်သို့ခံစားရသနည်း။ ရိုးသားခြင်းကို ပြုစုပျိုးထောင်ထိုက်ပါသလော။ ရိုးသားမှု၊ မရိုးသားမှုကို သင်မည်သို့တိုင်းတာသနည်း။
ဘုရားသခင့်စိတ်တော်နှင့်တွေ့ရန် ကျွန်ုပ်တို့၏အပြောအဆိုနှင့် ဘဝလမ်းစဉ်တွင် ရိုးသားရမည်။ တမန်တော်ပေါလုက ခရစ်ယာန်ချင်းများကို ဤသို့တိုက်တွန်းခဲ့သည်– “မှန်သောစကားကိုသာ အချင်းချင်း တစ်ယောက်နှင့်တစ်ယောက်ပြောကြလော့။” (ဧဖက် ၄:၂၅) ဤသို့လည်းရေးခဲ့၏– “အရာရာတို့၌ ကောင်းမွန်စွာ [“ရိုးသားစွာ၊” ကဘ] ကျင့်နေခြင်းငှာ အလိုရှိသောသူဖြစ်သည်။” (ဟေဗြဲ ၁၃:၁၈) ကျွန်ုပ်တို့ရိုးသားရသည့် အကြောင်းရင်းမှာ လူတို့၏ချီးမွမ်းခြင်းခံလို၍မဟုတ်ပေ။ ဖန်ဆင်းရှင်ကို ရိုသေလေးစားပြီး ကိုယ်တော့်စိတ်တော်နှင့်တွေ့လိုသည့်အတွက် ရိုးသားကြခြင်းဖြစ်သည်။
သင်မည်သူမည်ဝါဖြစ်သည်ကို မလျှို့ဝှက်နှင့်
နိုင်ငံများစွာရှိလူတို့သည် ဘဝတွင် အကျိုးအမြတ်များရလိုသောကြောင့် မိမိတို့အကြောင်း အမှန်အတိုင်းမဖော်ပြကြပေ။ သူတို့သည် နိုင်ငံတစ်နိုင်ငံအတွင်း တရားမဝင် ဝင်ရောက်နိုင်ရန်၊ မိမိတို့အရည်အချင်းမပြည့်မီသော အလုပ် သို့မဟုတ် ရာထူးရရန် လိမ်လည်ထားသောစာရွက်စာတမ်းများ၊ ဒီပလိုမာများနှင့် စိစစ်ရေးကတ်များပြုလုပ်ကြသည်။ မိဘအချို့သည် သားသမီးများပညာဆက်သင်ကြားနိုင်ရန် မွေးစာရင်းအတုပြုလုပ်ကြသည်။
သို့သော် လိမ်လည်လှည့်ဖြားလျှင် ဘုရားသခင့်စိတ်တော်နှင့် တွေ့နိုင်မည်မဟုတ်ပေ။ သမ္မာကျမ်းစာက ယေဟောဝါသည် “အမှန်တရား၏ဘုရားသခင်” ဖြစ်သည်ဟုဆိုပြီး မိမိနှင့်ရင်းနှီးကျွမ်းဝင်သူတို့ထံမှ ရိုးသားမှန်ကန်မှုကို ကိုယ်တော် မျှော်လင့်တော်မူသည်။ (ဆာလံ ၃၁:၅၊ ကဘ) မိမိတို့မည်သူမည်ဝါဖြစ်သည်ကို “လျှို့ဝှက်” သည့် “လိမ်လည်သူတို့” ကို ကျွန်ုပ်တို့အတုယူလျှင် ယေဟောဝါနှင့်ရင်းနှီးသောဆက်ဆံရေး ရရှိနိုင်မည်မဟုတ်ပေ။—ဆာလံ ၂၆:၄။
အမှားပြုမိ၍ တည့်မတ်ခံရတော့မည့် အခြေအနေတွင်လည်း လူတို့လိမ်တတ်ကြသည်။ ခရစ်ယာန်အသင်းတော်အတွင်းရှိသူတစ်ဦးပင် ထိုသို့ပြုရန် သွေးဆောင်ခံရနိုင်သည်။ ဥပမာ၊ အသင်းတော်တစ်ခုတွင် လူငယ်တစ်ဦးသည် အချို့သောအပြစ်များ ကျူးလွန်မိကြောင်း အကြီးအကဲများထံဝန်ချသည်။ သို့သော် ခိုးမှုကျူးလွန်ခဲ့ကြောင်း သက်သေထင်ရှားသည့်တိုင် ယင်းကိုဝန်မခံပါ။ သူလိမ်ထားကြောင်း တဖြည်းဖြည်းထင်ရှားလာကာ အသင်းတော်မှ နှင်ထုတ်ခံရသည်။ သူသည် လုံးဝရိုးသားပြီး ယေဟောဝါနှင့်အဖိုးတန်ဆက်ဆံရေး ပြန်ရရှိနိုင်စေသည့် အကူအညီကိုလက်ခံမည်ဆိုပါက ပညာရှိရာကျမည်မဟုတ်လော။ ထို့ထက်ကား သမ္မာဟေဗြဲ ၁၂:၅၊ ၆။
ကျမ်းစာက ဤသို့ဆို၏– ‘ထာဝရဘုရားသခင်ဆုံးမတော်မူခြင်းကို မမှတ်ဘဲမနေနှင့်။ သင်၏အပြစ်ကို စစ်ဆေးတော်မူသောအခါ စိတ်မပျက်နှင့်။ ထာဝရဘုရားသခင်သည် ချစ်တော်မူသောသူကို ဆုံးမတော်မူတတ်၏။’—တစ်ခါတစ်ရံ အသင်းတော်တာဝန်များကို လက်လှမ်းယူနေသည့် ညီအစ်ကိုတစ်ဦးသည် ကိုယ်ရေးကိုယ်တာပြဿနာများ သို့မဟုတ် ယခင်က အကျင့်ယိုယွင်းမှုကို လျှို့ဝှက်ထားရန် ကြိုးစားပေမည်။ ဥပမာ၊ လုပ်ငန်းတော်အခွင့်ထူးများအတွက် လျှောက်လွှာဖြည့်သောအခါ ကျန်းမာရေး၊ ကိုယ်ကျင့်တရားစသည့်ကိစ္စများနှင့်ပတ်သက်သော မေးခွန်းများကို အမှန်အတိုင်းဖြေလျှင် အရည်အချင်းမပြည့်မီမည်စိုး၍ အချို့ကို ချန်လှပ်ထားပေမည်။ ‘ငါတကယ်လိမ်တာမှမဟုတ်တာ’ ဟု သူတွေးမိနိုင်သည်။ သို့သော် သူအမှန်ပင် ရိုးသားပွင့်လင်းသလော။ နယပုံပြင် ၃:၂၃ ပါ ဤအချက်ကို သတိပြုကြည့်ပါ– ‘ထာဝရဘုရားသခင်သည် သဘောကောက်သောသူတို့ကို စက်ဆုပ်ရွံရှာတော်မူ၏။ ဖြောင့်မတ်သောသူတို့မူကား ကိုယ်တော်နှင့် မိတ်သဟာယဖွဲ့ရသောအခွင့်ရှိကြ၏။’
ရိုးသားခြင်းဟုဆိုရာတွင် ဦးစွာ ကျွန်ုပ်တို့ကိုယ်ကို ရိုးသားခြင်းဖြစ်သည်။ တစ်ခါတစ်ရံ မှန်ကန်ဖြောင့်မတ်ရာကိုမဟုတ်ဘဲ ကျွန်ုပ်တို့လက်ခံလိုသည့်အရာကိုသာ ယုံကြည်လက်ခံကြသည်။ မိမိကိုယ်ကိုမဟုတ်ဘဲ အခြားသူများကို အပြစ်ဖို့ရန် အလွန်လွယ်ကူသည်။ ဥပမာ၊ ဘုရင်ရှောလုသည် မိမိ၏မနာခံမှုကို ဆင်ခြေပေးရန် အခြားသူများအပေါ် အပြစ်ပုံချခဲ့သည်။ ထို့ကြောင့် သူ့ကိုဘုရင်အဖြစ်မှ ယေဟောဝါဖယ်ရှားခဲ့သည်။ (၁ ဓမ္မရာဇဝင် ၁၅:၂၀-၂၃) ‘အကျွန်ုပ်သည် ကိုယ်အပြစ်ကို ရှေ့တော်၌ဝန်ချပါ၏။ ပြုမိသောအပြစ်ကို ဝှက်၍မထားပါ။ “ငါလွန်ကျူး သောအရာကို ထာဝရဘုရားသခင်အား ဖော်ပြတောင်းပန်မည်” ဟု ပြောဆိုသောအခါ ကိုယ်တော်သည် အကျွန်ုပ်ပြစ်မှားခြင်းအပြစ်ကို လွှတ်တော်မူ၏’ ဟုဆုတောင်းခဲ့သော ဘုရင်ဒါဝိဒ်နှင့် ကွာခြားလိုက်လေခြင်း။—ဆာလံ ၃၂:၅။
ရိုးသားမှုကြောင့် ကောင်းချီးရ
ရိုးသားမှုရှိခြင်း၊ မရှိခြင်းက သင့်အပေါ် အခြားသူများ၏ရှုမြင်ပုံကို ဩဇာလွှမ်းမိုးသည်။ သင်သည် လူတို့အား တစ်ကြိမ်မျှ လိမ်လည်ခဲ့ဖူးလျှင်ပင် သင့်ကိုယုံကြည်စိတ်ချတော့မည်မဟုတ်။ ယင်းကိုလည်း လွယ်လွယ်နှင့်ပြန်ရမည်မဟုတ်ပေ။ သို့သော် သင်သည် ရိုးသားဖြောင့်မတ်လျှင် သမာဓိရှိသူ၊ ယုံကြည်စိတ်ချထိုက်သူအဖြစ် နာမည်ကောင်းရရှိမည်ဖြစ်သည်။ ယေဟောဝါသက်သေများသည် ထိုသို့နာမည်ကောင်းရရှိထားကြသည်။ ဥပမာအချို့ကို သုံးသပ်ကြည့်ပါ။
အလုပ်သမားများသည် ကုမ္ပဏီအပေါ် ဖြတ်စားလျှပ်စားလုပ်နေသည်ကို ကုမ္ပဏီဒါရိုက်တာတစ်ဦး သတိပြုမိသောအခါ ရဲခေါ်ကာ စစ်ဆေးစေခဲ့သည်။ အဖမ်းခံရသူများတွင် ယေဟောဝါသက်သေအလုပ်သမားတစ်ဦး ပါဝင်နေကြောင်း သိသောအခါ သက်သေခံကို ချက်ချင်းပြန်လွှတ်ပေးရန် ရဲထံသွားပြောခဲ့သည်။ အဘယ်ကြောင့်နည်း။ အကြောင်းမှာ သူသည် ရိုးသားကြိုးစားသောအလုပ်သမားဖြစ်ကြောင်း ဒါရိုက်တာသိရှိထား၍ဖြစ်သည်။ အခြားသူများ အလုပ်ဖြုတ်ခံရသော်လည်း သက်သေခံမှာမူ ဆက်လုပ်ခဲ့ရသည်။ သူ့အပြုအမူကြောင့် ယေဟောဝါနာမဂုဏ်တင်ခံရ၍ သူ၏သက်သေခံချင်းများ ဝမ်းမြောက်ခဲ့ကြသည်။
အကျင့်အကြံကောင်းကို သတိမပြုမိဘဲနေမည်မဟုတ်ပါ။ အာဖရိကရပ်ကွက်တစ်ခုတွင် ရေနုတ်မြောင်းကြီးတစ်ခုပေါ် ဖြတ်ဆောက်ထားသောတံတား၏ သစ်သားပျဉ်များအခိုးခံရသောကြောင့် ပြုပြင်ရန် လိုအပ်လာသည်။ ဒေသခံများက ပျဉ်ချပ်များဝယ်နိုင်ရန် ငွေကောက်ဖို့ဆုံးဖြတ်ကြသော်လည်း ထိုငွေများကို စီမံခန့်ခွဲရန် မည်သူ့ကို ယုံကြည်စိတ်ချနိုင်ပါမည်နည်း။ ယေဟောဝါသက်သေတစ်ဦးကို တာဝန်ပေးရန် အားလုံးသဘောတူခဲ့ကြသည်။
အာဖရိကနိုင်ငံတစ်နိုင်ငံတွင် နိုင်ငံရေးနှင့်လူမျိုးစုမငြိမ်မသက်မှုများကြုံရစဉ် အပြည်ပြည်ဆိုင်ရာကုမ္ပဏီတစ်ခုမှ ယေဟောဝါသက်သေစာရင်းကိုင်တစ်ဦးသည် အသက်အန္တရာယ်ရှိလာသဖြင့် ပြောင်းရွှေ့ခံရသည်။ အခြေအနေများအေးဆေးသွားသည်အထိ ကုမ္ပဏီ၏စရိတ်ဖြင့် အခြားနိုင်ငံတွင် လများစွာအလုပ်လုပ်ရန် စီစဉ်ပေးခဲ့သည်။ အဘယ်ကြောင့်နည်း။ အကြောင်းမှာ ကုမ္ပဏီကိုကလိမ်ကျရန် ယခင် ပူးပေါင်းကြံစည်မှုတွင် သူ မပါဝင်ခဲ့သောကြောင့်ဖြစ်သည်။ မန်နေဂျာလူကြီးများက သူ၏အကြွင်းမဲ့ရိုးသားမှုကို သတိပြုမိကြသည်။ အကယ်၍ သူသာမရိုးသားခဲ့လျှင် သူတို့ကူညီလိုစိတ်ရှိခဲ့မည်လော။
“ဖြောင့်မတ်သောသူသည် မိမိဖြောင့်မတ်ခြင်းလမ်းသို့လိုက်” သည်ဟု နယပုံပြင် ၂၀:၇ ကဖော်ပြသည်။ ရိုးသားသူသည် ဖြောင့်မတ်သူဖြစ်သည်။ မည်သည့်အခါမျှ လူလူချင်းကို လိမ်လည်လှည့်ဖြားမည်မဟုတ်ပေ။ အခြားသူများ သင့်ကို ထိုသို့ဆက်ဆံစေလိုသည်မဟုတ်လော။ ရိုးသားမှုသည် စစ်မှန်သောဝတ်ပြုရေး၏ အခြေခံဖြစ်သည်။ ဘုရားသခင်နှင့် ကိုယ်နှင့်စပ်ဆိုင်သူကိုချစ်ကြောင်း ဖော်ပြရာရောက်သည်။ ရိုးသားခြင်းဖြင့် ယေရှုမိန့်ဆိုခဲ့သော ဤကျင့်စဉ်မူကို လိုက်နာလိုကြောင်း ဖော်ပြကြသည်– “သင်တို့သည် ကိုယ်၌သူတစ်ပါးပြုစေလိုသမျှအတိုင်း သူတစ်ပါး၌ပြုကြလော့။”—မဿဲ ၇:၁၂; ၂၂:၃၆-၃၉။
အချိန်တိုင်းတွင် ရိုးသားခြင်းဖြင့် မနှစ်မြို့ဖွယ်ရာများ ကြုံတွေ့နိုင်သော်လည်း ကိုယ်ကိုကိုယ်သိစိတ်ကြည်လင်စေနိုင်ခြင်းကြောင့် အခြားအရာအားလုံးကို စွန့်လွှတ်ရကျိုးနပ်ပေသည်။ ရိုးသားဖြောင့်မတ်ခြင်းက ရေရှည်တွင် ကြီးစွာအကျိုးရှိစေသည်။ အမှန်မှာ ယေဟောဝါနှင့် ဆက်ဆံရေးကောင်းရှိခြင်းက အဖိုးအနဂ္ဃထိုက်ပေသည်။ လူတို့၏မျက်နှာသာရရန် သို့မဟုတ် တရားမဝင်အကျိုးအမြတ်များရရန် ယင်းကို အဘယ်ကြောင့် အဆုံးရှုံးခံမည်နည်း။ မည်သည့်စိန်ခေါ်ချက်ပင် ရင်ဆိုင်ရပါစေ ဆာလံဆရာ၏ ဤစကားများကို ယုံကြည်စိတ်ချနိုင်ကြပါသည်– ‘မာနထောင်လွှားသောသူနှင့် [“လိမ်လည်ဖောက်ပြန်သောသူ၊” သမ္မာ] တို့ကို မမှီဝဲ၊ ထာဝရဘုရားသခင်ကိုကိုးစားသောသူသည် မင်္ဂလာရှိ၏။’—ဆာလံ ၄၀:၄။
[စာမျက်နှာ ၁၈ ပါ ရုပ်ပုံ]
ခရစ်ယာန်စစ်များသည် လိမ်လည်ထားသော စာရွက်စာတမ်း များကို ဝယ်ယူအသုံးပြုမည်မဟုတ်