သင်မှတ်မိသလော

မကြာသေးမီက ထုတ်ဝေခဲ့သော ကင်းမျှော်စင်စာစောင်များ ဖတ်ရှုရသည်ကို သင်နှစ်သက်ပါသလော။ သို့ဖြစ်လျှင် အောက်ပါမေးခွန်းများကို သင်ဖြေဆိုနိုင်၊ မဖြေဆိုနိုင် စမ်းကြည့်ပါ–

•“ဓမ္မဟောင်းကျမ်း” သည် အဘယ်ကြောင့် တည်မြဲသည့်အကျိုးကျေးဇူးဖြစ်စေသနည်း။

ယင်း၏အာဘော်ရှင်မှာ အတိအကျမသိရသည့် ရက်စက်သောနတ်ဘုရားသခင်တစ်ပါးမဟုတ်ဘဲ မေတ္တာရှင်ဘုရားသခင် ယေဟောဝါဖြစ်သည်။ ယေရှုနှင့် ကိုယ်တော်၏အစောပိုင်းနောက်လိုက်များသည် ဟေဗြဲကျမ်းကို မပြတ်ရည်ညွှန်းကိုးကားခဲ့ကြသည်။ ဟေဗြဲကျမ်းတွင် နေ့စဉ်အသက်တာအတွက် လက်တွေ့ကျအကြံဉာဏ်ပါရှိပြီး အနာဂတ်အတွက် အံ့ချီးဖွယ်မျှော်လင့်ချက်ကိုဖော်ပြသည်။—⁠၉/၁၊ စာမျက်နှာ ၄-၇ [လိပ်]။

• အာဒံနှင့်ဧဝ အပြစ်ပြုပြီးနောက် အချိန်ကာလကုန်လွန်စေရန် ခွင့်ပြုခဲ့ခြင်းကြောင့် အဘယ်အရာ ပြီးမြောက်အောင်မြင်ခဲ့သနည်း။

နှစ်ထောင်ချီကြာသော ထိုအချိန်ကာလအတွင်း စာတန်သည် မုသာကောင်ဖြစ်ကြောင်း သက်သေထင်ရှားခဲ့သည်—⁠အာဒံနှင့်ဧဝ၊ သန်းနှင့်ချီသောသူတို့၏သားမြေးများ သေဆုံးခဲ့သည်။ လူသားတို့သည် ဘုရားသခင်ထံမှ သီးခြားခွဲထွက်ခြင်းသည် သာ၍ကောင်းမွန်မှုမဖြစ်စေကြောင်း၊ မိမိတို့၏ခြေလှမ်းကိုလမ်းညွှန်ပိုင်ခွင့်နှင့် လမ်းညွှန်နိုင်စွမ်းမရှိကြောင်း အချိန်က သက်သေထူခဲ့သည်။—⁠၉/၁၅၊ စာမျက်နှာ ၆-၇ [လိပ်]။

• ဧသောအဖြစ် ဟန်ဆောင်သည့်ယာကုပ်ကို အဘယ်ကြောင့်အပြစ်မတင်ခဲ့သနည်း။

ယာကုပ်သည် ဧသောထံမှ သားဦးအရာကိုဝယ်ယူခဲ့ပြီးဖြစ်သောကြောင့် သူ့ဖခင်ထံမှကောင်းချီး ရထိုက်သည်။ ဣဇာက်သည် ယာကုပ်အား ကောင်းချီးပေးမိကြောင်း သိသွားသောအခါ ယင်းကို ပြောင်းလဲဖို့မကြိုးစားခဲ့ပေ။ ဘုရားသခင်သည် ဝင်စွက်နိုင်သူဖြစ်သော်လည်း ယာကုပ်ကို ကောင်းချီးရစေလိုကြောင်းထင်ရှားသည်။—⁠၁၀/၁၊ စာမျက်နှာ ၃၁။

• ကျွန်ုပ်တို့၏ကိုယ်ကိုကိုယ်သိသောစိတ်က ဆင့်ကဲအယူဝါဒနှင့်ဆန့်ကျင်နေကြောင်း မည်သို့ဖော်ပြသနည်း။

လူမျိုးတိုင်း၊ ယဉ်ကျေးမှုတိုင်းတွင် လူတို့သည် မိမိတို့အတွက်အန္တရာယ်ရှိကြောင်းသိလျက်ပင် အခြားသူတို့ကိုကူညီပေးရန် ဆန္ဒရှိကြသည်။ လူသားတို့သည် အသက်ရှင်ကျန်ရေးအတွက် ယှဉ်ပြိုင်ပြီးကျန်ရစ်သော တိရစ္ဆာန်မျှသာဖြစ်ခဲ့မည်ဆိုလျှင် ယင်းသို့သောကိုယ်ကျိုးမဖက်စိတ်ဓာတ်ကို မျှော်လင့်နိုင်မည်မဟုတ်။—⁠၁၀/၁၅၊ စာမျက်နှာ ၂၀။

• ဘုရားသခင်သည် နှိမ့်ချမှုရှိသည်ဟုအဘယ်ကြောင့်ပြောနိုင်သနည်း၊ ယင်းအရည်အသွေးကို ကိုယ်တော်မည်သည့်နည်းဖြင့်တင်ပြသနည်း။

အကြွင်းမဲ့ပိုင်သအုပ်စိုးရှင်၊ ဖန်ဆင်းရှင်ဖြစ်တော်မူသောဘုရားသခင်သည် ကျွန်ုပ်တို့ကဲ့သို့ ကန့်သတ်ချက်များမရှိပါ။ သို့တိုင် ၂ ဓမ္မရာဇဝင် ၂၂:၃၆ နှင့်အညီ ဘုရားသခင်နှိမ့်ချ မှုရှိသည်ဟု ဆိုနိုင်ရခြင်းမှာ ကိုယ်တော်၏စိတ်တော်နှင့်တွေ့ ရန်ကြိုးစားသော နိမ့်ကျသည့်လူသားများကို အရေးထားကာ ကြင်နာမှုပြတော်မူခြင်းကြောင့်ဖြစ်သည်။ ဘုရားသခင်အားကြောက်ရွံ့သူတို့ကို ကြင်နာစွာဆက်ဆံရန် ပုံဆောင်သဘောအရ ကိုယ်ကိုနှိမ့်ချတော်မူသည်။—⁠၁၁/၁၊ စာမျက်နှာ ၄-၅။

• ရှေးခေတ်မှအိုးခြမ်းကွဲများ သမ္မာကျမ်းစာမှတ်တမ်းကို မည်သို့အတည်ပြုသနည်း။

ရှေးဟောင်းသုတေသနပညာရှင်များသည် ယောရှု ၁၇:၁-၆ တွင်မှတ်တမ်းတင်ထားသည့် မျိုးနွယ်ခုနစ်စု၏အမည်များပါဝင်သည့် အိုးခြမ်းကွဲများကို ရှမာရိမြို့တွင် တွေ့ ရှိခဲ့သည်။ အာရဒ်မြို့မှ အိုးခြမ်းကွဲများသည် ယဇ်ပုရောဟိတ်မျိုးနွယ်များနှင့်ပတ်သက်သော အချက်အလက်များကို အတည်ပြုပေးပြီး ဘုရားသခင့်နာမတော်ပါရှိသည်။ လာခိရှမြို့မှအိုးခြမ်းကွဲများသည် ယုဒပြည်ကို ဗာဗုလုန်လူမျိုးတို့ကျူးကျော်မတိုက်ခိုက်မီ ယုဒပြည်တွင်းနိုင်ငံရေးအခြေအနေနှင့် မငြိမ်သက်မှုအကြောင်း ဖော်ပြထားသည်။—⁠၁၁/၁၅၊ စာမျက်နှာ ၁၂-၁၄။

• တမန်တော်ကျမ်းကို လုကာရေးသားခဲ့ကြောင်း မည်သည့်အရာက ကောက်ချက်ချစေသနည်း။

လုကာခရစ်ဝင်ကျမ်းနှင့် တမန်တော်ကျမ်းကို သော်ဖိလုထံလိပ်မူရေးသောကြောင့် ထိုနှစ်စောင်စလုံးကို လုကာရေးခဲ့ကြောင်း ဖော်ပြသည်။ “ငါတို့” ဟူသောနာမ်စားကို သုံးနှုန်းထားရာ ယင်းက ဖြစ်ရပ်အချို့တွင် လုကာကိုယ်တိုင်ပါဝင်ခဲ့ကြောင်း ဖော်ပြသည်။ (တမန်တော် ၁၆:၈-၁၅)—⁠၁၁/၁၅၊ စာမျက်နှာ ၁၈။

• ခရစ်ယာန်တစ်ဦးသည် အမဲလိုက်ခြင်း၊ ငါးဖမ်းခြင်းကို မည်သို့ရှုမြင်သင့်သနည်း။

နောဧအချိန်မှစ၍ ဘုရားသခင်သည် လူသားတို့အား တိရစ္ဆာန်များကို သတ်ဖြတ်စားသုံးရန်ခွင့်ပြုခဲ့သည်။ သို့သော် အသွေးကိုသွန်းရန် မိန့်မှာထားခြင်းက တိရစ္ဆာန်တို့၏အသက်ကို ဘုရားသခင်အစပြုဖန်ဆင်းရာအဖြစ် လေးမြတ်သင့်ကြောင်း အလေးပေးနေခြင်းဖြစ်သည်။ အပျော်သဘောဖြင့်သတ်ခြင်း၊ သည်းထိတ်ရင်ဖို စိတ်လှုပ်ရှားမှုခံစားရန်တောလိုက်ခြင်း သို့မဟုတ် သတ်ခြင်းတို့ကို ခရစ်ယာန်များ မလုပ်သင့်ပါ။ အာဏာပိုင်များ၏ဥပဒေများကို နာခံရန်အရေးကြီးပြီး အခြားသူများ၏အသိစိတ်ကို ထည့်သွင်းစဉ်းစားဖို့လိုသည်။ (ရောမ ၁၄:၁၃)—⁠၁၂/၁၊ စာမျက်နှာ ၃၁။