ကင်ညာနိုင်ငံ၊ နိုင်ရိုဘီမြို့က ဟိုတယ်မှာ ၂၀၁၉၊ ဇန်နဝါရီ ၁၅ ရက်နေ့တုန်းက တိုက်ခိုက်မှု ဖြစ်ပွားခဲ့ပြီး လူ ၂၁ ဦးထက်မနည်း သေဆုံးခဲ့တယ်။

ဌာနခွဲရုံးနဲ့ လေးမိုင် (ခုနစ် ကီလိုမီတာ) အကွာမှာ တိုက်ခိုက်မှု ဖြစ်ပွားခဲ့တာပါ။ တိုက်ခိုက်မှုကြောင့် ကြေညာသူတစ်ယောက်မှ ထိခိုက်ဒဏ်ရာရခြင်း၊ သေဆုံးခြင်း မရှိကြောင်း ကင်ညာဌာနခွဲရုံးကနေ သတင်းရရှိပါတယ်။ အခင်းဖြစ်ပွားတဲ့ ဒူးဆစ်ဟိုတယ်မှာ ညီအစ်ကို/မ ဆယ်ယောက်ကျော် အလုပ် လုပ်ကြတယ်။ တိုက်ခိုက်မှု ဖြစ်ချိန်မှာ ခုနစ်ယောက်က လုပ်ငန်းခွင်မှာ မရှိဘူး။ ကျန်တဲ့သူတွေကတော့ ဘေးလွတ်ရာကို ထွက်သွားနိုင်ခဲ့ကြတယ်။ ညီအစ်ကို တစ်ယောက်နဲ့ ညီအစ်မတစ်ယောက်ဟာ ၁၂ နာရီကြာ ပုန်းအောင်းပြီးမှ ဘေးလွတ်ရာကို ထွက်သွားနိုင်ကြတယ်။

တိုက်နယ်ကြီးကြပ်မှူးတွေနဲ့ ဒေသခံ အကြီးအကဲတွေဟာ ဘေးသင့်ညီအစ်ကို/မတွေကို ကျမ်းစာနဲ့ အားပေးကူညီပေးနေကြပါတယ်။ ဒီခက်ခဲချိန်အတွင်း ညီအစ်ကို/မတွေကို ယေဟောဝါ ဆက်နှစ်သိမ့်ပေးဖို့ ကျွန်တော်တို့ ဆုတောင်းပေးပါတယ်။—၂ ကောရိန္သု ၁:၃၊ ၄။