ပျော်စရာဘဝ ထာဝရ စံစားကြ စာအုပ်​မှာ ပါတဲ့ ဗီဒီယိုတွေ၊ သဘောထား​မေးခွန်းတွေ အသုံးပြုရတာ ကြိုက်သလား။ “လူ​တချို့​အဆို၊” “ရည်မှန်း​ပန်းတိုင်၊” “လေ့လာစရာ ထပ်ဖွေရှာ” အသွင်အပြင်တွေကို​ကော။ တပည့်ဖြစ်စေခြင်း လုပ်ငန်းမှာ ပါဝင်တဲ့အခါ တခြား ဘယ်အသွင်အပြင်တွေက အကူအညီဖြစ်သလဲ။—မ ၂၈:၁၉၊ ၂၀။

မီဒီယာ– စာအုပ်​သုံးပြီး သင်အံမှု လုပ်တယ်​ဆိုရင် ဗီဒီယိုတွေ၊ တခြား​မီဒီယာတွေကို တစ်နေရာ​ထဲ​မှာ ဘယ်လို ရှာ​နိုင်သလဲ။ ဒစ်ဂျစ်တယ်​စာအုပ်​မှာ အပိုင်း​လေးခု​ထဲက တစ်ခု​ကို ရွေးပါ။ သင်ခန်းစာ​ခေါင်းစဉ်တွေရဲ့ စာရင်း​အောက်ဆုံးမှာ အပိုင်း​တစ်ခု​အတွက် မီဒီယာ​အားလုံးကို စုစည်း​ပေးထားပါတယ်။ (ရုပ်ပုံ ၁ ကို​ ကြည့်ပါ။)

“ပုံနှိပ် စာပေ” ပုံစံ– ဖုန်း/တက်ဘလက်​သုံးပြီး သင်အံမှု လုပ်နေတယ်ဆိုရင် “ပုံနှိပ် စာပေ” ပုံစံ​ကို အချိန်မရွေး ဖွင့်ကြည့်​နိုင်တယ်။ သင်ခန်းစာကို ဖွင့်ထားစဉ် ဘားတန်း အစွန်​မှာ​ ရှိတဲ့ အစက်သုံးစက်ကို နှိပ်ပြီး “ပုံနှိပ် စာပေ” ပုံစံ​ကို ရွေးပါ။ ဆွေးနွေး​နေတဲ့ အကြောင်းအရာဟာ သင်ခန်းစာ​ရဲ့ အဓိကအကြောင်း​နဲ့ ဘယ်လို ဆက်စပ်သလဲဆိုတာ မမေ့အောင် ပေါ်လာတဲ့​ပုံ​က အထောက်အကူပြုတယ်။ ဒစ်ဂျစ်တယ် ပုံစံ​ကို ပြန်ပြောင်းချင်ရင် အစက်သုံးစက်ကို နှိပ်ပြီး “ဒစ်ဂျစ်တယ် စာပေ” ကို ရွေးပါ။

“အသင့်ဖြစ်ပြီလား”– စာအုပ်​နိဂုံးပိုင်းမှာ ပါတဲ့ ဒီလေးထောင့်ကွက်တွေက အသင်းတော်​နဲ့​အတူ ဟောပြောဖို့၊ နှစ်ခြင်းခံဖို့ ပြည့်မီရမယ့် အရည်အချင်းတွေကို ဖော်ပြ​ပေးထားတယ်။ (ရုပ်ပုံ ၂ ကို​ ကြည့်ပါ။)

ရှင်းလင်းချက်– အရေးကြီးတဲ့ အကြောင်းအရာ တချို့နဲ့​ပတ်သက်တဲ့ ထပ်ဆင့် ရှင်းလင်းချက်တွေ ဖြစ်ပါတယ်။ ဒစ်ဂျစ်တယ်​စာအုပ်​မှာ လင့်ခ်​ပေးထားတယ်။ ဒါကြောင့် သင်ခန်းစာ​ဆီ ပြန်သွားချင်ရင် လင့်ခ်ကို နှိပ်ပါ။ (ရုပ်ပုံ ၂ ကို​ ကြည့်ပါ။)