၁ ရာဇဝင်ချုပ် ၂၆:၁-၃၂
၂၆ တံခါးစောင့်အုပ်စုတွေကတော့–+ ကောရအမျိုးသားတွေထဲမှာ အာသပ်ရဲ့သားမြေးတွေထဲက ကောရေရဲ့သား မေရှလမိ။+
၂ မေရှလမိရဲ့ သားတွေက သားဦးဇာခရိ၊ ဒုတိယ ယေဒယေလ၊ တတိယ ဇေဗဒိ၊ စတုတ္ထ ယာသနေလ၊
၃ ပဉ္စမ ဧလံ၊ ဆဋ္ဌမ ယေဟောဟနန်၊ သတ္တမ ဧလျောနဲ။
၄ သြဗက်ဧဒုံရဲ့သားတွေဖြစ်တဲ့ သားဦးရှေမာယ၊ ဒုတိယ ယဟောဇဗတ်၊ တတိယ ယောအာ၊ စတုတ္ထ စာကာ၊ ပဉ္စမ နာသနေလ၊
၅ ဆဋ္ဌမ အမျေလ၊ သတ္တမ အိသခါ၊ အဋ္ဌမ ပုလသဲ။ ဒီသားတွေဟာ သြဗက်ဧဒုံကို ဘုရားသခင် ပေးသနားတဲ့ ကောင်းချီးတွေပဲ။
၆ သြဗက်ဧဒုံရဲ့သား ရှေမာယလည်း သားတွေရတယ်။ သူတို့ဟာ ခွန်အားကြီးသူတွေ၊ လုပ်ရည်ကိုင်ရည်ရှိသူတွေဖြစ်လို့ ဆွေမျိုးစုခေါင်းဆောင်တွေ ဖြစ်ကြတယ်။
၇ ရှေမာယရဲ့သားတွေက ဩသနိ၊ ရေဖေလ၊ ဩဗက်၊ ဧလဇာဗဒ်။ ဧလဇာဗဒ်ရဲ့ညီအစ်ကို ဧလိဟုနဲ့သေမခိတို့လည်း လုပ်ရည်ကိုင်ရည်ရှိသူတွေပဲ။
၈ သူတို့အားလုံးဟာ သြဗက်ဧဒုံရဲ့ သားမြေးတွေ ဖြစ်တယ်။ သူတို့ရဲ့သားတွေ၊ ညီအစ်ကိုတွေလည်း လုပ်ရည်ကိုင်ရည်ရှိသူတွေ၊ အမှုဆောင်ဖို့ အရည်အချင်းပြည့်မီသူတွေ ဖြစ်တယ်။ သြဗက်ဧဒုံရဲ့ သားမြေး စုစုပေါင်း ၆၂ ယောက်ရှိတယ်။
၉ မေရှလမိမှာလည်း+ လုပ်ရည်ကိုင်ရည်ရှိတဲ့ သားတွေ၊ ညီအစ်ကိုတွေ စုစုပေါင်း ၁၈ ယောက်ရှိတယ်။
၁၀ မေရာရိအမျိုးသား ဟောသမှာ သားတွေရှိတယ်။ ခေါင်းဆောင်က ရှိမရိ။ သူက သားဦးမဟုတ်ပေမဲ့ ဖခင်က သူ့ကို ခေါင်းဆောင် ခန့်ထားတယ်။
၁၁ ဒုတိယက ဟိလခိ၊ တတိယက တေဗလိ၊ စတုတ္ထက ဇာခရိ။ ဟောသရဲ့သားတွေ၊ ညီအစ်ကိုတွေ စုစုပေါင်း ၁၃ ယောက်ရှိတယ်။
၁၂ တံခါးစောင့်အုပ်စုရဲ့ ခေါင်းဆောင်တွေက သူတို့ရဲ့ ညီအစ်ကိုတွေလိုပဲ ယေဟောဝါရဲ့ အိမ်တော်မှာ အမှုဆောင်ဖို့ တာဝန်ရကြတယ်။
၁၃ သူတို့က ဆွေမျိုးစုအလိုက် အုပ်စုအကြီးအငယ် မခွဲဘဲ တာဝန်ကျမယ့် တံခါးကို မဲနှိုက်ရတယ်။+
၁၄ အရှေ့ဘက်ခြမ်းကို မဲကျတဲ့သူက ရှေလမိ။ မြောက်ဘက်ခြမ်းကို မဲကျတဲ့သူက ရှေလမိရဲ့သား ပညာရှိအတိုင်ပင်ခံ ဇာခရိ။
၁၅ တောင်ဘက်ခြမ်းကို မဲကျတဲ့သူက သြဗက်ဧဒုံ။ သူ့သားတွေကတော့+ သိုလှောင်ရုံတွေကို စောင့်ကြပ်ဖို့ တာဝန်ရတယ်။
၁၆ အနောက်ဘက်ခြမ်းကို မဲကျတဲ့သူက ရှုပိမ်နဲ့ ဟောသ။+ သူတို့က ရှေလခက်တံခါးနဲ့ အတက်လမ်းနားမှာ စောင့်ကြပ်ရတယ်။ အစောင့်အုပ်စုတွေက တစ်စုနဲ့တစ်စု ဘေးချင်းယှဉ်ပြီး စောင့်ကြတယ်။
၁၇ အရှေ့ဘက်မှာ လေဝိအမျိုးသား ခြောက်ယောက် စောင့်တယ်။ မြောက်ဘက်မှာ တစ်ရက်ကို လေးယောက်၊ တောင်ဘက်မှာ တစ်ရက်ကို လေးယောက်၊ သိုလှောင်ရုံတွေကို+ နှစ်ယောက်တစ်တွဲစီ စောင့်ကြတယ်။
၁၈ အနောက်ဘက် ဆင်ဝင်အတွက်တော့ အတက်လမ်းမှာ+ လေးယောက်၊ ဆင်ဝင်မှာ နှစ်ယောက် စောင့်တယ်။
၁၉ ဒါတွေဟာ ကောရအမျိုးသားတွေနဲ့ မေရာရိအမျိုးသားတွေထဲက တံခါးစောင့်အုပ်စုတွေ ဖြစ်တယ်။
၂၀ ကျန်တဲ့လေဝိအမျိုးသားတွေထဲမှာ အဟိယက စစ်မှန်တဲ့ဘုရားသခင်ရဲ့ အိမ်တော်ဘဏ္ဍာတိုက်နဲ့ ဆက်ကပ်ထားတဲ့ပစ္စည်း သိုလှောင်ရာ ဘဏ္ဍာတိုက်တွေကို ကြီးကြပ်ရတယ်။+
၂၁ လာဒန်ရဲ့သားမြေးတွေဖြစ်တဲ့ ဂေရရှုန်ကနေ ဆင်းသက်လာတဲ့ သားမြေးတွေထဲမှာ လာဒန်ရဲ့အမျိုး ဆွေမျိုးစုခေါင်းဆောင် ယေဟေလိအပြင်၊+
၂၂ သူ့သား ဇေသံနဲ့ ယောလဆိုတဲ့ ညီအစ်ကိုနှစ်ယောက်က ယေဟောဝါရဲ့အိမ်တော် ဘဏ္ဍာတိုက်တွေကို ကြီးကြပ်ရတယ်။+
၂၃ အာမရံအမျိုး၊ အိဇဟာအမျိုး၊ ဟေဗြုန်အမျိုး၊ သြဇေလအမျိုးထဲမှာ၊+
၂၄ မောရှေရဲ့မြေး၊ ဂေရရှုံရဲ့သား ရှေဗွေလဟာ သိုလှောင်ရုံတွေကို ကြီးကြပ်တဲ့ ခေါင်းဆောင်ဖြစ်တယ်။
၂၅ သူ့ညီအစ်ကိုတွေကတော့ ဧလျာဇာကနေ+ ဆင်းသက်လာသူတွေဖြစ်တဲ့ ရေဟဘိ၊+ ယေရှာယ၊ ယောရန်၊ ဇိခရိ၊ ရှေလောမုတ်တို့ဖြစ်တယ်။
၂၆ ဒါဝိဒ်မင်းနဲ့+ ဆွေမျိုးစုခေါင်းဆောင်တွေ၊+ လူတစ်ထောင်အုပ်တွေ၊ လူတစ်ရာအုပ်တွေ၊ ဗိုလ်ချုပ်တွေ ဆက်ကပ်ထားတဲ့ ဘဏ္ဍာတွေကို+ ရှေလောမုတ်နဲ့ သူ့ညီအစ်ကိုတွေ ကြီးကြပ်ရတယ်။
၂၇ တိုက်ပွဲတွေကနေသိမ်းယူခဲ့တဲ့+ တိုက်ရာပါဥစ္စာတချို့ကိုတော့+ ယေဟောဝါရဲ့ အိမ်တော် ပြုပြင်ထိန်းသိမ်းရာမှာ သုံးဖို့ ဆက်ကပ်ထားတယ်။
၂၈ ဒါ့အပြင် ရှေလောမိတ်နဲ့ သူ့ညီအစ်ကိုတွေက အကြားအမြင်ရသူ ရှမွေလ၊+ ကိရှရဲ့သား ရှောလု၊ နေရရဲ့သား အာဗနာ၊+ ဇေရုယာရဲ့သား+ ယွာဘတို့+ ဆက်ကပ်ထားတဲ့ ပစ္စည်းတွေကိုလည်း ကြီးကြပ်ရတယ်။ လူတွေ ဆက်ကပ်ထားတဲ့ ပစ္စည်းမှန်သမျှကို ထိန်းသိမ်း စောင့်ရှောက်ရတယ်။
၂၉ အိဇဟာအမျိုးမှာ+ ခေနနိနဲ့ သူ့သားတွေက အစ္စရေးပြည်မှာ လက်ထောက်ခေါင်းဆောင်တွေ၊ တရားသူကြီးတွေအဖြစ်+ ဘုရားသခင့်အိမ်တော်နဲ့ မဆိုင်တဲ့ စီမံခန့်ခွဲရေးတာဝန်တွေကို ထမ်းဆောင်ရတယ်။
၃၀ ဟေဗြုန်အမျိုးမှာ+ ဟာရှဘိနဲ့ လုပ်ရည်ကိုင်ရည်ရှိတဲ့ ဆွေမျိုးသားချင်း ၁,၇၀၀ တို့ဟာ ဂျော်ဒန်မြစ် အနောက်ဘက်ဒေသမှာ အစ္စရေးတွေကို စီမံအုပ်ချုပ်ပြီး မင်းမှုရေးရာတွေကိုရော ယေဟောဝါရဲ့ အမှုတော်တွေကိုပါ ဆောင်ရွက်ရတယ်။
၃၁ ဟေဗြုန်ဆွေမျိုးစုကနေ ဆင်းသက်လာသူတွေထဲမှာ ယေရိယက+ ခေါင်းဆောင်ပဲ။ ဒါဝိဒ်မင်း နန်းစံ အနှစ် ၄၀ မြောက်မှာ+ ဟေဗြုန်အမျိုးထဲက ခွန်အားကြီးသူ၊ လုပ်ရည်ကိုင်ရည်ရှိသူတွေကို ရှာဖွေကြည့်တော့ ဂိလဒ်ပြည် ယာဇာမြို့မှာ+ အဲဒီလိုလူတွေကို တွေ့တယ်။
၃၂ ယေရိယရဲ့ ဆွေမျိုးသားချင်း ၂,၇၀၀ တို့ဟာ လုပ်ရည်ကိုင်ရည်ရှိသူတွေ၊ ဆွေမျိုးစုခေါင်းဆောင်တွေ ဖြစ်တယ်။ ဒါကြောင့် ဒါဝိဒ်မင်းက သူတို့ကို ရုဗင်အနွယ်၊ ဂဒ်အနွယ်၊ မနာရှေအနွယ် တစ်ဝက်ကို အုပ်ချုပ်ဖို့ ခန့်အပ်ပြီး မင်းမှုရေးရာကိုရော စစ်မှန်တဲ့ဘုရားသခင်ရဲ့ အမှုတော်တွေကိုပါ ဆောင်ရွက်စေတယ်။
