ဘာကြောင့် အရေးကြီး– ဘိသိက်ခံ​နဲ့ အခြားသိုးဟာ “အသက်ရေ​ကို အခမဲ့​ယူ​ကြ” ဖို့ လူအမျိုးမျိုးကို ဖိတ်ခေါ်​နေပါတယ်။ (ဗ ၂၂:၁၇) အဲဒီ​ရေဟာ နာခံမှု​ရှိတဲ့​လူသားတွေကို အပြစ်နဲ့ သေခြင်း​အောက်​ကနေ ကယ်တင်ဖို့ ယေဟောဝါ ပြင်ဆင်​ပေး​ရာ​အားလုံးကို ဆိုလိုတယ်။ ဓလေ့​ထုံးစံ​နဲ့ ဘာသာရေး​ယုံကြည်ချက် အမျိုးမျိုး ကွဲပြား​နေတဲ့ လူတွေကို ကူညီဖို့ တစ်ဦးချင်း​စီ​ကို ဆွဲဆောင်​နိုင်တဲ့​နည်းနဲ့ “ထာဝရသတင်းကောင်း” တင်ဆက်​ဖို့ လိုတယ်။—ဗ ၁၄:၆။

လုပ်ဆောင်​နိုင်ပုံ–

• သင့်​ဒေသက လူတွေရဲ့​နှလုံးကို ထိမိ​စေမယ့် အကြောင်းအရာနဲ့ ကျမ်းချက်ကို ရွေးပါ။ စကားစမြည် ပြောဆို​နိုင်ပုံ နမူနာ​တစ်ခု ဒါမှမဟုတ် သင်​အောင်မြင်ခဲ့တဲ့​နည်း တစ်ခုကို သုံး​နိုင်ပါတယ်။ ဘယ်​အကြောင်းအရာနဲ့ ဘယ်​ကျမ်းချက်တွေကို လက်ခံ​ကြသလဲ။ လတ်တလော​မှာ လူတွေ ဘယ်သတင်းကို စိတ်ဝင်စား​နေသလဲ။ အမျိုးသား ဒါမှမဟုတ် အမျိုးသမီး​တစ်ဦးဟာ ဘယ်အကြောင်းအရာကို စိတ်ဝင်စားသလဲ။

• စကားစမြည်​ပြောတဲ့အခါ သင့်​ဒေသရဲ့ နှုတ်ဆက်​စကားနဲ့ ထုံးစံတွေကို သုံးပါ။—၂က ၆:၃၊ ၄

• စိတ်ဝင်စား​သူတွေကို ဝေမျှ​ဖို့ သွန်သင်ခြင်း​ကိရိယာ​ထဲ​က စာပေတွေ၊ ဗီဒီယိုတွေ​နဲ့ အကျွမ်းတဝင် ရှိပါ

• သင့်​ဒေသမှာ တွေ့​နိုင်တဲ့ လူတွေရဲ့ ဘာသာစကားနဲ့ အချက်အလက်​တွေ ကူးယူပါ

• အိမ်ရှင်​ရဲ့ လိုအပ်ချက်​နဲ့​အညီ အကြောင်းအရာကို ပြောင်းလဲပါ။ (၁က ၉:၁၉-၂၃) ဥပမာ၊ အိမ်ရှင်​ရဲ့ ချစ်ရသူ​တစ်ဦး ဆုံးပါး​ သွားတာ သိပ်​မကြာသေး​ဘူးဆိုရင် သင် ဘာ​ပြောမလဲ။

ဗီဒီယိုကို ကြည့်ပြီး အောက်ပါ​မေးခွန်းတွေကို ဖြေပါ–

• ကြေညာသူ​ဟာ အိမ်ရှင်​နဲ့ ဘာ​အကြောင်း စ​ဆွေးနွေးခဲ့သလဲ။

• အိမ်ရှင်​ရဲ့​ဘဝမှာ ဘာတွေ ကြုံတွေ့​ခဲ့ရသလဲ။

• ဒီ​အခြေအနေ​မှာ ဘယ်​ကျမ်းချက်​က အသင့်တော်ဆုံး​ဖြစ်သလဲ။ ဘာကြောင့်လဲ။

• သင့်​ဒေသမှာ​ရှိတဲ့ လူတွေ စိတ်ဝင်စား​စေဖို့ တင်ဆက်မှု​ကို ဘယ်လို ပြုပြင်​ပြောင်းလဲ​နိုင်သလဲ။