ရပါတယ်။ အဖွဲ့အစည်းကနေ အောက်ပါ နည်းနှစ်နည်းနဲ့ နုတ်ထွက်နိုင်တယ်-

•   တရားဝင် တောင်းဆိုခြင်း။ ယေဟောဝါသက်သေအဖြစ် မခံယူလိုတော့ပါဆိုတဲ့ မိမိရဲ့ ဆုံးဖြတ်ချက်ကို နှုတ်နဲ့ဖြစ်စေ၊ စာနဲ့ဖြစ်စေ ဖော်ပြနိုင်တယ်။

•   လုပ်ရပ်။ ယေဟောဝါသက်သေ ကမ္ဘာချီ ညီအစ်ကိုအသင်းအပင်းအဝင် မဟုတ်ကြောင်း ဖော်ပြတဲ့ လုပ်ရပ်တစ်ခု လုပ်နိုင်တယ်။ (၁ ပေတရု ၅:၉) ဥပမာ၊ တခြားဘာသာနဲ့ ပူးပေါင်းပြီး အဲဒီဘာသာဝင် ဖြစ်ချင်တယ်ဆိုတာ အသိပေးမယ်။​—၁ ယောဟန် ၂:၁၉။

 မသတ်မှတ်ပါဘူး။ နုတ်ထွက်ခြင်း ဒါမှမဟုတ် အသင်းတော်နဲ့ အဆက်ဖြတ်ခြင်းဆိုတာ ယုံကြည်ခြင်း အားနည်းလာခြင်းနဲ့ မတူဘူး။ အချိန်ကာလတစ်ခုအထိ ဝတ်ပြုရေးမှာ အားနည်းလာသူ၊ မပါဝင်တော့သူ အများစုဟာ ယုံကြည်ခြင်းကို စွန့်လွှတ်သူတွေ မဟုတ်ကြဘူး။ စိတ်ဓာတ်ကျနေလို့ ဖြစ်တယ်။ သူတို့ကို ကြဉ်မယ့်အစား ကြင်ကြင်နာနာ ဖေးမကူညီပေးကြတယ်။ (၁ သက်သာလောနိတ် ၅:၁၄။ ယုဒ ၂၂) အကူအညီ လိုအပ်နေရင် အသင်းတော် အကြီးအကဲတွေက ဦးဆောင်ပြီး ဘုရားရေးရာ အကူအညီတွေ ပေးကြတယ်။​—ဂလာတိ ၆:၁။ ၁ ပေတရု ၅:၁-၃။

 ဒါပေမဲ့ သူ့ကို ယေဟောဝါသက်သေတစ်ဦးအဖြစ် ဆက်ရှိနေဖို့ အတင်းအကျပ် ဖိအားပေးတာမျိုး အကြီးအကဲတွေမှာ လုပ်ပိုင်ခွင့် မရှိဘူး။ ဘာသာရေးနဲ့ပတ်သက်လာရင် လူတိုင်း လွတ်လပ်စွာ ရွေးချယ်ခွင့် ရှိတယ်။ (ယောရှု ၂၄:၁၅) ဘုရားကို စိတ်စေတနာအပြည့်နဲ့ ဝတ်ပြုကိုးကွယ်ရမယ်လို့ ကျွန်တော်တို့ ယုံကြည်တယ်။​—ဆာလံ ၁၁၀:၃။ မဿဲ ၂၂:၃၇။