မပြောင်းလဲတဲ့မေတ္တာနဲ့ချစ်ဖို့ ဖြစ်နိုင်သလား
‘မေတ္တာမီးလျှံတွေဟာ တောက်လောင်နေတဲ့မီး၊ “ယ” ရဲ့ မီးလျှံပဲ။’ —သီ. ၈:၆၊ ကဘ။
၁၊ ၂။ ရှောလမုန်သီချင်းကနေ ဘယ်သူတွေ အကျိုးရရှိနိုင်သလဲ။ ဘာကြောင့်လဲ။ (ဆောင်းပါးအစမှာပါတဲ့ ရုပ်ပုံကိုကြည့်ပါ။)
သတို့သားနဲ့ သတို့သမီးဟာ တစ်ယောက်ကိုတစ်ယောက် အပြုံးလေးနဲ့ စိုက်ကြည့်နေတယ်။ သူတို့ရဲ့အချစ်ကို လူတိုင်း မြင်နိုင်တယ်။ သူတို့ ဘယ်လောက်တောင် မြတ်မြတ်နိုးနိုးလက်တွဲထားတယ်ဆိုတာ လက်ထပ်ပွဲဟောပြောချက်ပေးတဲ့ ညီအစ်ကို သတိပြုမိတယ်။ ဒါပေမဲ့ ‘နှစ်တွေကုန်လွန်လာတာနဲ့အမျှ သူတို့ရဲ့ အချစ်တွေ တိုးလာမလား ဒါမှမဟုတ် တဖြည်းဖြည်း ပျောက်သွားမလား’ ဆိုပြီး သူ တွေးပူမိတယ်။ လင်မယားနှစ်ယောက်ဟာ တစ်ယောက်ကိုတစ်ယောက် အမှန်တကယ်ချစ်မယ်ဆိုရင် အခက်ခဲဆုံးပြဿနာတွေ ရင်ဆိုင်ရချိန်မှာတောင် နှောင်ကြိုးခိုင်မြဲနေပါလိမ့်မယ်။ ဒါပေမဲ့ အိမ်ထောင်သည်များစွာဟာ မပျော်နိုင်တော့ဘဲ လမ်းခွဲလိုက်ကြတာ ဝမ်းနည်းစရာပဲ။ ဒါကြောင့် ‘မေတ္တာဟာ တကယ်တည်မြဲနိုင်ရဲ့လား’ လို့ သင်တွေးမိပါလိမ့်မယ်။
၂ ဘုရင်ရှောလမုန်လက်ထက်မှာတောင် မေတ္တာစစ်မေတ္တာမှန်ဟာ သိပ်ရှားပါးတယ်။ သူ ဒီလိုပြောတယ်– ‘လူတစ်ထောင်မှာ [ဖြောင့်မှန်တဲ့] ယောက်ျားတစ်ယောက်ကို ငါတွေ့ပေမဲ့ သူတို့ထဲမှာ မိန်းမတစ်ယောက်ကိုမှ မတွေ့ဘူး။ စစ်မှန်တဲ့ဘုရားသခင်က လူသားတွေကို ဖြောင့်မှန်အောင် ဖန်ဆင်းခဲ့ပေမဲ့ လူသားတွေကတော့ များပြားလှတဲ့အကြံအစည်တွေ ကြံစည်နေကြတာကိုပဲ ငါတွေ့ရှိခဲ့ဒေ. ၇:၂၆-၂၉၊ ကဘ) ဗာလဘုရားကို ဝတ်ပြုတဲ့ အကျင့်ပျက် လူမျိုးခြားမိန်းမတွေဟာ အစ္စရေးတွေနဲ့အတူ နေထိုင်တဲ့အတွက် အစ္စရေးယောက်ျား၊ မိန်းမများစွာလည်း အကျင့်ပျက်လာကြတယ်။ * ဒါပေမဲ့ ဒီမတိုင်ခင် နှစ်ပေါင်း ၂၀ လောက်မှာ ဘုရင်ရှောလမုန်ဟာ တစ်ယောက်ကိုတစ်ယောက် တကယ်ချစ်ခဲ့ကြတဲ့ အမျိုးသားနဲ့အမျိုးသမီးအကြောင်း စပ်ဆိုခဲ့တယ်။ ကျွန်တော်တို့ဟာ အိမ်ထောင်သည်ဖြစ်စေ၊ တစ်ကိုယ်ရေဖြစ်စေ မေတ္တာစစ်မေတ္တာမှန်အကြောင်း၊ အဲဒါကို ဘယ်လိုပြနိုင်တယ်ဆိုတဲ့အကြောင်း နားလည်လာအောင် ရှောလမုန်သီချင်းကနေ သင်ယူနိုင်ပါတယ်။
တယ်။’ (မေတ္တာစစ်မေတ္တာမှန်နဲ့ချစ်ဖို့ ဖြစ်နိုင်
၃။ အမျိုးသားတစ်ယောက်နဲ့ အမျိုးသမီးတစ်ယောက်ဟာ မေတ္တာစစ်မေတ္တာမှန်နဲ့ချစ်ဖို့ ဘာကြောင့် ဖြစ်နိုင်သလဲ။
၃ ရှောလမုန်သီချင်း ၈:၆ ကိုဖတ်ပါ။ * မေတ္တာကို ‘ယရဲ့ မီးလျှံ’ လို့ ဖော်ပြထားတယ်။ ဘာကြောင့်လဲဆိုတော့ ယေဟောဝါရဲ့ အကြီးမြတ်ဆုံးအရည်အသွေးဟာ မေတ္တာဖြစ်ပြီး ကျွန်တော်တို့ကို သူ့ရဲ့မေတ္တာကိုတုပနိုင်တဲ့ စွမ်းရည်နဲ့ ဖန်ဆင်းထားလို့ပဲ။ (က. ၁:၂၆၊ ၂၇) ယေဟောဝါဟာ ဦးဆုံးလူသားအာဒံကို ဖန်ဆင်းပြီးနောက် ဇနီးချောတစ်ယောက် ပေးခဲ့တယ်။ ဧဝကို ဦးဆုံးမြင်ရချိန်မှာ ကဗျာဖွဲ့ရလောက်တဲ့အထိ အာဒံပျော်ရွှင်ခဲ့တယ်။ ဧဝလည်း သူ့ခင်ပွန်းကို တအားခင်တွယ်မိတယ်။ တကယ်တော့ အာဒံရဲ့နံရိုးကနေ ဧ၀ကို ယေဟောဝါ ဖန်ဆင်းထားတာကိုး။ (က. ၂:၂၁-၂၃) ယေဟောဝါဟာ အစဦးကတည်းက အမျိုးသားနဲ့အမျိုးသမီး တစ်ယောက်ကိုတစ်ယောက် တည်မြဲတဲ့မေတ္တာစစ်မေတ္တာမှန်နဲ့ ချစ်နိုင်တဲ့စွမ်းရည်ကို ထည့်သွင်းပေးထားတယ်။
၄၊ ၅။ ရှောလမုန်သီချင်းရဲ့ ဇာတ်လမ်းအကျဉ်းချုပ်ကို ပြောပြပါ။
၄ ရှောလမုန်သီချင်းဟာ အမျိုးသားတစ်ယောက်နဲ့ အမျိုးသမီးတစ်ယောက်မှာ ရှိနိုင်တဲ့ မေတ္တာအကြောင်း ဖွဲ့နွဲ့သီကုံးထားတယ်။ ရှုနင် ဒါမှမဟုတ် ရှုလမ်ရွာမှာနေတဲ့ ကျေးတောသူလေး ရှုလမိုက်နဲ့ သိုးထိန်းလေးရဲ့ မေတ္တာအကြောင်း စပ်ဆိုထားတာဖြစ်တယ်။ ဇာတ်လမ်းကတော့– ဘုရင်ရှောလမုန်နဲ့ စစ်သားတွေ စခန်းချတဲ့နေရာနားက စပျစ်ခြံမှာ ရှုလမိုက် အလုပ်လုပ်နေတယ်။ အဲဒီခြံဟာ သူ့အစ်ကိုတွေရဲ့ ခြံဖြစ်တယ်။ ရှောလမုန်ဟာ ကောင်မလေးကို သတိထားမိပြီး ခေါ်ခဲ့ဖို့ အမိန့်ပေးလိုက်တယ်။ သူသိပ်လှတဲ့အကြောင်းပြောပြီး လက်ဆောင်တွေလည်း အများကြီးပေးခဲ့တယ်။ ဒါပေမဲ့ ရှုလမိုက်က သိုးထိန်းနဲ့ကြိုက်နေတယ်။ သိုးထိန်းကိုပဲ ချစ်တယ်လို့ ပြောတယ်။ (သီ. ၁:၄-၁၄) သိုးထိန်းကလည်း ရှုလမိုက်ကို လိုက်ရှာရင်း စခန်းထဲရောက်လာတယ်။ ရှုလမိုက်ကို တွေ့တဲ့အခါ နှစ်ယောက်သား စကားလုံးလှလှလေးတွေသုံးပြီး ချစ်စကားတွေ ဆိုကြတယ်။—သီ. ၁:၁၅-၁၇။
၅ ရှောလမုန်ဟာ ဂျေရုဆလင်ကို ပြန်တဲ့အခါ ရှုလမိုက်ကို ခေါ်သွားတယ်။ သိုးထိန်းလည်း နောက်ကနေ လိုက်သွားတယ်။ (သီ. ၄:၁-၅၊ ၈၊ ၉) ရှောလမုန်ရဲ့ အပြောအဆို၊ အပြုအမူတစ်ခုကမှ သိုးထိန်းအပေါ်ထားတဲ့ ရှုလမိုက်ရဲ့မေတ္တာကို မပြောင်းလဲစေနိုင်ခဲ့ဘူး။ (သီ. ၆:၄-၇; ၇:၁-၁၀) ဒါကြောင့် ရှောလမုန်က ရှုလမိုက်ကို ပြန်လွှတ်လိုက်တယ်။ နောက်ဆုံးတော့ ရှုလမိုက်က ချစ်သူကို “ဒရယ်” လို အပြေးလေးလှမ်းလာခဲ့ဖို့ ခေါ်လိုက်တယ်။—သီ. ၈:၁၄။
၆။ ဘယ်သူပြောနေတယ်ဆိုတဲ့ ဇာတ်ကောင်ကို သိဖို့ ဘာကြောင့်ခက်နိုင်သလဲ။
၆ ရှောလမုန်သီချင်းဟာ သိပ်လှတဲ့သီချင်းတစ်ပုဒ်ဖြစ်တယ်။ ‘အကောင်းတကာ့ အကောင်းဆုံးသီချင်း’ လို့တောင်ခေါ်ထားတယ်။ (သီ. ၁:၁၊ ကဘ) ဒါပေမဲ့ ဇာတ်ကောင်တွေရဲ့နာမည်ကို ရှောလမုန် ထည့်မရေးထားတဲ့အတွက် ဘယ်သူပြောနေတယ်ဆိုတာ သိဖို့ ခက်တယ်။ အသေးစိတ်အချက်တွေကို ထည့်ရေးမယ့် အစား သီချင်းရဲ့ အလှပေါ်အောင်၊ ထူးထူးခြားခြားဖြစ်နေအောင် အဲဒီနာမည်တွေကို ချန်ခဲ့တာဖြစ်နိုင်တယ်။ နာမည်တွေမပါပေမဲ့လည်း ဘာပြောနေတယ်ဆိုတာကို ကြည့်ပြီး ဘယ်သူပြောတယ်ဆိုတာ သိနိုင်ပါတယ်။
‘မေတ္တာဖွင့်ဟချက်တွေဟာ စပျစ်ဝိုင်ထက် ပိုကောင်းတယ်’
၇၊ ၈။ ရှုလမိုက်နဲ့ သိုးထိန်းဟာ သူတို့ရဲ့မေတ္တာကို ဘယ်လိုဖော်ပြခဲ့ကြသလဲ။ ဥပမာပေးပါ။
၇ ရှုလမိုက်နဲ့ သိုးထိန်းဟာ သူတို့ရဲ့မေတ္တာကို ဖွဲ့ဖွဲ့နွဲ့နွဲ့ ဖွင့်ဟဖော်ပြကြတယ်။ ဒီသီချင်းကို လွန်ခဲ့တဲ့နှစ်ပေါင်း ၃,၀၀၀ ကျော်လောက်မှာ ရေးသားခဲ့တာဖြစ်လို့ သူတို့ရဲ့ ‘မေတ္တာဖွင့်ဟချက်’ တချို့ဟာ ကျွန်တော်တို့အတွက် ထူးဆန်းနေနိုင်တယ်။ (သီ. ၁:၂၊ ကဘ) ဒီနေ့အချိန်နဲ့ ယဉ်ကျေးမှုမတူတော့ပေမဲ့ တစ်ယောက်အပေါ်တစ်ယောက်ထားရှိတဲ့ သူတို့ရဲ့ခံစားချက်ကိုတော့ ကျွန်တော်တို့ နားလည်နိုင်ပါတယ်။ ဥပမာ၊ သိုးထိန်းက ရှုလမိုက်ရဲ့ မျက်လုံးကို ‘ချိုးငှက်မျက်လုံး’ နဲ့ ခိုင်းနှိုင်းခဲ့တယ်။ ရှုလမိုက်ရဲ့ ကြင်နာတတ်တဲ့ မျက်လုံးတွေကို မြတ်နိုးတယ်လို့ ဆိုလိုနေတာဖြစ်တယ်။ (သီ. ၁:၁၅) ရှုလမိုက်ကလည်း သိုးထိန်းလေးရဲ့ မျက်လုံးတွေဟာ ချိုးငှက်လေးတွေလို လှတယ်လို့ ပြောတယ်။ (ရှောလမုန်သီချင်း ၅:၁၂ ကိုဖတ်ပါ။) နို့ရည်ကိုချိုးနေတဲ့ မီးခိုးပြာရောင် ချိုးငှက်တွေလို သိုးထိန်းရဲ့ မျက်လုံးအရောင်ဟာ အဖြူရောင်နောက်ခံမှာ ထင်းခနဲပေါ်လွင်နေတယ်လို့ ဆိုလိုတာဖြစ်တယ်။
၈ သိုးထိန်းလေးနဲ့ ရှုလမိုက်ဟာ အချင်းချင်းရဲ့ အလှအပကို ချီးမွမ်းခန်းဖွင့်ကြတယ်။ ဒါပေမဲ့ အဲဒီလောက်ပဲ မဟုတ်ပါဘူး။ ဥပမာ၊ သိုးထိန်းက ရှုလမိုက်ရဲ့ ကြင်ကြင်နာနာ ပြောဆိုပုံကို နှစ်သက်မြတ်နိုးတယ်။ (ရှောလမုန်သီချင်း ၄:၇၊ ၁၁ ကိုဖတ်ပါ။) * ဒါကြောင့် ‘အို မောင့်သတို့သမီး၊ မင်းရဲ့ နှုတ်ခမ်းကနေ ပျားရည်တွေ တစ်စက်စက်ယိုကျနေတယ်။ မင်းရဲ့လျှာအောက်မှာ ပျားရည်နဲ့နို့ ရှိတယ်’ လို့ပြောတယ်။ ရှုလမိုက်ရဲ့စကားဟာ သူ့အတွက် နို့ရည်လို၊ ပျားရည်လို သိပ်ချိုတယ်။ ‘မင်းဟာ သိပ်လှတာပဲ။ ပြစ်မျိုးမှဲ့မထင်လေးပါပဲ’ လို့ ပြောတာဟာ အလှအပလောက်ကိုသာ မဟုတ်ဘဲ ချစ်စရာအရည်အသွေးတွေကိုပါ ပြောနေတာဖြစ်တယ်။
လင်မယားနှစ်ယောက်ဟာ အပြောအဆို၊ အပြုအမူအားဖြင့် အိမ်ထောင်ဖက်ကို ချစ်တယ်ဆိုတာ စိတ်ချအောင် လုပ်ပေးကြတယ်
၉။ (က) အိမ်ထောင်သည်တွေကြားမှာ ဘယ်လိုမေတ္တာမျိုး ရှိသင့်သလဲ။ (ခ) လင်ယောက်ျားနဲ့ ဇနီးဟာ အချင်းချင်းအပေါ်ထားတဲ့မေတ္တာကို ဖွင့်ဟဖော်ပြဖို့ ဘာကြောင့်အရေးကြီးသလဲ။
၉ ယေဟောဝါကို ဝတ်ပြုတဲ့ အိမ်ထောင်သည်တွေအတွက် အိမ်ထောင်ပြုခြင်းဟာ တရားဝင် သဘောတူညီချက်လောက်ပဲ မဟုတ်ပါဘူး။ သူတို့ဟာ အချင်းချင်းကို အမှန်တကယ်ချစ်ပြီး မေတ္တာရှိတယ်ဆိုတာကိုလည်း ဖွင့်ဟဖော်ပြကြတယ်။ ဒါပေမဲ့ ဘယ်လိုမေတ္တာမျိုးဖြစ်သင့်သလဲ။ လူအားလုံးအပေါ်ထားရမယ်လို့ ကျမ်းစာမှာပြောထားတဲ့ ကိုယ်ကျိုးစွန့်မေတ္တာမျိုးလား။ (၁ ယော. ၄:၈) မိသားစုဝင်တွေအပေါ်ထားတဲ့ ၅၂၈ မေတ္တာမျိုးလား။ သူငယ်ချင်းမေတ္တာမျိုးလား။ (ယော. ၁၁:၃) ဒါမှမဟုတ် ၁,၅၀၀ မေတ္တာမျိုးလား။ (သု. ၅:၁၅-၂၀) တကယ်တော့ ဇနီးမောင်နှံနှစ်ယောက်ဟာ အဲဒီမေတ္တာအားလုံးနဲ့ချစ်ပြီး အဲဒါကို ဖွင့်ဟဖော်ပြဖို့လိုအပ်တယ်။ သင့်ရဲ့အပြောအဆို၊ အပြုအမူအားဖြင့် သင့်အိမ်ထောင်ဖက်ကို ချစ်တယ်ဆိုတာ စိတ်ချအောင် လုပ်ပေးရမယ်။ ဒီနည်းနဲ့ သာယာတဲ့အိမ်ထောင်ဖြစ်နိုင်မယ်။ ဘယ်လောက်အလုပ်များပါစေ အဲဒီလို လုပ်ဖို့ သိပ်အရေးကြီးတယ်။ ယဉ်ကျေးမှုတချို့မှာတော့ သဘောတူပေးစားတဲ့ထုံးစံရှိတယ်။ သတို့သားနဲ့ သတို့သမီးဟာ မင်္ဂလာဆောင်တဲ့နေ့မတိုင်ခင်အထိ တစ်ယောက်ကိုတစ်ယောက် မသိတာမျိုးဖြစ်နိုင်တယ်။ ဒါကြောင့် အိမ်ထောင်ပြုပြီးနောက် တစ်ယောက်ကိုတစ်ယောက် ချစ်တဲ့အကြောင်း ဖွင့်ပြောဖို့လိုအပ်တယ်။ ဒီလိုလုပ်မှ အချင်းချင်းပိုချစ်လာပြီး အိမ်ထောင်ပိုခိုင်မြဲလာပါလိမ့်မယ်။
၁၀။ မေတ္တာကို ဖွင့်ဟဖော်ပြခြင်းက အိမ်ထောင်ကို ဘယ်လိုခိုင်မြဲစေနိုင်သလဲ။
၁၀ လင်မယားနှစ်ယောက်ဟာ အချင်းချင်းအပေါ်ထားတဲ့မေတ္တာကို ဖွင့်ဟဖော်ပြတဲ့အခါ နောက်တစ်နည်းနဲ့ အကျိုးရရှိနိုင်တယ်။ ဘုရင်ရှောလမုန်က ရှုလမိုက်ကို ‘ငွေကွပ်ထားတဲ့ ရွှေအလှတန်ဆာတွေ’ လုပ်ပေးမယ်လို့ ပြောတယ်။ အဲဒီအပြင် ‘လပြည့်ဝန်းလို လှပ’ ပြီး ‘နေခြည်လို ကြည်လင်’ တယ်လို့လည်း ရှုလမိုက်ကို ချီးမွမ်းတယ်။ (သီ. ၁:၉-၁၁၊ ကဘ; ၆:၁၀၊ ကဘ) ဒါပေမဲ့ ရှုလမိုက်ကတော့ သူအမှန်တကယ်ချစ်တဲ့သူကို တွေ့ထားပြီ။ သိုးထိန်းလေးအပေါ် ဆက်သစ္စာရှိနိုင်ဖို့ ရှုလမိုက်ကို ဘာက ကူညီပေးခဲ့သလဲ။ သူတို့ကွဲကွာနေချိန်မှာ သူ့ကို ဘာက နှစ်သိမ့်ပေးခဲ့သလဲ။ (ရှောလမုန်သီချင်း ၁:၂၊ ၃ ကိုဖတ်ပါ။) * ရှုလမိုက်က သိုးထိန်းရဲ့ ချစ်စကားတွေကြောင့် ဘယ်လောက်ပျော်ခဲ့ရတယ်ဆိုတာ အမှတ်ရမိတယ်။ သိုးထိန်းရဲ့ မေတ္တာဖွင့်ဟချက်တွေဟာ ‘စပျစ်ဝိုင်ထက် ပိုကောင်း’ တယ်။ ရှုလမိုက် နန်းတော်ထဲရှိနေချိန်မှာ အဲဒီဖွင့်ဟချက်တွေက ခေါင်းပေါ်လိမ်းတဲ့ ‘ဆီမွှေး’ လို သူ့ကို နှစ်သိမ့်ပေးတယ်။ (ဆာ. ၂၃:၅; ၁၀၄:၁၅) လင်မယားနှစ်ယောက်လည်း မကြာခဏဆိုသလို မေတ္တာကို ဖွင့်ဟဖော်ပြဖို့ သိပ်အရေးကြီးတယ်။ အဲဒါက သူတို့ရဲ့မေတ္တာကို တိုးများစေပါလိမ့်မယ်။ အဲဒီလိုဖွင့်ဟဖော်ပြတဲ့ အမှတ်တရလေးတွေက တစ်ယောက်ကိုတစ်ယောက် ချစ်မြဲချစ်နေဖို့ ကူညီပေးပါလိမ့်မယ်။
အချစ်စိတ်တွေ ‘အလိုလိုမနိုးကြွဘဲ’ မနှိုးဆွပါနဲ့
၁၁။ နန်းတွင်းသူတွေကို ရှုလမိုက်ပြောခဲ့တဲ့စကားကနေ ဘာသင်ယူနိုင်သလဲ။
၁၁ သင်ဟာ အိမ်ထောင်ပြုချင်နေတယ်ဆိုရင် ရှုလမိုက်ဆီကနေ ဘာသင်ယူနိုင်သလဲ။ ရှုလမိုက်ဟာ ဘုရင်ရှောလမုန်ကို လုံးဝမချစ်ဘူး။ ဒါကြောင့် ‘ကျွန်မရဲ့အချစ်စိတ်တွေ သူ့အလိုလိုမနိုးကြွဘဲနဲ့ နှိုးဆွဖို့ မကြိုးစားပါနဲ့’ လို့ နန်းတွင်းသူတွေကို အပြတ်ပြောထားတယ်။ (သီ. ၂:၇၊ ကဘ; ၃:၅) ဒါကြောင့် ဘယ်သူနဲ့မဆို အချစ်ဇာတ်လမ်းစလိုက်တာ သင့်တော်မလား။ မသင့်တော်ပါဘူး။ အဲဒီအစား ကိုယ်အမှန်တကယ်ချစ်နိုင်မယ့်သူကို စိတ်ရှည်ရှည်စောင့်ဆိုင်းပြီး လက်ထပ်တာ ပညာရှိရာကျတယ်။
ကိုယ်အမှန်တကယ်ချစ်နိုင်မယ့်သူကို စိတ်ရှည်ရှည်စောင့်ဆိုင်းပြီး လက်ထပ်တာ ပညာရှိရာကျတယ်
၁၂။ ရှုလမိုက်က သိုးထိန်းလေးကို ဘာကြောင့်ချစ်တာလဲ။
၁၂ ရှုလမိုက်က သိုးထိန်းလေးကို ဘာကြောင့်ချစ်တာလဲ။ သိုးထိန်းလေးဟာ ‘ဒရယ်’ လို လှတယ်လို့ သူထင်တယ်။ သိုးထိန်းရဲ့ လက်ချောင်းတွေဟာ ‘ရွှေချောင်းတွေ’ လို၊ ခြေထောက်တွေဟာ ‘စကျင်ကျောက်တိုင်တွေ’ လို သန်မာလှပတယ်။ ဒါပေမဲ့ သိုးထိန်းဟာ အားကောင်းမောင်းသန် လူချောတစ်ယောက်လောက်သာ မဟုတ်ပါဘူး။ ယေဟောဝါကို ချစ်ပြီး ချစ်စရာအရည်အသွေးတွေ ပိုင်ဆိုင်သူဖြစ်တယ်ဆိုတာ ရှုလမိုက်သိတယ်။ ဒါကြောင့်လည်း ‘တောသစ်ပင်တွေထဲက ပန်းသီးပင်လို’ ရှုလမိုက်အတွက် တစ်မူထူးခြားနေတာပေါ့။—သီ. ၂:၃၊ ၉၊ ကဘ; ၅:၁၄၊ ၁၅၊ ကဘ။
၁၃။ သိုးထိန်းလေးက ရှုလမိုက်ကို ဘာကြောင့်ချစ်တာလဲ။
သီ. ၂:၁၊ ၂၊ ကဘ; ၆:၈၊ ကဘ။
၁၃ ရှုလမိုက်လည်း သိပ်လှတယ်။ ဘုရင်ရှောလမုန်ဟာ ‘မိဖုရားခြောက်ဆယ်၊ မောင်းမရှစ်ဆယ်နဲ့ မိန်းမပျိုလေးတွေ မရေတွက်နိုင်အောင်ရှိ’ တာတောင် ရှုလမိုက်ကို ကြိုက်သွားတယ်။ ဒါပေမဲ့ သိုးထိန်းဟာ ရှုလမိုက်ကို လှလွန်းလို့ ချစ်သွားတာလား။ မဟုတ်ပါဘူး။ ရှုလမိုက်လည်း ယေဟောဝါကို ချစ်ပြီး ချစ်စရာအရည်အသွေးတွေ ပိုင်ဆိုင်သူဖြစ်တယ်။ ဥပမာ၊ ရှုလမိုက်ဟာ နှိမ့်ချမှုရှိပြီး ကိုယ့်ကိုယ်ကိုယ် ‘ကမ်းရိုးတန်းလွင်ပြင်ထဲက တောပန်း’ လေးနဲ့ ခိုင်းနှိုင်းခဲ့တယ်။ ဒါပေမဲ့ သိုးထိန်းအတွက်တော့ ရှုလမိုက်ဟာ ‘ဆူးပင်တွေကြားက နှင်းပန်းလေး’ လို တစ်မူထူးခြားနေတယ်။—၁၄။ ကျွန်တော်တို့ဟာ အိမ်ထောင်ပြုချင်တယ်ဆိုရင် သိုးထိန်းနဲ့ ရှုလမိုက်ဆီကနေ ဘာသင်ယူနိုင်သလဲ။
၁၄ ယေဟောဝါက သူ့ကျေးကျွန်တွေကို “သခင်၌ရှိသောသူကိုသာ”လက်ထပ်ဖို့မိန့်မှာထားတယ်။ (၁ ကော. ၇:၃၉) ဒါဟာ ယေဟောဝါဆီ ဆက်ကပ်အပ်နှံ နှစ်ခြင်းခံပြီးသား ကျေးကျွန်တစ်ယောက်ကိုသာ ရည်းစားထားရမယ်၊ လက်ထပ်ရမယ်လို့ ဆိုလိုတယ်။ အဲဒါက အိမ်ထောင်ကို ဘယ်လိုအကူအညီဖြစ်စေနိုင်သလဲ။ အိမ်ထောင်သည်တွေဟာ နေ့စဉ်ဘဝပြဿနာတွေကို ကြုံရမှာဖြစ်တယ်။ ဒါပေမဲ့ သူတို့နှစ်ယောက်စလုံးမှာ ယေဟောဝါနဲ့ ရင်းနှီးတဲ့ဆက်ဆံရေးရှိမယ်ဆိုရင် အိမ်ထောင်သာယာနိုင်ပါလိမ့်မယ်။ ဒါကြောင့် သင်ဟာ အိမ်ထောင်ပြုချင်တယ်ဆိုရင် သိုးထိန်းနဲ့ ရှုလမိုက်ရဲ့ ပုံသက်သေကို လိုက်လျှောက်ပါ။ ယေဟောဝါကို အမှန်တကယ်ချစ်ပြီး ချစ်စရာအရည်အသွေးတွေ ပိုင်ဆိုင်သူကိုသာ ရှာဖွေပါ။
ခရစ်ယာန်တစ်ယောက်ဟာ ယေဟောဝါဆီ ဆက်ကပ်အပ်နှံ နှစ်ခြင်းခံပြီးသား ကျေးကျွန်မဟုတ်သူကို ရည်းစားထားချင်မှာ၊ လက်ထပ်ချင်မှာ မဟုတ်ဘူး (အပိုဒ် ၁၄ ကိုကြည့်ပါ)
မောင့်သတို့သမီးဟာ ‘သော့ခတ်ထားတဲ့ဥယျာဉ်နဲ့တူတယ်’
၁၅။ ရှုလမိုက်ရဲ့သစ္စာရှိမှုဟာ လက်မထပ်သေးတဲ့ ခရစ်ယာန်စုံတွဲတွေအတွက် ဘယ်လိုနည်းနဲ့ ပုံနမူနာကောင်းဖြစ်သလဲ။
၁၅ ရှောလမုန်သီချင်း ၄:၁၂ ကိုဖတ်ပါ။ * ရှုလမိုက်ဟာ ‘သော့ခတ်ထားတဲ့ဥယျာဉ်’ နဲ့တူတယ်လို့ သိုးထိန်း ဘာကြောင့် ပြောတာလဲ။ သော့ခတ်ထားတဲ့ဥယျာဉ်ထဲ လူတကာ ဝင်ကြည့်လို့မရဘူး။ ရှုလမိုက်လည်း အဲဒီဥယျာဉ်လိုပဲ။ သိုးထိန်းတစ်ယောက်တည်းကိုပဲ ချစ်တယ်။ သူနဲ့ပဲလက်ထပ်ဖို့ စီစဉ်ထားတယ်။ ဒါကြောင့် ဘုရင်ကြီးရဲ့ ဂရုစိုက်မှုမှန်သမျှကို အပြတ်ငြင်းပစ်လိုက်တယ်။ ရှုလမိုက် စိတ်ပြောင်းမှာ မဟုတ်ဘူး။ သူဟာ “မြို့ရိုး” နဲ့တူတယ်။ အလွယ်တကူဖွင့်နိုင်တဲ့ “တံခါး” လို မဟုတ်ဘူး။ (သီ. ၈:၈-၁၀) အဲဒီလိုပဲ၊ လက်ထပ်ဖို့စီစဉ်နေတဲ့ ခရစ်ယာန်စုံတွဲဟာ အချင်းချင်းအပေါ် သစ္စာစောင့်သိပါလိမ့်မယ်။ တခြားဘယ်သူ့ကိုမှ အီစီကလီလုပ်မှာ မဟုတ်ဘူး။
၁၆။ သင်ဟာ ရည်းစားရှိသူဖြစ်တယ်ဆိုရင် ရှောလမုန်ကျမ်းကနေ ဘာသင်ယူနိုင်သလဲ။
သီ. ၁:၆; ၂:၁၀-၁၅) သင်လည်း ရည်းစားရှိတယ်ဆိုရင် လိင်အကျင့်ယိုယွင်းမှုဖြစ်စေနိုင်တဲ့ အရာမှန်သမျှကို ဘယ်လိုရှောင်နိုင်မလဲ။ သန့်သန့်ရှင်းရှင်းဆက်ရှိနိုင်အောင် ဘာတွေကိုရှောင်မယ်ဆိုတာ ကြိုတင်ဆုံးဖြတ်ထားပါ။ ဘယ်သူမှမမြင်နိုင်တဲ့နေရာမှာ ဘယ်တော့မှ နှစ်ယောက်တည်းမနေပါနဲ့။ ကိုယ့်ရဲ့မေတ္တာကို ဖြူစင်သန့်ရှင်းတဲ့နည်းနဲ့ပဲ ဖော်ပြပါ။
၁၆ သိုးထိန်းက လမ်းလျှောက်ထွက်ဖို့ခေါ်တဲ့အခါ ရှုလမိုက်ကို အစ်ကိုတွေ မလွှတ်ဘူး။ အဲဒီအစား သူတို့ပိုင်တဲ့စပျစ်ခြံတွေကို သွားစောင့်ဖို့ လွှတ်လိုက်တယ်။ အစ်ကိုတွေက ရှုလမိုက်ကို မယုံလို့လား။ သူတို့နှစ်ယောက် မဟုတ်မဟတ်တာတွေလုပ်ချင်နေတယ်လို့ ထင်နေလို့လား။ အဲဒီလိုမဟုတ်ပါဘူး။ သွေးဆောင်မှုဖြစ်စေနိုင်တဲ့ အခြေအနေကနေ ညီမလေးကို ကာကွယ်ပေးချင်လို့ပါပဲ။ (၁၇၊ ၁၈။ ရှောလမုန်သီချင်းကို လေ့လာခြင်းကနေ သင် ဘယ်လိုအကျိုးရရှိသလဲ။
၁၇ ယေဟောဝါဟာ အိမ်ထောင်တွေကို တည်မြဲစေချင်တယ်။ လင်မယားအချင်းချင်း ဆက်ချစ်နေစေချင်တယ်။ လက်ထပ်ပြီးခါစမှာ ချစ်နေတာတော့ သဘာဝပါပဲ။ ဒါပေမဲ့ အိမ်ထောင်တည်မြဲဖို့ဆိုရင် သူတို့ရဲ့မေတ္တာဟာ ခိုင်မြဲနေဖို့လိုတယ်။ ဘယ်တော့မှ မငြိမ်းတဲ့မီးလျှံလို ဖြစ်နေဖို့လိုတယ်။—မာ. ၁၀:၆-၉။
၁၈ သင်ဟာ အိမ်ထောင်ပြုချင်နေတယ်ဆိုရင် ကိုယ်အမှန်တကယ်ချစ်မြတ်နိုးနိုင်မယ့်သူကိုသာ ရှာဖွေပါ။ ရှာတွေ့တဲ့အခါ ခိုင်မြဲတဲ့အချစ်နဲ့ဆက်ချစ်နိုင်အောင် ကြိုးစားပါ။ ရှောလမုန်သီချင်းကနေ သင်ယူခဲ့ရတဲ့အတိုင်း တည်မြဲတဲ့မေတ္တာစစ်မေတ္တာမှန်နဲ့ ချစ်ဖို့ ဖြစ်နိုင်ပါတယ်။ အကြောင်းကတော့ မေတ္တာဟာ ‘ယရဲ့ မီးလျှံ’ ဖြစ်လို့ပါပဲ။—သီ. ၈:၆၊ ကဘ။
^ စာပိုဒ်၊ 2 ၂၀၀၇၊ ဇန်နဝါရီ ၁၅ ကင်းမျှော်စင် စာမျက်နှာ ၃၁ ကိုကြည့်ပါ။
^ စာပိုဒ်၊ 3 ရှောလမုန်သီချင်း ၈:၆ (ကဘ)– ‘ကျွန်မကို မောင့်နှလုံးသားပေါ်မှာ တံဆိပ်လို ခတ်ထားပါ။ လက်မောင်းပေါ်မှာ တံဆိပ်လို ခတ်ထားပါ။ ချစ်ခြင်းမေတ္တာဟာ သေခြင်းလို ခိုင်မာပြီး သစ္စာတရားက သင်္ချိုင်းလို မလျှော့တမ်းတောင်းဆိုတတ်လို့ပဲ။ မေတ္တာမီးလျှံတွေဟာ တောက်လောင်နေတဲ့မီး၊ “ယ” ရဲ့ မီးလျှံပဲ။’
^ စာပိုဒ်၊ 8 ရှောလမုန်သီချင်း ၄:၇၊ ၁၁ (ကဘ)– ‘မောင့်အချစ်လေး၊ မင်းဟာ သိပ်လှတာပဲ။ ပြစ်မျိုးမှဲ့မထင်လေးပါပဲ။ အို မောင့်သတို့သမီး၊ မင်းရဲ့ နှုတ်ခမ်းကနေ ပျားရည်တွေ တစ်စက်စက်ယိုကျနေတယ်။ မင်းရဲ့လျှာအောက်မှာ ပျားရည်နဲ့နို့ ရှိတယ်။ မင်းအဝတ်အစားတွေရဲ့ရနံ့က လက်ဘနွန်တောင်ရဲ့ရနံ့နဲ့ တူတယ်။’
^ စာပိုဒ်၊ 10 ရှောလမုန်သီချင်း ၁:၂၊ ၃ (ကဘ)– ‘ကျွန်မကို မောင့်နှုတ်ခမ်းနဲ့ နမ်းပါတော့။ မောင့်ရဲ့ မေတ္တာဖွင့်ဟချက်တွေဟာ စပျစ်ဝိုင်ထက် ပိုကောင်းလို့ပါ။ မောင်ဆွတ်ထားတဲ့ဆီက မွှေးလိုက်တာ။ မောင့်နာမည်ဟာ ခေါင်းပေါ်လောင်းချတဲ့ ဆီမွှေးနဲ့တူတယ်။ ဒါကြောင့် မိန်းမပျိုလေးတွေက မောင့်ကိုချစ်ကြတာ။’
^ စာပိုဒ်၊ 15 ရှောလမုန်သီချင်း ၄:၁၂ (ကဘ)– ‘မောင့်နှမ၊ မောင့်သတို့သမီး၊ မင်းဟာ သော့ခတ်ထားတဲ့ဥယျာဉ်နဲ့တူတယ်။ သော့ခတ်ထားတဲ့ဥယျာဉ်၊ ချိပ်ပိတ်ထားတဲ့ရေတွင်းပဲ။’