ဘုရားကို​ကြောက်ရွံ့တဲ့ မိဘတွေဟာ သားသမီးတွေ ယေဟော​ဝါရဲ့ သစ္စာရှိ​ကျေး​ကျွန်တွေ ဖြစ်လာတာကို မြင်​ချင်ကြတယ်။ သားသမီးတွေ ငယ်ရွယ်စဉ်က​တည်း​က ကျမ်းစာ​သွန်သင်ချက်တွေကို သူတို့​နှလုံး​ထဲ​ရောက်အောင် မိဘက သင်ပေး​မယ်​ဆိုရင် အဲဒီလို ဖြစ်လာလိမ့်မယ်။ (တရ ၆:၇။ ပ ၂၂:၆) အဲဒီလို​ဖြစ်ဖို့ အနစ်နာခံ​ရမယ်။ ဒါပေမဲ့ အနစ်နာခံ​ရ​ကျိုး နပ်​ပါတယ်။—၃ယ ၄။

ယောသပ်နဲ့ မာရိ​ဆီကနေ မိဘတွေ အများကြီး သင်ယူနိုင်တယ်။ အလုပ်များ၊ ကုန်ကျစရိတ်​များ​ပေ​မဲ့ သူတို့ဟာ “ပသခါပွဲ​ခံ​ချိန်မှာ ဂျေရုဆလင်​မြို့ကို နှစ်​တိုင်း သွား​လေ့​ရှိတယ်။” (လု ၂:၄၁) မိသားစုနဲ့ ယေဟော​ဝါ ရင်းနှီးတဲ့​ဆက်ဆံရေး ရှိဖို့​က ယောသပ်နဲ့ မာရိ​အတွက် အရေး​အကြီးဆုံး​ဆိုတာ ထင်ရှားတယ်။ အဲဒီလိုပဲ ယနေ့ခေတ် မိဘများလည်း အခွင့်အရေး​ရ​တိုင်း အပြောနဲ့ရော ပုံသက်သေနဲ့ပါ သွန်သင်ပေးခြင်း​အားဖြင့် သားသမီးတွေကို မှန်ကန်တဲ့​လမ်းပေါ် ရှိနေ​စေနိုင်တယ်။—ဆ ၁၂၇:၃-၅။

အခွင့်အရေးတိုင်းကို သူတို့​အသုံးချ ဗီဒီယိုကို ကြည့်ပြီး အောက်ပါ​မေးခွန်းတွေကို ဖြေပါ–

• ဂျွန်နဲ့ ရှာရွန် ရှီလာတို့ဟာ မိသားစုကို ပြုစု​ပျိုးထောင်​ရင်း ယေဟော​ဝါရဲ့​အမှုတော်ကို ဘယ်လို အမြဲ ဦးစားထားသလဲ။

• မိဘတွေဟာ သားသမီး​တစ်ယောက်စီ​ရဲ့ လိုအပ်ရာ​နဲ့အညီ ဘာကြောင့် ဆုံးမ​သွန်သင်​ရမလဲ။

• ယုံကြည်ခြင်း​စမ်းသပ်မှုတွေကို ခံရပ်နိုင်​ဖို့ သားသမီးတွေကို မိဘတွေ ဘယ်လို ပြင်ဆင်​ပေးနိုင်သလဲ။

• သားသမီးတွေကို ယေဟော​ဝါရဲ့​မိတ်ဆွေ ဖြစ်စေဖို့ ကူညီပေးရာ​မှာ အဖွဲ့အစည်း ပြင်ဆင်​ပေးတဲ့ ​ဘယ်​ကိရိယာတွေကို သင် အသုံးပြု​သလဲ။