မေတ္တာဟာ မိသားစုကို စည်းလုံး​တွယ်ကပ်​နေ​စေ​တဲ့ ကော် ဖြစ်ပါ​တယ်။ မေတ္တာ​ မရှိတဲ့ မိသားစုဟာ စည်းလုံး​ညီညွတ်မှု မရှိ​နိုင်ဘူး။ မိသားစုမှာ လင်ယောက်ျား၊ ဇနီးသည်​နဲ့ မိဘတွေ ဘယ်လို မေတ္တာပြ​နိုင်​သလဲ။

မေတ္တာ​ရှိတဲ့ လင်​ယောက်ျားဟာ ဇနီးသည်​ရဲ့ လိုအပ်ရာ​တွေ၊ ရှုမြင်ပုံ​တွေ၊ ခံစားချက်​တွေ​ကို ထည့်​စဉ်းစား​တယ်။ (ဧ ၅:၂၈၊ ၂၉) မိသားစုရဲ့ ဝတ်ပြုရေး​နဲ့ ကာယရေး​ လိုအပ်ရာ​တွေ​ကို ထောက်ပံ့​ပေး​တယ်။ မိသားစု​ဝတ်ပြုမှု အစီအစဉ်ကို ပုံမှန်​ လုပ်ပေးတယ်။ (၁တိ ၅:၈) မေတ္တာ​ရှိတဲ့ ဇနီးသည်​ဟာ လင်ယောက်ျား​ကို လက်အောက်ခံ​တယ်၊ “အလွန်​ ရိုသေ” တယ်။ (ဧ ၅:၂၂၊ ၃၃။ ၁ပ ၃:၁-၆) အချင်းချင်း ကြည်ကြည်ဖြူဖြူ ခွင့်လွှတ်​ရမယ်။ (ဧ ၄:၃၂) မေတ္တာ​ရှိတဲ့ မိဘတွေဟာ သားသမီး​တစ်ယောက်စီ​ကို စိတ်ဝင်စား​တယ်။ ယေဟောဝါ​ကို ချစ်​လာအောင် သွန်သင်​ပေး​တယ်။ (တရ ၆:၆၊ ၇။ ဧ ၆:၄) ကျောင်း​မှာ သားသမီးတွေ ဘာ​အခက်အခဲ​တွေ ရင်ဆိုင်​ရသလဲ။ ရွယ်တူချင်း​ဖိအား​ကို ဘယ်လို ဖြေရှင်း​နေသလဲ။ မိသားစုမှာ မေတ္တာ​နှောင်ကြိုး​ ရှိတယ်ဆိုရင် မိသားစုဝင်​အားလုံး လုံခြုံ​တယ်လို့ ခံစား​ရမယ်။

မိသားစု​အတွင်း အစဉ်​တည်​တဲ့​မေတ္တာ တင်ပြ​ပါ ဗီဒီယိုကို ကြည့်​ပါ။ ပြီး​နောက် အောက်ပါ​မေးခွန်းတွေကို ဖြေပါ။

• မေတ္တာ​ရှိတဲ့ လင်​ယောက်ျားဟာ ဇနီးသည်​ကို ဘယ်လို ကျွေးမွေး​ပြီး မြတ်နိုး​သလဲ။

• မေတ္တာ​ရှိတဲ့ ဇနီးသည်​ဟာ လင်ယောက်ျား​ကို ဘယ်လို အလွန်​ ရိုသေ​သလဲ။

• မေတ္တာ​ရှိတဲ့ မိဘတွေဟာ သားသမီးတွေကို ဘုရား​ရဲ့​ စကား​တွေ စိတ်စွဲ​မှတ်​သွား​အောင် ဘယ်လို သွန်သင်ပေး​သလဲ။