ဆာလံ ၁၁၃:၁-၉
၁၁၃ ယေဟောဝါကို ချီးမွမ်းကြ။*ယေဟောဝါရဲ့ကျွန်တို့၊ ဘုရားကို ချီးမွမ်းကြ။ယေဟောဝါရဲ့ နာမည်ကို ချီးမွမ်းကြ။
၂ ယေဟောဝါရဲ့ နာမည်ကိုအခုကစပြီး ထာဝစဉ် ချီးမွမ်းကြပါစေ။+
၃ ယေဟောဝါရဲ့ နာမည်ကိုနေထွက်ရာအရပ်ကနေ နေဝင်ရာအရပ်အထိ ချီးမွမ်းကြပါစေ။+
၄ ယေဟောဝါဟာ လူမျိုးအားလုံးထက် မြင့်မြတ်တယ်။+ကောင်းကင်ထက် ဘုန်းတန်ခိုးကြီးမားတယ်။+
၅ အထက်အရပ်မှာ စံမြန်းတဲ့ငါတို့ရဲ့ဘုရား ယေဟောဝါနဲ့ ဘယ်သူတူသလဲ။+
၆ ဘုရားက ကိုယ်ကိုကိုင်းညွတ်ပြီး ကောင်းကင်နဲ့ ကမ္ဘာမြေကို ငုံ့ကြည့်တယ်။+
၇ နိမ့်ကျသူကို မြေမှုန့်ထဲကနေ ထူမတယ်။နွမ်းပါးသူကို ပြာပုံ* ထဲကနေ ချီမတယ်။+
၈ သူတို့ကို ဂုဏ်အသရေရှိသူတွေနဲ့အတူ၊လူမျိုးတော်ထဲက ဂုဏ်အသရေရှိသူတွေနဲ့အတူ ထိုင်စေတယ်။
၉ မြုံနေတဲ့မိန်းမကို ကိုယ့်အိမ်မှာ သားသမီးတွေနဲ့ပျော်ရွှင်ရတဲ့အခွင့် ပေးသနားတယ်။+ယေဟောဝါကို ချီးမွမ်းကြ။*
အောက်ခြေမှတ်ချက်များ
^ ဒါမှမဟုတ်၊ “ဟာလေလုယ။” အဓိပ္ပာယ်၊ “‘ယ’ ကို ချီးမွမ်းကြ။” ‘ယ’ ဆိုတာ ယေဟောဝါရဲ့ အတိုကောက်နာမည်။ နောက်ဆက်တွဲ က၅ ကိုကြည့်။
^ “အမှိုက်ပုံ” လည်းဖြစ်နိုင်။
^ ဒါမှမဟုတ်၊ “ဟာလေလုယ။” အဓိပ္ပာယ်၊ “‘ယ’ ကို ချီးမွမ်းကြ။” ‘ယ’ ဆိုတာ ယေဟောဝါရဲ့ အတိုကောက်နာမည်။ နောက်ဆက်တွဲ က၅ ကိုကြည့်။
