မောရှေဆိုတဲ့ နာမည်ကို ကြားလိုက်တာနဲ့ အောက်ဖော်ပြပါ အချက်တွေထဲက ဘယ်အချက်တွေကို သင် မှတ်မိပါသလဲ။

• မိခင်ဖြစ်သူက တောင်းထဲမှာထည့်ပြီး နိုင်းလ်မြစ်မှာ ဝှက်ထားတဲ့ ကလေးလေးလား။

• ဖာရောဘုရင့်သမီးတော်ရဲ့ မွေးစားခြင်းကိုခံရပြီး အီဂျစ်ပြည်မှာ ဇိမ်ကျကျနေထိုင်ရပေမဲ့ မိမိဟာ အစ္စရေးလူမျိုးဖြစ်တယ်ဆိုတာ ဘယ်တော့မှ မမေ့တဲ့ လူငယ်လေးလား။

• မိဒျန်အရပ်မှာ အနှစ် ၄၀ ကြာ သိုးထိန်းဘဝနဲ့ နေထိုင်ခဲ့တဲ့သူလား။

• မီးလောင်နေတဲ့ ချုံပုတ်ရှေ့မှာ ယေဟောဝါဘုရားသခင် *နဲ့ စကားပြောခဲ့တဲ့သူလား။

• အစ္စရေးလူတွေကို ကျွန်ဘဝကနေ လွတ်ပေးဖို့ အီဂျစ်ဘုရင်ကို ရဲရဲဝံ့ဝံ့ တောင်းဆိုခဲ့တဲ့သူလား။

• စစ်မှန်တဲ့ဘုရားသခင်ကို ဖာရောဘုရင် ငြင်းပယ်တဲ့အတွက် ဘုရားသခင့်လမ်းညွှန်ချက်နဲ့အညီ ကပ်ကြီးဆယ်ပါးကို ကြေညာခဲ့တဲ့သူလား။

• အစ္စရေးလူတွေ အီဂျစ်ပြည်ကနေ ထွက်လာချိန်မှာ ဦးဆောင်ခဲ့တဲ့သူလား။

• ပင်လယ်နီကို နှစ်ခြမ်းခွဲဖို့ အသုံးတော်ခံခဲ့ရသူလား။

• အစ္စရေးလူတွေကို ဘုရားသခင့်ပညတ်တော်ဆယ်ပါး ပေးခဲ့တဲ့သူလား။