ကနေဒါနိုင်ငံ နယူးဘရန်စဝစ်၊ အွန်တာရီယိုနဲ့ ကွီဘက်ပြည်နယ်မှာ ရေကြီးမှုကြောင့် လူထောင်ချီ အိုးအိမ်စွန့်ခွာကြရတယ်။ ကွီဘက်ပြည်နယ်တစ်ခုမှာပဲ လူ ၉,၀၀၀ လောက် အိုးအိမ်စွန့်ခွာကြရတယ်။

ကွီဘက်ပြည်နယ်က ကျွန်တော်တို့ရဲ့ ညီအစ်ကို/မ ၄၄ ယောက်ရဲ့ အိမ်တွေ ထိခိုက်ပျက်စီးသွားကြောင်း ကနေဒါဌာနခွဲရုံးက သတင်းရပါတယ်။ နယူးဘရန်စဝစ်နဲ့ အွန်တာရီယိုပြည်နယ်က ထိခိုက်မှုသတင်း မရသေးပေမဲ့ ဆက်ပြီး ရေကြီးနေပါတယ်။

ကွီဘက် ဘေးသင့်ဒေသက တိုက်နယ်ကြီးကြပ်မှူးတွေဟာ ဒေသခံအကြီးအကဲတွေနဲ့အတူ ကြေညာသူတွေဆီ လည်ပတ်အားပေးနေကြတယ်။ ဌာနခွဲက ကိုယ်စားလှယ်တစ်ယောက်လည်း အဆိုးဆုံး ရေဘေးသင့် ဒေသတွေကို လည်ပတ်ပြီး ကျမ်းစာနဲ့ အားပေးနှစ်သိမ့်ပေးတယ်။ ဘိုစ်ဒေသက ညီအစ်ကို/မတွေဟာ ရေကြီးနစ်မြုပ်သွားတဲ့ ညီအစ်ကို/မတွေရဲ့ အိမ် ၂၀ ထဲက ရွှံ့တွေကို ဖယ်ရှားရှင်းလင်းပေးပြီးပါပြီ။ စိန့်မာရှယ်လယ်လာ့ခ်မြို့မှာ သဘာဝဘေး ကယ်ဆယ်ရေး ကော်မတီတစ်ခု ဖွဲ့စည်းထားပြီး နေအိမ်ပျက်စီးသွားသူတွေကို ကူညီပေးနေပါတယ်။

‘ခွန်အား၊ အစွမ်းသတ္တိ’ ဖြစ်တဲ့ ယေဟောဝါကို ရေဘေးသင့် ညီအစ်ကို/မတွေ ဆက်ယုံကြည်ကိုးစားဖို့ ကျွန်တော်တို့ ဆုတောင်းပေးကြပါတယ်။—ထွက်မြောက်ရာ ၁၅:၂။