• ဆ ၁၇:၈—“ကိုယ်တော်ရဲ့ မျက်ဆန်” ဆိုပြီး ဘာကြောင့် သုံးနှုန်းထားသလဲ။ (it-2 ၇၁၄)

  အဖြေ

• ဒီအပတ် ကျမ်းစာဖတ်တာကနေ ဘယ်ဘုရားရေးရာ ရတနာတွေ ဝေမျှချင်သလဲ။

  အဖြေ

ယေရှုရဲ့အမိန့်ကို နာခံတဲ့အနေနဲ့ မတ် ၂၄၊ တနင်္ဂနွေနေ့မှာ ယေရှုရဲ့ သေခြင်း အောက်မေ့ရာနေ့ကို ကျင်းပပါမယ်။ လူ့သမိုင်းတစ်လျှောက်မှာ အကြီးမားဆုံး မေတ္တာပြသခဲ့သူနှစ်ဦးကို သတိရအောက်မေ့ဖို့ပါ။ (လု ၂၂:၁၉။ ယဟ ၃:၁၆။ ၁၅:၁၃) ဒီအထူးအခါသမယအတွက် ဘယ်လို ပြင်ဆင်နိုင်သလဲ။

• အထူးဟောပြောချက်နဲ့ အောက်မေ့ရာနေ့အစီအစဉ်ကို လာတက်ဖို့ ဖိတ်ခေါ်တဲ့ ကင်ပိန်းမှာ အင်တိုက်အားတိုက် ပါဝင်နိုင်တယ်။ ဖိတ်ချင်သူတွေကို စာရင်းပြုစုပါ။ သူတို့ထဲက တစ်ယောက်ယောက်က ကိုယ့်အမှုဆောင်ရပ်ကွက်ထဲက မဟုတ်ရင် သူ့ဒေသမှာ အစည်းအဝေး ကျင်းပတဲ့ အချိန်နဲ့နေရာကို သိဖို့ jw.org မှာ ကြည့်နိုင်တယ်။

• မတ်နဲ့ဧပြီလမှာ အမှုဆောင်လုပ်ငန်းကို တိုးချဲ့နိုင်တယ်။ ၁၅ နာရီ ဒါမှမဟုတ် နာရီ ၃၀ နဲ့ အရန်ရှေ့ဆောင် လုပ်ကြမလား။

• ယေရှုရဲ့ မြေကြီးအသက်တာ နောက်ဆုံးအပတ်အတွင်း ဖြစ်ပျက်ခဲ့တဲ့ အရေးကြီးဖြစ်ရပ်တွေအကြောင်း မတ် ၁၈ ရက်နေ့ကစပြီး လေ့လာသုံးသပ်နိုင်တယ်။ စာမျက်နှာ ၆-၇၊ “၂၀၂၄ အောက်မေ့ရာနေ့ ကျမ်းစာဖတ်ရှုခြင်း ဇယား” ထဲက အကြောင်းအရာတွေကို မိသားစုလိုက် တစ်နေ့ ဘယ်လောက်ဖတ်မယ်ဆိုတာ ဆုံးဖြတ်နိုင်တယ်။

• jw.org မှာတင်ထားတဲ့ အထူးနံနက်ဝတ်ပြုမှုကို အောက်မေ့ရာနေ့မှာ ကြည့်ပါ။

• အောက်မေ့ရာနေ့မှာ လူသစ်တွေနဲ့ မလှုပ်ရှားသူတွေကို လှိုက်လှိုက်လှဲလှဲ ဖိတ်ခေါ်ပါ။ သူတို့တစ်ခုခု မေးလာရင် ဖြေပေးပါ။ သူတို့ဆီ လည်ပတ်ပြီး ဆက်ကူညီပေးနိုင်ဖို့ စီစဉ်ပါ။

• အောက်မေ့ရာနေ့ မတိုင်ခင်နဲ့ပြီးနောက် ရွေးနုတ်ဖိုးအကြောင်း တွေးတောဆင်ခြင်ပါ။

လူအားလုံးနဲ့ဆိုင်တဲ့ ယေရှုရဲ့ သေခြင်း ဗီဒီယိုပြပါ။ ပြီးနောက် ပရိသတ်ကို မေးပါ–

အောက်မေ့ရာကင်ပိန်းအတွင်း ဒီဗီဒီယိုကို ဘယ်လို အသုံးပြုနိုင်သလဲ။