အနိုင်ကျင့်သူတွေကြောင့် ကျွန်တော်တို့ရဲ့ ကာယပိုင်း၊ စိတ်ပိုင်း ထိခိုက်နာကျင်ရတယ်။ ဝတ်ပြုရေးမှာ ဆန့်ကျင်မှုကြုံရတဲ့အခါ ကြောက်စိတ်ဝင်လာမယ်ဆိုရင် ဘုရားနဲ့ ကျွန်တော်တို့ရဲ့ ဆက်ဆံရေးတောင် ထိခိုက်သွားနိုင်တယ်။ ဒါဆိုရင် အနိုင်ကျင့်သူရဲ့ ရန်ကနေ ကိုယ့်ကိုယ်ကိုယ် ဘယ်လို ကာကွယ်နိုင်သလဲ။

ယေဟောဝါဘုရားကို ဝတ်ပြုသူများစွာဟာ အနိုင်ကျင့်ခံရတဲ့အခါ ဘုရားကို မှီခိုအားကိုးလို့ အောင်မြင်ခဲ့ကြတယ်။ (ဆ ၁၈:၁၇) ဥပမာ၊ ဧသတာက အနိုင်ကျင့်သူ ဟာမန်ရဲ့ ဆိုးညစ်တဲ့ အကြံအစည်ကို ဖော်ထုတ်တယ်။ (ဧသ ၇:၁-၆) အဲဒီလို မဖော်ထုတ်ခင် အစာရှောင်ဆုတောင်းခြင်းအားဖြင့် ယေဟောဝါကို ယုံကြည်ကိုးစားကြောင်း ပြတယ်။ (ဧသ ၄:၁၄-၁၆) ဧသတာရဲ့လုပ်ရပ်ကို ယေဟောဝါ ကောင်းချီးပေးပြီး အစ္စရေးတွေကို ကာကွယ်ခဲ့တယ်။

လူငယ်တို့၊ အနိုင်ကျင့်သူနဲ့ ရင်ဆိုင်နေရရင် ယေဟောဝါဘုရားဆီ အကူအညီတောင်းပါ။ မိဘ ဒါမှမဟုတ် ရင့်ကျက်တဲ့ လူကြီးတစ်ယောက်ယောက်ကို ပြောပြပါ။ ယေဟောဝါက ဧသတာကို ကူညီပေးခဲ့သလို သင့်ကိုလည်း ကူညီမယ်ဆိုတာ စိတ်ချပါ။ နောက်ထပ်ကော ဘာတွေ လုပ်နိုင်သေးသလဲ။

ဆယ်ကျော်သက်ဘဝ—အနိုင်ကျင့်ခံရရင် ဘာလုပ်ရမလဲ ဗီဒီယိုကို ကြည့်ပါ။ ပြီးနောက် အောက်ပါမေးခွန်း တွေကို ဖြေပါ–

• ချာလီနဲ့ ဖယ်ရင်ဆီကနေ လူငယ်တွေ ဘာသင်ယူနိုင်သလဲ။

  အဖြေ

• အနိုင်ကျင့်ခံနေရတဲ့ သားသမီးကို ကူညီပေးရာမှာ ချာလီနဲ့ ဖယ်ရင်ရဲ့ စကားကနေ မိဘတွေ ဘာသင်ယူနိုင်သလဲ။

  အဖြေ