ဘယ်သူ​တွေကို​လဲ။ လူသစ်​ဖြစ်ဖြစ်၊ လူဟောင်း​ဖြစ်ဖြစ် အစည်းအဝေး​လာ​တက်​တဲ့ ဘယ်သူ​ကို​မဆို ကြိုဆို​ရမယ်။ (ရော. ၁၅:၇။ ဟေဗြဲ ၁၃:၂) တခြား​နိုင်ငံ​က​နေ လာလည်​ပတ်​တဲ့ ညီအစ်ကို ညီအစ်မ​တွေ ဖြစ်နိုင်​သလို မ​တက်​တာ​ကြာ​ပြီ​ဖြစ်တဲ့ မ​လှုပ်​မ​ရှား​သူ​လည်း ဖြစ်နိုင်တယ်။ သင်​သာ အဲဒီ​လို​ကြိုဆို​ခံရ​ရင် ဘယ်လို​ခံစားရ​မလဲ။ (မ. ၇:၁၂) ခန်းမ​ကို ကြို​သွားပြီး အစည်းအဝေး မစ​ခင်​နဲ့ အပြီး​မှာ တခြားသူတွေကို လိုက်​နှုတ်ဆက်​ဖို့ ကြိုးစား​နိုင်မလား။ ဒီလို​လုပ်တာ​က နွေးထွေးမှု​ရှိစေ​ပြီး ယေဟောဝါကို ဂုဏ်တင်ရာ​ရောက်​တယ်။ (မ. ၅:၁၆) စည်းဝေး​လာ​တက်​သူ ယောက်တိုင်း​ကို ကိုယ်တိုင်​နှုတ်ဆက်​နိုင်မှာ မဟုတ်​ပေ​မဲ့ ညီအစ်ကို ညီအစ်မ​အားလုံး ကြိုဆို​မယ်ဆိုရင် အကုန်လုံး​ကို နှုတ်ဆက်​မိ​ပါလိမ့်မယ်။ *

ကြိုဆို​နှုတ်ဆက်​တာ​ကို သတိရအောက်မေ့ပွဲ​လို အထူး​အချိန်အခါ​မှ မဟုတ်​ဘဲ အမြဲတမ်း လုပ်​ရမယ်။ အစည်းအဝေး​လာ​တက်​တဲ့ လူသစ်​တွေ​က ခရစ်ယာန်​မေတ္တာကို ခံစားရ​တဲ့အခါ ဘုရားသခင်ကို ချီးမွမ်း​ပြီး စစ်မှန်​တဲ့​ဝတ်ပြုရေး​မှာ ပါဝင်ချင်စိတ် ရှိလာ​နိုင်တယ်။—ယော. ၁၃:၃၅။