ဟေရှာယ ၄၉:၁-၂၆
၄၉ ကျွန်းတို့၊ ငါပြောတာကို နားထောင်ကြ။
ရပ်ဝေးကလူမျိုးတို့၊ အာရုံစိုက်ကြ။+
ယေဟောဝါက ငါ့ကို မမွေးခင်ကတည်းက ဆင့်ခေါ်တယ်။+
မိခင်ဝမ်းထဲမှာ ရှိကတည်းက နာမည်နဲ့ခေါ်တယ်။
၂ ငါ့နှုတ်ကို ဓားလို ထက်စေတယ်။
လက်တော်နဲ့ ကွယ်ထားပေးတယ်။+
ပြောင်လက်တဲ့မြား ဖြစ်စေတယ်။
မြားကျည်တောက်ထဲ ဝှက်ထားပေးတယ်။
၃ ဘုရားက “အစ္စရေး၊ မင်းဟာ ငါ့ကျွန်ပဲ။+
မင်းကိုသုံးပြီး ငါ့ဘုန်းတန်ခိုးကို ပြမယ်”+ လို့ ငါ့ကိုပြောတယ်။
၄ “ငါအပင်ပန်းခံခဲ့သမျှ အလကားပဲ။
အချည်းနှီးသက်သက် ခွန်အားကုန်ခဲ့တယ်။
ဒါပေမဲ့ သေချာတာက ငါ့ကို တရားစီရင်တဲ့အရှင်ဟာ ယေဟောဝါဘုရားပဲ။
ငါ့ကိုဆုချတဲ့အရှင်ဟာ ဘုရားသခင်ပဲ” လို့ ငါပြောတယ်။+
၅ မိခင်ဝမ်းထဲရှိနေတဲ့ ငါ့ကို ကျွန်အဖြစ် ယေဟောဝါ ပုံသွင်းခဲ့တယ်။
အစ္စရေးတွေ ဘုရားဆီ စုရုံးလာနိုင်ဖို့+
ယာကုပ်ကို ပြန်ခေါ်လာပါလို့ ငါ့ကိုပြောတယ်။
ယေဟောဝါရှေ့တော်မှာ ငါဂုဏ်တင်ခံရလိမ့်မယ်။
ဘုရားသခင်ဟာ ငါ့အစွမ်းခွန်အား ဖြစ်လိမ့်မယ်။
၆ “ယာကုပ်မျိုးနွယ်တွေကို ပြန်ထူထောင်ဖို့၊
အသက်ရှင်လွတ်မြောက်သွားတဲ့ အစ္စရေးတွေကို ပြန်ခေါ်လာဖို့
မင်းကို ငါ့ကျွန်ဖြစ်ခွင့်အပြင်
လူမျိုးခြားတွေအတွက် အလင်းဖြစ်ခွင့်ကိုပါ ငါပေးတယ်။+
ဒါမှ ငါ့ကယ်တင်ခြင်းက ကမ္ဘာမြေအစွန်အဖျားအထိ ရောက်နိုင်မယ်” လို့ ဘုရားပြောတယ်။+
၇ အစ္စရေးကို ပြန်ဝယ်တဲ့အရှင်၊ သန့်ရှင်းတဲ့အရှင်+ ယေဟောဝါက အထင်သေးခံရသူ၊+လူမျိုးတွေရွံမုန်းတာကို ခံရသူ၊ အုပ်စိုးရှင်တွေရဲ့ကျွန်ကို “မင်းကိုရွေးချယ်ထားတဲ့+ အစ္စရေးတို့ရဲ့ သန့်ရှင်းတဲ့အရှင်၊သစ္စာရှိတဲ့အရှင် ယေဟောဝါကြောင့်+ ရှင်ဘုရင်တွေ မြင်ပြီး ထရပ်ကြမယ်။
ခေါင်းဆောင်တွေလည်း ဦးညွှတ်ကြမယ်” လို့ပြောတယ်။
၈ ယေဟောဝါ ပြောတာက–
“မျက်နှာသာပြရာကာလမှာ မင်းကို ငါပြန်ဖြေခဲ့တယ်။+
ကယ်တင်ရာနေ့ရက်မှာ မင်းကို ငါကူညီခဲ့တယ်။+ အမြဲ ကာကွယ်စောင့်ရှောက်ခဲ့တယ်။
မင်းကိုသုံးပြီး လူတွေနဲ့ ပဋိညာဉ်ဖွဲ့နိုင်ဖို့၊+တိုင်းပြည်ကို ပြန်ထူထောင်နိုင်ဖို့၊လူသူကင်းမဲ့တဲ့ အမွေမြေတွေကို သူတို့ ပြန်ပိုင်ဆိုင်နိုင်ဖို့ပဲ။+
၉ အကျဉ်းသားတွေကို ‘ထွက်လာပါ’+ လို့ပြောနိုင်ဖို့၊အမှောင်ထဲကလူတွေကို+ ‘ထွက်ခဲ့’ လို့ပြောနိုင်ဖို့ပဲ။
လမ်းခရီးမှာ သူတို့ စားသောက်ကြမယ်။
လမ်းတစ်လျှောက်မှာ* စားကျက်တွေ ရှိလိမ့်မယ်။
၁၀ သူတို့ ဆာလောင်မှာ၊ ရေငတ်မှာ မဟုတ်ဘူး။+
ချစ်ချစ်တောက်အပူဒဏ်နဲ့ နေဒဏ်ကို ခံရမှာ မဟုတ်ဘူး။+
ကရုဏာပြတဲ့အရှင် လမ်းပြပေးမယ်။+
စမ်းချောင်းတွေဆီ လမ်းညွှန်ပေးမယ်။+
၁၁ ငါက တောင်တန်းရှိသမျှ လမ်းဖြစ်စေမယ်။
လမ်းမတွေကိုလည်း မြင့်တက်စေမယ်။+
၁၂ ကြည့်ပါ။ သူတို့ အဝေးကနေ လာနေတယ်။+
မြောက်အရပ်ကနေ၊ အနောက်အရပ်ကနေ၊သိနိမ်ပြည်ကနေ လာနေတယ်။”+
၁၃ အို မိုးကောင်းကင်၊ ရွှင်လန်းစွာကြွေးကြော်ပါ။ ကမ္ဘာမြေ၊ ဝမ်းမြောက်ပါ။+
တောင်တန်းတွေ ပျော်မြူးရင်း ရွှင်လန်းစွာကြွေးကြော်ကြပါ။+
ယေဟောဝါက မိမိလူတွေကို နှစ်သိမ့်ပေးတယ်။+
ဒုက္ခရောက်နေတဲ့ မိမိလူတွေကို ကရုဏာပြတယ်။+
၁၄ ဒါပေမဲ့ ဇိအုန်က “ငါ့ကို ယေဟောဝါဘုရား စွန့်ပစ်လိုက်ပြီ။+
ငါ့ကို ယေဟောဝါဘုရား မေ့သွားပြီ”+ လို့ပြောနေတယ်။
၁၅ မိခင်က နို့စို့ကလေးကို မေ့ထားနိုင်သလား။
ကိုယ့်ရင်သွေးကို မသနားဘဲ နေနိုင်သလား။
သူတို့ မေ့နိုင်တယ်ဆိုရင်တောင် ငါကတော့ မင်းကို ဘယ်တော့မှ မမေ့ဘူး။+
၁၆ ကြည့်ပါ။ မင်းရဲ့နာမည်ကို ငါ့လက်ဖဝါးပေါ် ရေးထိုးထားတယ်။
မင်းရဲ့မြို့ရိုးတွေ ငါ့ရှေ့မှာ အမြဲရှိတယ်။
၁၇ မင်းရဲ့သားတွေ အမြန်ပြန်လာနေပြီ။
မင်းကို ဖြိုချဖျက်ဆီးခဲ့သူတွေ ထွက်သွားမယ်။
၁၈ အရပ်ရပ်ကို မျှော်ကြည့်ပါ။
သူတို့ အတူစုရုံးပြီး မင်းဆီလာနေကြတယ်။+
ယေဟောဝါက “အသက်ရှင်နေတဲ့ ငါ့ကိုယ်ငါတိုင်တည်ပြီး ကျိန်ဆိုမယ်။
မင်းက အဝတ်တန်ဆာ ဝတ်ဆင်သလို
သူတို့ကို ဝတ်ဆင်ရလိမ့်မယ်။
သတို့သမီးဆင်မြန်းသလို သူတို့ကို ဆင်မြန်းရလိမ့်မယ်။
၁၉ မင်းရဲ့နေရာတွေဟာ ပျက်စီးပြီး လူသူကင်းမဲ့ခဲ့တယ်။
တိုင်းပြည်ကလည်း ပျက်စီးယိုယွင်းခဲ့တယ်။+
အခုတော့ အဲဒီပြည်ဟာ နေထိုင်သူတွေ များလွန်းလို့ ကျဉ်းကျပ်သွားမယ်။+
မင်းကိုဖျက်ဆီးခဲ့သူတွေ+ အဝေးရောက်သွားမယ်။+
၂၀ မင်းရဲ့သားသမီးတွေ ဆုံးပါးပြီးတဲ့နောက် မွေးလာတဲ့သားတွေက
‘ဒီနေရာဟာ ကျဉ်းကျပ်လွန်းတယ်။
နေစရာနေရာ လုပ်ပေးပါဦး’ လို့ ပြောကြလိမ့်မယ်။+
၂၁ ‘ငါ့သားသမီးတွေ ဆုံးသွားပြီပဲ။
ငါဟာ အမြုံမ ဖြစ်နေပြီပဲ။
အကျဉ်းသားအဖြစ် ပြည်နှင်ခံရပြီပဲ။
ဒါဆို ဒီကလေးတွေက ဘယ်သူ့ကလေးတွေလဲ။
သူတို့ကို ဘယ်သူကြည့်ရှုပြုစုခဲ့တာလဲ။+
ငါတစ်ယောက်တည်း ကျန်ခဲ့တာ။+
သူတို့တွေ ဘယ်ကရောက်လာတာပါလိမ့်’ လို့+ မင်း တွေးနေလိမ့်မယ်။”
၂၂ အချုပ်အခြာအာဏာပိုင်ရှင် ယေဟောဝါ ပြောတာက–
“လူမျိုးတွေမြင်နိုင်အောင် ငါ့လက်ကို မြှောက်ပြမယ်။
လူတွေမြင်နိုင်အောင် အလံကို လွှင့်ထူမယ်။+
အဲဒီအခါ သူတို့က မင်းရဲ့သားတွေကို ချီပိုက်လာမယ်။
မင်းရဲ့သမီးတွေကို ပခုံးပေါ်ထမ်းလာမယ်။+
၂၃ ဘုရင်တွေဟာ မင်းကိုကြည့်ရှုစောင့်ရှောက်သူတွေ ဖြစ်လာမယ်။+
မင်းသမီးတွေဟာ မင်းရဲ့အထိန်းတွေ ဖြစ်လာမယ်။
သူတို့က မြေပေါ် ပျပ်ဝပ်ဦးချပြီး+ မင်းရဲ့ခြေမှာ ကပ်နေတဲ့ ဖုန်မှုန့်ကို လျက်လိမ့်မယ်။+
ငါဟာ ယေဟောဝါပဲဆိုတာ မင်းသိရလိမ့်မယ်။
ငါ့ကိုမျှော်လင့်သူတွေ အရှက်ကွဲရမှာ မဟုတ်ဘူး။”+
၂၄ ဖမ်းဆီးခံရသူတွေကို ခွန်အားကြီးသူရဲ့လက်ကနေ ပြန်သိမ်းယူနိုင်မလား။
သုံ့ပန်းတွေကို အာဏာရှင်ရဲ့လက်ကနေ ကယ်တင်နိုင်မလား။
၂၅ ဒါပေမဲ့ ယေဟောဝါ ပြောတာက “ခွန်အားကြီးသူ ဖမ်းဆီးသွားတဲ့သုံ့ပန်းတွေကို ပြန်သိမ်းယူလိမ့်မယ်။+
အာဏာရှင် ဖမ်းသွားတဲ့သူတွေကို ပြန်ကယ်တင်မယ်။+
မင်းကိုဆန့်ကျင်သူတွေကို ငါဆန့်ကျင်မယ်။+
မင်းရဲ့သားတွေကို ကယ်တင်မယ်။
၂၆ မင်းကို အနိုင်ကျင့်သူတွေ ကိုယ့်အသားကိုယ် ပြန်စားရလိမ့်မယ်။
ချိုတဲ့စပျစ်ဝိုင်သောက်သလို ကိုယ့်သွေးကိုသောက်ပြီး မူးယစ်ရလိမ့်မယ်။
ငါဟာ မင်းကို ကယ်တင်တဲ့အရှင်၊+ ပြန်ဝယ်တဲ့အရှင်၊+
ယာကုပ်ကိုးကွယ်တဲ့ တန်ခိုးကြီးရှင်+ ယေဟောဝါဖြစ်မှန်း လူအားလုံး သိလာလိမ့်မယ်။”+
အောက်ခြေမှတ်ချက်များ
^ “တောင်ကတုံးတွေမှာ” လည်းဖြစ်နိုင်။
