အကောင်း​ကို အဆိုး၊ အဆိုးကို အကောင်း​လို့ တလွဲ​ယူမှတ်​သူတွေ အလယ်မှာ ကျွန်တော်​တို့ အသက်ရှင်​နေ​ရတယ်။ (ရှာ ၅:၂၀) လူတချို့ဟာ လိင်​တူ​ဆက်ဆံခြင်း အပါအဝင် ယေဟောဝါ ရွံမုန်း​တာတွေကို လုပ်​နေကြ​တယ်။ ကျောင်းနေ​ဖက်​တွေ၊ တခြား​သူတွေက ကျွန်တော်​တို့​ရဲ့ အဖိုးတန် လူငယ်တွေကို မကောင်းတဲ့​လမ်းစဉ်​ လိုက်​ဖို့ လှည့်ဖြား​နေကြ​တယ်။ လှည့်ဖြားမှု​တွေ​ကို အောင်မြင်စွာ ရင်ဆိုင်​ကျော်ဖြတ်​ဖို့ ကလေး​တွေ​ကို ဘယ်လို ပြင်ဆင်​ပေး​နိုင်သလဲ။

ယေဟောဝါ​ရဲ့ စံနှုန်း​တွေ​ သိအောင် ကလေး​တွေကို သင်ထား​ပေး​ပါ။ (ဝ ၁၈:၃) လိင်​နဲ့​ပတ်သက်​တဲ့ ကျမ်းစာ​သွန်သင်ချက်​တွေ​ကို ကလေး​တွေ​ရဲ့ အသက်အရွယ်​အလိုက် တဖြည်းဖြည်း သင်ပေးပါ။ (တရ ၆:၇) ကိုယ့်ကိုယ်ကိုယ် ဒီလို မေးပါ– ‘ချစ်ခင်မှု​ကို သင့်တော်​တဲ့​နည်းနဲ့ ပြသ​ပုံ၊ ဣန္ဒြေ​ရှိတဲ့ အဝတ်အစား​ ဝတ်ဖို့ အရေးကြီးပုံ၊ တခြား​သူတွေရဲ့ ကိုယ်ပိုင်​လွတ်လပ်ခွင့်ကို လေးစားဖို့ လိုအပ်​ပုံ​အကြောင်း သားသမီးတွေကို သင်​ထား​ပေး​သလား။ တစ်ယောက်ယောက်​က ညစ်ညမ်း​ရုပ်ပုံတွေ ပြတဲ့​အခါ၊ မှားတယ်လို့ ယေဟောဝါ​ ပြော​တာ​ကို လုပ်ခိုင်း​တဲ့​အခါ ဘယ်လို တုံ့ပြန်​ရမယ်ဆိုတာ ငါ့​သားသမီးတွေ သိသလား။’ ကြို​ပြီး သင်ပေး​ထား​ရင် အဖြစ်ဆိုး​တွေ​ကို ရှောင်နိုင်​ပါ​တယ်။ (ပ ၂၇:၁၂။ ဒေ ၇:၁၂) သားသမီးတွေကို အသိပညာ​ရှိအောင် သင်​ထား​ပေး​တာ​က ယေဟောဝါ​ ပေး​တဲ့ အဖိုးတန်​အမွေ​ကို ချစ်မြတ်နိုး​ကြောင်း ဖော်ပြ​ရာ​ရောက်တယ်။—ဆ ၁၂၇:၃။

ခံနိုင်ရည်​ရှိဖို့ မိသားစုကို တည်ဆောက်​ပါ—သားသမီးတွေကို “မကောင်းမှု” ကနေ ကာကွယ်​ပေး​ပါ ဗီဒီယို ကြည့်​ပါ။ ပြီး​နောက် အောက်ပါ​မေးခွန်းတွေကို ဖြေပါ။

• မိဘ​တချို့က သားသမီးတွေကို လိင်​အကြောင်း​ ပြော​ဖို့ ဘာကြောင့် တွန့်ဆုတ်​သလဲ။

• မိဘတွေဟာ သားသမီးတွေကို ယေဟောဝါ​ရဲ့ “လမ်းညွှန်ချက်​အတိုင်း” ဘာကြောင့် သွန်သင်ပေး​ရမလဲ။—ဧ ၆:၄

• သားသမီးတွေကို လိင်​အကြောင်း သင်ပေးဖို့ ယေဟောဝါ​ရဲ့ အဖွဲ့အစည်း​က မိဘတွေ​အတွက် ဘာတွေ ပြင်ဆင်​ပေး​ထား​သလဲ။—က​၁၉.၀၅ ၁၂၊ လေးထောင့်ကွက်

• ပြဿနာ​တွေ ဖြစ်​မလာခင်​ကတည်းက သားသမီးတွေ​နဲ့ ဘာကြောင့် မှန်မှန် ပြောဆို​ဆက်သွယ်​သင့်သလဲ။