“ဘုရားသခင်အား အမည်နှင့်တကွ သင် သိပါသလော”

ထိုမေးခွန်းသည် အာရှအလယ်ပိုင်းဒေသ၏ အနောက်တောင်ပိုင်းတွင် နေထိုင်သော အမျိုးသမီးတစ်ဦး၏စိတ်ဝင်စားမှုကို နှိုးဆွပေးခဲ့သည်။ ကင်းမျှော်စင်၏တွဲဖက်မဂ္ဂဇင်းဖြစ်သော ၂၀၀၄၊ စက်တင်ဘာ ၈ ရက်ထုတ် နိုးလော့!၏မျက်နှာဖုံးတွင် ထိုမေးခွန်းပါလာသည်။ ထိုအမျိုးသမီးက ထုတ်ဝေသူများထံ ဤသို့စာရေးသည်– “ဒီစာစောင်ကိုတွေ့တာနဲ့ ချက်ချင်းစိတ်ဝင်စားခဲ့တဲ့အတွက် ပုံမှန်ဖတ်ဖြစ်တယ်။ အဲဒါကြောင့် မှန်ကန်တဲ့ကိုယ်ကျင့်တရားစံနှုန်းတွေကို သိလာတယ်။ ဘဝကို အကောင်းဘက်ကမြင်တတ်လာတယ်။ ဘုရားသခင်အကြောင်း၊ အဲဒါကိုသိလို့ရရှိတဲ့ ငြိမ်သက်မှုအကြောင်း လူတိုင်းကို ကျွန်မပြောပြနေတယ်။”

အမှန်မှာ “မြေကြီးစွန်း” ရှိဒေသများအပါအဝင် အနယ်နယ်အရပ်ရပ်မှလူတို့သည် ယေဟောဝါဟူသော ဘုရားသခင့်နာမတော်ကို သိကျွမ်းလာနေကြသည်။ (တမန်တော် ၁:⁠၈) ဥပမာ၊ တာ့က်မန်းဘာသာစကားတွင် ထိုနာမတော်ကို ယီဟိုဝါဟုအသံထွက်ပြီး တာ့က်မန်းဘာသာပြန် သမ္မာကျမ်းစာတွင် အလွယ်တကူတွေ့ ရှိနိုင်သည်။ ဆာလံ ၈:၁ တွင် “အကျွန်ုပ်တို့၏ဘုရားရှင် ယီဟိုဝါ၊ ကိုယ်တော်၏နာမတော်သည် မြေကြီးတစ်ပြင်လုံး၌ အလွန်ကြီးမြတ်တော်မူ၏” ဟုဖတ်ရသည်။

ယေဟောဝါအကြောင်း ပိုမိုသိနိုင်ရန် ထိုအမျိုးသမီးသည် ၃၂-မျက်နှာရှိ ထာဝစဉ်တည်တံ့သွားမည့် မြင့်မြတ်သောနာမတော် ဘရိုရှာတစ်စောင်ကို တောင်းခံခဲ့သည်။ သင်လည်း ယေဟောဝါသက်သေတစ်ဦးထံမှ ယင်းကို တောင်းခံနိုင်ပေသည်။