အမှုဆောင်လုပ်ငန်းမှာ ကျင့်သုံးပါ | အမှုဆောင်လုပ်ငန်းမှာ ပိုပျော်ရွှင်နိုင်ပုံ
ယေဟောဝါနဲ့ ဆက်ဆံရေးကောင်း ရှိဖို့ ကျမ်းစာသင်သားကို ကူညီပါ
ယေဟောဝါကို ချစ်ပြီး ဝတ်ပြုကိုးကွယ်တာကို ဘုရား အလိုရှိတယ်။ (မ ၂၂:၃၇၊ ၃၈) ဘုရားသခင်ကို ချစ်တဲ့ မေတ္တာက ကျမ်းစာသင်သားကို လိုအပ်တဲ့ ပြောင်းလဲမှုတွေ လုပ်ဖို့၊ အခက်အခဲတွေကို ကြံ့ကြံ့ခံ ရင်ဆိုင်ဖို့ ခွန်းအားပေးမယ်။ (၁ယ ၅:၃) ဘုရားသခင်ကို ချစ်တဲ့ မေတ္တာက နှစ်ခြင်းခံဖို့ သူတို့ကို လှုံ့ဆော်ပေးမယ်။
ကျမ်းစာသင်သားတွေကို ဘုရားသခင် ချစ်ကြောင်း သိမြင်လာအောင် ကူညီပေးပါ။ အောက်ပါမေးခွန်းတွေ မေးပါ– “ဒီအချက်က ယေဟောဝါအကြောင်း ဘာသင်ပေးသလဲ၊” ဒါမှမဟုတ် “သင့်ကို ဘုရားသခင် ချစ်တယ်ဆိုတာ ဒီအချက်က ဘယ်လို ဖော်ပြသလဲ။” သင်သားကို ယေဟောဝါ ကူညီပေးနေမှန်း သိမြင်လာအောင် ကူညီပေးပါ။ (၂ရ ၁၆:၉) ကိုယ့်ရဲ့ ဆုတောင်းချက်ကို ယေဟောဝါ ဘယ်လို အဖြေပေးတယ်ဆိုတာ ပြောပြပါ။ သင်သားတွေရဲ့ ဆုတောင်းချက်ကို ဘုရား ဘယ်လို အဖြေပေးတယ်ဆိုတာ သတိပြုဖို့ အားပေးပါ။ ကျမ်းစာသင်သားတွေ ယေဟောဝါရဲ့ မေတ္တာကို သိမြင်လာပြီး ယေဟောဝါကို ချစ်လာတဲ့အခါ၊ ဘုရားနဲ့ ရင်းနှီးချင်မှန်း မြင်တွေ့ရတဲ့အခါ တကယ်ရွှင်လန်းပါလိမ့်မယ်။
ယေဟောဝါနဲ့ ဆက်ဆံရေးကောင်းရှိဖို့ ကျမ်းစာသင်သားကို ကူညီပါ ဗီဒီယိုကို ကြည့်ပါ။ ပြီးတဲ့နောက် အောက်ပါမေးခွန်းတွေကို ဖြေပါ–
-
ဂျက်စမင်မှာ ဘာအတားအဆီး ရှိသလဲ။
-
ဂျက်စမင်ကို နီတာ ဘယ်လို ကူညီပေးသလဲ။
-
အတားအဆီးကို ဂျက်စမင် ဘယ်လို အောင်မြင်သွားသလဲ။