ခရစ်ယာန်အသက်တာလမ်းစဉ်
မလှုပ်မရှားဖြစ်နေသူကို အားပေးနိုင်
ဧပြီ ၁၁ ရက် သတိရအောက်မေ့ပွဲကို မလှုပ်မရှားဖြစ်နေသူတွေလည်း လာတက်ကြပါလိမ့်မယ်။ ယေဟောဝါဘုရားဆီ ပြန်လာပါ ဘရိုရှာမှာ ဖော်ပြထားတဲ့အတိုင်း တချို့ဟာ အသက်ပြေးပွဲကို စပြေးခဲ့ကြပေမဲ့ အကြောင်းအမျိုးမျိုးကြောင့် အရှိန်လျော့သွားသူတွေ ဖြစ်တယ်။ (ဟေဗြဲ ၁၂:၁) မလှုပ်မရှားဖြစ်သွားသူတွေဟာလည်း သားတော်ရဲ့အသွေးနဲ့ ဝယ်ထားသူတွေဖြစ်ပြီး ယေဟောဝါအတွက် အဖိုးတန်သူတွေ ဖြစ်နေတုန်းပါပဲ။ (တ. ၂၀:၂၈။ ၁ ပေ. ၁:၁၈၊ ၁၉) အသင်းတော်ဆီ သူတို့ပြန်လာဖို့ ဘယ်လို ကူညီပေးနိုင်မလဲ။
သိုးထိန်းက သိုးအုပ်ကနေ လမ်းလွဲသွားတဲ့သိုးကို ကြိုးစားရှာဖွေသလို အသင်းတော် အကြီးအကဲတွေလည်း မလှုပ်မရှားဖြစ်နေတဲ့ ခရစ်ယာန်တွေကို ကူညီပေးဖို့ ရှာဖွေကြတယ်။ (လု. ၁၅:၄-၇) ဒါက ယေဟောဝါရဲ့ မေတ္တာပါ ဂရုစိုက်မှုကို တင်ပြတာဖြစ်တယ်။ (ယေ. ၂၃:၃၊ ၄) အကြီးအကဲတွေသာမဟုတ်ဘဲ ကျွန်တော်တို့အားလုံး သူတို့ကို အားပေးနိုင်ပါတယ်။ ကျွန်တော်တို့တင်ပြတဲ့ ကြင်နာမှုနဲ့ ကိုယ်ချင်းစာနာမှုကို ယေဟောဝါ နှစ်သက်ပြီး ဆုချမှာဖြစ်တယ်။ (သု. ၁၉:၁၇။ တ. ၂၀:၃၅) ဒါကြောင့် ဘယ်သူ့ကို အားပေးနိုင်မလဲလို့ စဉ်းစားပြီး ချက်ချင်း လုပ်ဆောင်လိုက်ပါ။
မလှုပ်မရှားဖြစ်နေသူကို အားပေးပါ ဗီဒီယိုကိုပြပြီး အောက်ပါမေးခွန်းတွေကို ဆွေးနွေးပါ။
-
ညီအစ်မ အက်ဘီက မလှုပ်မရှားဖြစ်နေတဲ့ သက်သေခံတစ်ယောက်ကို တွေ့တဲ့အခါ ဘယ်လို အစပြုလုပ်ဆောင်သလဲ။
-
မလှုပ်မရှားဖြစ်သူကို ကူညီပေးဖို့ စဉ်းစားတဲ့အခါ ဘာကြောင့် အကြီးအကဲတွေကို မေးသင့်သလဲ။
-
ညီအစ်မ အက်ဘီက လော်ရာဆီကို ဒုတိယအကြိမ်ပြန်သွားဖို့ ဘယ်လိုပြင်ဆင်သလဲ။
-
လော်ရာကို အားပေးတဲ့အခါ အက်ဘီဟာ လက်မလျှော့ဘဲ စိတ်ရှည်ရှည်နဲ့ ဘယ်လို မေတ္တာပြခဲ့သလဲ။
-
လုကာ ၁၅:၈-၁၀ မှာပါတဲ့ ယေရှုရဲ့ ပုံဥပမာကနေ ဘာသင်ယူနိုင်သလဲ။
-
လော်ရာကို ပူးပေါင်းကူညီပေးကြတဲ့အတွက် ဘယ်လိုကောင်းချီးတွေ ခံစားခဲ့ရသလဲ။