နောက်ဆုံး​ကာလမှာ အခက်အခဲ အမျိုးမျိုး ကြုံရတယ်။ လောက​စနစ်ဆိုး​ရဲ့ နိဂုံး ရောက်ခါနီးလေ အခက်အခဲတွေ များလာလေပဲ။ တစ်ခုမဟုတ် တစ်ခု ချို့တဲ့နေပါလိမ့်မယ်။ (ဟဗ ၃:၁၆-၁၈) ငွေကြေး​အခက်အခဲ​ကို ခံရပ်နိုင်မယ်ဆိုတာ ဘာက စိတ်ချစေသလဲ။ ယေဟောဝါ​ဘုရားကို ဆက်ယုံကြည်​ကိုးစား​ရမယ်။ ဘုရားကို ကိုးကွယ်သူတွေ ဘယ်လို အခြေအနေ​ပဲ ကြုံရပါစေ ထောက်မ​ပေးမယ်​လို့ ဘုရား ကတိပေးထားတယ်။—ဆ ၃၇:၁၈၊ ၁၉။ ဟီ ၁၃:၅၊ ၆။

လုပ်ဆောင်နိုင်ရာ–

• လမ်းညွှန်မှုနဲ့ ဉာဏ်ပညာ​ ရဖို့၊ ထောက်မ​ပေးဖို့ ယေဟောဝါဆီ ဆုတောင်းပါ။—ဆ ၆၂:၈

• ကိုယ်​မလုပ်ဖူးတဲ့ အလုပ် ဖြစ်ရင်တောင် လက်ခံပါ။—န ၁/၁၀ ၈-၉၊ လေးထောင့်ကွက်များ

• ကျမ်းစာကို နေ့တိုင်း ဖတ်တာ၊ အသင်းတော် အစည်းအဝေးတွေ တက်တာ၊ အမှုဆောင်လုပ်ငန်းမှာ ပါဝင်​တာကို ပုံမှန် လုပ်ပါ။

ခံနိုင်ရည်​ ရှိဖို့ မိသားစုကို တည်ဆောက်​ပါ—“ရှိတာလေးနဲ့ ရောင့်ရဲတင်းတိမ်ပါ” ဗီဒီယိုကို ကြည့်ပါ။ ပြီးနောက် အောက်ပါ​မေးခွန်းတွေကို ဖြေပါ–

• မိသားစု​တချို့ ဘာအခက်အခဲတွေ ကြုံရသလဲ။

• ဘဝမှာ အရေးအကြီးဆုံးက ဘာလဲ။

• ငွေရေးကြေးရေး အခက်အခဲ ကြုံနေရသူတွေကို ဘယ်လို ကူညီပေးနိုင်သလဲ။