စက်တင်ဘာလမှာ ပျော်စရာဘဝ ထာဝရ စံစားကြ စာစောင် သုံးပြီး လူတိုင်းကို ကျမ်းစာသင်အံမှု ကမ်းလှမ်းဖို့ ကြိုးစားကြပါမယ်။ ကြေညာသူတွေဟာ နာရီ ၃၀ နဲ့ အရန်ရှေ့ဆောင် လုပ်ဖို့ ရွေးချယ်နိုင်တယ်။ ဒီအထူးကင်ပိန်းမှာ ဘယ်လို ပါဝင်နိုင်ကြမလဲ။

• ဦးဆုံးတွေ့ဆုံချိန်– အိမ်ရှင် စိတ်ဝင်စားစေဖို့ စာစောင် နောက်ကျော မျက်နှာဖုံးကို သုံးပြီး သင်အံမှု လုပ်ပုံကို ပြပေးပါ။ စိတ်ဝင်စားမှု ပြခဲ့သူတွေ၊ ပြန်လည်ပတ်မှုတွေကိုလည်း သတိရပါ။ ကျမ်းစာလေ့လာဖို့ ငြင်းခဲ့ဖူးသူတွေတောင် အခုလို လေ့လာနည်းအသစ်နဲ့ စာစောင်ကို စိတ်ဝင်စားနိုင်တယ်။ စာစောင်ကို လူမရှိတဲ့အိမ်မှာ ဒီအတိုင်း မထားခဲ့ပါနဲ့။ အရင်က စိတ်ဝင်စားမှု မရှိသူတွေဆီ စာတိုက်ကတစ်ဆင့် မပို့ပါနဲ့။ အသင်းတော် လုပ်ငန်းတော် ကော်မတီက စက်တင်ဘာလအတွင်း လယ်ကွင်းလုပ်ငန်းအတွက် အစည်းအဝေးတွေကို စီစဉ်ပေးပါလိမ့်မယ်။

• နောက်ထပ်အခွင့်အရေးများ– သင့်အသင်းတော်မှာ လက်တွန်းစင်တွေ သုံးမယ်ဆိုရင် ပျော်စရာဘဝ ထာဝရ စံစားကြ စာစောင်ကို တင်ထားပါ။ စိတ်ဝင်စားမယ်ဆိုရင် ဒီစာစောင်နဲ့ အခမဲ့ ကျမ်းစာလေ့လာနိုင်တဲ့အကြောင်း ပြောပြပါ။ သင်အံမှု လုပ်ပုံကို အတိုချုပ် ပြပေးပါ၊ ဒါမှမဟုတ် နောက်ပိုင်းမှာ ပြပေးဖို့ စီစဉ်ပါ။ ဝါရင့်ကြေညာသူတွေ စီးပွားရေး ရပ်ကွက်ကို သွားပြီး သင်အံမှု ကမ်းလှမ်းဖို့ လုပ်ငန်းတော် ကြီးကြပ်မှူးက စီစဉ်ပေးလိမ့်မယ်။ အလွတ်သဘော သက်သေခံချိန်မှာ တွေ့ဆုံသူတွေ၊ အလုပ်ဖော်တွေကိုလည်း ကျမ်းစာသင်အံမှု ကမ်းလှမ်းနိုင်တယ်။

“တပည့်ဖြစ်လာအောင် သွန်သင်ပေးကြပါ” လို့ ယေရှု မိန့်မှာခဲ့တယ်။ (မ ၂၈:၁၉၊ ၂၀) ဒီအထူးကင်ပိန်းမှာ ပျော်စရာဘဝ ထာဝရ စံစားကြ စာစောင်ကို သုံးပြီး ယေရှုရဲ့ မိန့်မှာချက်ကို နာခံနိုင်ကြပါစေ။