ဘုရားနဲ့ရင်းနှီးဖို့ သင်ဘာလုပ်ဆောင်နိုင်သလဲ။ လုပ်ဆောင်ရမယ့် အချက်တွေကို သုံးသပ်ကြရအောင်။

1. ၁။ ယေဟောဝါဆိုတဲ့ ဘုရားနာမည်ကို သိပြီး အသုံးပြုပါ။

2. ၂။ ဆုတောင်းခြင်းနဲ့ ကျမ်းစာလေ့လာခြင်းတို့အားဖြင့် ဘုရားနဲ့ မှန်မှန်ဆက်သွယ်နေပါ။

3. ၃။ ဘုရားနှစ်သက်တဲ့အရာတွေကို မပြတ်ကြိုးစားလုပ်ဆောင်ပါ။

အဲဒီအချက်တွေကို လေ့လာပြီးတဲ့နောက် ဘုရားနဲ့ရင်းနှီးဖို့ သင်လုပ်ဆောင်နေတယ်လို့ ထင်သလား။ သင်ကြိုးစားဖို့ လိုသေးတဲ့ အချက်တွေရှိသလား။ ဘုရားနဲ့ရင်းနှီးဖို့ ကြိုးစားအားထုတ်ဖို့လိုပေမဲ့ ရလာမယ့်အကျိုးကျေးဇူးတွေကို သုံးသပ်ကြည့်ပါ။

“ဘုရားသခင်နဲ့ ရင်းနှီးဖို့ ကြိုးစားအားထုတ်မှုမှန်သမျှဟာ အကျိုးရှိပါတယ်။ ဘုရားနဲ့ရင်းနှီးမယ်ဆိုရင် ကောင်းချီးတွေ အများကြီး ရရှိနိုင်တယ်။ ဘုရားကို ပိုပြီးယုံကြည်ကိုးစားလာမယ်၊ ဘုရားရဲ့အရည်အသွေးတွေကို ပိုပြီး သိရှိလာတဲ့အပြင် ဘုရားနဲ့သင်ရဲ့မေတ္တာနှောင်ကြိုးလည်း ပိုခိုင်မြဲလာမယ်။ ဒီထက်ကောင်းတဲ့ အသက်တာမျိုး ရှိတော့မှာမဟုတ်ဘူး” လို့ အမေရိကန်နိုင်ငံက ဂျဲန်နီဖာဆိုတဲ့ အမျိုးသမီးပြောပြတယ်။

ဘုရားသခင်နဲ့ သင် ရင်းနှီးချင်တယ်ဆိုရင် ယေဟောဝါသက်သေတွေက သင့်ကို ဝမ်းမြောက်ဝမ်းသာ ကူညီပေးပါလိမ့်မယ်။ သူတို့နဲ့ သင် အခမဲ့ကျမ်းစာလေ့လာနိုင်ပါတယ်။ သင့်ဒေသက ဝတ်ပြုရာခန်းမမှာ ကျမ်းစာအစည်းအဝေးတွေကို တက်ရောက်ဖို့ သင့်ကို လှိုက်လှိုက်လှဲလှဲ ဖိတ်ခေါ်ပါတယ်။ ဝတ်ပြုရာခန်းမမှာ ဘုရားနဲ့ခင်မင်ရင်းနှီးတဲ့သူတွေနဲ့ သင် ပေါင်းသင်းခွင့်ရပါလိမ့်မယ်။ * အဲဒီလို ပြုလုပ်မယ်ဆိုရင် သင်လည်း ဆာလံဆရာနည်းတူ “အကျွန်ုပ်မူကား ဘုရားသခင့်ထံတော်သို့ ချဉ်းကပ်၍ အကျိုးရှိပါ၏” လို့ ခံစားရပါလိမ့်မယ်။—ဆာလံ ၇၃:၂၈။