သင်ဟာ အသက် ၂၃ နှစ်​ကနေ ၆၅ နှစ်​ကြား​ ရှိတဲ့ အချိန်ပြည့်​အမှုဆောင် တစ်ဦး​လား။ ကျန်းမာ​ရေး ကောင်း​သလား။ လိုအပ်​တဲ့ နေရာတစ်ခု​မှာ အမှုဆောင်​နိုင်​သလား။ မေးခွန်း​အားလုံး​ကို ဟုတ်ကဲ့​လို့ ဖြေတယ်​ဆိုရင် သတင်းကောင်း​ ဟောပြောသူများ​အတွက် သင်တန်း​လျှောက်လွှာ​ ဖြည့်​ဖို့ စဉ်းစား​ဖူး​သလား။ ပထမ​ဆုံး​သင်တန်း​ကစပြီး ထောင်နဲ့​ချီ​တဲ့ မောင်နှံစုံ​တွေ၊ တစ်ကိုယ်ရေ ညီအစ်ကို၊ ညီအစ်မ​တွေ လျှောက်လွှာ တင်​ခဲ့​ကြတယ်။ ဒါပေမဲ့ တစ်ကိုယ်ရေ​ ညီအစ်ကို​တွေ ပိုလိုအပ်​ပါ​တယ်။ ယေဟောဝါ​ရဲ့ နှစ်သက်မှု​ ရ​လို​တဲ့​ ဆန္ဒ၊ သားတော်ကို တုပ​လို​တဲ့​ ဆန္ဒ တိုးများ​လာအောင် ဆုတောင်း​ပါ။ (ဆ ၄၀:၈။ မ ၂၀:၂၈။ ဟီ ၁၀:၇) အဲဒီနောက် ပြည့်မီ​ဖို့​ လို​တဲ့ မိသားစု​တာဝန်၊ လောက​အလုပ်၊ အကြွေး စ​တာ​တွေ ရှိမရှိ သုံးသပ်ပါ။ ပြုပြင်​ပြောင်းလဲမှုတချို့​ လုပ်ပြီး အရည်အချင်း​ ပြည့်မီ​ဖို့ ကြိုးစား​နိုင်​မလား။

သင်တန်းဆင်း​ပြီး​နောက်ပိုင်း ဘယ်​တာဝန်​တွေ ရနိုင်သလဲ။ တချို့​သူတွေက ဘာသာ​ခြား​စကားပြော​တဲ့ ဒေသ​တွေ​မှာ အမှုဆောင်ဖို့ တာဝန်​ရတယ်။ မြို့ကြီး​တွေ​မှာ အများ​ရှေ့ အထူးသက်သေခံဖို့ တာဝန်​ရတယ်။ တချို့​ကျ​တော့ နောက်ပိုင်း​မှာ အရန်​တိုက်နယ်​ကြီးကြပ်မှူး၊ တိုက်နယ်​ကြီးကြပ်မှူး၊ လယ်ကွင်း​သာသနာပြု​အဖြစ် အမှုဆောင်​ကြတယ်။ ယေဟောဝါ​ရဲ့​ အမှုတော်မှာ ပါဝင်​နိုင်​တဲ့ အလားအလာ​တွေ​ကို စဉ်းစား​တဲ့​အခါ ပရောဖက်​ ဟေရှာယရဲ့ စကားတွေ​အတိုင်း “ကျွန်တော်​ ရှိပါတယ်။ ကျွန်တော့်​ကို စေလွှတ်ပါ” လို့ ပြော​နိုင်​ကြ​ပါစေ။—ရှာ ၆:၈။

ရိတ်သိမ်းခြင်း​လုပ်ငန်းမှာ ပါဝင်​နေတဲ့ လယ်ကွင်း သာသနာပြု​များ ဗီဒီယိုကို​ကြည့်​ပြီး အောက်ပါ​မေးခွန်းတွေကို ဖြေပါ–

• လယ်ကွင်း​သာသနာပြုတွေကို ဘယ်လို ရွေး​သလဲ။

• လယ်ကွင်း​သာသနာပြုတွေ​ဟာ ဘယ်​အလုပ်​မွန်​တွေ လုပ်​နေကြ​သလဲ။

• သာသနာပြု​လုပ်ငန်းရဲ့ ကောင်းချီး​တချို့က ဘာတွေလဲ။