ဘာကြောင့်​အရေးကြီး– သွန်သင်ခြင်း​မှာ​သုံးတဲ့ စာပေ​တိုင်းမှာ jw.org ကို ညွှန်ပြ​ထားတယ်။ ဒါကြောင့် ဘဝနဲ့​ပတ်သက်တဲ့ မေးခွန်းတွေ​ရဲ့ အဖြေကို ဘယ်မှာ ရှာတွေ့နိုင်​မလဲ ဝေစာ​နဲ့ လိပ်စာကတ်​ရဲ့ ရည်ရွယ်ချက်​က လူတွေကို အဖွဲ့အစည်းရဲ့ ဝက်ဘ်ဆိုက်​ဆီ လမ်းညွှန်​ဖို့​ဖြစ်တယ်။ jw.org ကိုသုံးပြီး အီးမေးလ်နဲ့ စာပေ​တစ်ခုခု ပို့ပေး​ခြင်း၊ ဒါမှမဟုတ် လင့် (link) တစ်ခု ပို့ပေး​ခြင်းအားဖြင့် စာပေ​ဝေငှ​နိုင်ပါတယ်။ အထူးသဖြင့် ဘာသာခြား​စကားပြော​သူကို သက်သေခံ​ရာ​မှာ ဒီနည်း​က အထောက်အကူ​ဖြစ်တယ်။ ဒါ့အပြင် စာပေတွေမှာ အဖြေ​မပါတဲ့ မေးခွန်း​မျိုး လူတွေ မေး​လာနိုင်တယ်။ အဲဒီအခါ ဝက်ဘ်ဆိုက်​မှာ ရှာဖွေ​နိုင်​ရင် အမှုဆောင်လုပ်ငန်းမှာ ပို​ထိရောက်​နိုင်တယ်။

လုပ်ဆောင်​နိုင်ပုံ–

• “သမ္မာကျမ်းစာ သွန်သင်ချက်များ” အပိုင်းကို သုံးပါ။ သားသမီး ပြုစု​ပျိုးထောင်​ခြင်း​အကြောင်း ပို​သိချင်တဲ့ မိဘ​တစ်ယောက်ကို သက်သေခံ​တ​ယ် ဆိုပါစို့။ သမ္မာကျမ်းစာ သွန်သင်ချက်များ > အိမ်ထောင်ရေး​နဲ့ မိသားစု ကို​သွားပါ။

• “စာအုပ်​စာပေများ” အပိုင်းကို သုံးပါ။ ကျောင်းမှာ အတန်းဖော်​တစ်ယောက်ကို အလွတ်သဘော​သက်သေခံ​ရင်း လူငယ်များ​အမေး မေးခွန်း ၁၀ ခု​အတွက် အဖြေများ ဆိုတဲ့ စာစောင်​ကို ဝေမျှ​ချင်တယ် ဆိုပါစို့။ စာအုပ်​စာပေများ > စာအုပ်​စာစောင်​များ ကို​သွားပါ။

• “ကျွန်ုပ်တို့​အကြောင်း” အပိုင်းကို သုံးပါ။ ကျွန်တော်တို့ရဲ့ ယုံကြည်ချက်​အကြောင်း သိချင်တဲ့ အလုပ်ဖော်​တစ်ယောက်ကို သက်သေခံ​တ​ယ် ဆိုပါစို့။ ကျွန်ုပ်တို့​အကြောင်း > မေးလေ့​ရှိတဲ့ မေးခွန်းများ ကို​သွားပါ။

JW.ORG မှာ ရှာဖွေခြင်း ဗီဒီယိုကို ကြည့်ပါ။ ပြီးတဲ့နောက် အောက်ပါ​ပုဂ္ဂိုလ်တွေ​ကို တွေ့​တဲ့အခါ ကူညီ​ပေးဖို့ ဝက်ဘ်ဆိုက်​ရဲ့ ဘယ်​နေရာမှာ ရှာ​မလဲ​ဆိုတာ စဉ်းစားပါ–

• ဘုရားမဲ့ဝါဒီ​တစ်ယောက်

• မကြာသေးခင်က အဖြစ်ဆိုး​ကြုံခဲ့ရ​သူ​တစ်ဦး

• မ​လှုပ်​မ​ရှား​ဖြစ်သွားတဲ့ ညီအစ်ကို/မ​တစ်ယောက်

• ကျွန်တော်တို့​လုပ်ငန်းကို ငွေကြေး​ထောက်ပံ့​ပုံ​အကြောင်း သိချင်တဲ့ ပြန်လည်ပတ်မှု

• သူ့​နိုင်ငံမှာ အစည်းအဝေးတက်​ချင်တဲ့ နိုင်ငံခြားသား​တစ်ယောက်