အသင်းတော်မှာ​ ရှိတဲ့ အသက်​ကြီး​သူတွေကို မိဘလို သဘောထား​ဖို့၊ အသက်ငယ်​သူတွေကို မောင်နှမ​လို သဘောထား​ဖို့ ကျမ်းစာ​က ဆိုတယ်။ (၁ တိမောသေ ၅:၁၊ ၂ ကို ဖတ်ပါ။) အထူးသဖြင့် ညီအစ်ကို​တွေ​ဟာ ညီအစ်မ​တွေ​ကို ဂုဏ်​သိက္ခာ​ရှိ​ရှိ၊ လေးလေးစားစား ဆက်ဆံ​ဖို့ လိုတယ်။

ညီအစ်ကို​တစ်ယောက်​ဟာ ညီအစ်မ​တစ်ယောက်ကို ပရောပရည် မ​လုပ်သင့်​ဘူး။ စိတ်​ကသိကအောက်​ ဖြစ်အောင် မ​လုပ်သင့်​ဘူး။ (ယဘ ၃၁:၁) တစ်ကိုယ်ရေ ညီအစ်ကို​တစ်ယောက်​ဟာ တစ်ကိုယ်ရေ ညီအစ်မ​တစ်ယောက်ကို တကယ်​ မေတ္တာ​မရှိဘဲ ချစ်သယောင် မလှည့်စား​သင့်ဘူး။

ညီအစ်မ​တွေ​က တလေးတစား မေးခွန်း​မေး​လာတဲ့အခါ၊ အချက်​တစ်ချက်​ကို ထောက်ပြ​လာတဲ့အခါ အကြီးအကဲ​တွေ ထည့်စဉ်းစား​ပေး​သင့်တယ်။ ကာကွယ်​ပေး​မယ့် ခင်ပွန်း​မရှိ​သူတွေကို အကြီးအကဲ​တွေ အထူးသဖြင့် ထောက်ထား​စာနာ​ကြတယ်။—ရု ၂:၈၊ ၉။

အသင်းတော်မှာ အစဉ်​တည်​တဲ့ မေတ္တာပြ​ပါ—မုဆိုးမ​တွေ​နဲ့ ဖတဆိုး​တွေ​ကို ဗီဒီယို ကြည့်​ပါ။ ပြီး​နောက် အောက်ပါ​မေးခွန်းတွေကို ဖြေပါ။

• ညီအစ်မ စု​စု​မြင့်​ကို အသင်းတော်က မေတ္တာ ဘယ်လို ပြသ​လဲ။

• အသင်းတော်​ ပြ​တဲ့ မေတ္တာက ရွာသား​တွေ​အတွက် သက်သေခံချက်​ကောင်း ဘယ်လို ဖြစ်​ခဲ့​သလဲ။

• အသင်းတော်​ ပြ​တဲ့ မေတ္တာက ညီအစ်မ စု​စု​မြင့်​ရဲ့ သမီးတွေ​အပေါ် ဘယ်လို ကောင်းကျိုး ဖြစ်​ခဲ့​သလဲ။

အသင်းတော်မှာ​ ရှိတဲ့ ညီအစ်မ​တွေ​ကို ထောက်ထား​စာနာ​ကြောင်း ဘယ်လို​နည်းတွေနဲ့ ပြ​နိုင်​သလဲ။