ပေါလုနဲ့ သိလ​ဟာ ထောင်ကျ​နေချိန်မှာ ဘုရားသခင်ကို ချီးမွမ်းသီချင်း​ဆို​ခဲ့တယ်။ (တ. ၁၆:၂၅) နာ​ဇီ ဂျာမနီ​ခေတ်​က ဇက်​စင်​ဟောင်​စင် ချွေးတပ်စခန်း​မှာ​နဲ့ ဆိုက်​ဘေး​ရီး​ယား​ကို ပြည်နှင်ဒဏ်​ခံရ​ချိန်မှာ ယုံကြည်သူချင်းတွေ​ဟာ နိုင်ငံတော်​သီချင်း​တွေ သီဆို​ခဲ့ကြတယ်။ ဒီ​သီချင်း​တွေ​က စမ်းသပ်ခံရ​တဲ့ ခရစ်ယာန်တွေကို သတ္တိရှိ​စေတယ်​ဆိုတာ ဖော်ပြတယ်။

မကြာခင်၊ ယေဟောဝါကို ‘ရွှင်လန်းစွာ တေးသီကျူး​ကြ’ သီချင်း​စာအုပ်​အသစ်​ကို ဘာသာစကား​တချို့​နဲ့ ရရှိ​တော့မယ်။ အဲဒီ​စာအုပ်​ရ​ရင် မိသားစုဝတ်ပြုမှု​မှာ သီချင်း​တွေကို လေ့ကျင့်​ပြီး စာသားတွေ​ကို အလွတ်​ရ​အောင် ကြိုးစားပါ။ (ဧ. ၅:၁၉) စမ်းသပ်ခံရ​တဲ့အခါ သီချင်း​တွေကို ပြန်​မှတ်မိ​ဖို့ စွမ်းအားတော် ကူညီပေး​လိမ့်မယ်။ နိုင်ငံတော်​သီချင်း​တွေ​က မျှော်လင့်ချက် မပျောက်​သွား​အောင် ကူညီပေးမယ်။ စမ်းသပ်ခံရ​တဲ့အခါ အားရှိ​စေမယ်။ စိတ်ပျော်​နေတဲ့ အချိန်​မှာ အားရှိ​စေတဲ့ စာသားတွေ​က ယေဟောဝါကို ‘ရွှင်လန်းစွာ သီချင်းဆို’ ချီးမွမ်း​စေတယ်။ (ဆာ. ၃၃:၁-၃။ ၅ ရာ. ၁၅:၁၆) နိုင်ငံတော်​သီချင်း​တွေကို အကျိုးရှိရှိ အသုံးပြု​ကြစို့။

အားတက်စေ​တဲ့ သီချင်း​တစ်ပုဒ် ဗီဒီယိုကို ကြည့်ပါ။ ပြီးနောက် အောက်ပါ​မေးခွန်းတွေကို ဖြေပါ–

• ညီအစ်ကို ဖရော့စ်​ဟာ ဘယ်​အခြေအနေ​ကြောင့် သီချင်း ရေးစပ်​ဖြစ် သွား​သလဲ။

• ဇက်​စင်​ဟောင်​စင် ချွေးတပ်စခန်း​မှာရှိတဲ့ ညီအစ်ကိုတွေ​ကို အဲဒီ​သီချင်း​က ဘယ်လို အားရှိ​စေ​သလဲ။

• နေ့စဉ်​ကြုံရတဲ့ ဘယ်လို​အခြေအနေ​မျိုးမှာ နိုင်ငံတော်​သီချင်း​တွေ​က သင့်ကို အားရှိ​စေ​သလဲ။

• ဘယ်​နိုင်ငံတော်​သီချင်း​ကို အလွတ်​ရ​ချင်​သလဲ။