၁ ရာဇဝင်ချုပ် ၉:၁-၄၄
၉ အစ္စရေးအားလုံးကို ဆွေစဉ်မျိုးဆက်အလိုက် စာရင်းပြုစုပြီး အစ္စရေးဘုရင်တွေရဲ့ ရာဇဝင်ကျမ်းမှာ ရေးထားတယ်။ ယုဒအမျိုးက သစ္စာမဲ့တဲ့အတွက် ဗာဗုလုန်ကို ပြည်နှင်ခံခဲ့ရတယ်။+
၂ ပုရောဟိတ်တွေ၊ လေဝိအမျိုးသားတွေ၊ ဗိမာန်တော်ကျွန်တွေ၊*+ တချို့အစ္စရေးတွေက ကိုယ့်မြို့ကိုယ့်ရွာဆီ ဦးဆုံးပြန်လာကြတယ်။
၃ ဂျေရုဆလင်မြို့မှာ လာနေကြတဲ့ ယုဒ၊+ ဗင်ယာမိန်၊+ ဧဖရိမ်နဲ့ မနာရှေအနွယ် သားမြေးတချို့ကတော့-
၄ ယုဒရဲ့သား ဖာရက်ကနေ+ ဆင်းသက်လာတဲ့ ဥသဲ (ဥသဲရဲ့ဖခင်က အမိဟု၊ အမိဟုရဲ့ဖခင်က ဩမရိ၊ သြမရိရဲ့ဖခင်က အိမရိ၊ အိမရိရဲ့ဖခင်က ဗာနိ)၊
၅ ရှေလရဲ့ သားမြေးတွေထဲက သားဦးအသာယနဲ့ သူ့သားတွေ၊
၆ ဇေရရဲ့သားမြေးတွေထဲက+ ယွေလနဲ့ ညီအစ်ကို ၆၉၀ တို့ဖြစ်တယ်။
၇ ဗင်ယာမိန်ရဲ့ သားမြေးတွေထဲမှာတော့ စာလု (စာလုရဲ့ဖခင်က မေရှုလံ၊ မေရှုလံရဲ့ဖခင်က ဟောဒဝိ၊ ဟောဒဝိရဲ့ဖခင်က ဟာသေနွာ)၊
၈ ယေရောဟံရဲ့သား အိဗနေယ၊ မိခရိရဲ့မြေး သြဇေရဲ့သား ဧလာ၊ မေရှုလံ (မေရှုလံရဲ့ဖခင်က ရှေဖတိ၊ ရှေဖတိရဲ့ဖခင်က ရွေလ၊ ရွေလဖခင်က အိဗနိယ) တို့ဖြစ်တယ်။
၉ ဆွေစဉ်မျိုးဆက်စာရင်းအရ သူတို့ရဲ့ညီအစ်ကို စုစုပေါင်း ၉၅၆ ယောက်ရှိတယ်။ အားလုံးဟာ ဆွေမျိုးစုခေါင်းဆောင်တွေပဲ။
၁၀ ပုရောဟိတ်တွေထဲမှာ ယေဒါယ၊ ယောယရိပ်၊ ယာခိန်၊+
၁၁ ဘုရားသခင့်အိမ်တော်ရဲ့ ခေါင်းဆောင် အာဇရိ (အာဇရိရဲ့ဖခင်က ဟိလခိ၊ ဟိလခိရဲ့ဖခင်က မေရှုလံ၊ မေရှုလံရဲ့ဖခင်က ဇာဒုတ်၊ ဇာဒုတ်ရဲ့ဖခင်က မေရာယုတ်၊ မေရာယုတ်ရဲ့ဖခင်က အဟိတုပ်)၊
၁၂ အဒါယ (အဒါယရဲ့ဖခင်က ယေရောဟံ၊ ယေရောဟံရဲ့ဖခင်က ပါရှုရ၊ ပါရှုရရဲ့ဖခင်က မာလခိယ)၊ မာရှဲ (မာရှဲရဲ့ဖခင်က အဒေလ၊ အဒေလရဲ့ဖခင်က ယာဇေရ၊ ယာဇေရရဲ့ဖခင်က မေရှုလံ၊ မေရှုလံရဲ့ဖခင်က မေရှိလမတ်၊ မေရှိလမတ်ရဲ့ဖခင်က အိမေရ) တို့ဖြစ်တယ်။
၁၃ သူတို့ညီအစ်ကိုတွေဖြစ်တဲ့ ဆွေမျိုးစုခေါင်းဆောင် ၁,၇၆၀ လည်းပါတယ်။ သူတို့ဟာ ဘုရားသခင့်အိမ်တော်မှာ အမှုဆောင်ဖို့ အရည်အချင်း ပြည့်မီသူတွေ ဖြစ်ကြတယ်။
၁၄ လေဝိအနွယ်မှာ မေရာရိကနေ ဆင်းသက်လာတဲ့ ဟာရှဘိရဲ့မြစ် အာဇရိကံရဲ့မြေး ဟာရှုပ်ရဲ့သား ရှေမာယ+ ပါတယ်။
၁၅ ဗာကဗက္ကာ၊ ဟေရက်၊ ဂါလာ၊ အာသပ်ရဲ့မြစ် ဇိခရိရဲ့မြေး မိက္ခာရဲ့သား မသနိ၊
၁၆ ယေဒုသုံရဲ့မြစ် ဂါလာရဲ့မြေး ရှေမာယရဲ့သား သြဗဒိ၊ ဧလကာနရဲ့မြေး အာသရဲ့သား ဗေရခိတို့လည်း ပါတယ်။ သူက နေတောဖရွာသားတွေရဲ့ ကျေးရွာတွေမှာ+ နေထိုင်ခဲ့တဲ့သူပဲ။
၁၇ တံခါးစောင့်တွေက+ ရှလုံ၊ အက္ကုပ်၊ တာလမုန်၊ အဟိမန်တို့သားချင်းတစ်စုပဲ။ ခေါင်းဆောင်က ရှလုံ။
၁၈ အရင်တုန်းကတော့ သူက ဘုရင်ဝင်ထွက်တဲ့ အရှေ့တံခါးမှာ စောင့်ကြပ်ရတယ်။+ သူတို့ဟာ လေဝိအမျိုးသားတွေရဲ့ စခန်းမှာ တံခါးစောင့်တွေ ဖြစ်တယ်။
၁၉ ကောရရဲ့မြစ် ဧဗျာသပ်ရဲ့မြေး ကောရေရဲ့သား ရှလုံနဲ့ ဆွေမျိုးစုခေါင်းဆောင်တွေဖြစ်တဲ့ သူ့ညီအစ်ကို ကောရအမျိုးသားတွေဟာ အလုပ်ကြီးကြပ်သူတွေ၊ တဲတော်တံခါးစောင့်တွေပဲ။ သူတို့ရဲ့ဘိုးဘေးတွေလည်း ယေဟောဝါရဲ့ စခန်းကို ကြီးကြပ်သူတွေ၊ အဝင်လမ်းကို စောင့်ကြပ်သူတွေ ဖြစ်ခဲ့တယ်။
၂၀ အရင်တုန်းက သူတို့ရဲ့ ခေါင်းဆောင်ဟာ ဧလာဇာရဲ့သား+ ဖိနဟတ်ဖြစ်ပြီး+ ယေဟောဝါလည်း သူနဲ့အတူရှိခဲ့တယ်။
၂၁ မေရှလမိရဲ့သား ဇာခရိဟာ+ တွေ့ဆုံရာတဲတော် ဝင်ပေါက်ရဲ့ တံခါးစောင့်ပဲ။
၂၂ တံခါးစောင့်တွေအဖြစ် ရွေးချယ်ခံရသူ စုစုပေါင်း ၂၁၂ ယောက် ရှိတယ်။ သူတို့က ဆွေစဉ်မျိုးဆက်စာရင်းမှာ ပါတဲ့အတိုင်း ကျေးရွာတွေမှာ နေထိုင်ရတယ်။+ ဒါဝိဒ်နဲ့ အကြားအမြင်ရသူ ရှမွေလက+ ယုံကြည်စိတ်ချရတဲ့ တာဝန်ခံတွေအဖြစ် သူတို့ကို ခန့်အပ်ခဲ့တယ်။
၂၃ သူတို့နဲ့ သားမြေးတွေက တဲတော်ဖြစ်တဲ့ ယေဟောဝါအိမ်တော်ရဲ့ တံခါးတွေကို စောင့်ကြပ်ဖို့ တာဝန်ယူရတယ်။+
၂၄ တံခါးစောင့်တွေက အရှေ့၊ အနောက်၊ တောင်၊ မြောက် လေးမျက်နှာစလုံးမှာ စောင့်ကြပ်ရတယ်။+
၂၅ သူတို့ရဲ့ညီအစ်ကိုတွေကလည်း ကျေးရွာတွေကနေ မကြာမကြာ ရောက်လာပြီး ခုနစ်ရက်ကြာ ကူညီပေးရတယ်။
၂၆ ယုံကြည်စိတ်ချရတဲ့ တာဝန်ခံ လေဝိအမျိုးသား တံခါးမှူးလေးယောက် ရှိတယ်။ ဘုရားသခင့်အိမ်တော်မှာရှိတဲ့ အခန်းတွေနဲ့ ဘဏ္ဍာတိုက်တွေကို စောင့်ကြပ်ဖို့ သူတို့ တာဝန်ယူရတယ်။+
၂၇ ဘုရားသခင့်အိမ်တော်ပတ်လည် ကိုယ်တာဝန်ကျတဲ့နေရာမှာ တစ်ညလုံး နေရတယ်။ သူတို့ဟာ စောင့်ကြပ်ဖို့ တာဝန်ရထားသူတွေ၊ မနက်တိုင်း အိမ်တော်တံခါး ဖွင့်ပေးရတဲ့ သော့ကိုင်တွေ ဖြစ်တယ်။
၂၈ သူတို့ထဲကတချို့ဟာ ဝတ်ပြုရေးအသုံးအဆောင် ပစ္စည်းတွေကို တာဝန်ယူထိန်းသိမ်းရတယ်။+ ပစ္စည်းထုတ်ယူသွားချိန်၊ ပြန်ယူလာချိန်တွေမှာ စာရင်းမှတ်ရတယ်။
၂၉ တချို့ကျတော့ တခြားအသုံးအဆောင်တွေ၊ သန့်ရှင်းတဲ့အသုံးအဆောင်တွေ၊+ ဂျုံနု၊+ စပျစ်ဝိုင်၊+ ဆီ၊+ လောဗန်၊*+ ဗာလစံဆီတို့ကို+ တာဝန်ယူထိန်းသိမ်းဖို့ ခန့်အပ်ခံရတယ်။
၃၀ ပုရောဟိတ်တချို့က ဗာလစံဆီမွှေး ဖော်စပ်ရတယ်။
၃၁ လေဝိအမျိုးသား ကောရကနေဆင်းသက်လာတဲ့ ရှလုံရဲ့သားဦး မာတသိဟာ မုန့်ပြားဖုတ်တာကို ကြီးကြပ်ပေးရတဲ့ ယုံကြည်စိတ်ချရသူ တာဝန်ခံဖြစ်တယ်။+
၃၂ သူတို့ညီအစ်ကို ကောဟတ်အမျိုးသားတချို့က အဆင့်ဆင့်တင်ထားတဲ့မုန့်ကို*+ ဥပုသ်နေ့တိုင်း ပြင်ဆင်ဖို့ တာဝန်ယူရတယ်။+
၃၃ လေဝိအနွယ်ထဲမှာ သီချင်းသည်တွေလည်း ရှိတယ်။ သူတို့က ဆွေမျိုးစုခေါင်းဆောင်တွေ ဖြစ်ပြီး အိမ်တော်အခန်းတွေမှာ နေရတယ်။ နေ့ရောညပါ တာဝန်ထမ်းဆောင်ရတဲ့အတွက် တခြားတာဝန်တွေကနေ ကင်းလွတ်ခွင့်ရတယ်။
၃၄ သူတို့ဟာ ဆွေစဉ်မျိုးဆက်စာရင်းအရ လေဝိအနွယ်ရဲ့ ဆွေမျိုးစုခေါင်းဆောင်တွေဖြစ်ပြီး ဂျေရုဆလင်မြို့မှာပဲ နေထိုင်ရတယ်။
၃၅ ယေယေလက ဂိဗောင်မြို့ကို+ တည်ထောင်ပြီး အဲဒီမှာပဲ နေထိုင်တယ်။ သူ့ဇနီးက မာခါ။
၃၆ သားတွေက သားဦး အာဗဒုန်၊ ဇုရ၊ ကိရှ၊ ဗာလ၊ နေရ၊ နာဒပ်၊
၃၇ ဂေဒေါ်၊ အဟိသြ၊ ဇာခရိ၊ မိကလုတ်။
၃၈ မိကလုတ်မှာ ရှိမံလို့ခေါ်တဲ့ သားရှိတယ်။ သူတို့က ဂျေရုဆလင်မြို့မှာရှိတဲ့ ညီအစ်ကိုတွေအနားမှာပဲ တခြားဆွေမျိုးသားချင်းတွေနဲ့အတူ နေထိုင်ကြတယ်။
၃၉ နေရ+ ရဲ့သားက ကိရှ၊ ကိရှရဲ့သားက ရှောလု။+ ရှောလုရဲ့သားတွေက ယောနသန်၊+ မေလခိရွှ၊+ အဘိနဒပ်၊+ အိရှဗာလ။
၄၀ ယောနသန်ရဲ့သားက မေရိဗာလ၊+ မေရိဗာလရဲ့သားက မိက္ခာ။+
၄၁ မိက္ခာရဲ့သားတွေက ပိသုန်၊ မေလက်၊ တာရာ၊ အာခတ်။
၄၂ အာခတ်ရဲ့သားက ယာရာ၊ ယာရာရဲ့သားတွေက အာလမက်၊ အာဇမာဝက်၊ ဇိမရိ။ ဇိမရိရဲ့သားက မောဇ၊
၄၃ မောဇရဲ့သားက ဗိနာ၊ ဗိနာရဲ့သားက ရေဖာယ၊ ရေဖာယရဲ့သားက ဧလာသ၊ ဧလာသရဲ့သားက အာဇေလ။
၄၄ အာဇေလမှာ အာဇရိကံ၊ ဗောခေရု၊ အိရှမေလ၊ ရှရိယ၊ သြဗဒိ၊ ဟာနန်လို့ခေါ်တဲ့ သားခြောက်ယောက် ရှိတယ်။ သူတို့ဟာ အာဇေလရဲ့သားတွေပဲ။
အောက်ခြေမှတ်ချက်များ
^ ဒါမှမဟုတ်၊ “နက်သနင်။” မူရင်း၊ “ပေးအပ်ခံရသူတွေ။”
^ မီးရှို့တဲ့အခါ မွှေးကြိုင်တဲ့ အဖြူရောင်သစ်စေးတစ်မျိုး။
^ ရှေ့တော်မုန့်။
