ကျမ်းစာ​သင်အံမှု​မှာ အသုံးပြု​မယ့် စာစောင်၊ စာအုပ်​အသစ်​ ရရှိ​လို့ စိတ်​လှုပ်ရှား​စရာ​ပါ​ပဲ။ တပည့်​များများ ဖြစ်​လာအောင် ကျွန်တော်​တို့​ရဲ့ ကြိုးစား​အားထုတ်မှုကို ယေဟောဝါ ကောင်းချီး​ပေးဖို့ ဆုတောင်း​ပါ​တယ်။ (မ ၂၈:၁၈-၂၀။ ၁က ၃:၆-၉) စာအုပ်​အသစ်​ကို ဘယ်လို အသုံးပြု​ကြ​မလဲ။

ပျော်စရာ​ဘဝ ထာဝရ စံစား​ကြ စာအုပ်​ဟာ ဗီဒီယိုတွေ​ ပြ၊ အညွှန်း​တွေ​ ဖတ်​ပြီး ကျမ်းစာ​သင်ပေး​ရတဲ့ စာအုပ်​ ဖြစ်လို့ ကျမ်းစာ​သင်အံမှု​အတွက် ပြင်ဆင်​တဲ့​အခါ၊ သင်အံမှု​ လုပ်တဲ့​အခါ အောက်ပါ​လမ်းညွှန်ချက်တွေကို လိုက်နာပါ။ *

• အကြောင်းအရာကို ဖတ်ပါ။ မေးခွန်းတွေကို ဆွေးနွေးပါ

• “ဖတ်ပါ” ကျမ်းချက်​တွေ​ကို ဖတ်ပါ။ သက်ဆိုင်ပုံ​ကို နားလည်အောင် သင်သားကို ကူညီ​ပေး​ပါ

• ဗီဒီယိုတွေကို ပြပြီး ဆွေးနွေးပါ။ ပေး​ထား​တဲ့ မေးခွန်းတွေ​ထဲ​က နှစ်သက်ရာ​ မေးခွန်း​ကို သုံးပါ

• တစ်ကြိမ်​မှာ သင်ခန်းစာ​တစ်ခု ပြီး​အောင် သင်​ဖို့ ကြိုးစား​ပါ

အမှုဆောင်​သွားတဲ့အခါ စာစောင်​ကို ဝေငှ​ပြီး အိမ်ရှင်​ စိတ်ဝင်စားမှု​ ရှိမရှိ သိအောင်​ လုပ်ပါ။ (“ ဦးဆုံး​ တွေ့ဆုံ​ချိန်မှာ ပျော်စရာ​ဘဝ ထာဝရ​ စံစား​ကြ စာစောင် ဝေငှ​နိုင်ပုံ” လေးထောင့်ကွက်​ကို ကြည့်​ပါ။) စာစောင်​ကို လေ့လာ​ပြီး​လို့ သင်သား စိတ်ဝင်စား​ရင် စာအုပ်​ကို ဝေငှ​ပြီး သင်ခန်းစာ ၄ ကနေ စ​လေ့လာ​ပါ။ သွန်သင်ရာ၊ ဘုရား​မေတ္တာတော် စာအုပ်​နဲ့ လေ့လာ​နေတယ်​ဆိုရင် ပျော်စရာ​ဘဝ ထာဝရ စံစား​ကြ စာအုပ်​ကို ပြောင်း​ပြီး ဘယ်​သင်ခန်းစာ​ကနေ စ​လေ့လာ​မယ်​ဆိုတာ ဆုံးဖြတ်​ပါ။

ကျမ်းစာ​လေ့လာ​ဖို့ ဖိတ်ခေါ်ပါ​တယ် ဗီဒီယိုကို ကြည့်​ပါ။ ပြီး​နောက် အောက်ပါ​မေးခွန်းတွေကို ဖြေပါ။

• စာအုပ်​သစ်​ကနေ သင်သား ဘာတွေ သိရ​မလဲ။

• သင်သား​အသစ်​ကို ဘာကြောင့် ဒီ ဗီဒီယို ပြ​သင့်သလဲ။

• ဘယ်​ရည်မှန်း​ပန်းတိုင်​တွေ​ ချ​ပြီး လိုက်မီ​အောင် ကြိုးစားဖို့ တဖြည်းဖြည်း အားပေး​သင့်သလဲ။—“ အပိုင်း​တစ်ပိုင်းစီ​ရဲ့ အဓိက​အကြောင်း​နဲ့ ရည်မှန်း​ပန်းတိုင်” ဇယား​ကို ကြည့်​ပါ။