လုပ်သားတွေ ဂိုဒေါင်​ရှေ့မှာ ကွန်ကရစ်​လောင်း​နေကြတယ်။ အဲဒီ​နေရာမှာ ဆောက်လုပ်ရေး စက်ယန္တရား​တွေ အလုပ်​လုပ်မှာ ဖြစ်တယ်။

ကန်ထရိုက်တာ​တွေ အဆောက်အအုံ​ကို မိုး​နေကြတယ်။ ဒီ​အဆောက်အအုံ​ကို ဆောက်လုပ်ရေး​ကာလ​အတွင်း ရုံးခန်း​တွေ​နဲ့ စားသောက်ခန်း​အဖြစ် အသုံးပြုပါမယ်။

ပင်မ​ဝင်ပေါက်​မှာ လုပ်သား​တစ်ယောက်က သစ်ပင်တွေကို မြေ​တူး​စက်​နဲ့ ရှင်းလင်း​ဖယ်ရှား​နေပါတယ်။ သစ်ပင်တွေကို ခုတ်ဖြတ်​ပြီး မြေ​တူး​စက်​နဲ့ သယ်​ထုတ်တယ်။ ခုတ်​လိုက်တဲ့ သစ်ပင်​တွေ​အစား ထောင်နဲ့​ချီတဲ့ သစ်ပင်တွေကို ဥယျာဉ်​ခင်းကျင်း​သူတွေက စီမံကိန်း မပြီး​ခင် အပြီး စိုက်ပျိုး​ကြ​ရပါမယ်။

အရင်​ပိုင်ရှင်ရဲ့ မလိုအပ်တဲ့ ပစ္စည်းတွေကို လုပ်သားတွေ ဖယ်ရှား​နေတယ်။ ဒါမှ မြေကြီး သန့်စင်​သွားပြီး ပြန်​အသုံးပြုနိုင်​မယ်။

လုပ်သားတွေ​က ယာယီ​အခန်း​တွေကို ဝန်ချီစက်​နဲ့ သယ်​ပြီး နေရာချ​ဖို့ ပြင်ဆင်​နေပါတယ်။ ဆောက်လုပ်ရေး အမြဲတမ်း လုပ်သားတွေ​ရော ကန်ထရိုက်တာ​တွေ​ပါ ဒီ​ယာယီ​အခန်း​တွေကို ရုံးခန်း​တွေ၊ အလုပ်ခန်း​တွေ​အဖြစ် အသုံးပြုပါမယ်။

လုပ်သားတွေ​ဟာ ပြန်​အသုံးပြု​နိုင်တဲ့ ပစ္စည်းတွေကို အမျိုးအစား​အလိုက် ခွဲထား​ကြတယ်။ ဆောက်လုပ်ရေး စီမံကိန်း ကော်မတီက အန္တရာယ် မရှိတဲ့ စွန့်ပစ်​ပစ္စည်း ၉၅ ရာခိုင်နှုန်း​ကို တခြား​နေရာတွေမှာ ပြန်​အသုံးပြု​ဖို့ ပန်းတိုင်​ထား​ကြတယ်။ အခု​လောလောဆယ် ပန်းတိုင် ပြည့်မီ ကျော်လွန်​နေပါတယ်။ ဒါ့အပြင် အဆောက်အအုံ​ဟောင်း​တွေကို ဖြိုဖျက်​လို့ ရထားတဲ့ အုတ်၊ ကွန်ကရစ်၊ သစ်သား ၈၉ ရာခိုင်နှုန်း​ကို လုပ်ငန်းခွင် တခြား​နေရာတွေမှာ ပြန်​အသုံးပြုပါ​တယ်။

လုပ်သား​တစ်ယောက် ပိုက်လိုင်း​တစ်ခုကို မြေ​ပြန်​ဖို့​နေတယ်။ ဆောက်လုပ်ရေး​လုပ်သားတွေ ယာယီ​နေထိုင်ချိန်​အတွင်း ဒီ​ပိုက်လိုင်း​တွေကို အသုံးပြုပါမယ်။

မြေကွက်​အတွင်း အဆောက်အအုံ​တွေ​ကြား လမ်းဖောက်​တဲ့အခါ သုံးသင့်​တဲ့​မြေ ဟုတ်မဟုတ် သိနိုင်ဖို့ ကန်ထရိုက်တာ​တစ်ဦး မြေ​နမူနာ ယူ​နေပါတယ်။

၂၀၁၆၊ မေ ၃၁ ရက်​နေ့မှာ ယေဟောဝါသက်သေများရဲ့ အုပ်ချုပ်ရေး​အဖွဲ့က ဒီဇိုင်း​ကို ခွင့်ပြုခဲ့တယ်။ ဒီ​ခွင့်ပြုချက်​အပြင် ဒေသခံ​အာဏာပိုင်တွေ​ဆီက​လည်း ခွင့်ပြုချက် ရထား​ပြီ ဖြစ်လို့ ဆောက်လုပ်ရေး စီမံကိန်း​ကို အကောင်အထည် ဖော်​နိုင်ပြီ။

လုပ်သားတွေ​က မြေကြီး​ထဲ​က မလိုလား​အပ်​တဲ့ ပစ္စည်းတွေကို ဖယ်ထုတ်​ပြီး မြေ​သန့်​အောင် လုပ်ကြတယ်။ အဲဒီ​မြေ​သန့်​ကို ဘယ်​နေရာမှာ​မဆို အသုံးပြုနိုင်​ပြီ။ အဲဒီလိုလုပ်​ကြ​တဲ့​အတွက် မြေကြီးကို တူးထုတ်​ဖယ်ရှား​တဲ့ ကုန်ကျ​စရိတ်၊ မြေကြီး​အသန့် ဝယ်ယူ၊ မြေ​ဖို့​တဲ့ ကုန်ကျ​စရိတ်ကို သက်သာ​စေတယ်။

ပင်မ​ဝင်ပေါက် တည်ဆောက်ဖို့ လုပ်သားတွေ နေရာ ရှင်းလင်း​နေကြတယ်။ မိုး​ကြီးတဲ့​လ ဖြစ်လို့ မြေ​ပျော့​ပြီး ဗွက်ထ​နေပေမဲ့ အလုပ်​ဆက်​လုပ်ခဲ့ကြတယ်။

ဖုန်​သိပ်​စေဖို့ လမ်း​တွေကို ရေ​ဖျန်း​ပေး​ပါတယ်။ လုပ်ငန်းခွင်​ကို သန့်ရှင်း​သပ်ရပ်​စွာ ထားခြင်းက the Considerate Constructors Scheme အဖွဲ့အစည်းရဲ့ စည်းမျဉ်းတွေ​ထဲမှာ ပါတယ်။ အဲဒီ​အဖွဲ့အစည်းရဲ့ ညွှန်ကြားချက်တွေကို လိုက်နာ​ဖို့ ဆောက်လုပ်ရေး စီမံကိန်း ကော်မတီက မှတ်ပုံတင်​ထား​ထားတယ်။ အများ​ပြည်သူ​ကို လေးစားခြင်း၊ အိမ်နီးချင်းတွေကို ထောက်ထား​ခြင်းအားဖြင့် ကျမ်းစာ​အခြေခံ​မူ​နဲ့​အညီ လုပ်ဆောင်ဖို့ အဖွဲ့အစည်း​က အားပေးထား​ပါတယ်။

သတ္တု​လုပ်သား​တစ်ဦး လေ​အေး​ပေး ပိုက်​တွေ ထည့်​မယ့် သံဇကာ မြောင်း​ကို ချိတ်ဆွဲ​ဖို့ အရ​စ်​ဖော်​ထားတဲ့ သံချောင်း​တွေကို ဖြတ်​နေပါတယ်။

မြေကြီးနဲ့ ကျောက် ရော​နေတဲ့​မြေ ၂၀,၀၀၀ ကုဗ​မီတာ (၂၆,၀၀၀ ကုဗ​ကိုက်) ကို လုပ်သားတွေ​က ခွဲထုတ်​နေကြတယ်။ ဓာတ်ပုံ​အလယ်မှာ တွေ့ရတဲ့​အတိုင်း မြေကြီး​တွေကို မြေ​သယ်​ယာဉ် အငယ်စား​ပေါ် တင်​ပါတယ်။ အရွယ်အစား​အစုံ ဇ​ကာ​ကွက်​တွေ သုံးပြီး ကျောက်​တွေ စစ်ထုတ်​ပြီး အောက်​ဆုံး​မှာ မြေမှုန့်​တွေ​ပဲ ကျ​လာတယ်။ ကျောက်​စ​တွေကို သုံး​ဖက်​သုံး​တန်​မှာ ရှိတဲ့ မြေ​သယ်​ယာဉ်​တွေ​ဆီ ပို့​ပေးတယ်။

အဆောက်အအုံ​ဒီဇိုင်း​နဲ့ ကိုက်ညီ​တဲ့ မြေပြင် ဖြစ်စေဖို့ မြေ​အတော်များများကို ကန်ထရိုက်တာ​တွေ ရွှေ့​ပြောင်း​ပေး​ရတယ်။

ဓာတ်ပုံ ဝဲ​ဘက်​အလယ်မှာ တွေ့ရတဲ့​အတိုင်း ကန်ထရိုက်တာ​တွေ မြေကြီးကို ညှိ​ပေးပြီးပြီ ဖြစ်လို့ လူနေ​ဆောင် အုတ်မြစ်ကို စ​ချနိုင်​ပြီ။ ဓာတ်ပုံ​ဝဲ​ဘက် အနောက်ဘက်​ကျ​ကျ​မှာ ဆောက်လုပ်ရေး​လုပ်သား ၁၁၈ ယောက် နေထိုင်​နိုင်တဲ့ တည်ဆောက်​ပြီးသား ပံ့ပိုး​ရေး​လုပ်ငန်းခွင် လူနေ​ဆောင်​တွေကို တွေ့ရ​ပါတယ်။