ဆာလံ ၇၀:၁-၅
-
အရေးပေါ် အကူအညီတောင်း
-
“အမြန်ဆုံး လာကူလှည့်ပါ” (၅)
-
ဂီတမှူးသို့။ သတိရအောက်မေ့ဖို့ ဒါဝိဒ်စပ်ဆိုတဲ့ သီချင်း။
၇၀ အို ဘုရားသခင်၊ ကျွန်တော့်ကို ကယ်တင်ပေးပါ။
ယေဟောဝါဘုရား၊ အမြန်လာကူပါဦး။+
၂ ကျွန်တော့်အသက်ကို သတ်ချင်တဲ့သူတွေ
အရှက်ကွဲပြီး ရှုတ်ချခံရပါစေ။
ကျွန်တော် ဘေးဆိုးကြုံရလို့ ဝမ်းသာအားရ ဖြစ်နေသူတွေ
အရှက်တကွဲ နောက်လှည့်ပြေးရပါစေ။
၃ ကျွန်တော့်ကို ဟားတိုက်နေသူတွေ
အရှက်တကွဲ လှည့်ပြန်ရပါစေ။
၄ ကိုယ်တော့်ကို ရှာတဲ့သူတွေကတော့
ကိုယ်တော်ကြောင့် ရွှင်လန်းဝမ်းမြောက်ကြပါစေ။+
ကိုယ်တော့် ကယ်တင်ခြင်းကို မြတ်နိုးသူတွေက
“ဘုရားသခင်ကို ဂုဏ်တင်ချီးမွမ်းကြပါ” လို့ အမြဲပြောနိုင်ပါစေ။
၅ ကျွန်တော် ခိုကိုးရာမဲ့ပြီး ဆင်းရဲနွမ်းပါးနေတယ်။+
အို ဘုရားသခင်၊ ကျွန်တော့်အတွက် အမြန်ဆုံး လုပ်ဆောင်ပေးလှည့်ပါ။+
ကိုယ်တော်ဟာ ကူညီမစရှင်၊ ကယ်တင်ရှင်ပါ။+
ယေဟောဝါဘုရား၊ နှောင့်နှေးမနေပါနဲ့။+
